ತೂಕ ಇಳಿಸಲು ಮೊಸರು ಅಥವಾ ಹಾಲು? ಯಾವುದು ಉತ್ತಮ?

ಜೀರ್ಣಕ್ರಿಯೆಗೆ ಒಳ್ಳೆಯದು

ಮೊಸರಿನಲ್ಲಿ ಇರುವಂತಹ ಬ್ಯಾಕ್ಟೀರಿಯಾವು ನಮ್ಮ ಜೀರ್ಣಕ್ರಿಯೆಗೆ ತುಂಬಾ ಸಹಕಾರಿಯಾಗಿರಲಿದೆ. ಇದೇ ಕಾರಣದಿಂದಾಗಿ ನಾವು ಅನಾರೋಗ್ಯಕ್ಕೆ ಒಳಗಾದ ವೇಳೆ ಮೊಸರು ಹಾಗೂ ಅನ್ನ ಸೇವಿಸಲು ಹೇಳುವರು. ಹಾಲನ್ನು ದೂರಿವಿರಿಸಲಾಗುವುದು. ಮೊಸರಿನಿಂದ ಮಾಡಿರುವಂತಹ ಹಣ್ಣಿನ ಸ್ಮೂಥಿಯು ವ್ಯಾಯಾಮದ ಬಳಿಕ ಸೇವನೆಗೆ ಇದು ಅತ್ಯುತ್ತಮವಾಗಿರುವುದು.

ಆರೋಗ್ಯಕಾರಿ ಹೊಟ್ಟೆಗಾಗಿ

ಆಹಾರ ಕ್ರಮದಲ್ಲಿ ಹೆಚ್ಚಾಗಿ ಸಂಸ್ಕರಿತ ಆಹಾರ ಸೇವನೆ ಮಾಡುವ ಕಾರಣದಿಂದಾಗಿ ಹೊಟ್ಟೆಯ ಸಮಸ್ಯೆಗಳು ಕಂಡುಬರುವುದು ಹೆಚ್ಚು. ಮೊಸರಿನ ಸ್ಮೂಥಿಗೆ ಪಾಲಕದಂತಹ ತರಕಾರಿ ಹಾಕಿಕೊಳ್ಳುವುದು ಹೊಟ್ಟೆಗೆ ತುಂಬಾ ಒಳ್ಳೆಯದು. ಇದನ್ನು ಎರಡು ದಿನಕ್ಕೊಮ್ಮೆ ಸೇವಿಸಬೇಕು.

Most Read: ದೇಹದ ತೂಕ ಇಳಿಸಿಕೊಳ್ಳಲು ಬಯಸುವಿರಾ? ಅನ್ನ ಸೇವಿಸುವಾಗ ಈ ಸಂಗತಿಗಳು ನೆನಪಿರಲಿ

ಹಾಲು ಮತ್ತು ಹಣ್ಣುಗಳು ಜತೆಯಾಗಿ ಸರಿ ಹೊಂದಿಬರಲ್ಲ

ಹಾಲು ನಿಮ್ಮ ದೇಹಕ್ಕೆ ಕೆಟ್ಟದು ಎಂದು ಹೇಳುತ್ತಿಲ್ಲ. ಆದರೆ ಹಣ್ಣುಗಳು ಮತ್ತು ತರಕಾರಿಗಳ ಜತೆಗೆ ಹಾಲನ್ನು ಸೇರಿಸಿಕೊಂಡಾಗ ಅದು ಒಳ್ಳೆಯದಲ್ಲ. ನೀವು ಹಾಲಿನೊಂದಿಗೆ ಪಪ್ಪಾಯಿ ಸೇವನೆ ಮಾಡಿದರೆ ಅದರಿಂದ ಹೊಟ್ಟೆಯಲ್ಲಿ ತಳಮಳ ಶುರುವಾಗಬಹುದು. ಹಾಲನ್ನು ಹಾಗೆ ಸೇವಿಸಿದರೆ ಒಳ್ಳೆಯದು. ಇತರ ವಸ್ತುಗಳೊಂದಿಗೆ ಅದರ ಸೇವನೆ ಮಾಡಿದರೆ ಅದು ಸರಿ ಹೊಂದಿ ಬರಲ್ಲ.

ಮೊಸರು ಪ್ರೊಬಯೊಟಿಕ್

ಜೀರ್ಣಕ್ರಿಯೆ ವ್ಯವಸ್ಥೆಗೆ ಪ್ರೊಬಯೊಟಿಕ್ ಅತೀ ಅಗತ್ಯವಾಗಿ ಬೇಕು. ಮೊಸರು ತುಂಬಾ ಅಗ್ಗ ಮತ್ತು ಸುಲಭವಾಗಿ ಸಿಗುವಂತಹ ಪ್ರೊಬಯೊಟಿಕ್ ಆಗಿದೆ. ನಿಮ್ಮ ಜೀರ್ಣಕ್ರಿಯೆ ವ್ಯವಸ್ಥೆಯನ್ನು ಆರೋಗ್ಯವಾಗಿ ಇಡಬೇಕು ಎಂದಾದರೆ ಆಗ ನೀವು ಮೊಸರಿನ ಸ್ಮೂಥಿಯನ್ನು ತಯಾರಿಸಿಕೊಂಡು ಸೇವನೆ ಮಾಡಿದರೆ ತುಂಬಾ ಒಳ್ಳೆಯದು.

Most Read: ಕೆಮ್ಮು ಹಾಗೂ ಎದೆಯಲ್ಲಿ ಕಫ ಹೆಚ್ಚಾಗಿದ್ದರೆ- ಒಂದು ಗ್ಲಾಸ್ ಅನಾನಸ್ ಜ್ಯೂಸ್ ಕುಡಿಯಿರಿ

ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವವರಿಗೆ ಅತ್ಯುತ್ತಮ

ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವಂತಹ ಜನರಿಗೆ ದೊಡ್ಡ ಸಮಸ್ಯೆಯೆಂದರೆ ಅವರಿಗೆ ಆಹಾರದ ಆಯ್ಕೆಯು ತುಂಬಾ ಕಡಿಮೆ ಆಗಿರುವುದು. ಸ್ಮೂಥಿಯನ್ನು ಸೋಯಾ ಮೊಸರು, ಗ್ರೀಕ್ ಮೊಸರು ಅಥವಾ ಬಾದಾಮಿ ಮೊಸರಿನಿಂದ ತಯಾರಿಸಿಕೊಳ್ಳಬಹುದು. ಲ್ಯಾಕ್ಟೋಸ್ ಅಸಹಿಷ್ಣುತೆ ಹೊಂದಿರುವ ಜನರಿಗೆ ಇದರಿಂದ ನೆರವಾಗುವುದು ಮತ್ತು ದೇಹಕ್ಕೆ ಬೇಕಾಗುವಂತಹ ಪ್ರಮುಖ ಪೋಷಕಾಂಶಗಳು ಕೂಡ ಇದರಿಂದ ಲಭ್ಯವಾಗುವುದು.