ಅಂಡರ್ ಆ್ಯಕ್ಟಿವ್ ಥೈರಾಯ್ಡ್ ಸಮಸ್ಯೆಯಿಂದ ಹೆಚ್ಚಾದ ತೂಕ ಇಳಿಕೆಗೆ ಸಲಹೆಗಳು

ಔಷಧಿ ಸರಿಯಾದ ಸಮಯದಲ್ಲಿ ಸೇವಿಸಿ

ದೇಹದಲ್ಲಿ ಥೈರಾಯ್ಡ್ ಮಟ್ಟವನ್ನು ಸರಿಯಾದ ಕ್ರಮದಲ್ಲಿ ಇಟ್ಟುಕೊಳ್ಳಲು ನಿಮಗೆ ವೈದ್ಯರು ಮಾತ್ರೆಗಳನ್ನು ನೀಡಿರಬಹುದು. ನೀವು ಈ ಪರಿಸ್ಥಿತಿಯನ್ನು ನಿಯಂತ್ರಣ ಮಾಡಲು ವೈದ್ಯರು ಸೂಚಿಸಿರುವಂತಹ ಎಲ್ಲಾ ರೀತಿಯ ಔಷಧಿಯನ್ನು ಸರಿಯಾದ ಕ್ರಮದಲ್ಲಿ ತೆಗೆದುಕೊಳ್ಳಬೇಕು. ಥೈರಾಯ್ಡ್ ಹಾರ್ಮೋನ್ ನ್ನು ಸಾಮಾನ್ಯ ಮಟ್ಟಕ್ಕೆ ತಲುಪಿಸಲು ಔಷಧಿಯನ್ನು ಸೂಕ್ತ ವೇಳೆಯಲ್ಲಿ ತೆಗೆದುಕೊಳ್ಳುವುದು ಅತೀ ಅಗತ್ಯವಾಗಿರುವುದು. ಸರಿಯಾದ ರೀತಿಯ ಔಷಧದ ಕ್ರಮ, ಆಹಾರ ವಿಧಾನ ಮತ್ತು ಇತರ ಕೆಲವೊಂದು ಕ್ರಮಗಳಿಂದಾಗಿ ಈ ಪರಿಸ್ಥಿತಿಯನ್ನು ನಿಯಂತ್ರಿಸಬಹುದು. ನಿಮ್ಮದೇ ಆಗಿರುವಂತಹ ಯಾವುದೆ ಔಷಧಿ ಸೇವನೆ ಮಾಡಬೇಡಿ. ಬೇರೆ ಯಾವುದೇ ಔಷಧಿ ತೆಗೆದುಕೊಳ್ಳುವುದಿದ್ದರೂ ನೀವು ಮೊದಲು ವೈದ್ಯರನ್ನು ಸಂಪರ್ಕಿಸಿ.

Most Read: ಥೈರಾಯ್ಡ್ ಗ್ರಂಥಿಯ ಅಪಾಯದ ಲಕ್ಷಣಗಳು, ಎಚ್ಚರವಾಗಿರಿ!

ಗ್ಲುಟೆನ್ ಮುಕ್ತ

ಗ್ಲುಟೆನ್ ನಿಂದಾಗಿ ಥೈರಾಯ್ಡ್ ನ ಕಾರ್ಯದ ವೇಳೆ ಪರಿಣಾವಾಗುವುದು ಎಂದು ಹಲವಾರು ಅಧ್ಯಯನಗಳು ಕಂಡುಕೊಂಡಿವೆ. ಹೈಪೋಥೈರಾಯ್ಡಿಸಮ್ ನಿಂದ ಬಳಲುತ್ತಾ ಇದ್ದರೂ ನೀವು ಗ್ಲುಟೆನ್ ಸೇವನೆ ಕಡಿಮೆ ಮಾಡಿದರೆ ಆಗ ತೂಕ ಕಳೆದುಕೊಳ್ಳಲು ನಿಮಗೆ ಸಹಕಾರಿಯಾಗಲಿದೆ. ಗ್ಲುಟೆನ್ ಮುಕ್ತವಾಗಿರುವ ಹಲವಾರು ಆಯ್ಕೆಗಳು ನಿಮಗೆ ಇವೆ ಮತ್ತು ಅದರಿಂದಲೂ ನೀವು ಪೋಷಕಾಂಶಗಳನ್ನು ಪಡೆದುಕೊಳ್ಳಬಹುದು.

ಹೆಚ್ಚು ನೀರು ಕುಡಿಯಿರಿ

ಆರೋಗ್ಯವಾಗಿ ಇರಲು ಹೆಚ್ಚೆಚ್ಚು ನೀರು ಕುಡಿಯುವುದು ಸುಲಭದ ದಾರಿಯಾಗಿದೆ. ಇದು ಅಂಡರ್ ಆ್ಯಕ್ಟಿವ್ ಥೈರಾಯ್ಡ್ ಸಮಸ್ಯೆಯಿಂದ ತೂಕ ಕಳೆದುಕೊಳ್ಳಲು ನೆರವಾಗುವುದು. ಹೆಚ್ಚು ನೀರು ಸೇವನೆ ಮಾಡಿದರೆ ಆಗ ಚಯಾಪಚಯ ಕ್ರಿಯೆಯು ಸುಧಾರಣೆ ಆಗುವುದು. ಚಯಾಪಚಯ ಕ್ರಿಯೆಯು ಸುಧಾರಣೆ ಆದರೆ ಆಗ ತೂಕ ಕಳೆದುಕೊಳ್ಳಲು ಸಹಕಾರಿ. ಇದು ಹಸಿವು ಕಡಿಮೆ ಮಾಡುವುದು ಮತ್ತು ಜೀರ್ಣಕ್ರಿಯೆ ಸುಧಾರಣೆ ಮಾಡುವುದು. ತೇವಾಂಶದಿಂದ ಇರುವುದರಿಂದ ನಮ್ಮ ಸಂಪೂರ್ಣ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು. ಇದು ದೇಹದಲ್ಲಿರುವ ವಿಷಕಾರಿ ಅಂಶವನ್ನು ಹೊರಗೆ ಹಾಕುವುದು ಮತ್ತು ಚರ್ಮವು ಆರೋಗ್ಯವಾಗಿರಲು ಪ್ರೇರೇಪಿಸುವುದು.

Most Read: ನಿಮಗೆ ಥೈರಾಯ್ಡ್ ಸಮಸ್ಯೆ ಇದ್ದರೆ ಇಲ್ಲಿದೆ ನೋಡಿ ಸುಲಭ ಪರಿಹಾರ

ನಿಯಮಿತವಾಗಿ ವ್ಯಾಯಾಮ ಮಾಡಿ

ಕೇವಲ ಆಹಾರದಲ್ಲಿ ಪಥ್ಯ ಮಾಡಿದರೆ ಅದರಿಂದ ತೂಕ ಕಳೆದುಕೊಳ್ಳಲು ಸಹಕಾರಿಯಾಗದು. ನಿಮಗೆ ಬದಲಾವಣೆ ಬೇಕಾದರೆ ಆಗ ನೀವು ನಿಯಮಿತವಾಗಿ ವ್ಯಾಯಾಮ ಮಾಡಬೇಕು. ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸುವ ಮೂಲಕವಾಗಿ ನೀವು ಅಂಡರ್ ಆ್ಯಕ್ಟಿವ್ ಸಮಸ್ಯೆ ಇರುವಾಗಲೂ ತೂಕ ಕಡಿಮೆ ಮಾಡಬಹುದು. ಚಯಾಪಚಯ ವ್ಯವಸ್ಥೆಯು ಸರಿಯಾಗಿದ್ದರೆ ಆಗ ನೀವು ಕೊಬ್ಬನ್ನು ಪರಿಣಾಮಕಾರಿ ಹಾಗೂ ವೇಗವಾಗಿ ಕರಗಿಸುವಿರಿ. ನಿಯಮಿತ ವ್ಯಾಯಾಮ ಚಯಾಪಚಯ ಸುಧಾರಣೆ ಮಾಡಲು ನೆರವಾಗುವುದು. ಇದು ರಕ್ತದಲ್ಲಿರುವಂತಹ ಸಕ್ಕರೆ ಮಟ್ಟವನ್ನು ತಗ್ಗಿಸುವುದು ಮತ್ತು ತೂಕ ಕಳೆದುಕೊಳ್ಳಲು ಬೇಕಾಗಿರುವಂತಹ ಹಾರ್ಮೋನ್ ನ್ನು ಬೆಂಬಲಿಸುವುದು. ನೀವು ದಿನವಿಡಿ ಏನಾದರೂ ಕೆಲಸ ಕಾರ್ಯದಲ್ಲಿ ತೊಡಗಿಕೊಳ್ಳಿ ಮತ್ತು ಆದಷ್ಟು ಮಟ್ಟಿಗೆ ದೈಹಿಕವಾಗಿ ಚಟುವಟಿಕೆಯಿಂದ ಇರಿ.

ಸಣ್ಣ ಪ್ರಮಾಣದಲ್ಲಿ ಆಹಾರ ಸೇವಿಸಿ

ನೀವು ಸಣ್ಣ ಪ್ರಮಾಣದಲ್ಲಿ ಮತ್ತು ನಿರಂತರವಾಗಿ ಆಹಾರ ಸೇವನೆ ಮಾಡಿ. ಒಮ್ಮೆಲೇ ನೀವು ಅತಿಯಾಗಿ ಆಹಾರ ಸೇವಿಸಬೇಡಿ. ನೀವು ನಿರಂತರವಾಗಿ ಆಹಾರ ಸೇವಿಸಬಹುದು. ಆದರೆ ಸಣ್ಣ ಸಣ್ಣ ಪ್ರಮಾಣದಲ್ಲಿ ಇದನ್ನು ಸೇವಿಸಬೇಕು. ಎಲ್ಲಾ ರೀತಿಯ ಪೋಷಕಾಂಶಗಳು ಇರುವಂತಹ ಆಹಾರ ಸೇವನೆ ಮಾಡಿ. ಅತಿಯಾಗಿ ಸಕ್ಕರೆ ಸೇವನೆ ಮಾಡಬೇಡಿ. ಸಂಸ್ಕರಿತ ಆಹಾರ ಸೇವನೆ ಕಡಿಮೆ ಮಾಡಿ. ಆರೋಗ್ಯಕಾರಿ ಕೊಬ್ಬು ತಿನ್ನಿ ಮತ್ತು ಕಾರ್ಬೊಹೈಡ್ರೇಟ್ಸ್ ಕಡಿಮೆ ಸೇವಿಸಿ.