ದಿನಕ್ಕೊಂದು ಗ್ಲಾಸ್ ದಾಳಿಂಬೆ ಜ್ಯೂಸ್ ಕುಡಿದರೆ ಮೂತ್ರನಾಳದ ಸೋಂಕು ಕಡಿಮೆಯಾಗುತ್ತದೆ

ಹಾಗಾದರೆ, ದಾಳಿಂಬೆ ರಸವೇ ಏಕೆ?

ದಾಳಿಂಬೆಯಲ್ಲಿ ವಿಟಮಿನ್ ಸಿ ಮತ್ತು ಆಂಟಿ ಆಕ್ಸಿಡೆಂಟುಗಳು ಮೂತ್ರನಾಳದ ಮೂಲಕ ಹಾದು ಬಂದಿರುವ ಬ್ಯಾಕ್ಟೀರಿಯಾ ಗಳನ್ನು ಮೂತ್ರನಾಳ ಮತ್ತು ಮೂತ್ರಕೋಶದ ಒಳಗೋಡೆಗಳಿಗೆ ಅಂಟಿಕೊಳ್ಳುವುದನ್ನು ತಡೆಯುತ್ತದೆ. ವಿಟಮಿನ್ ಸಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಅಗತ್ಯವಾದ ಪೋಷಕಾಂಶ ವಾಗಿದೆ. ಹಾಗಾಗಿ ಈ ರಸದ ಸೇವನೆಯಿಂದ ರೊಗ ನಿರೋಧಕ ಶಕ್ತಿ ಇನ್ನಷ್ಟು ಬಲಯುತವಾಗುತ್ತದೆ ಹಾಗೂ ಇದು ದೇಹದಿಂದ ಬ್ಯಾಕ್ಟೀರಿಯಾಗಳ ಸೋಂಕನ್ನು ನಿವಾರಿಸಲೂ ನೆರವಾಗುತ್ತದೆ. ಅಲ್ಲದೇ ರೋಗ ನಿರೋಧಕ ಶಕ್ತಿ ಬಲಯುತವಾಗಿರುವ ಮೂಲಕ ಮೂತ್ರನಾಳದ ಸೋಂಕು ಶೀಘ್ರವೇ ಗುಣವಾಗುತ್ತದೆ.

ಇದರ ಬಳಕೆ ಹೇಗೆ?

ಮೂತ್ರನಾಳದ ಸೋಂಕಿನಿಂದ ರಕ್ಷಣೆ ಪಡೆಯಲು ಉತ್ತಮ ವಿಧಾನವೆಂದರೆ ನಿಮ್ಮ ನಿತ್ಯದ ಆಹಾರದಲ್ಲಿ, ರಾತ್ರಿಯ ಊಟವನ್ನೂ ಸೇರಿಸಿ, ಒಂದು ಕಪ್ ನಷ್ಟು ತಾಜಾ ದಾಳಿಂಬೆ ಬೀಜಗಳನ್ನು ಸೇವಿಸುವ ಮೂಲಕ ಈ ಸೊಂಕು ಎದುರಾಗದಂತೆ ತಡೆಯಬಹುದು. ಒಂದು ವೇಳೆ ಈ ಸೋಂಕು ಈಗಾಗಲೇ ಎದುರಾಗಿದ್ದರೆ ದಾಳಿಂಬೆ ರಸವನ್ನು ನಿತ್ಯವೂ ಕೊಂಚ ಪ್ರಮಾಣದಲ್ಲಿ ಸೇವಿಸಬೇಕು. ಈ ಸೋಂಕು ಅತಿ ಶೀಘ್ರವೇ ಗುಣವಾಗುತ್ತದೆ.

ಮೂತ್ರನಾಳದ ಸೋಂಕು ತಡೆಗಟ್ಟಲು ಇತರ ವಿಧಾನಗಳು

ದಾಳಿಂಬೆಯ ಹೊರತಾಗಿ ಈ ಸೋಂಕನ್ನು ತಡೆಗಟ್ಟುವ ಸಾಮರ್ಥ್ಯವಿರುವ ಇತರ ನೈಸರ್ಗಿಕ ಸಾಮಾಗ್ರಿಗಳೂ ಇವೆ. ಈ ಸೋಂಕನ್ನು ಉಲ್ಬಣಗೊಳಿಸದಂತೆ ತಡೆಯಲು ಪ್ರತಿಜೀವಕ ಅಥವಾ ಆಂಟಿಬಯಾಟಿಕ್ ಗುಳಿಗೆಗಳೂ ಲಭ್ಯವಿವೆ. ಆದರೆ, ಈ ಸೋಂಕಿನಿಂದ ರಕ್ಷಿಸಿಕೊಳ್ಳಲು ನೈಸರ್ಗಿಕ ಸಾಮಾಗ್ರಿಗಳೇ ಸುರಕ್ಷಿತ

ಹಾಗೂ ಅಡ್ಡಪರಿಣಾಮಗಳಿಂದ ಮುಕ್ತವಾಗಿವೆ. ಬನ್ನಿ, ಈ ನೈಸರ್ಗಿಕ ವಿಧಾನಗಳ ಬಗ್ಗೆ ಅರಿಯೋಣ.

ಲಿಂಬೆ ರಸ

ದಾಳಿಂಬೆಯಂತೆಯೇ, ಲಿಂಬೆರಸವೂ ವಿಟಮಿನ್ ಸಿ ಹಾಗೂ ಆಂಟಿ ಆಕ್ಸಿಡೆಂಟುಗಳೊಂದಿಗೆ ಸಮೃದ್ದವಾಗಿದ್ದು ದೇಹವನ್ನು ಕ್ಷಾರೀಯಗೊಳಿಸುತ್ತದೆ. ಅಲ್ಲದೇ ಲಿಂಬೆರಸ ಅತ್ಯುತ್ತಮ ಮೂತ್ರವರ್ಧಕವೂ ಆಗಿದೆ ಹಾಗೂ ಮೂತ್ರನಾಳದಲ್ಲಿ ಬ್ಯಾಕ್ಟೀರಿಯಾಗಳ ಸೋಂಕು ಹೆಚ್ಚುವುದನ್ನು ತಡೆಗಟ್ಟುತ್ತದೆ. ಅಲ್ಲದೇ ದೇಹದಿಂದ ಕಲ್ಮಶಗಳನ್ನು ನಿವಾರಿಸುವ ಜೊತೆಗೇ ಮೂತ್ರನಾಳದಲ್ಲಿರುವ ಕಲ್ಮಶಗಳನ್ನೂ ನಿವಾರಿಸುತ್ತದೆ.

ಕ್ರ್ಯಾನ್ಬೆರಿ ಜ್ಯೂಸ್

ಈ ಹಣ್ಣಿನಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ಮತ್ತು ಇತರ ಪೋಷಕಾಂಶಗಳು ಮೂತ್ರನಾಳದಲ್ಲಿ ಬ್ಯಾಕ್ಟೀರಿಯಾಗಳು ಆಗಮಿಸುವುದನ್ನು ತಡೆಗಟ್ಟುತ್ತದೆ ಹಾಗೂ ಈಗಾಗಲೇ ಮೂತ್ರನಾಳದ ಒಳಗೋಡೆಗಳಲ್ಲಿ ಅಂಟಿಕೊಂಡಿದ್ದ ಬ್ಯಾಕ್ಟೀರಿಯಾಗಳನ್ನು ಸಡಿಲಿಸಿ ನಿವಾರಿಸುವ ಮೂಲಕ ಸೋಂಕನ್ನು ಗುಣಪಡಿಸಲು ನೆರವಾಗುತ್ತದೆ. ಅಲ್ಲದೇ ಈ ರಸ ದೇಹದಿಂದ ಕಲ್ಮಶಗಳನ್ನು ಹೊರಹಾಕಲೂ ನೆರವಾಗುವ ಮೂಲಕ ಈ ಸೋಂಕು ಮತ್ತೆ ಮರುಕಳಿಸದಂತೆ ತಡೆಯುತ್ತದೆ.

ಮೊಸರು

ಮೊಸರಿನಲ್ಲಿಯೂ ನೈಸರ್ಗಿಕ ಪ್ರತಿಜೀವಕ ಪೋಷಕಾಂಶಗಳಿವೆ ಹಾಗೂ ಇವು ದೇಹದಲ್ಲಿರುವ ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ನಿವಾರಿಸಲು ನೆರವಾಗುತ್ತದೆ. ಈ ಮೂಲಕ ಮೂತ್ರನಾಳದ ಸೋಂಕು ಗುಣವಾಗಲು ಮತ್ತು ಮರುಕಳಿಸದಂತೆ ತಡೆಯಲು ನೆರವಾಗುತ್ತದೆ. ಹಾಗಾಗಿ, ಮೊಸರನ್ನು ನಿತ್ಯವೂ ಸೇವಿಸುವಂತೆ ತಜ್ಞರು ಸಲಹೆ ಮಾಡುತ್ತಾರೆ. ಅಲ್ಲದೇ ಮೊಸರಿನಲ್ಲಿ ಆರೋಗ್ಯಸ್ನೇಹಿ ಬ್ಯಾಕ್ಟೀರಿಯಾಗಳು ಸಮೃದ್ದವಾಗಿದ್ದು ಜೀರ್ಣಕ್ರಿಯೆಯನ್ನು ಸುಲಭಗೊಳಿಸುವ ಜೊತೆಗೇ ಒಟ್ಟಾರೆ ಆರೋಗ್ಯವನ್ನು ಸಹಾ ಉತ್ತಮಗೊಳಿಸುತ್ತದೆ. ಮೂತ್ರನಾಳದ ಸೋಂಕಿನಿಂದ ರಕ್ಷಣೆ ಪಡೆಯಲು ಪ್ರತಿಜೀವಕ ಔಷಧಿಗಳು ಉತ್ತಮ ಆಯ್ಕೆಯಾದರೂ ನೈಸರ್ಗಿಕ ವಿಧಾನಗಳು ಹೆಚ್ಚು ಸುರಕ್ಷಿತವಾಗಿದ್ದು ಈ ಔಷಧಿಗಳಷ್ಟೇ ಉತ್ತಮ ಪರಿಣಾಮವನ್ನು ಒದಗಿಸುತ್ತವೆ.