ಸಿಗರೇಟ್ ಸೇದುವುದರಿಂದಾಗಿ ಮೂಗು, ಕಿವಿ ಮತ್ತು ಗಂಟಲು ಸಮಸ್ಯೆ ಬರಬಹುದು!

ಧೂಮಪಾನದಿಂದ ಉಂಟಾಗುವಂತಹ ಕೆಲವೊಂದು ಆರೋಗ್ಯದ ಅಪಾಯಗಳು

*ತಲೆ ಮತ್ತು ಕುತ್ತಿಗೆಯ ಕ್ಯಾನ್ಸರ್

*ಶ್ವಾಸಕೋಶದ ಕ್ಯಾನ್ಸರ್

*ಇತರ ವಿಧದ ಕ್ಯಾನ್ಸರ್

*ಪಾರ್ಶ್ವವಾಯು

*ಹೃದಯಾಘಾತ

*ದೀರ್ಘಕಾಲದ ಬ್ರಾಂಕೈಟಿಸ್

*ಎಂಫಿಸೆಮಾ

*ಹಠಾತ್ ಹಸುಗೂಸು ಸಾಯುವ ಸಿಂಡ್ರೋಮ್(ಎಸ್ಐಡಿಎಸ್)

*ನಿಮಿರು ದೌರ್ಬಲ್ಯ

ಇದರಿಂದ ಕ್ಯಾನ್ಸರ್ ಕಟ್ಟಿಟ್ಟ ಬುತ್ತಿ

ಧೂಮಪಾನ ಸಂಬಂಧಿ ಅನಾರೋಗ್ಯವನ್ನು ಹೊರತುಪಡಿಸಿದರೆ, ಅಮೆರಿಕಾದಲ್ಲಿ ಧೂಮಪಾನದಿಂದ ಉಂಟಾಗುವಂತಹ ತಡೆ ಹಿಡಿಯಬಹುದಾದ ಸಾವುಗಳು ಹೆಚ್ಚಾಗುತ್ತಲಿದೆ. ಕೆಲವೊಂದು ಕಂಪೆನಿಗಳಲ್ಲಿ ಧೂಮಪಾನ ಹೆಚ್ಚು ಮಾಡುವಂತಹ ಉದ್ಯೋಗಿಗಳಿಗೆ ಅವರು ಕಟ್ಟುವಂತಹ ವಿಮೆಯ ಮೊತ್ತವನ್ನು ಹೆಚ್ಚು ಮಾಡಲಾಗುತ್ತದೆ. ಧೂಮಪಾನದಿಂದ ಬರುವಂತಹ ಮೊದಲ ದೊಡ್ಡ ಕಾಯಿಲೆ ಎಂದರೆ ಅದು ಕ್ಯಾನ್ಸರ್. ಧೂಮಪಾನದಿಂದ ಬರುವಂತಹ ಕ್ಯಾನ್ಸರ್ ಗಳಲ್ಲಿ ಶ್ವಾಸಕೋಶದ ಕ್ಯಾನ್ಸರ್ ಮಾತ್ರ ಒಳಗೊಂಡಿಲ್ಲ. ಉದಾಹರಣೆಗೆ, ಕುತ್ತಿಗೆ ಮತ್ತು ತಲೆಯ ಕ್ಯಾನ್ಸರ್ ಕೂಡ ಧೂಮಪಾನದಿಂದ ಬರಬಹುದು. ಅದೇ ರೀತಿಯಾಗಿ ಬಾಯಿಯ ಕ್ಯಾನ್ಸರ್, ಕಿಡ್ನಿ, ಅನ್ನನಾಳದ ಮತ್ತು ದನಿ ಪೆಟ್ಟಿಗೆಯ ಕ್ಯಾನ್ಸರ್ ಕೂಡ ಧೂಮಪಾನದಿಂದಾಗಿ ಬರಬಹುದು.

ಧೂಮಪಾನದಿಂದಾಗಿ ಕ್ಯಾನ್ಸರ್ ಬರಲು ಕಾರಣವೇನು?

ಧೂಮಪಾನದಿಂದ ಕ್ಯಾನ್ಸರ್ ಬರಲು ಪ್ರಮುಖ ಕಾರಣವೆಂದರೆ, ಅದರಲ್ಲಿ ಇರುವಂತಹ ತಂಬಾಕಿನ ಹೊಗೆಯಿಂದಾಗಿ. ತಂಬಾಕಿನ ಹೊಗೆಯಲ್ಲಿ ಸುಮಾರು 7 ಸಾವಿರಕ್ಕೂ ಹೆಚ್ಚಿನ ರಾಸಾಯನಿಕಗಳನ್ನು ಪತ್ತೆ ಮಾಡಲಾಗಿದೆ. ಇದರಲ್ಲಿ ಸುಮಾರು 250 ರಾಸಾಯನಿಕಗಳಾಗಿರುವಂತಹ (ಅಮೋನಿಯಾ, ಕಾರ್ಬನ್ ಮೊನಾಕ್ಸೈಡ್, ಸೈನೆಡ್ ಮತ್ತು ಹೈಡ್ರೋಜನ್) ತುಂಬಾ ಅಪಾಯಕಾರಿಯಾಗಿದೆ. ಇದರಲ್ಲಿ ಸುಮಾರು 69 ರಾಸಾಯನಿಕಗಳು ಕ್ಯಾನ್ಸರ್ ಕಾರಕವಾಗಿದೆ. ಕ್ಯಾನ್ಸರ್ ಕಾರಕಗಳಿಗೆ ದೇಹವು ಒಗ್ಗಲ್ಪಟ್ಟರೆ ಆಗ ಕ್ಯಾನ್ಸರ್ ಬರುವಂತಹ ಸಾಧ್ಯತೆಯು ಹೆಚ್ಚಾಗಿ ಇರುವುದು. ಧೂಮಪಾನದಿಂದ ಬರುವಂತಹ ಆರೋಗ್ಯ ಸಮಸ್ಯೆಗಳು ಇಲ್ಲಿಗೆ ನಿಲ್ಲುವುದಿಲ್ಲ. ಯಾಕೆಂದರೆ ಧೂಮಪಾನವು ಕೇವಲ ಕ್ಯಾನ್ಸರ್ ನ್ನು ಮಾತ್ರ ಉಂಟು ಮಾಡುವುದಿಲ್ಲ. ಇದರಿಂದ ಇನ್ನು ಹಲವಾರು ರೀತಿಯ ಆರೋಗ್ಯ ಸಮಸ್ಯೆಗಳು ಕಂಡುಬರುವುದು.

ಧೂಮಪಾನದಿಂದ ಬರುವಂತಹ ಕ್ಯಾನ್ಸರ್ ಅಲ್ಲದೆ ಇರುವಂತಹ ENT ಕಾಯಿಲೆಗಳು

ಧೂಮಪನಾದಿಂದಾಗಿ ಹಲವಾರು ರೀತಿಯ ENT ಕಾಯಿಲೆಗಳು ಬರಬಹುದು. ಇದರಲ್ಲಿ ಕೆಲವೊಂದು ಆರೋಗ್ಯಕ್ಕೆ ಅಪಾಯ ಉಂಟು ಮಾಡುವುದಕ್ಕಿಂತಲೂ ಹೆಚ್ಚಾಗಿ ತುಂಬಾ ಕಿರಿಕಿರಿ ಉಂಟು ಮಾಡುವುದು. ಇದರಿಂದಾಗಿ ಜೀವನದ ಗುಣಮಟ್ಟದ ಮೇಲೆ ಪರಿಣಾಮ ಬೀರುವುದು. ನೀವು ಧೂಮಪಾನಿಯಲ್ಲದೆ ಇದ್ದರೂ ಸೆಕೆಂಡ್ ಹ್ಯಾಂಡ್ ಸ್ಮೋಕ್ ಅಂದರೆ ಬೇರೆಯವರು ಧೂಮಪಾನ ಮಾಡಿದ ಹೊಗೆಯಿಂದಾಗಿ ನಿಮಗೆ ಸಮಸ್ಯೆಯು ಬರಬಹುದು. ಮನೆಯಲ್ಲಿ ಪೋಷಕರು ಅಥವಾ ಇನ್ನಿತರ ಯಾರೇ ಆಗಿದ್ದರೂ ಧೂಮಪಾನ ಮಾಡುತ್ತಲಿದ್ದರೆ ಅಲ್ಲಿರುವಂತಹ ಮಕ್ಕಳ ಮೇಲೆ ಅದರ ಹೊಗೆಯ ಪರಿಣಾಮವು ಆಗುವುದು. ಮನೆಯ ಒಳಗಡೆಯೇ ಧೂಮಪಾನ ಮಾಡುವಂತಹ ಜನರಿಂದಾಗಿ ಇಂತಹ ಸಮಸ್ಯೆಗಳು ಹೆಚ್ಚಾಗಿ ಆಗುವುದು.

ನಾನು ಒಬ್ಬ ಧೂಮಪಾನಿ ಮತ್ತು ಇದನ್ನು ಬಿಡಲು ತುಂಬಾ ವಿಳಂಬವಾಯಿತೇ?

ಯಾವತ್ತೂ ಧೂಮಪಾನ ಮಾಡದೆ ಇದ್ದ ಕಾರಣದಿಂದಾಗಿ ಹಲವಾರು ರೀತಿಯ ಆರೋಗ್ಯ ಲಾಭಗಳು ಸಿಗುವುದು. ಆದರೆ ಈಗ ಧೂಮಪಾನ ಬಿಡುವುದರಿಂದ ಪ್ರಸಕ್ತ ಆರೋಗ್ಯ ಸಮಸ್ಯೆಯು ಉತ್ತಮವಾಗಬಹುದು ಮತ್ತು ಧೂಮಪಾನ ಸಂಬಂಧಿಯಾಗಿ ಉಂಟಾಗುವಂತಹ ENTಸಮಸ್ಯೆಗಳನ್ನು ಇದು ಕಡಿಮೆ ಮಾಡಬಹುದು. ಧೂಮಪಾನ ಬಿಡುವುದರಿಂದ ನಿಮಗೆ ಹಲವಾರು ರೀತಿಯ ಆರೋಗ್ಯ ಲಾಭಗಳು ಇವೆ. ನೀವು ಧೂಮಪಾನ ಬಿಟ್ಟರೆ ಆಗ ಅದರಿಂದ ನಿಮ್ಮ ಆರೋಗ್ಯವು ತುಂಬಾ ಸುಧಾರಣೆ ಆಗುವುದು ಮತ್ತು ಅನಾರೋಗ್ಯಕ್ಕೆ ಒಳಗಾಗುವಂತಹ ಸಾಧ್ಯತೆಗಳು ತುಂಬಾ ಕಡಿಮೆ ಆಗುವುದು. ಧೂಮಪಾನ ಬಿಡುವುದಕ್ಕೆ ಯಾವತ್ತೂ ವಿಳಂಬವೆನ್ನುವುದು ಇಲ್ಲ. ತಂಬಾಕಿನ ಹೊಗೆಗೆ ಯಾವುದೇ ರೀತಿಯ ಸುರಕ್ಷಿತ ಮಾನದಂಡ ಎನ್ನುವುದು ಇಲ್ಲ ಎಂದು ನೀವು ಅರ್ಥ ಮಾಡಿಕೊಳ್ಳಬೇಕು. ಅನುವಂಶೀಯತೆ ಮತ್ತು ಇತರ ಕೆಲವೊಂದು ಅಂಶಗಳನ್ನು ಪರಿಗಣನೆಗೆ ತೆಗೆದುಕೊಂಡರೆ ಆಗ ಕೆಲವರಿಗೆ ಸ್ವಲ್ಪ ಸಮಯ ಧೂಮಪಾನ ಮಾಡಿದರೆ ಅದರಿಂದ ಆರೋಗ್ಯ ಸಮಸ್ಯೆಗಳು ಬೇಗನೆ ಕಾಣಿಸಿಕೊಳ್ಳುವುದು.

ಆದಷ್ಟು ತಾಜ ಹಣ್ಣಿನ ರಸಗಳು

ಪ್ರಾಕೃತಿಕವಾದ ತಾಜ ಹಣ್ಣಿನ ರಸಗಳು ನಿಮ್ಮ ದೇಹವನ್ನು ಟಾಕ್ಸಿನ್‍ಗಳಿಂದ ಮುಕ್ತಗೊಳಿಸಲು ಬೇಕಾದ ಮೂಲಭೂತ ಅಂಶ ಇದಾಗಿದೆ. ಸಾಧ್ಯವಾದಷ್ಟು ತಾಜಾ ಹಣ್ಣಿನ ರಸಗಳನ್ನು ಸೇವಿಸಿ. ಯಾವಾಗ ನೀವು ಸಿಗರೇಟ್ ಸೇವಿಸಬೇಕೆಂದು ಬಯಸುತ್ತೀರೋ, ಆಗ ಮನಸ್ಸನ್ನು ಅದರಿಂದ ವಿಮುಖಗೊಳಿಸಿ. ಕಾರ್ಬೋನೇಟ್ ಮಾಡಲಾದ ಪಾನೀಯಗಳನ್ನು ಸೇವಿಸಬೇಡಿ. ಏಕೆಂದರೆ ಇವುಗಳು ನಿಮ್ಮ ದೇಹಕ್ಕೆ ಮತ್ತಷ್ಟು ಟಾಕ್ಸಿನ್‍ಗಳನ್ನು ಸೇರ್ಪಡೆಗೊಳಿಸಬಹುದು. ಇದರ ಜೊತೆಗೆ ನಿರಂತರ ವ್ಯಾಯಾಮವು ಸಹ ನಿಮ್ಮ ಧೂಮಪಾನ ಬಿಡುವ ನಿರ್ಧಾರಕ್ಕೆ ಸಹಾಯ ಮಾಡಬಲ್ಲವು.

ಲೈಕೋರೈಸ್

ಧೂಮಪಾನವನ್ನು ತೊರೆಯಲು ಸಹಾಯ ಮಾಡುವ ಅತ್ಯಂತ ಪ್ರಸಿದ್ಧ ನೈಸರ್ಗಿಕ ಮನೆ ಪರಿಹಾರಗಳಲ್ಲಿ ಲೈಕೋರೈಸ್ ಸಹ ಒಂದು. ಧೂಮಪಾನ ಮಾಡಬೇಕೆನಿಸದಾಗ ಸಣ್ಣ ತುಂಡು ಲೈಕೋರೈಸ್ ತಿಂದರೆ ಸಿಗರೇಟ್ ಸೇದುವ ಬಯಕೆಯು ಹೋಗುತ್ತದೆ. ಜೊತೆಗೆ ಜೀರ್ಣಾಂಗ ವ್ಯವಸ್ಥೆಗೆ ಸಹಕರಿಸುತ್ತದೆ.

ಜಿನ್ಸೆಂಗ್

ಒಂದು ವರದಿಯ ಪ್ರಕಾರ ಜಿನ್ಸೆಂಗ್ ಎಂಬ ಶುಂಠಿಯಂತಹ ಗಡ್ಡೆಯ ರಸದ ಸೇವನೆಯಿಂದ ಡೋಪಮೈನ್ ಎಂಬ ನರಪ್ರಚೋದಕ ಹಾರ್ಮೋನೊಂದು ಬಿಡುಗಡೆಯಾಗುತ್ತದೆ. ಇದು ಸಿಗರೇಟು ಸೇದಿದಾಗ ಸಿಗುವಂತಹ ಪರಿಣಾಮವನ್ನೇ ನೀಡುವ ಕಾರಣ ಸಿಗರೇಟು ಸೇದುವ ಬಯಕೆಯುಂಟಾಗುವುದಿಲ್ಲ. ಇದು ಧೂಮಪಾನ ತ್ಯಜಿಸುವವರಿಗೆ ವರದಾನವಾಗಿದೆ. ನಿಯಮಿತವಾದ ಸೇವನೆಯಿಂದ ದಿನವೂ ಕೊಂಚಕೊಂಚವಾಗಿ ಸಿಗರೇಟಿನ ಪ್ರಮಾಣವನ್ನು ಕಡಿಮೆ ಮಾಡುತ್ತಾ ಬಂದು ಕೊನೆಗೊಂದು ದಿನ ನೀವು ನಿಜವಾಗಿಯೂ ಸಿಗರೇಟಿಲ್ಲದೇ ದಿನವನ್ನು ಯಶಸ್ವಿಯಾಗಿ ಕಳೆಯಲು ಸಿದ್ಧರಿರುತ್ತೀರಿ. ಈ ದಿನ ಶೀಘ್ರವೇ ಬರಲು ಜಿನ್ಸೆಂಗ್ ನೆರವಾಗುತ್ತದೆ.