ಎಚ್ಚರ ಅಪ್ಪಿತಪ್ಪಿಯೂ ಸೆಕ್ಸ್ ವೇಳೆ ಇಂತಹ ಕೆಲವು ಲ್ಯುಬ್ರಿಕೆಂಟ್‌ಗಳನ್ನು ಬಳಸಬೇಡಿ

ಹಾಲಿನ ಕೆನೆ

ತುಂಬಾ ರುಚಿಕರವಾಗಿರುವಂತಹ ಹಾಲಿನ ಕೆನೆಯನ್ನು ನೀವು ಸೆಕ್ಸ್ ವೇಳೆ ಲ್ಯುಬ್ರಿಕೆಂಟ್ ಆಗಿ ಬಳಕೆ ಮಾಡಿಕೊಳ್ಳಬಹುದು ಮತ್ತು ಇದರಿಂದ ನಿಮಗೆ ಹಾಸಿಗೆಯಲ್ಲಿ ಹೆಚ್ಚಿನ ಖುಷಿ ಕೂಡ ಸಿಗಬಹುದು. ಅದಾಗ್ಯೂ, ಹಾಲಿನ ಕೆನೆಯಂತಹ ಸಾಮಗ್ರಿಯು ಹೆಚ್ಚಿನ ಮಟ್ಟದ ಸಕ್ಕರೆಯಂಶವನ್ನು ಹೊಂದಿದೆ ಮತ್ತು ಇದು ಯೋನಿಯ ನೈಸರ್ಗಿಕ ಪಿಎಚ್ ಮಟ್ಟದ ಮೇಲೆ ಪರಿಣಾಮ ಬೀರಬಹುದು. ಇದು ಸೋಂಕಿಗೂ ಕಾರಣವಾಗಬಹುದು. ಯಾವುದೇ ರೀತಿಯ ಸೀರಪ್ ಅಥವಾ ಸಿಹಿ ಸಾಸ್ ನಿಂದಲೂ ನೀವು ದೂರವಿರಬೇಕು ಎಂದು ಸಲಹೆ ಮಾಡಲಾಗುತ್ತದೆ.

ಲೋಷನ್

ಲೋಷನ್ ಮತ್ತು ಕ್ರೀಮ್ ನ್ನು ಕೆಲವೊಂದು ಸಲ ಲ್ಯುಬ್ರಿಕೆಂಟ್‌ಗೆ ಪರ್ಯಾಯವಾಗಿ ಬಳಕೆ ಮಾಡಲಾಗುತ್ತದೆ. ಆದರೆ ಇದನ್ನು ಪ್ರಯತ್ನಿಸುವ ಮೊದಲು ತುಂಬಾನೇ ಎಚ್ಚರಿಕೆ ವಹಿಸಬೇಕು. ಪ್ರತಿನಿತ್ಯ ಬಳಕೆ ಮಾಡುವಂತಹ ಲೋಷನ್ ನಲ್ಲಿ ಪ್ರಬಲವಾದ ಬಣ್ಣ ಮತ್ತು ಸುಗಂಧವು ಇರುವುದು. ಇದು ಗುಪ್ತಾಂಗದ ಸುತ್ತಲಿನ ಸೂಕ್ಷ್ಮವಾದ ಚರ್ಮಕ್ಕೆ ಹೊಂದಿಕೊಳ್ಳದೆ ಇರಬಹುದು. ಇದರಲ್ಲಿ ಇರುವಂತಹ ಪರಬೆನ್ಸ್ ಎನ್ನುವ ಅಂಶವಿದೆ. ಇದು ಹಾರ್ಮೋನು ಅಸಮತೋಲನ ಉಂಟು ಮಾಡಬಹುದು.

ಆಲಿವ್ ತೈಲ

ನೀವು ಮನೆಯಲ್ಲಿ ಒಂದು ಬಾಟಲಿ ಆಲಿವ್ ತೈಲವನ್ನು ಇಟ್ಟುಕೊಳ್ಳಿ. ಇದು ಒಳ್ಳೆಯ ಕ್ರಮ. ಆದರೆ ಇದನ್ನು ನೀವು ಮಲಗುವ ಕೋಣೆಗೆ ತೆಗೆದುಕೊಂಡು ಹೋಗಬೇಡಿ. ಆಲಿವ್ ತೈಲವು ಚರ್ಮಕ್ಕೆ ಕಾಂತಿ ನೀಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ಆದರೆ ಈ ಎಣ್ಣೆಯಲ್ಲಿ ಉನ್ನತ ಮಟ್ಟದ ಲ್ಯೂಬ್ರಿಕೆಂಟ್ ಇದ್ದು, ಇದು ಕಾಂಡೋಮ್ ನಲ್ಲಿ ಇರುವಂತಹ ಲಾಟೆಕ್ಸ್ ನ್ನು ವಿಘಟಿಸಬಹುದು.

ಪೆಟ್ರೋಲಿಯಂ ಜೆಲ್

ಪೆಟ್ರೋಲಿಯಂ ಜೆಲ್ ವಿವಿಧ ರೀತಿಯ ಉದ್ದೇಶಗಳಿಗೆ ಬಳಸಿಕೊಳ್ಳಲಾಗುತ್ತದೆ. ಆದರೆ ಇದನ್ನು ನೀವು ಜನನೇಂದ್ರೀಯದ ಭಾಗಕ್ಕೆ ಬಳಸಿಕೊಂಡರೆ ಆಗ ಇದು ಬ್ಯಾಕ್ಟೀರಿಯಾ ನೆಲೆ ನಿಲ್ಲಲು ದಾರಿ ಮಾಡಿಕೊಡುವುದು ಮತ್ತು ಇತರ ಕೀಟಾಣುಗಳು ಕೂಡ ನೆಲೆ ನಿಲ್ಲುವುದು. ಇದನ್ನು ತೊಳೆಯಲು ತುಂಬಾ ಕಷ್ಟವಾಗಬಹುದು.

ಮಗುವಿನ ಎಣ್ಣೆ

ಇತರ ತೈಲಗಳಿಗೆ ಹೋಲಿಕೆ ಮಾಡಿದರೆ ಮಕ್ಕಳ ಎಣ್ಣೆಯು ತುಂಬಾ ಲಘುವಾಗಿರುವುದು ಮತ್ತು ಇದನ್ನು ಲ್ಯುಬ್ರಿಕೆಂಟ್ ಆಗಿ ಬಳಕೆ ಮಾಡುವುದು ಒಳ್ಳೆಯ ಆಯ್ಕೆಯಲ್ಲ. ಯೋನಿಗೆ ನೀವು ಮಗುವಿನ ಎಣ್ಣೆಯನ್ನು ಬಳಕೆ ಮಾಡಿದರೆ ಆಗ ಅಲ್ಲಿ ಶಿಲೀಂಧ್ರ ಸೋಂಕು ಉಂಟಾಗುವಂತಹ ಸಾಧ್ಯತೆಯು ಹೆಚ್ಚಾಗುವುದು.

ಬೆಣ್ಣೆ

ಮಲಗುವ ಕೋಣೆಯಲ್ಲಿ ಬೆಣ್ಣೆಯನ್ನು ಉಪಯೋಗಿಸುವುದು ಆರೋಗ್ಯಕಾರಿ ಬೆಳವಣಿಗೆ ಅಲ್ಲ. ಇದರಲ್ಲಿ ಪ್ರೋಟೀನ್ ಅಂಶವಿದೆ ಮತ್ತು ಅದೇ ರೀತಿಯಾಗಿ ಪ್ರಾಣಿಗಳ ಕೊಬ್ಬು ಇದೆ. ಇದನ್ನು ಬಳಕೆ ಮಾಡುವುದು ಚರ್ಮಕ್ಕೆ ಒಳ್ಳೆಯದಲ್ಲ. ಇದರಿಂದ ಇದು ಸರಿಯಾದ ಆಯ್ಕೆಯಲ್ಲ ಎಂದು ಪರಿಗಣಿಸಲಾಗಿದೆ.

ಲಿಕ್ವಿಡ್ ಸೋಪ್

ಯಾವುದೇ ರೀತಿಯ ಲಿಕ್ವಿಡ್ ಸೋಪ್, ವಾಶ್, ಸ್ಯಾನಿಟೈಸರ್ ನ್ನು ಲ್ಯುಬ್ರಿಕೆಂಟ್ ಎಂದು ಪರಿಗಣಿಸಲಾಗಿದೆ ಮತ್ತು ಇದನ್ನು ಸ್ವಚ್ಚಗೊಳಿಸುವ ಸಲುವಾಗಿ ಬಳಸಲಾಗುತ್ತದೆ. ಆದರೆ ಇದನ್ನು ನೀವು ಯಾವತ್ತೂ ಜನನೇಂದ್ರೀಯದ ಭಾಗಕ್ಕೆ ಬಳಕೆ ಮಾಡಬೇಡಿ. ಈ ರೀತಿಯ ಉತ್ಪನ್ನಗಳನ್ನು ಬಳಕೆ ಮಾಡುವ ಕಾರಣದಿಂದಾಗಿ ದೇಹದಲ್ಲಿನ ಪಿಎಚ್ ಮಟ್ಟಕ್ಕೆ ಹಾನಿಯಾಗುವುದು ಮತ್ತು ಇದು ಚರ್ಮಕ್ಕೆ ಹಾನಿಯುಂಟು ಮಾಡುವುದು. ಇದು ಯಾವತ್ತೂ ಒಳ್ಳೆಯದಲ್ಲ.

ತಣ್ಣಗಾಗಿಸುವಂತಹ ಲ್ಯುಬ್ರಿಕೆಂಟ್ಸ್

ಲೈಂಗಿಕ ಚಟುವಟಿಕೆ ವೇಳೆ ತಂಪನ್ನು ಉಂಟು ಮಾಡುವಂತಹ ಲ್ಯುಬ್ರಿಕೆಂಟ್‌ಗಳು ಸ್ವಲ್ಪ ಹೆಚ್ಚಿನ ಖುಷಿ ನೀಡುವುದು. ಆದರೆ ಇದರಲ್ಲಿ ಪುದೀನಾ ಮತ್ತು ಕೆಲವೊಂದು ಗಿಡಮೂಲಿಕೆಗಳು ಇವೆ. ಇದು ಸೂಕ್ಷ್ಮ ಚರ್ಮಕ್ಕೆ ತುಂಬಾ ಹಾನಿಯುಂಟು ಮಾಡುವುದು ಮತ್ತು ಇದರ ಪರಿಣಾಮ ನಿಮ್ಮ ಗುಪ್ತಾಂಗದ ಮೇಲೆ ಆಗಬಹುದು. ಇದರಿಂದಾಗಿ ನೀವು ಇಂತಹ ಲ್ಯುಬ್ರಿಕೆಂಟ್ ಗಳನ್ನು ಬಳಕೆ ಮಾಡಲೇ ಬಾರದು. ಇದು ನಿಮ್ಮ ಜನನೇಂದ್ರೀಯ ಗುಪ್ತಾಂಗದ ಮೇಲೆ ಪರಿಣಾಮ ಬೀರಬಹುದು.