ನೋಡಿ ಇದೇ ಕಾರಣಕ್ಕೆ ಮಹಿಳೆಯರು ಸೆಕ್ಸ್ ವಿಷಯದಲ್ಲಿ ಭಯಪಡುವುದು!

1.ತಾನು ಬೆತ್ತಲೆಯಾಗಿದ್ದರೆ ಹೇಗೆ ಕಾಣುತ್ತೇನೋ ಎಂಬ ಹೆದರಿಕೆ

ಕೆಲವು ಮಹಿಳೆಯರಿಗೆ ತಾವು ಬೆತ್ತಲೆಯಾಗಿದ್ದರೆ ಸುಂದರಳಾಗಿ ಕಾಣುವುದಿಲ್ಲ ಎಂಬ ಭಾವನೆ ಇದ್ದು ಈ ಮನಸ್ಸಿನಾಳದ ಭಾವನೆಯೇ ಭಯದ ರೂಪ ಪಡೆದು ನಿಮ್ಮ ಮನೋಭಾವನೆಯನ್ನು ಕೊಲ್ಲುತ್ತಿರುತ್ತದೆ. ಹೆಚ್ಚಿನ ಮಹಿಳೆಯರು (ಕೆಲವು ಪುರುಷರು ಸಹಾ) ತಮ್ಮ ಯಾವುದೋ ಅಂಗದ ಬಗ್ಗೆ ಕೀಳರಿಮೆ ಹೊಂದಿರುತ್ತಾರೆ. ಇದರಲ್ಲಿ ಅತಿ ಸಾಮಾನ್ಯವಾದುದು ಮುಂದೆ ಬಂದಿರುವ ಹೊಟ್ಟೆ! ಇದರ ಹೊರತಾಗಿ ಸ್ಥೂಲಕಾಯ, ಕೃಶಕಾಯ, ತ್ವಚೆಯ ಬಣ್ಣ, ತೊಡೆಗಳು ಅತಿ ಹೆಚ್ಚೇ ಊದಿಕೊಂಡಿರುವುದು, ಸ್ತನಗಳು ದೇಹದ ಗಾತ್ರಕ್ಕೆ ಸರಿಸಮಾನವಿಲ್ಲದೇ ಕಿರಿದು ಅಥವಾ ಅತಿ ಹಿರಿದೆನಿಸುವುದು, ಕೋಳಿಕಾಲಿನಂತೆ ಕಾಣುವ ಸಪೂರವಾದ ಕಾಲುಗಳು, ಪ್ಯಾಂಟ್ ತೊಟ್ಟಾಗ ಬೆಲ್ಟ್ ನಿಂದ ಹೊರದಬ್ಬಲ್ಪಡುವ ಕೊಬ್ಬು, ಮುಖದಲ್ಲಿರುವ ಮೊಡವೆ, ಕಪ್ಪುತಲೆ, ಸೌಂದರ್ಯವನ್ನು ಕುಂದಿಸುವ ದೊಡ್ಡ ಮಚ್ಚೆಗಳು ಮೊದಲಾದ ಹತ್ತು ಹಲವು ಕಾರಣಗಳಿವೆ. ಮಾನವರಾಗಿ ನಮ್ಮಲ್ಲಿರುವ ದೊಡ್ಡ ದೌರ್ಬಲ್ಯವೆಂದರೆ ಬಿಳಿಸೀರೆಯಲ್ಲಿರುವ ಒಂದೇ ಒಂದು ಕಪ್ಪು ಚುಕ್ಕೆ ಇದ್ದರೆ ಆ ಚುಕ್ಕೆಯನ್ನೇ ದೊಡ್ಡದಾಗಿಸುವುದೇ ಹೊರತು ಆ ಚುಕ್ಕೆಯ ಹೊರತಾಗಿ ಇಡಿಯ ಸೀರೆಯಷ್ಟೂ ಶುಭ್ರ ಬಿಳಿಯಾಗಿರುವ ಬಗ್ಗೆ ಒಂದು ಮಾತೂ ಆಡದೇ ಇರುವುದು. ವಾಸ್ತವವಾಗಿ, ನಮ್ಮ ಭಯಕ್ಕೆ ಕಾರಣವಾಗಿರುವ ಈ ಕೊರತೆಗಳೆಲ್ಲಾ ಸೀರೆಯ ಮೇಲಿನ ಚುಕ್ಕೆಯಂತೆ! ಒಂದು ಬಾರಿ ಈ ಚುಕ್ಕೆಯನ್ನು ನಿರ್ಲಕ್ಷಿಸಿ ಸೀರೆಯಲ್ಲಿರುವ ಬಿಳಿಯ ಶುಭ್ರ ಭಾಗದ ಬಗ್ಗೆ ಗಮನ ನೀಡಹತ್ತಿದರೆ ಈ ಭಯ ಎಷ್ಟು ಕ್ಷುಲ್ಲುಕ, ಏಕಾಗಿ ಈ ನಗಣ್ಯವಾದ ಶಾರೀರಿಕ ಲಕ್ಷಣಕ್ಕೆ ನಾನೆಷ್ಟು ಗಮನ ಕೊಟ್ಟೆ, ನನ್ನಲ್ಲಿರುವ ಇತರ ಒಳ್ಳೆಯ ಗುಣ ಅಥವಾ ಶಾರೀರಿಕ ಲಕ್ಷಣಗಳೇಕೆ ನನಗೆ ಕಾಣಲಿಲ್ಲ ಎಂಬ ಚಿಂತನೆಗಳು ಯಾವಾಗ ನಿಮ್ಮಲ್ಲಿ ಮೂಡುತ್ತವೆಯೋ ಈ ಭಯ ಮಂಜಿನ ಹನಿಯಂತೆ ಕರಗಿ ಹೋಗುತ್ತದೆ. ನೆನಪಿಡಿ, ಒಂದಿನಿತೂ ಶಾರೀರಿಕ ನ್ಯೂನ್ಯತೆಯಿಲ್ಲದ ಮನುಷ್ಯನೇ ಈ ಜಗತ್ತಿನಲ್ಲಿಲ್ಲ!

2.ಸಹಜಕ್ರಿಯೆಗಳು ಆ ಸಮಯದಲ್ಲಿ ಜರುಗುವ ಭಯ

ಮನುಷ್ಯರಾಗಿ ನಮ್ಮ ದೇಹದ ಕೆಲವು ಅನೈಚ್ಛಿಕ ಕ್ರಿಯೆಗಳನ್ನು ನಾವು ತಡೆಯಲು ಸಾಧ್ಯವಿಲ್ಲ. ಉದಾಹರಣೆಗೆ ತೇಗು. ಮಿಲನ ಕ್ರಿಯೆಯ ಸಮಯದ ನಡುವೆ ಎಲ್ಲಾದರೂ ಕೊಂಚ ಹೊತ್ತು ಹಿಂದೆ ಸೇವಿಸಿದ್ದ ಸ್ವಾದಿಷ್ಟ ಊಟದ ಪ್ರಭಾವದಿಂದ ತೇಗು ಬಂದುಬಿಟ್ಟರೆ? ಈ ಬಗೆಯ ಭಯವೂ ಮಿಲನಕ್ರಿಯೆಯಿಂದ ದೂರ ತಳ್ಳಬಹುದು.

3.ಮಿಲನಕ್ರಿಯೆಯಲ್ಲಿ ಉತ್ತಮವಾಗಿ ಸ್ಪಂದಿಸದ ಬಗ್ಗೆ ಭಯ

ಒಂದು ವೇಳೆ ನಿಮಗೆ ಇನ್ನೂ ಲೈಂಗಿಕ ಕ್ರಿಯೆಯ ಅನುಭವವಾಗಿರದೇ ಇದ್ದರೆ ಅಥವಾ ಇದುವರೆಗೆ ಅನುಭವಿಸಿದ ಅನುಭವಗಳು ಅಷ್ಟೇನೂ ಮುದ ನೀಡಿರದೇ ಇದ್ದರೆ, ನಿಮಗೆ ನಿಮ್ಮ ಸಾಮರ್ಥ್ಯದ ಬಗ್ಗೆ ಅನುಮಾನಗಳಿದ್ದು ಸಮರ್ಪಕವಾಗಿ ಸ್ಪಂದಿಸಲು ಸಾಧ್ಯವೇ ಎಂಬ ಭಯ ಮೂಡಿರುತ್ತದೆ. ಸಾಮಾನ್ಯವಾಗಿ ಮಹಿಳೆಯರು ತಮಗೇನು ಬೇಕು ಅಥವಾ ತಮಗೇನು ಇಷ್ಟ ಎಂಬುದನ್ನು ನೇರವಾಗಿ ಹೇಳದೇ ಕೇವಲ ಸಂಗಾತಿಯ ಅಣತಿಗೆ ಮಾತ್ರವೇ ಸ್ಪಂದಿಸುತ್ತಿರುತ್ತಾರೆ. ಈ ಭಾವನೆಯೇ ದೊಡ್ಡ ತಪ್ಪಾಗಿದ್ದು ಮಿಲನದ ಸಮಯದಲ್ಲಿ ಮಾಲಿಕ-ಗುಲಾಮನ ಸಂಬಂಧದಂತಿರುತ್ತದೆ. ಹಾಗಾಗಿ ಮಿಲನಸಮಯದಲ್ಲಿ ದಂಪತಿಗಳಿಬ್ಬರೂ ಸಮನಾಗಿ ತಮಗೇನು ಬೇಕು ಮತ್ತು ತಮಗೇನು ಇಷ್ಟ ಎಂಬುದನ್ನು ಸ್ಪಷ್ಟವಾಗಿ ತಿಳಿಸಿ ಪರಸ್ಪರರಿಗೆ ಅನುಕೂಲಕರವಾಗುವಂತೆ ಮುಂದುವರೆಯಬೇಕು. ನವದಂಪತಿಗಳಿಗೆ ತಮ್ಮ ಸಂಗಾತಿಗೆ ಏನು ಇಷ್ಟ ಮತ್ತು ಇಷ್ಟವಿಲ್ಲ ಎಂಬುದನ್ನು ಸಮಗ್ರವಾಗಿ ತಿಳಿದುಕೊಳ್ಳಲು ಕೊಂಚ ಸಮಯ ಬೇಕಾಗಬಹುದು. ಒಂದು ವೇಳೆ ಇದುವರೆಗೆ ಈ ನಿಟ್ಟಿನಲ್ಲಿ ತಮ್ಮ ಮನಸ್ಸಿನ ಭಾವನೆಗಳನ್ನು ಸಂಗಾತಿಗೆ ತಿಳಿಸದೇ ಇದ್ದರೆ, ತನ್ನ ಸ್ಪಂದನೆಯ ಬಗ್ಗೆಯೇ ಅನುಮಾನಗಳು ಮೂಡುತ್ತಾ ಭಯ ಅವ್ಯಕ್ತವಾಗಿ ಮನದಲ್ಲಿ ಮನೆ ಮಾಡಿರುತ್ತದೆ.

4. ಕಾಮಪರಾಕಾಷ್ಠೆಯ ಸಮಯದಲ್ಲಿ ವಿಫಲರಾಗುವ ಭಯ

ಕಾಮಪರಾಕಾಷ್ಠೆಯನ್ನು ಕೇವಲ ಸಂಭೋಗದಿಂದ ಮಾತ್ರವೇ ಪಡೆಯಲು ಸಾಧ್ಯವಲ್ಲಿ. (ಸರಿಸುಮಾರು 75%ದಷ್ಟು ಮಹಿಳೆಯರ ಮಟ್ಟಿಗೆ ಇದು ಸತ್ಯ). ಹೆಚ್ಚಿನ ದಂಪತಿಗಳಲ್ಲಿ ಮಹಿಳೆ ಕಾಮಪರಾಕಾಷ್ಠೆಯ ಹಂತ ತಲುಪುವ ಮುನ್ನವೇ ಪುರುಷರ ಉತ್ತಂಗದ ಸಮಯ ಕಳೆದುಹೋಗಿರುತ್ತದೆ. ಹಾಗಾಗಿ ಈ ಉತ್ತುಂಗದ ಸಮಯ ಕಳೆಯುವ ಮುನ್ನವೇ ಮಹಿಳೆಯರು ಮುನ್ನಲಿವಿನ ಇತರ ಹಂತಗಳನ್ನು ಆದಷ್ಟೂ ಹೆಚ್ಚು ಸಮಯ ಪಡೆದುಕೊಳ್ಳಬೇಕು. ಇದರ ಜೊತೆಗೇ ಮುಖ, ಕೈ ಹಾಗೂ ಕಾಮದಾಟಿಕೆಗಳನ್ನೂ ನೆರವಿಗೆ ಬಳಸಬಹುದು ಹಾಗೂ ಹಸ್ತಮೈಥುನವನ್ನೂ ಜೊತೆಯಾಗಿ ಮುಂದುವರೆಸಬಹುದು. ಒಂದು ವೇಳೆ ಹೀಗೂ ಭಯದಿಂದ ಹೊರಬರಲು ಸಾಧ್ಯವಾಗದೇ ಇದ್ದರೆ ನೀವು ನಂಬುವ ತಜ್ಞ ವೈದ್ಯರನ್ನು ಕಂಡು ಸಲಹೆ ಪಡೆಯಬೇಕು.

5.ಜನನಾಂಗದಲ್ಲಿ ನೋವಿನ ಭಯ

ಯಾವಾಗ ನೋವಿನ ಭಯ ಮೂಡುತ್ತದೆಯೋ ಮಹಿಳೆಯರು ತಮ್ಮ ಜನನಾಂಗಗಳನ್ನು ಸಂಕುಸಿಚಿಕೊಳ್ಳುತ್ತಾರೆ. ಈ ಭಯಕ್ಕೆ Vaginismus ಎಂದು ಕರೆಯುತ್ತಾರೆ. ಇದೊಂದು ಭಾವನಾತ್ಮಕ ಹಾಗೂ ಮನೋವೈಜ್ಞಾನಿಕ ತೊಂದರೆಯಾಗಿದ್ದು ಈ ಭಯ ಹೊಂದಿರುವ ಮಹಿಳೆಯೊಂದಿಗೆ ಮಿಲನ ಕ್ರಿಯೆ ಅಸಾಧ್ಯವೆನಿಸುವಷ್ಟು ಕಷ್ಟವಾಗಿದ್ದು ಸಂಗಾತಿ ಮುಂದುವರೆಯಲು ಯತ್ನಿಸಿದರೆ ಮಹಿಳೆ ಚೀರಿ ರಂಪಾಟ ಮಾಡುವ ಸಂಭವವಿದೆ. ಈ ತೊಂದರೆ ಇರುವ ಮಹಿಳೆಯರಿಗೆ ಅನೈಚ್ಛಿಕವಾಗಿ ಜನನಾಂಗಳು ಅತಿ ಹೆಚ್ಚಿನ ಒತ್ತಡದಿಂದ ಸಂಕುಚಿತಗೊಂಡಿರುತ್ತದೆ. ಈ ಭಯವನ್ನು ಹೋಗಲಾಡಿಸಲು ತಜ್ಞರ ನೆರವಿದೆ. ಇದಕ್ಕೂ ಮೊದಲು ಕೆಗೆಲ್ ವ್ಯಾಯಾಮ (Kegel exercises) ಪ್ರಯತ್ನಿಸಿದರೆ ಕೊಂಚ ಲಾಭ ಕಂಡುಬರಬಹುದು.

6.ವಂಚನೆಗೊಳಗಾಗುವ ಭಯ

ಒಂದು ವೇಳೆ ಪರಸ್ಪರ ಬದ್ದತೆಯ ಉದ್ದೇಶದಿಂದ ಮಾತ್ರವೇ ವ್ಯಕ್ತಿಗಳಿಬ್ಬರು ಲೈಂಗಿಕ ಸಂಪರ್ಕ ನಡೆಸಿದರೆ ಇಂದು ಜಗತ್ತಿನಲ್ಲಿ ಅನೈತಿಕ ಸಂಬಂಧವಾಗಲೀ ಇದರಿಂದ ಎದುರಾಗುವ ಪ್ರತ್ಯಕ್ಷ-ಪರೋಕ್ಷ ಕೆಡುಕುಗಳಾಗಲೀ ಇರುತ್ತಲೇ ಇರಲಿಲ್ಲ. ಹೆಚ್ಚಿನ ಸಂದರ್ಭದಲ್ಲಿ ಅನೈತಿಕ ಸಂಬಂಧಗಳಿಗೆ ಲೈಂಗಿಕ ಆಕರ್ಷಣೆ ಅಥವಾ ಕಾಮತೃಷೆಯೇ ಕಾರಣವಾಗಿರುತ್ತದೆ. ಕಾಮತೃಷೆಯನ್ನು ತಣಿಸಲು ಕೆಲವರು ಮದುವೆಯ ಸುಳ್ಳು ಭರವಸೆ ನೀಡು ಮುಂದುವರೆಯುತ್ತಾರೆ. ಆದರೆ ಕೆಲಸವಾದ ಬಳಿಕ ನುಣುಚಿಕೊಳ್ಳುತ್ತಾರೆ. ಇನ್ನೂ ಕೆಲವರು ತಮ್ಮ ಬಗ್ಗೆ ಇರುವ ಸತ್ಯವನ್ನು ಹೇಳದೇ (ತಾನು ಮದುವೆಯಾಗಿರುವ, ಸಂಬಂಧಕ್ಕೆ ಒಳಗಾಗಿರುವ) ಲೈಂಗಿಕ ಸಂಬಂಧ ಮುಂದುವರೆಸಿ ಕೊನೆಗೊಮ್ಮೆ ಈ ಸತ್ಯ ಗೊತ್ತಾಗಿ ವಂಚನೆಗೊಳಗಾದ ಭಾವನೆಯಲ್ಲಿ ಖಿನ್ನರಾಗುತ್ತಾರೆ. ಈ ವಂಚನೆಗೊಳಗಾಗುವ ಭಯವೇ ಹೆಚ್ಚಿನ ಮಹಿಳೆಯರಿಗೆ ಲೈಂಗಿಕ ಕ್ರಿಯೆಗೊಳಗಲು ಹಿನ್ನಡೆ ತೋರುತ್ತಾರೆ. ನೈತಿಕತೆಯ ದೃಷ್ಟಿಯಿಂದ ವಿವಾಹಪೂರ್ವ ಸಂಬಂಧಕ್ಕೆ ಈ ಹಿನ್ನಡೆ ಒಳ್ಳೆಯದೇ ಹೌದು. ಆದರೆ ವಿವಾಹದ ಬಳಿಕವೂ ಈ ಭಯ ಕಾಡಿದರೆ ಮಾತ್ರ ಇದಕ್ಕೆ ಚಿಕಿತ್ಸೆ ಅಗತ್ಯ. ಒಂದು ವೇಳೆ ಅರಿವಿಲ್ಲದೇ ವಂಚನೆಗೊಳಗಾಗಿದ್ದರೆ, ಈ ಭಾವನೆಯನ್ನು ಮರೆತು ಜೀವನದಲ್ಲಿ ದೊಡ್ಡ ಪಾಠವನ್ನು ಕಲಿತು ಈ ತಪ್ಪನ್ನು ಮುಂದೆಂದೂ ಪುನರಾವರ್ತಿಸದಂತೆ ಮುಂದುವರೆಯುವುದೇ ಜಾಣತನದ ಕ್ರಮವಾಗಿದೆ.