ಕಿರಿ ವಯಸ್ಸಿನಲ್ಲಿ ಋತುಮತಿ ಆಗುವ ಮಹಿಳೆಯರಿಗೆ ಗುಟ್ಟಾಗಿ ಕಾಡಲಿದೆ ಕಾಯಿಲೆಗಳು!!

ಹೃದಯದ ಕಾಯಿಲೆ

ಜರ್ನಲ್ ಸರ್ಕ್ಯೂಲೇಷನ್‌ನಲ್ಲಿ ಪ್ರಕಟವಾಗಿರುವಂತಹ ಅಧ್ಯಯನ ವರದಿಯ ಪ್ರಕಾರ ತುಂಬಾ ಕಡಿಮೆ ಅಂದರೆ 13ರ ಹರೆಯದಲ್ಲಿ ಮೊದಲ ಋತುಚಕ್ರಕ್ಕೆ ಒಳಗಾಗುವಂತಹವರು ಹೃದಯದ ಕಾಯಿಲೆ, ಪಾರ್ಶ್ವವಾಯು ಮತ್ತು ಅಧಿಕ ರಕ್ತದೊತ್ತಡಕ್ಕೆ ಒಳಗಾಗುವ ಸಾಧ್ಯತೆ ಕಡಿಮೆ. 10 ಅಥವಾ ಅದಕ್ಕಿಂತಲೂ ಕಡಿಮೆ ವಯಸ್ಸಿನಲ್ಲಿ ಋತುಚಕ್ರವಾಗಿರುವ ಮಹಿಳೆಯರು ಹೃದಯದ ಕಾಯಿಲೆಗೆ ಶೇ.27ರಷ್ಟು, ಅಧಿಕ ರಕ್ತದೊತ್ತಡಕ್ಕೆ ಶೇ.20 ಮತ್ತು ಪಾರ್ಶ್ವವಾಯುವಿಗೆ ಒಳಗಾಗುವ ಸಾಧ್ಯತೆಯು ಶೇ.16ರಷ್ಟು ಹೆಚ್ಚಾಗಿರುವುದು.

ಟೈಪ್ 2 ಮಧುಮೇಹ

12ರ ಹರೆಯಕ್ಕಿಂತ ಮೊದಲೇ ಋತುಚಕ್ರಕ್ಕೆ ಒಳಗಾಗಿರುವ ಮಹಿಳೆಯರು ವಯಸ್ಸಾಗುತ್ತಾ ಇರುವಂತೆ ಟೈಪ್ 2 ಮಧುಮೇಹಕ್ಕೆ ಒಳಗಾಗುವಂತಹ ಸಾಧ್ಯತೆಯು ಹೆಚ್ಚಾಗಿರುವುದು ಎಂದು 4,600 ಮಧ್ಯವಯಸ್ಕ ಮಹಿಳೆಯರನ್ನು ಸಮೀಕ್ಷೆಗೆ ಒಳಪಡಿಸಿರುವಂತಹ ಅಧ್ಯಯನವು ಹೇಳಿದೆ. ಈ ಸಮೀಕ್ಷೆಯು ಡಯಾಬಿಟಿಕ್ ಮೆಡಿಸಿನ್ ನಲ್ಲಿ ಪ್ರಕಟವಾಗಿದೆ. ಋತುಚಕ್ರ ಬೇಗವಾದರೆ ಆಗ ಮಧುಮೇಹ ಬರುವ ಸಾಧ್ಯತೆಯು ಹೆಚ್ಚಾಗಿರುವುದು.

ಪ್ರಿಕ್ಲಾಂಪ್ಸಿಯ

ಪ್ರಿಕ್ಲಾಂಪ್ಸಿಯ ಎನ್ನುವುದು ಗರ್ಭಧಾರಣೆಯ ಸಂದರ್ಭದಲ್ಲಿ ರಕ್ತದೊತ್ತಡ ಹೆಚ್ಚಾಗಿ ಮತ್ತು ಮೂತ್ರದಲ್ಲಿ ಪ್ರೋಟೀನ್ ಕಂಡುಬರುವಂತಹ ಸಮಸ್ಯೆಯಾಗಿದೆ. ಇದು ಮುಂದೆ ಪಾರ್ಶ್ವವಾಯುವಿಗೂ ಕಾರಣವಾಗಬಹುದು. 12ರ ಹರೆಯದ ಮೊದಲೇ ನೀವು ಋತುಚಕ್ರಕ್ಕೆ ಒಳಗಾಗಿದ್ದರೆ ಆಗ ಗರ್ಭಧಾರಣೆ ವೇಳೆ ಈ ಸಮಸ್ಯೆಯು ಬರುವಂತಹ ಸಾಧ್ಯತೆಯು ಶೇ.28ರಷ್ಟು ಇರುವುದು ಎಂದು ಜರ್ನಲ್ ಆಫ್ ಕ್ಲಿನಿಕಲ್ ಆ್ಯಂಟ್ ಡೈಗ್ನಾಸ್ಟಿಕ್ ರಿಸರ್ಚ್ ನಲ್ಲಿ ಪ್ರಕಟಗೊಂಡಿರುವ ಅಧ್ಯಯನ ವರದಿಯು ಹೇಳಿದೆ.

ಥೈರಾಯ್ಡ್ ಕ್ಯಾನ್ಸರ್

ಅಮೆರಿಕನ್ ಜರ್ನಲ್ ಆಫ್ ಎಪಿರ್ಡಮಿನಾಲಜಿಯಲ್ಲಿ ಪ್ರಕಟಗೊಂಡಿರುವ ಅಧ್ಯಯನದ ಪ್ರಕಾರ ತುಂಬಾ ಸಣ್ಣ ವಯಸ್ಸಿನಲ್ಲಿಯೇ ಋತುಚಕ್ರದ ಆರಂಭವಾಗುವ ಮಹಿಳೆಯರಲ್ಲಿ ಥೈರಾಯ್ಡ್ ಕ್ಯಾನ್ಸರ್ ಕಾಣಿಸಿಕೊಳ್ಳುವ ಅಪಾಯವು ಹೆಚ್ಚಾಗಿರುವುದು.

ಮೆದುಳಿನ ಗಡ್ಡೆ

ಅಧ್ಯಯನಗಳು ಹಲವಾರು ರೀತಿಯ ಮರುಉತ್ಪತ್ತಿ ವಿಧಾನಗಳನ್ನು ಪರೀಕ್ಷಿಸಿದ್ದಾರೆ ಮತ್ತು ಇದು ಮೆದುಳಿನ ಗಡ್ಡೆಗೆ ಹೇಗೆ ಭಾಗಿಯಾಗುವುದು ಎಂದು ಗಮನಿಸಿದ್ದಾರೆ. 17ರ ಹರೆಯ ಅಥವಾ ಅದರ ಬಳಿಕ ಋತುಚಕ್ರಕ್ಕೆ ಒಳಗಾಗುವಂತಹ ಹುಡುಗಿಯರು ಜೀವನದ ಮುಂದಿನ ಹಂತದಲ್ಲಿ ಮೆದುಳಿನ ಗಡ್ಡೆಯ ಅಪಾಯಕ್ಕೆ ಸಿಲುಕುವ ಸಾಧ್ಯತೆ ಕಡಿಮೆ ಇದೆ ಎಂದು ಹೇಳಿವೆ.