ನಾನ್ ವೆಜ್ ಪ್ರಿಯರಿಗೆ ಸಿಹಿ ಸುದ್ದಿ-'ಚಿಕನ್ ಲಿವರ್‌' ಆರೋಗ್ಯಕ್ಕೆ ಒಳ್ಳೆಯದು

ರಕ್ತಹೀನತೆಯಿಂದ ತಡೆಯುವುದು

ಚಿಕನ್ ಲಿವರ್ ನ ಮೊದಲ ಆರೋಗ್ಯ ಲಾಭವೆಂದರೆ ಇದು ರಕ್ತಹೀನತೆಯಿಂದ ರಕ್ಷಿಸುವುದು. ರಕ್ತದಲ್ಲಿ ಕೆಂಪುರಕ್ತದ ಕಣಗಳು ಕಡಿಮೆಯಾದರೆ ರಕ್ತಹೀನತೆ ಕಾಯಿಲೆ ಬರುವುದು. ರಕ್ತಹೀನತೆ ಸಮಸ್ಯೆಯಿದ್ದರೆ ಆಗ ನೀವು ಸ್ವಲ್ಪ ಕೆಲಸ ಮಾಡಿದರೂ ಆಯಾಸ ಕಾಡುವುದು. ಇದು ನಿಮ್ಮ ದೈನಂದಿನ ಚಟುವಟಿಕೆ ಮೇಲೆ ಪರಿಣಾಮ ಬೀರುವುದು. ಆದರೆ ನೀವು ಇದರ ಬಗ್ಗೆ ಚಿಂತೆ ಮಾಡಬೇಕೆಂದಿಲ್ಲ. ಯಾಕೆಂದರೆ ಚಿಕನ್ ಲಿವರ್ ನಿಮ್ಮನ್ನು ಇದರಿಂದ ರಕ್ಷಿಸುವುದು. ಚಿಕನ್ ಲಿವರ್ ನಲ್ಲಿ ವಿಟಮಿನ್ ಎ ಮತ್ತು ಕಬ್ಬಿನಾಂಶವು ಇರುವ ಕಾರಣದಿಂದಾಗಿ ಇದು ಕೋಶಗಳ ಚಟುವಟಿಕೆ ಸುಧಾರಿಸುವುದು ಮತ್ತು ನೈಸರ್ಗಿಕವಾಗಿ ರಕ್ತಹೀನತೆ ತಡೆಯುವುದು. ಇದು ದೇಹಕ್ಕೆ ಬೇಕಾಗಿರುವಂತಹ ವಿಟಮಿನ್ ಬಿ12 ನ್ನು ನೀಡುವುದು. ಇದು ಕೆಂಪು ರಕ್ತ ಕಣಗಳ ಉತ್ಪತ್ತಿಗೆ ನೆರವಾಗುವುದು. ಲಿವರ್ ನಲ್ಲಿ ಫಾಲಟೆ, ಕಬ್ಬಿನಾಂಶ ಮತ್ತು ವಿಟಮಿನ್ ಗಳು ಇರುವ ಕಾರಣದಿಂದ ಇದು ಸೇವನೆಗೆ ಯೋಗ್ಯವಾಗಿದೆ. ಕಬ್ಬಿನಾಂಶವು ದೇಹದಲ್ಲಿ ಕೆಂಪುರಕ್ತದ ಕಣಗಳನ್ನು ಉತ್ಪಾದಿಸಲು ಪ್ರಮುಖ ಪಾತ್ರ ವಹಿಸುವುದು.

ಕಣ್ಣಿನ ದೃಷ್ಟಿ ಸುಧಾರಣೆ

ಚಿಕನ್ ಲಿವರ್ ನಲ್ಲಿರುವ ಅಂಶವು ಕಣ್ಣಿನ ದೃಷ್ಟಿಗೆ ಒಳ್ಳೆಯದು. ಚಿಕನ್ ಲಿವರ್ ನಲ್ಲಿ ಶೇ.288ರಷ್ಟು ವಿಟಮಿನ್ ಎ ಇದೆ ಮತ್ತು ಇದು ಕಣ್ಣಿನ ದೃಷ್ಟಿಯ ಆರೋಗ್ಯಕ್ಕೆ ಹೆಚ್ಚಿನ ನೆರವಾಗುವುದು. ಚಿಕನ್ ಲಿವರ್ ನಲ್ಲಿ ವಿಟಮಿನ್ `ಎ' ಯು ರೆಟಿನಾಲ್, ಅಲ್ಪಾ ಮತ್ತು ಬೆಟಾ ಕ್ಯಾರೋಟಿನ್ ರೂಪದಲ್ಲಿದೆ. ವಿಟಮಿನ್ ಗಳಲ್ಲಿ ವಿಟಮಿನ್ ಎ ಪ್ರಮುಖವಾಗಿರುವಂತದ್ದಾಗಿದೆ ಮತ್ತು ಕಣ್ಣಿನ ದೃಷ್ಟಿಗೆ ಇದು ಅತೀ ಅಗತ್ಯವಾಗಿದೆ. ವಿಟಮಿನ್ `ಎ' ಯಿಂದಾಗಿ ಕಣ್ಣಿನ ಪೊರೆ ಮತ್ತು ಅಕ್ಷಿಪಟಲದ ಅವನತಿಯನ್ನು ತಡೆಯುವುದು ಮತ್ತು ಅಕ್ಷಿಪಟಲದ ಉರಿಯೂತವನ್ನು ತಡೆಯುವುದು ಎಂದು ವೈಜ್ಞಾನಿಕ ವರದಿಗಳು ಹೇಳಿವೆ. ಇನ್ನು ನೀವು ಕಣ್ಣಿನ ದೃಷ್ಟಿಯ ಆರೋಗ್ಯಕ್ಕೆ ಕೇವಲ ಕ್ಯಾರೆಟ್ ತಿಂದರೆ ಸಾಲದು. ಚಿಕನ್ ಲಿವರ್ ಕೂಡ ಕಣ್ಣಿನ ದೃಷ್ಟಿ ಕಾಪಾಡುವುದು.

Most Read: ಮೆಂತೆ ಕಾಳುಗಳನ್ನು ಹಾಕಿ ಕುದಿಸಿದ ನೀರು ಕುಡಿದರೆ,ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು

ಶಕ್ತಿ, ಮಾನಸಿಕತೆಗೆ ಪೂರಕ ಮತ್ತು ಪ್ರತಿರೋಧಕ ವ್ಯವಸ್ಥೆ ವೃದ್ಧಿಸುವುದು

ಚಿಕನ್ ಲಿವರ್ ನಲ್ಲಿ ಕಬ್ಬಿನಾಂಶವಿದೆ ಎಂದು ನಾವು ಈಗಾಗಲೇ ಮಾತನಾಡಿದ್ದೇವೆ. ಇದು ಶೇ.72ರಷ್ಟು ರಕ್ತಹೀನತೆ ತಡೆಯುವುದು, ಪ್ರತಿರೋಧಕ ವ್ಯವಸ್ಥೆಯನ್ನು ಆರೋಗ್ಯವಾಗಿಡುವುದು. ಇದರಲ್ಲಿ ಉತ್ತಮ ಪ್ರಮಾಣದ ಸತು, ಪೋಸ್ಪರಸ್ ಮತ್ತು ಮೆಗ್ನಿಶಿಯಂ ಇದೆ. ಈ ಎಲ್ಲಾ ವಿಟಮಿನ್ ಗಳು ಪ್ರತಿರೋಧಕ ವ್ಯವಸ್ಥೆ ಬಲಪಡಿಸುವುದು ಮತ್ತು ದೇಹವು ಸರಿಯಾಗಿ ಬೆಳವಣಿಗೆಯಾಗಲು ನೆರವಾಗುವುದು. ನಿಮಗೆ ಆಯಾಸವಾಗಿದ್ದರೆ ಮತ್ತು ಮನಸ್ಸು ಸರಿಯಾಗಿಲ್ಲವೆಂದಾದರೆ ಆಗ ನೀವು ಚಿಕನ್ ಲಿವರ್ ತಿನ್ನಿ.

ಚರ್ಮ, ಕೂದಲು ಮತ್ತು ಉಗುರಿನ ಆರೋಗ್ಯ ಕಾಪಾಡುವುದು

ಇದು ಹೇಗೆ ಎಂದು ನೀವು ಪ್ರಶ್ನಿಸಬಹುದು. ಚಿಕನ್ ಲಿವರ್ ನಲ್ಲಿ ಶೇ. 52ರಷ್ಟು ಪ್ರೋಟೀನ್ ಇದೆ. ಇದು ಚರ್ಮ, ಕೂದಲು ಮತ್ತು ಉಗುರಿನ ಆರೋಗ್ಯವನ್ನು ಕಾಪಾಡುವುದು ಮತ್ತು ಅದನ್ನು ಸುಸ್ಥಿತಿಯಲ್ಲಿ ಇಡುವುದು. ದೇಹಕ್ಕೆ ವಿಟಮಿನ್ ಗಳಿಂದ ಗರಿಷ್ಠ ಲಾಭವಿದೆ ಎಂದು ಹೆಚ್ಚಿನ ವೈದ್ಯರು ಅಥವಾ ಆಹಾರ ತಜ್ಞರು ಅಭಿಪ್ರಾಯಪಡುತ್ತಾರೆ. ಈ ಕಾರಣದಿಂದಲೂ ಚಿಕನ್ ಲಿವರ್ ನಲ್ಲಿ ಇರುವಂತಹ ವಿಟಮಿನ್ ಗಳು ಚರ್ಮ, ಕೂದಲು ಮತ್ತು ಉಗುರಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಚರ್ಮ ಹಾಗೂ ಕೂದಲಿಗೆ ಬೇರೆಲ್ಲಾ ಪ್ರಯೋಗ ಮಾಡುವ ಬದಲು ನಿಮಗೆ ಇಷ್ಟವಾಗಿರುವಂತಹ ಚಿಕನ್ ಲಿವರ್ ತಿಂದರೆ ಸಾಕು.

ಹಲ್ಲುಗಳು ಹಾಗೂ ಮೂಳೆಗಳಿಗೆ ಒಳ್ಳೆಯದು

ಚಿಕನ್ ಲಿವರ್ ನ ಇತರ ಲಾಭಗಳೆಂದರೆ ಅದು ಹಲ್ಲುಗಳು ಹಾಗೂ ಮೂಳೆಗಳ ಗುಣಮಟ್ಟ ಕಾಪಾಡುವುದು. ಹಲ್ಲುಗಳು ಬಲ ಹಾಗೂ ಆರೋಗ್ಯವಾಗಿರುವುದು ಪ್ರತಿಯೊಬ್ಬರ ಇಚ್ಛೆಯಾಗಿರುವುದು. ಇದರ ಬಗ್ಗೆ ಯಾವುದೇ ಸಂದೇಹವೇ ಬೇಡ. ಆದರೆ ಜೀವನಶೈಲಿ ಬದಲಾವಣೆಯಿಂದಾಗಿ ಇರುವುದೆಲ್ಲವನ್ನು ತಿನ್ನುವ ಕಾರಣದಿಂದಾಗಿ ಹಲ್ಲುಗಳ ಮೇಲೆ ಹಾನಿಕಾರ ಪರಿಣಾಮ ಉಂಟಾಗುವುದು. ಇಂತಹ ಸಮಸ್ಯೆಗಳಿಗೆ ಚಿಕನ್ ಲಿವರ್ ಒಳ್ಳೆಯ ಪರಿಹಾರವಾಗಬಹುದು. ಒಂದು ಔನ್ಸ್ ಚಿಕನ್ ಲಿವರ್ ನಲ್ಲಿ ಶೇ. 40ರಷ್ಟು ಪೋಸ್ಪರಸ್ ಇದೆ. ಕೇವಲ ಪೋಸ್ಪರಸ್ ಮಾತ್ರ ಹಲ್ಲುಗಳು ಹಾಗೂ ಮೂಳೆಗಳನ್ನು ಬೆಳೆಸಲು ಸಾಧ್ಯವಿಲ್ಲವೆಂದು ನಮಗೆ ತಿಳಿದಿದೆ. ಇದಕ್ಕೆ ಚಿಕನ್ ಲಿವರ್ ನಲ್ಲಿರುವ ಇತರ ಕೆಲವು ಖನಿಜಾಂಶಗಳು ಅಗತ್ಯವಾಗಿ ಬೇಕು.

Most Read: ಬುದ್ಧಿವಂತ ಮಗು ಹುಟ್ಟಬೇಕೆ? ಗರ್ಭಾವಸ್ಥೆಯಲ್ಲಿ ಸೇವಿಸುವ ಆಹಾರಗಳ ಡಯಟ್ ಹೀಗಿರಲಿ

ಅಲ್ಝೈಮರ್ ತಡೆಯುವುದು

ಅಲ್ಝೈಮರ್ ಕಾಯಿಲೆಯು ನರ ಅವನತಿಯ ಕಾಯಿಲೆಯಾಗಿದ್ದು, ಇದು ನಿಧಾನವಾಗಿ ಬಂದು, ಸಮಯ ಕಳೆದಂತೆ ಮತ್ತಷ್ಟು ಕೆಟ್ಟದಾಗುವುದು. ಅಲ್ಝೈಮರ್ ಕಾಯಿಲೆ ಬಂದಿರುವ ರೋಗಿಗಳಿಗೆ ನೆನಪಿನ ಶಕ್ತಿಯು ತುಂಬಾ ಕಡಿಮೆಯಿರುವುದು. ಇದು ಕೆಲವು ಸಾಮಾನ್ಯ ಲಕ್ಷಣವಾಗಿದೆ. ಭಾಷೆಯ ಸಮಸ್ಯೆ, ದಿಗ್ಭ್ರಮೆ, ಪ್ರೇರಣೆ ಕೊರತೆ ಇತ್ಯಾದಿಗಳು ಬರಬಹುದು. ಚಿಕನ್ ಲಿವರ್ ನಲ್ಲಿ ವಿಟಮಿನ್ ಬಿ12 ಇದೆ. ಈ ವಿಟಮಿನ್ ಅಲ್ಝೈಮರ್ ಕಾಯಿಲೆ ಹೊಂದಿರುವವರಿಗೆ ತುಂಬಾ ನೆರವಾಗುವುದು. ವಿಟಮಿನ್ ಬಿ12 ಅಲ್ಝೈಮರ್ ರೋಗಿಗಳಲ್ಲಿ ನೆನಪಿನ ಶಕ್ತಿ ಹೆಚ್ಚಿಸುವುದು.