ಮುಂಜಾನೆ ಎದ್ದು ಖಾಲಿಹೊಟ್ಟೆಗೆ ಬಾಳೆಹಣ್ಣು ತಿನ್ನಬಹುದೇ?

ಬಾಳೆಹಣ್ಣಿನಲ್ಲಿ ಅಧಿಕ ಪೋಷಕಾಂಶಗಳಿವೆ

ತೂಕ ಇಳಿಸುವವರಿಗೆ ಒಂದು ಬಾಳೆಹಣ್ಣನ್ನು ಒಂದು ಲೋಟ ಉಗುರುಬೆಚ್ಚನೆಯ ನೀರಿನೊಂದಿಗೆ ಸೇವಿಸುವುದು ಉತ್ತಮವಾದ ಆಯ್ಕೆಯಾಗಿದೆ. ವಿಶೇಷವಾಗಿ ಬೆಳಗ್ಗಿನ ಹೊತ್ತು, ಉಪಾಹಾರದ ಬಳಿಕ ಒಂದು ಬಾಳೆಹಣ್ಣನ್ನು ತಿನ್ನುವ ಮೂಲಕ ಮುಂದಿನ ಮುಖ್ಯ ಆಹಾರಸೇವನೆಯವರೆಗೂ ಹಸಿವಾಗದಂತೆ ತಡೆಯುವ ಮೂಲಕ ತೂಕ ಇಳಿಸುವ ಯತ್ನಗಳಿಗೆ ಬೆಂಬಲ ನೀಡುತ್ತದೆ. ಇದಕ್ಕೂ ಉತ್ತಮ ಎಂದರೆ ಬಾಳೆಹಣ್ಣು ಮತ್ತು ಉಗುರುಬೆಚ್ಚನೆಯ ನೀರನ್ನೇ ಉಪಾಹಾರದ ರೂಪದಲ್ಲಿ ಸೇವಿಸುವುದು. ಇದು ತೂಕ ಇಳಿಸುವವರ ಆಹಾರಾಭ್ಯಾಸವನ್ನು ಸರಳಗೊಳಿಸುತ್ತದೆ ಹಾಗೂ ಇಡಿಯ ದಿನ ಹಸಿವಾಗದ ಕಾರಣ ಮಧ್ಯಾಹ್ನದ ಮತ್ತು ರಾತ್ರಿಯ ಊಟಗಳನ್ನು ಸರಳ ಮತ್ತು ಕಡಿಮೆ ಕ್ಯಾಲೋರಿಗಳಿರುವ ಆಹಾರಕ್ಕೆ ಸಂತೃಪ್ತಿ ಪಡುವಂತೆ ಮಾಡುವ ಮೂಲಕ ತೂಕ ಇಳಿಸಲು ಪರೋಕ್ಷವಾಗಿ ನೆರವಾಗುತ್ತದೆ.

ಆದರೆ ಬಾಳೆಹಣ್ಣಿನೊಂದಿಗೆ ನೀರನ್ನೇಕೆ ಕುಡಿಯಬೇಕು?

ಬಾಳೆಹಣ್ಣಿನೊಂದಿಗೆ ಕೊಂಚ ಉಗುರುಬೆಚ್ಚನೆಯ ನೀರು ಸಹಾ ಇದ್ದರೆ ಇದು ದೇಹದ ಜಲದ ಅವಶ್ಯಕತೆಯನ್ನು ಪೂರೈಸಲು ಸಾಧ್ಯವಾಗುತ್ತದೆ. ಬಾಳೆಹಣ್ಣಿನಲ್ಲಿರುವ ಕಿಣ್ವಗಳು ದೇಹದಲ್ಲಿರುವ ಕಲ್ಮಶಗಳನ್ನು ಹೊರಹಾಕಲು ನೆರವಾಗುತ್ತವೆ. ಇದಕ್ಕೆ ನೀರು ಅಗತ್ಯ. ಅಲ್ಲದೇ ಬಾಳೆಹಣ್ಣಿನಲ್ಲಿರುವ ನೈಸರ್ಗಿಕ ಸಕ್ಕರೆಯಾದ ಫ್ರುಕ್ಟೋಸ್ ಮತ್ತು ಕರಗದ ನಾರು ಮಲಬದ್ಧತ್ತೆಯಿಂದ ರಕ್ಷಣೆ ನೀಡುವ ಜೊತೆಗೇ ಜೀವರಾಸಾಯನಿಕ ಕ್ರಿಯೆಯನ್ನು ಚುರುಕುಗೊಳಿಸಲೂ ನೆರವಾಗುತ್ತವೆ.

ಖಾಲಿಹೊಟ್ಟೆಯಲ್ಲಿ ಬಾಳೆಹಣ್ಣಿನ ಸೇವನೆ ಉತ್ತಮ ಆಯ್ಕೆಯೇ?

ಈ ಪ್ರಶ್ನೆಗೆ ಹೌದು ಎಂಬ ಉತ್ತರವನ್ನು ನಿರೀಕ್ಷಿಸುತ್ತಿದ್ದವರಿಗೆ ಕೊಂಚ ನಿರಾಶೆಯಾಗಲಿದೆ. ಏಕೆಂದರೆ ಬಾಳೆಹಣ್ಣನ್ನು ಖಾಲಿಹೊಟ್ಟೆಯಲ್ಲಿ ಎಂದೂ ಸೇವಿಸಬಾರದು. ಏಕೆಂದರೆ ಬಾಳೆಹಣ್ಣಿನಲ್ಲಿರುವ ಸಕ್ಕರೆ ಹಾಗೂ ಇತರ ಪೋಷಕಾಂಶಗಳು ಹೆಚ್ಚೇ ಇರುವ ಕಾರಣ ಏಕಾಏಕಿ ರಕ್ತದಲ್ಲಿ ಸಕ್ಕರೆಯ ಮಟ್ಟ ಹೆಚ್ಚುತ್ತದೆ ಹಾಗೂ ಇದು ವಿಪರೀತ ಸುಸ್ತು ಆವರಿಸಲು ಕಾರಣವಾಗಬಹುದು. ಅಲ್ಲದೇ ತಾತ್ಕಾಲಿಕ ಅವಧಿಗೆ ಅಪಾರ ಸುಸ್ತು ಹಾಗೂ ತಕ್ಷಣ ನಿದ್ದೆಗೆ ಜಾರಬಹುದು. ಬಾಳೆಹಣ್ಣಿನಲ್ಲಿರುವ ಪೋಷಕಾಂಶಗಳು ಆಮ್ಲೀಯವಾಗಿದ್ದು ಖಾಲಿಹೊಟ್ಟೆಯಲ್ಲಿ ಸೇವಿಸಿದರೆ ಜಠರದ ಜೀರ್ಣರಸಗಳನ್ನು ಇನ್ನಷ್ಟು ಆಮ್ಲೀಯವಾಗಿಸಿ ಹೊಟ್ಟೆಯ ತೊಂದರೆ ಎದುರಾಗಬಹುದು.

ಅಂತಿಮ ನಿರ್ಣಯ

ನೀವು ಮುಂಜಾನೆಯ ಉಪಾಹಾರದಲ್ಲಿ ಬಾಳೆಹಣ್ಣುಗಳನ್ನು ಇತರ ಆಹಾರಗಳೊಂದಿಗೆ ಸೇವಿಸಬಹುದು. ರಾತ್ರಿ ನೆನೆಸಿಟ್ಟ ಒಣಫಲಗಳು, ಒಂದು ಸೇಬು ಇದ್ದರೆ ಇದರ ಆಮ್ಲೀಯತೆ ಕಡಿಮೆಯಾಗಿ ಖಾಲಿಹೊಟ್ಟೆಯಲ್ಲಿ ಸೇವಿಸಲು ಯೋಗ್ಯವಾಗುತ್ತದೆ. ಪರ್ಯಾಯವಾಗಿ ಬಾಳೆಹಣ್ಣಿನೊಂದಿಗೆ ಓಟ್ಸ್ ರವೆಯ ಕುಕ್ಕೀಸ್, ಬೆರ್ರಿಗಳು ಮತ್ತು ಧಾನ್ಯಗಳು, ಚಾಕಲೇಟು-ಹಾಲು ಬಾಳೆಹಣ್ಣಿನ ಸ್ಮೂಥಿ ಮೊದಲಾದವು ಉತ್ತಮ ಆಯ್ಕೆಗಳಾಗಿವೆ.

ಅಂತಿಮ ನಿರ್ಣಯ

ಆದರೆ ಎಂದಿಗೂ ಖಾಲಿಹೊಟ್ಟೆಯಲ್ಲಿ ಬಾಳೆಹಣ್ಣನ್ನು ಮಾತ್ರವೇ ಸೇವಿಸಬಾರದು. ಒಂದು ವೇಳೆ ಈ ಮಾಹಿತಿ ನಿಮಗೆ ಉಪಯುಕ್ತವೆಂದು ಕಂಡುಬಂದರೆ ನಿಮ್ಮ ಸ್ನೇಹಿತರು ಮತ್ತು ಆಪ್ತರೊಂದಿಗೆ ಇದರ ಕೊಂಡಿಯನ್ನು ಹಂಚಿಕೊಳ್ಳುವ ಮೂಲಕ ಹೆಚ್ಚು ಜನರಿಗೆ ಪ್ರಯೋಜನವಾಗಲು ನೆರವಾಗಿ.