ಉಸಿರಾಟದ ತೊಂದರೆ ಇರುವ ವ್ಯಕ್ತಿಗಳು ಸೆಕ್ಸ್ ಸಮಯದಲ್ಲಿ ಈ ಟಿಪ್ಸ್ ಅನುಸರಿಸಿ

ಕಾಮಕ್ರೀಡೆಗೂ ಮುನ್ನ ಸಾಕಷ್ಟು ಕೆಮ್ಮಿಕೊಳ್ಳಿ

ಉಸಿರಾಟದ ತೊಂದರೆ ಇರುವ ವ್ಯಕ್ತಿಗಳಿಗೆ, ವಿಶೇಷವಾಗಿ ಎದೆಯಲ್ಲಿ ಚಳಿ ಹೊಂದಿರುವವರು ಬಲವಂತವಾಗಿಯಾದರೂ ಸರಿ, ಗಂಟಲಲ್ಲಿ ಸಂಗ್ರಹವಾಗಿದ್ದ ಕಫವನ್ನು ನಿವಾರಿಸಿಕೊಂಡೇ ಮುಂದುವರೆಯಬೇಕು. ಇದರಿಂದ ಪ್ರಣಯದ ಸಮಯದಲ್ಲಿ ಉಸಿರಾಟ ಹೆಚ್ಚು ಸರಾಗವಾಗಿರುತ್ತದೆ.

ಕೇವಲ ನಿರಾಳರಾಗಿದ್ದ ಸಮಯದಲ್ಲಿ ಮಾತ್ರವೇ ಈ ಕ್ರಿಯೆಗೆ ಮುಂದಾಗಿ

ಲೈಂಗಿಕ ಕ್ರಿಯೆ ಸರಾಗವಾಗಿ ನಡೆಯಲು ದೇಹ ಮತ್ತು ಮನಸ್ಸುಗಳೆರಡೂ ನಿರಾಳವಾಗಿದ್ದು ಯಾವುದೇ ಒತ್ತಡದಲ್ಲಿರದೇ ಇರುವುದು ಅವಶ್ಯ. ಈ ಸಮಯದಲ್ಲಿ ಕೂಡುವ ಮೂಲಕ ಶ್ವಾಸಕೋಶಗಳ ಮೇಲೆ ಅತಿ ಕಡಿಮೆ ಒತ್ತಡವಿರುವ ಕಾರಣ ಆತ್ಮೀಯ ಕ್ಷಣಗಳಲ್ಲಿಯೂ ಏನೂ ತೊಂದರೆಯಾಗುವುದಿಲ್ಲ.

ಮುಂಜಾನೆ ಕೂಡುವುದರಿಂದ ತಪ್ಪಿಸಿಕೊಳ್ಳಿ

ಮುಂಜಾನೆಯ ಹೊತ್ತಿನ ಕೂಡುವಿಕೆ ಈ ವ್ಯಕ್ತಿಗಳಿಗೆ ಸಲ್ಲದು. ಏಕೆಂದರೆ ರಾತ್ರಿಯ ಸಮಯದಲ್ಲಿ ದೇಹ ಸಾಕಷ್ಟು ಕಫವನ್ನು ಉತ್ಪಾದಿಸಿ ಉಸಿರು ಆಡುವ ನಾಳಗಳ ಒಳಭಾಗದಲ್ಲೆಲ್ಲಾ ಸಂಗ್ರಹಿಸಿ ಉಸಿರಾಟವನ್ನು ಕೊಂಚ ಕಷ್ಟಕರವಾಗಿರಿಸುತ್ತದೆ. ಹಾಗಾಗಿ ಈ ಸಮಯ ನಿಮಗೆ ಸರ್ವಥಾ ಸೂಕ್ತವಲ್ಲ. ಬದಲಿಗೆ ನಿದ್ರೆ ಬರುವ ಮುನ್ನಾ ಸಮಯ ಉತ್ತಮವಾಗಿದೆ.

ಊಟದ ಬಳಿಕವೂ ಕೂಡುವಿಕೆ ಬೇಡ

ಉಸಿರಾಟದ ತೊಂದರೆ ಇರುವ ವ್ಯಕ್ತಿಗಳಿಗೆ ಊಟದ ಬಳಿಕ ಕೂಡುವುದು ಅಪಾಯಕರವಾಗಿದೆ. ಊಟದ ಬಳಿಕ ಹೊಟ್ಟೆ ತುಂಬಿರುವ ಕಾರಣ ಶ್ವಾಸಕೋಶ ವಿಸ್ತರಿಸಲು ಕೊಂಚ ಕಡಿಮೆ ಸ್ಥಳಾವಕಾಶ ಪಡೆಯುವ ಕಾರಣ ಕೊಂಚ ಶಕ್ತಿಗುಂದಿರುತ್ತವೆ. ಆದ್ದರಿಂದ ಮಿಲನದ ಬಳಿಕವೇ ಊಟದ ಕಾರ್ಯಕ್ರಮವಿಟ್ಟುಕೊಂಡರೆ ಉತ್ತಮ.

ಸುಲಭ ಮತ್ತು ಆರಾಮದಾಯಕ ಭಂಗಿಗಳನ್ನೇ ಅನುಸರಿಸಿ

ಉಸಿರಾಟದ ತೊಂದರೆ ಇರುವ ಪುರುಷರು ಗಂಡು ಮೇಲಿರುವ ಮಿಷನರಿ ಭಂಗಿಯನ್ನು ಅನುಸರಿಸಬಾರದು. ಏಕೆಂದರೆ ಈ ಭಂಗಿಯಲ್ಲಿ ಶ್ವಾಸಕೋಶಗಳ ಮೇಲೆ ಹೆಚ್ಚಿನ ಒತ್ತಡ ಬೀಳುತ್ತದೆ. ಇದರ ಬದಲಿಗೆ ಹೆಣ್ಣು ಮೇಲೆ ಬರುವ ಅಥವಾ ಪಕ್ಕಕ್ಕೆ ವಾಲಿರುವ ಭಂಗಿಗಳು ಸೂಕ್ತ. ಉಸಿರಾಟದ ತೊಂದರೆ ಇರುವ ಮಹಿಳೆಯ ಮೇಲೆ ಪುರುಷನ ಮೈಭಾರ ಬೀಳದ ಭಂಗಿಗಳು ಹೆಚ್ಚು ಸೂಕ್ತವಾಗಿವೆ.

ಮಿಲನದ ನಡುವೆ ಕೊಂಚ ವಿಶ್ರಾಂತಿ ಪಡೆಯಿರಿ

ಮಿಲನ ಕ್ರಿಯೆ ಪ್ರಾರಂಭವಾದ ಬಳಿಕ ಉಸಿರಾಟದ ಗತಿಯೂ ಅನಿವಾರ್ಯವಾಗಿ ಹೆಚ್ಚಿಯೇ ಹೆಚ್ಚುತ್ತದೆ. ಆದರೆ ಉಸಿರಾಟದ ತೊಂದರೆ ಇರುವ ವ್ಯಕ್ತಿಗಳಿಗೆ ಈಗತಿ ಒಂದು ಮಿತಿಯನ್ನು ದಾಟಬಾರದು. ಆದ ಕಾರಣ ಮಿಲನ ಕ್ರಿಯೆಯನ್ನು ಉಸಿರು ಕೊಂಚ ತೀವ್ರವಾಗುತ್ತಿದ್ದಂತೆಯೇ ನಿಲ್ಲಿಸಿ ಕೊಂಚ ಕಾಲ ವಿಶ್ರಾಂತಿ ಪಡೆದುಕೊಳ್ಳಬೇಕು ಹಾಗೂ ಉಸಿರು ಮೊದಲಿನ ಗತಿಗೆ ಹಿಂದಿರುಗಲು ಬಿಡಬೇಕು. ಉಸಿರಾಟದ ತೊಂದರೆ ಇರುವ ವ್ಯಕ್ತಿಗಳಿಗೆ ಇದೊಂದು ಅಮೂಲ್ಯವಾದ ಸಲಹೆಯಾಗಿದೆ.

ಉಸಿರಾಟದ ತೊಂದರೆಗೆ ಕೆಲವು ಮನೆಮದ್ದುಗಳು

ಯೋಗಾಭ್ಯಾಸ, ಈಜು, ಧ್ಯಾನ ಈ ಮೂರೂ ಉಸಿರಾಟದ ತೊಂದರೆ ಇರುವ ವ್ಯಕ್ತಿಗಳಿಗೆ ಅತ್ಯುತ್ತಮವಾದ ವ್ಯಾಯಾಮಗಳಾಗಿವೆ. ಇದರ ಹೊರತಾಗಿ ಯಾವಾಗ ಉಸಿರು ಕಷ್ಟಕರ ಎನಿಸತೊಡಗಿತೋ ಆಗ ಬಿಸಿನೀರನ್ನು ನಿಧಾನವಾಗಿ ಗುಟುಕರಿಸುವುದರಿಂದಲೂ ಕೊಂಚ ಉಪಶಮನ ದೊರಕಬಹುದು.