ಬೆನ್ನು ನೋವಿನ ಸಮಸ್ಯೆಯನ್ನು ಕೆಲಸದ ಸಂದರ್ಭದಲ್ಲಿ ಎದುರಿಸುವುದು ಹೇಗೆ?

1. ನಿಮ್ಮ ದೇಹ ಹೇಳಿದಂತೆ ಕೇಳಿ

ಒಂದು ವೇಳೆ ಕೆಲವು ಚಲನೆಗಳು ನಿಮ್ಮ ಬೆನ್ನು ನೋವಿಗೆ ಕಾರಣವಾಗುತ್ತಿದ್ದರೆ, ಸ್ವಲ್ವ ಸಮಯ ನಿಲ್ಲಿ ಮತ್ತು ನಿಮ್ಮ ದೇಹದ ಬಗ್ಗೆ ಗಮನ ಹರಿಸಿ. ನಿಮ್ಮ ವೈದ್ಯರ ಬಳಿ ಯಾವ ಚಲನೆಯು ಅಥವಾ ವ್ಯಾಯಾಮವು ನಿಮಗೆ ಒಳ್ಳೆಯದು ಎಂಬುದನ್ನು ಪರೀಕ್ಷಿಸಿ ನಿಮ್ಮ ದೇಹ ಬಯಸಿದಂತೆ ನೀವು ವರ್ತಿಸಿ. ದೇಹ ಹೇಳುವುದನ್ನು ನೀವು ಕೇಳಿದರೆ ಸಮಸ್ಯೆ ತನ್ನಿಂದ ತಾನೆ ಪರಿಹಾರ ಆಗುತ್ತದೆ.

2. ಅತಿಯಾಗಿ ವಿರಾಮ ತೆಗೆದುಕೊಳ್ಳಬೇಡಿ

ಒಂದು ವೇಳೆ ಪುಟ್ಟ ಗಾಯಗಳಾಗಿದ್ದರೆ ಅತೀ ಹೆಚ್ಚು ದಿನ ಹಾಸಿಗೆಯಲ್ಲಿ ಮಲಗಿಕೊಳ್ಳಬೇಡಿ. ಎರಡು ಅಥವಾ ಅದಕ್ಕಿಂತ ಹೆಚ್ಚು ದಿನ ನೀವು ಹೀಗೆ ಮಲಗಿಕೊಂಡರೆ, ನಿಮ್ಮ ಮಾಂಸಖಂಡಗಳು ಕ್ರಮೇಣ ಶಕ್ತಿಯನ್ನು ಕಳೆದುಕೊಳ್ಳುತ್ತದೆ ಮತ್ತು ಅದು ನಿಮ್ಮ ಬೆನ್ನಿನ ಭಾಗಕ್ಕೆ ನೀಡುವ ಬೆಂಬಲವೂ ಕಡಿಮೆಯಾಗುತ್ತದೆ. ಹಾಗಾಗಿ ಆದಷ್ಟು ಕ್ರಿಯಾಶೀಲರಾಗಿ ಇರುವುದನ್ನು ಕಲಿತುಕೊಳ್ಳಿ. ವಿರಾಮ ತೆಗೆದುಕೊಳ್ಳುವುದನ್ನು ಕಡಿಮೆ ಮಾಡಿ.

3. ಕುಳಿತುಕೊಳ್ಳುವಾಗ ಮತ್ತು ನಿಂತುಕೊಳ್ಳುವಾಗ ಸುರಕ್ಷಿತವಾಗಿರಿ

ನಿಮ್ಮ ಬೆನ್ನಿನ ಕೆಳಭಾಗವನ್ನು ಉತ್ತಮ ಭಂಗಿಯಿಂದ ಕಾಪಾಡಿಕೊಳ್ಳಿ. ಕುಳಿತುಕೊಳ್ಳಿ ಅಥವಾ ನಿಂತುಕೊಳ್ಳಿ ಆದರೆ ನಿಮ್ಮ ಭಂಗಿ ನೇರವಾಗಿರಲಿ. ಕುಳಿತುಕೊಳ್ಳುವಾಗ ಅಥವಾ ನಿಂತುಕೊಳ್ಳುವಾಗ ಬೆನ್ನಿನ ಆರೋಗ್ಯಕ್ಕಾಗಿ ಈ ಸಲಹೆಗಳನ್ನು ಪಾಲಿಸಿ.

• ನೀವು ಡ್ರೈವಿಂಗ್ ಮಾಡುವಾಗ ಸರಿಯಾದ ಭಂಗಿಯಲ್ಲಿ ಕುಳಿತುಕೊಳ್ಳಿ ಮತ್ತು ಬೆನ್ನಿನ ಕೆಳತುದಿಯಲ್ಲಿ ಕುಳಿತುಕೊಳ್ಳುವುದನ್ನು ಆದಷ್ಟು ತಪ್ಪಿಸಿ

• ಕೆಲಸ ಮಾಡುವ ಸಂದರ್ಬದಲ್ಲಿ ಕುಳಿತುಕೊಳ್ಳುವಾಗ, ನಿಮ್ಮ ಕೆಲಸ ಮಾಡುವ ಮೇಲ್ಮೈ ನಿಮಗೆ ಆರಾಮದಾಯದವಾದ ಎತ್ತರದಲ್ಲಿ ಇದಿಯಾ ಪರೀಕ್ಷಿಸಿ, ಆದಷ್ಟು ಆರಾಮದಾಯಕವಾಗಿ ಕುಳಿತುಕೊಳ್ಳಿ.

• ಸೊಂಟಕ್ಕೆ ಹೆಚ್ಚಿನ ಬೆಂಬಲ ನೀಡುವ ಖುರ್ಚಿಗಳನ್ನು ಬಳಸಿ ಮತ್ತು ದಿಂಬುಗಳನ್ನು ಖುರ್ಚಿಯಲ್ಲಿ ಬಳಸಿ ಬೆನ್ನಿಗೆ ಬೆಂಬಲ ಪಡೆಯಿರಿ.

• ನಿಮ್ಮ ಖುರ್ಚಿಯ ಎತ್ತರವನ್ನು ಸರಿಯಾಗಿ ಇಟ್ಟುಕೊಳ್ಳಿ ಮತ್ತು ಅದು ನಿಮ್ಮ ಕೆಲಸಕ್ಕೆ ಸರಿಯಾಗಿ ಬೆಂಬಲ ನೀಡುವಂತೆ ಇರಬೇಕು . ಸ್ಟೂಲ್ ನಲ್ಲಿ ನಿಮ್ಮ ಕಾಲುಗಳಿಗೆ ವಿರಾಮ ನೀಡಿ.

• ಯಾವಾಗ ಎದ್ದು ನಿಲ್ಲುತ್ತೀರೋ, ಆದ ನಿಮ್ಮ ಸೀಟಿನ ತುದಿಗಿಗೆ ನಿಧಾನವಾಗಿ ತೆರಳಿ ಮತ್ತು ಕಾಲುಗಳನ್ನು ಸರಿಯಾಗಿ ಇಟ್ಟುಕೊಂಡು ಯಾವುದಾದರೂ ವಸ್ತುವಿನ ಬೆಂಬಲದೊಂದಿಗೆ ಎದ್ದುನಿಲ್ಲುವ ಅಭ್ಯಾಸ ಹೊಂದಿರಿ,

• ನೀವು ಡ್ರೈವಿಂಗ್ ಮಾಡುವಾಗ, ನಿಮ್ಮ ಸೀಟು ಹೇಗಿರಬೇಕು ಎಂದರೆ ಬೆನ್ನಿನ ಕೆಳಭಾಗವನ್ನು ತಿರುವಿನಂತೆ ಇಟ್ಟುಕೊಳ್ಳಲು ಸಹಕಾರಿಯಾಗಿರಬೇಕು.

• ತುಂಬಾ ದೂರದ ಡ್ರೈವಿಂಗ್ ಮಾಡುವ ಸಂದರ್ಬದಲ್ಲಿ., ಆಗಾಗ ವಿರಾಮ ತೆಗೆದುಕೊಳ್ಳಿ ಮತ್ತು ವೆಹಿಕಲ್ ನಿಲ್ಲಿಸಿ ಸ್ವಲ್ಪ ಆಚೀಚೆ ತಿರುಗಾಡಿ ರೆಸ್ಟ್ ಮಾಡಿ.

4. ವಸ್ತುವನ್ನು ಹಿಡಿದುಕೊಳ್ಳಿ ಮತ್ತು ಸುರಕ್ಷಿತವಾಗಿ ಮುನ್ನಡೆಯಿರಿ

ನೀವು ಕುಳಿತುಕೊಂಡೇ ಮಾಡುವ ಕೆಲಸವನ್ನು ಮಾಡುವವರಾದರೆ, ಆಗಾಗ ನಿಮ್ಮ ಭಂಗಿಯನ್ನು ಬದಲಾಯಿಸುತ್ತಾ ಇರಿ. ಎದ್ದು ನಿಲ್ಲಿ, ಆಗಾಗ ಸುತ್ತಾಡುತ್ತಿರಿ ಮತ್ತು ಪ್ರತಿ ಒಂದು ಗಂಟೆಗೆ ಒಮ್ಮೆ ನಿಮ್ಮನ್ನು ನೀವು ಸ್ಟ್ರೆಚ್ ಮಾಡಿಕೊಳ್ಳುತ್ತಾ ಇರಿ. ನಿಮ್ಮ ಬೆನ್ನಿನ ಭಾಗಕ್ಕೆ ಸೌಮ್ಯವಾದ ವಸ್ತುಗಳನ್ನು ಇರಿಸಿ ಬಲ ನೀಡಿ. ಇತರೆ ಮನೆಕೆಲಸವನ್ನು ಮಾಡುವಾಗ ಉದಾಹರಣೆಗೆ ಒರೆಸುವುದು, ಗುಡಿಸುವುದು ಇತ್ಯಾದಿ ಆಗ ನಿಮ್ಮ ಬೆನ್ನಿನ ಭಾಗವು ಸರಿಯಾಗಿ ಬಾಗಿರುವಂತೆ ನೋಡಿಕೊಳ್ಳಿ. ಅತಿಯಾಗಿ ಒತ್ತಡ ಹೇರಿಕೊಳ್ಳಬೇಡಿ.

ಒಂದು ವೇಳೆ ನೀವು ಯಾವುದೇ ವಸ್ತುಗಳನ್ನು ಎತ್ತುತ್ತಿದ್ದರೆ ಉದಾಹರಣೆಗೆ ಮನೆಯ ಗಿರಣಿ ಸಾಮಾನು ಗಳು ಇತ್ಯಾದಿ ಆಗ ಈ ಭಾರವನ್ನು ಎತ್ತುವಾಗ ಈ ಸಲಹೆಗಳನ್ನು ನೆನಪಿಡಿಯ..

ನಿಮ್ಮ ಅಡಿ ಭುಜವನ್ನು ಅಗಲವಾಗಿರಿಸಿ, ಹೊಟ್ಟೆಯ ಸ್ನಾಯುಗಳನ್ನು ಬಿಗಿಗೊಳಿಸಿ ಮತ್ತು ನಿಮ್ಮ ಕಾಲುಗಳನ್ನು ಎತ್ತಿ ದೃಢವಾಗಿ ಸರಿಯಾದ ಭಂಗಿಯನ್ನೇ ಅನುಸರಿಸಿ.

5. ಸರಿಯಾದ ತೂಕವನ್ನು ಕಾಪಾಡಿಕೊಳ್ಳಿ

ಸರಿಯಾದ ತೂಕವನ್ನು ಕಾಯ್ದುಕೊಳ್ಳುವಿಕೆಯು ನಿಮ್ಮ ಬೆನ್ನಿನ ಆರೋಗ್ಯವನ್ನು ಕಾಪಾಡುವಲ್ಲಿ ಮಹತ್ವದ ಪಾತ್ರವನ್ನು ವಹಿಸುತ್ತದೆ.ಒಂದು ವೇಳೆ ನಿಮಗೆ ಒಬೆಸಿಟಿ ಸಮಸ್ಯೆ ಇದ್ದರೆ, ಅದರಿಂದ ನಿಮ್ಮ ಬೆನ್ನಿನ ಭಾಗಕ್ಕೆ ಸಾಕಷ್ಟು ಒತ್ತಡ ಬೀಳುತ್ತದೆ. ಅಷ್ಟೇ ಅಲ್ಲ, ಕಾಲ್ಸಿಯಂ ಮತ್ತು ವಿಟಮಿನ್ ಡಿ ಯುಕ್ತ ಆಹಾರಗಳ ಸೇವನೆಯು ನಿಮಗೆ ಬೆನ್ನಿನ ಆರೋಗ್ಯವನ್ನು ಹೆಚ್ಚಿಸಲು ಸಹಕಾರಿಯಾಗಿರುತ್ತದೆ.

6. ಧೂಮಪಾನ ಮಾಡುವುದು ಬಿಡುವುದು ಒಳ್ಳೆಯದು

ನಿಮಗೆ ಆಶ್ಚರ್ಯವಾಗಬಹುದು. ಧೂಮಪಾನವು ನಿಮ್ಮ ಬೆನ್ನಿಗೆ ಏನನ್ನೋ ಮಾಡುತ್ತದೆ ಅಂದರೆ ನಂಬೋಕೆ ಸಾಧ್ಯವೇ. ಆದರೂ ನಂಬಬೇಕು. ಧೂಮಪಾನ ಮಾಡುವುದರಿಂದಾಗಿ ಬೆನ್ನುಮೂಳೆಗೆ ರಕ್ತಸಂಚಾರವು ನಿಧಾನಗೊಳ್ಳುತ್ತದೆ ಮತ್ತು ಇದು ವಯಸ್ಸಾದಂತೆ ಬೆನ್ನಿನ ಸಮಸ್ಯೆಗೆ ಕಾರಣವಾಗುತ್ತೆ. ಇದು ನಿಮಗೆ ಬೆನ್ನಿನ ಕೆಳಭಾಗದ ನೋವಿನ ಸಮಸ್ಯೆಗೆ ಕಾರಣವಾಗಬಹುದು.