ದೇಹದ ತೂಕ ಇಳಿಸಿಕೊಳ್ಳಬೇಕೇ? ಬದನೆಕಾಯಿ ಜ್ಯೂಸ್ ಮಾಡಿ ಕುಡಿಯಿರಿ

ಹೆಚ್ಚಿನ ನಾರು, ಕಡಿಮೆ ಕ್ಯಾಲೋರಿ....

ನೂರು ಗ್ರಾಂ ಬದನೆಯಲ್ಲಿ 3.40 ಗ್ರಾಂ ಕರಗುವ ನಾರು ಹಾಗೂ ಕೇವಲ 24 ಕ್ಯಾಲೋರಿಗಳಿವೆ. ಈ ನಾರು ನಮ್ಮ ಜೀರ್ಣಾಂಗಗಳಲ್ಲಿ ನಿಧಾನವಾಗಿ ಚಲಿಸುತ್ತದೆ ಹಾಗೂ ಹೊಟ್ಟೆ ತುಂಬಿರುವ ಭಾವನೆ ಮೂಡಿಸುತ್ತದೆ. ಒಂದು ಕಪ್ ಅಥವಾ 82 ಗ್ರಾಂ ಬದನೆಯಲ್ಲಿ ಮೂರು ಗ್ರಾಂ ಕರಗದ ನಾರು ಹಾಗೂ ಕೇವಲ ಇಪ್ಪತ್ತು ಕ್ಯಾಲೋರಿಗಳಿವೆ.

ಗ್ರೆಲಿನ್ ರಸದೂತಗಳನ್ನು ಕಡಿಮೆ ಮಾಡುತ್ತದೆ

ಬದನೆಯ ಸೇವನೆಯಿಂದ ಗ್ರೆಲಿನ್ (ghrelin) ಎಂಬ ರಸದೂತ ಸ್ರವಿಸುವ ಪ್ರಮಾಣವನ್ನು ಕಡಿಮೆಯಾಗುತ್ತದೆ. ಹಸಿವಿನ ಸಂದೇಶವನ್ನು ನೀಡುವ ಈ ರಸದೂತ ಹೆಚ್ಚಿದ್ದಷ್ಟೂ ಹಸಿವಾಗುವ ಭಾವನೆ ಹೆಚ್ಚುತ್ತಾ ಹೋಗುತ್ತದೆ. ಬದನೆ ಸೇವನೆಯ ಮೂಲಕ ಹಸಿವಾಗುವ ಸಂಕೇತವೂ ಕಡೆಮೆಯಾಗಿ ಅನಗತ್ಯ ಆಹಾರ ಸೇವನೆಯಿಂದ ತಡೆಗಟ್ಟಿದಂತಾಗುತ್ತದೆ ಹಾಗೂ ತೂಕ ಇಳಿಸುವ ಪ್ರಯತ್ನಗಳು ಹೆಚ್ಚು ಫಲ ನೀಡುತ್ತವೆ.

ಹೆಚ್ಚಿನ ನೀರಿನಂಶವಿದೆ

ಒಂದು ಅಧ್ಯಯನದಲ್ಲಿ ಕಂಡುಕೊಂಡಂತೆ ಬದನೆಯಲ್ಲಿ ಸುಮಾರು 90% ನೀರಿದೆ ಹಾಗೂ ಇದು ತೂಕ ಇಳಿಸಲು ಪ್ರತ್ಯಕ್ಷವಾಗಿ ನೆರವಾಗುತ್ತದೆ. ಬದನೆಯಲ್ಲಿರುವ ನೀರು ಕೆಲವು ಕಾಯಿಲೆಗಳನ್ನು ಗುಣಪಡಿಸಲು ನೆರವಾಗುತ್ತದೆ ಹಾಗೂ ಆರೋಗ್ಯವನ್ನು ಕಾಪಾಡುತ್ತದೆ.

ಇದರಲ್ಲಿದೆ ಸಾಪೋನಿನ್

ಬದನೆಯಲ್ಲಿರುವ ಸಾಪೋನಿನ್ ಎಂಬ ಪೋಷಕಾಂಶ ಆಹಾರದಲ್ಲಿರುವ ಕೊಬ್ಬನ್ನು ದೇಹ ಹೀರಿಕೊಳ್ಳದಂತೆ ತಡೆಯುತ್ತದೆ. ಕೊಬ್ಬನ್ನು ದೇಹ ಹೀರಿಕೊಂಡಷ್ಟೂ ತೂಕ ಏರುವ ಸಾಧ್ಯತೆಯೂ ಹೆಚ್ಚುತ್ತದೆ. ಕೊಬ್ಬನ್ನು ಹೀರಿಕೊಳ್ಳದಂತೆ ತಡೆಯುವ ಮೂಲಕ ದೇಹದ ತೂಕವೂ ಕಡಿಮೆಯಾಗುತ್ತದೆ. ಅಲ್ಲದೇ ಕರುಳುಗಳು ಕೊಲೆಸ್ಟ್ರಾಲ್ ಹೀರಿಕೊಳ್ಳುವುದನ್ನೂ ಕಡಿಮೆ ಮಾಡುತ್ತದೆ.

ತೂಕ ಇಳಿಸಲು ಬಳಸಿ ಬದನೆಯ ಜ್ಯೂಸ್

ಬದನೆಯ ಎಲ್ಲಾ ಪೋಷಕಾಂಶಗಳ ಪ್ರಯೋಜನವನ್ನು ಪಡೆದು ತೂಕ ಇಳಿಸಬೇಕೆಂದರೆ ಇದನ್ನು ಜ್ಯೂಸ್ ಮಾಡಿಕೊಂಡು ಪ್ರಮುಖ ಊಟಗಳಿಗೂ ಸುಮಾರು ಹದಿನೈದು ನಿಮಿಷ ಮುನ್ನ ಕುಡಿಯಬೇಕು. ಬನ್ನಿ, ಇದನ್ನು ತಯಾರಿಸುವುದು ಹೇಗೆ ಎಂದು ನೋಡೋಣ:

ಅಗತ್ಯವಿರುವ ಸಾಮಾಗ್ರಿಗಳು:

ಒಂದು ಸುಮಾರು ದೊಡ್ಡದೇ ಇರುವ ನೆಲಗುಳ್ಳ

ಸುಮಾರು ಅರ್ಧ ಲೀಟರ್ ನೀರು

ಒಂದು ಲಿಂಬೆ (ಐಚ್ಛಿಕ)

ವಿಧಾನ

*ಬದನೆಯ ಸಿಪ್ಪೆ ಸುಲಿದು ಚಿಕ್ಕ ಚಿಕ್ಕ ತುಂಡುಗಳನ್ನಾಗಿಸಿ

*ಈ ತುಂಡುಗಳನ್ನು ನೀರಿನಲ್ಲಿ ಕೆಲವು ಘಂಟೆಗಳವರೆಗೆ ನೆನೆಸಿಡಿ. ಈ ನೀರನ್ನು *ಸುಮಾರು ಹದಿನೈದು ನಿಮಿಷ ಬೇಯಿಸಿ ಸೋಸಿ ತಣಿಸಿ ಮದ್ಯಾಹ್ನದ ಹಾಗೂ *ರಾತ್ರಿಯ ಊಟಕ್ಕೂ ಮುನ್ನ ಸೇವಿಸಿ. ಬೆಳಗ್ಗಿನ ಉಪಾಹಾರಕ್ಕೂ ಮುನ್ನ ಸೇವಿಸಲು ರಾತ್ರಿಯೇ ನೆನೆಸಿಡುವುದು ಉತ್ತಮ.

*ಈ ನೀರು ಕೊಂಚ ಕಹಿಯಾಗಿರುವ ಕಾರಣ ಒಂದು ಲಿಂಬೆಯ ರಸವನ್ನು ಬೆರೆಸುವ ಮೂಲಕ ರುಚಿಯನ್ನೂ ಹೆಚ್ಚಿಸಬಹುದು.

ಜೊತೆಗೇ ಸಾಕಷ್ಟು ವ್ಯಾಯಾಮವನ್ನೂ ಮಾಡಿ...

ತೂಕ ಇಳಿಕೆಯ ಪ್ರಕ್ರಿಯೆಯನ್ನು ಇನ್ನಷ್ಟು ಉತ್ತಮಗೊಳಿಸಲು ಬದನೆಯ ನೀರಿನ ಸೇವನೆಯ ಜೊತೆಗೇ ಸಾಕಷ್ಟು ವ್ಯಾಯಾಮವನ್ನೂ ಮಾಡಬೇಕು ಹಾಗೂ ಕ್ಯಾಲೋರಿಗಳು ಕಡಿಮೆ ಇರುವ ಆಹಾರಗಳನ್ನು ಸೇವಿಸಬೇಕು.