ಪುರುಷರಲ್ಲಿ ಲೈಂಗಿಕ ಶಕ್ತಿ ಹೆಚ್ಚಿಸುವ ಆಹಾರಗಳು

By: Arshad Hussain
Subscribe to Boldsky

ಸಾಮಾನ್ಯವಾಗಿ ಹೆಚ್ಚಿನವರು ತಮ್ಮ ಲೈಂಗಿಕ ಆರೋಗ್ಯವನ್ನು ಕಡೆಗಣಿಸುತ್ತಾರೆ. ಇದಕ್ಕೆ ದೈಹಿಕ, ಮಾನಸಿಕ, ಜೀವನಕ್ರಮ ಅಥವಾ ದೂರವನ್ನು ಅನಿವಾರ್ಯವಾಗಿ ಕಾಪಾಡಿಕೊಳ್ಳಬೇಕಾದ ಕಾರಣಗಳಿರಬಹುದು. ಆದರೆ ಯಾರಿಗೂ ಈ ಆರೋಗ್ಯದಿಂದ ವಿಮುಖರಾಗುವುದು ಇಷ್ಟವಿಲ್ಲ. ಪುರುಷರಲ್ಲಿ ಈ ಶಕ್ತಿಯನ್ನು ಉತ್ತಮವಾಗಿ ಉಳಿಸಿಕೊಂಡು ಹೋಗುವ ಆಹಾರಗಳನ್ನು ಸೇವಿಸುವುದು ಅಗತ್ಯ.

ಲೈಂಗಿಕ ಆರೋಗ್ಯವನ್ನು ಉತ್ತಮವಾಗಿರಿಸಿಕೊಳ್ಳುವ ಆಹಾರಗಳನ್ನು ಸೇವಿಸುವ ಹಾಗೂ ಲೈಂಗಿಕ ಹಾಗೂ ಒಟ್ಟಾರೆ ಆರೋಗ್ಯಕ್ಕೆ ಮಾರಕವಾಗುವ ಯಾವುದೇ ವ್ಯಸನಗಳಿಂದ ದೂರವಿರುವುದೂ ಅಷ್ಟೇ ಅಗತ್ಯವಾಗಿದೆ. ಮದ್ಯಪಾನ, ಮಾದಕ ವಸ್ತುಗಳ ಸೇವನೆ, ನಿದ್ದೆಯ ಕೊರತೆ, ಕೆಲವು ಔಷಧಿಗಳ ಅಡ್ಡಪರಿಣಾಮಗಳು, ಹಾರ್ಮೋನುಗಳ ಏರಿಳಿತ ಮೊದಲಾದವು ಲೈಂಗಿಕ ಶಕ್ತಿ ಕುಂದಲು ಕಾರಣವಾಗಿವೆ. ಕೆಲವು ಅನಾರೋಗ್ಯದ ಪರಿಣಾಮದಿಂದಲೂ ನಿಮಿರು ದೌರ್ಬಲ್ಯ ಕಾಣಿಸಿಕೊಳ್ಳಬಹುದು.

ಒಂದು ವೇಳೆ ಮಾನಸಿಕ ಒತ್ತಡ ತೀವ್ರವಾಗಿದ್ದರೂ ಇದು ದೇಹದ ರಸದೂತಗಳ ಕ್ರಿಯೆಗೆ ಅಡ್ಡಿಪಡಿಸುವ ಮೂಲಕವೂ ಲೈಂಗಿಕ ಶಕ್ತಿ ಕುಂದಲು ಕಾರಣವಾಗಬಹುದು. ಲೈಂಗಿಕ ಶಕ್ತಿ ಕುಂದಲಿಕ್ಕೂ ಖಿನ್ನತೆಯೂ ಸಂಕೀರ್ಣವಾದ ಸಂಬಂಧವಿರುವುದನ್ನು ಕಂಡುಕೊಳ್ಳಲಾಗಿದೆ. ಆತ್ಮವಿಶ್ವಾಸದ ಕೊರತೆಯೂ ಇದಕ್ಕೆ ಇನ್ನೊಂದು ಕಾರಣ. ಲೈಂಗಿಕ ಆರೋಗ್ಯವನ್ನು ಉತ್ತಮವಾಗಿರಿಸಿಕೊಳ್ಳುವುದು ದಂಪತಿಗಳ ನಡುವಣ ಬಾಂಧವ್ಯ ಉತ್ತಮವಾಗಿರಿಸಲು ಅಗತ್ಯ ಹಾಗೂ ಪರಸ್ಪರರ ಜೊತೆಗೂ ಮೂಲವಾಗಿದೆ. ಪುರುಷರ ಲೈಂಗಿಕ ವಿಷಯದಲ್ಲಿ ಒಳ್ಳೆಯ ಸುದ್ದಿ ಏನೆಂದರೆ ನಿತ್ಯದ ಸೇವನೆಯಲ್ಲಿ ಕೆಲವು ಆಹಾರಗಳನ್ನು ಸೇರಿಸಿಕೊಳ್ಳುವ ಮೂಲಕ ಲೈಂಗಿಕ ಶಕ್ತಿಯನ್ನು ಹೆಚ್ಚಿಸಿ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಬನ್ನಿ, ಈ ಆಹಾರಗಳು ಯಾವುವು ಎಂಬುದನ್ನು ನೋಡೋಣ..

ಹಾಲು

ಹಾಲು

ತಾಜಾ ಹಾಗೂ ಕೊಬ್ಬು ಸಹಿತ ಆಹಾರಗಳಾಡ ಹಾಲು, ಕ್ರೀಂ, ಬೆಣ್ಣೆ ಮೊದಲಾದವು ಲೈಂಗಿಕ ಆರೋಗ್ಯವನ್ನು ಸುಸ್ಥಿತಿಯಲ್ಲಿರಿಸುತ್ತವೆ. ರಾತ್ರಿ ಮಲಗುವ ಮುನ್ನ ಒಂದು ಲೋಟ ಬಿಸಿ ಹಾಲಿನ ಸೇವನೆ ಈ ನಿಟ್ಟಿನಲ್ಲಿ ಅದ್ಭುತಗಳನ್ನೇ ಸಾಧಿಸುತ್ತದೆ.

ಸಿಂಪಿ ಅಥವಾ ಚಿಪ್ಪಿನ ಮೃದಂಗಿ (Oysters)

ಸಿಂಪಿ ಅಥವಾ ಚಿಪ್ಪಿನ ಮೃದಂಗಿ (Oysters)

ಲೈಂಗಿಕ ಶಕ್ತಿ ಹೆಚ್ಚಲು ಸಿಂಪಿಯ ಸೇವನೆ ಉತ್ತಮ ಆಯ್ಕೆಯಾಗಿದೆ. ಪುರುಷರ ಲೈಂಗಿಕಾಸಕ್ತಿ ಹಾಗೂ ಪೌರುಷವನ್ನು ಹೆಚ್ಚಿಸಲು ಸಿಂಪಿಯಿಂದ ತಯಾರಿಸಿದ ಆಹಾರವನ್ನು ಆಗಾಗ ಸೇವಿಸುತ್ತಿರಬೇಕು.

ಶತಾವರಿ (Asparagus)

ಶತಾವರಿ (Asparagus)

ಇದೊಂದು ನೈಸರ್ಗಿಕ ರಸದೂತ ಸಮತೋಲನ ಉಳಿಸಿಕೊಳ್ಳುವ ಆಹಾರವಾಗಿದ್ದು ಲೈಂಗಿನ ಆರೋಗ್ಯವನ್ನೂ ಸುಸ್ಥಿತಿಯಲ್ಲಿರಿಸಲು ನೆರವಾಗುತ್ತದೆ.

ಪುರುಷರ ವೀರ್ಯಾಣುಗಳ ಸಂಖ್ಯೆ ಹೆಚ್ಚಿಸುವ ಆಹಾರಗಳು

ಯಕೃತ್

ಯಕೃತ್

ಯಕೃತ್ ಗಳಲ್ಲಿ ಸತು ಹೆಚ್ಚಿನ ಪ್ರಮಾಣದಲ್ಲಿದ್ದು ಪುರುಷರಿಗೆ ಮೀಸಲಾದ ಟೆಸ್ಟಾಸ್ಟೆರಾನ್ ರಸದೂತದ ಮಟ್ಟವನ್ನು ಸುಸ್ಥಿತಿಯಲ್ಲಿರಿಸಲು ನೆರವಾಗುತ್ತದೆ.

ಮೊಟ್ಟೆಗಳು

ಮೊಟ್ಟೆಗಳು

ಮೊಟ್ಟೆಗಳು ಸಹಾ ಪುರುಷರ ಲೈಂಗಿಕ ಆರೋಗ್ಯಕ್ಕೆ ಉತ್ತಮ ಆಹಾರವಾಗಿದೆ. ಮೊಟ್ಟೆಗಳಲ್ಲಿ ವಿಟಮಿನ್ B5 ಹಾಗೂ B6 ಹೆಚ್ಚಿನ ಪ್ರಮಾಣದಲ್ಲಿವೆ. ಅಲ್ಲದೇ ಮೊಟ್ಟೆಯಲ್ಲಿರುವ ಪ್ರೋಟೀನುಗಳು, ವಿಟಮಿನ್ನುಗಳು ಒಟ್ಟಾರೆ ಆರೋಗ್ಯದ ಜೊತೆಗೇ ಲೈಂಗಿಕ ಆರೋಗ್ಯವನ್ನೂ ಉತ್ತಮವಾಗಿರಿಸಲು ನೆರವಾಗುತ್ತವೆ.

ಬಾಳೆಹಣ್ಣು

ಬಾಳೆಹಣ್ಣು

ಬಾಳೆಹಣ್ಣಿನಲ್ಲಿ ಪೊಟ್ಯಾಶಿಯಂ, ಮ್ಯಾಂಗನೀಸ್, ವಿಟಮಿನ್ ಬಿ ಹೆಚ್ಚಿನ ಪ್ರಮಾಣದಲ್ಲಿವೆ. ಈ ಪೋಷಕಾಂಶಗಳು ಪುರುಷರಲ್ಲಿ ಲೈಂಗಿಕ ಶಕ್ತಿ ಹೆಚ್ಚಿಸಲು ನೆರವಾಗುತ್ತವೆ.

ಅಗಸೆಬೀಜ (Flaxseed)

ಅಗಸೆಬೀಜ (Flaxseed)

ಈ ಗುಂಪಿಗೆ ಸೇರಿದ ಯಾವುದೇ ಆಹಾರಗಳು ಲೈಂಗಿಕ ಆರೋಗ್ಯಕ್ಕೆ ಒಳ್ಳೆಯದು. ಇದರಲ್ಲಿ ಅಗಸೆಬೀಜದ ಸಹಿತ ಒಣಗಿದ ಬೀಜಗಳು, ಇಡಿಯ ಧಾನ್ಯಗಳು ಹಾಗೂ ಹಣ್ಣುಗಳನ್ನು ಸೇರಿಸಬಹುದು.

ಸಿಹಿಗೆಣಸು

ಸಿಹಿಗೆಣಸು

ಇದನ್ನೊಂದು ಲೈಂಗಿಕ ಆಹಾರವನ್ನಾಗಿ ಪರಿಗಣಿಸಲಾಗುತ್ತದೆ. ಈ ತರಕಾರಿಯಲ್ಲಿ ಹೆಚ್ಚಿನ ಬೀಟಾ ಕ್ಯಾರೋಟಿನ್ ಇದ್ದು ವಿಟಮಿನ್ ಎ ಆಗಿ ಪರಿವರ್ತಿತವಾಗುತ್ತದೆ.

ಕಾಫಿ

ಕಾಫಿ

ನಿಮ್ಮ ನೆಚ್ಚಿನ ಕಾಫಿ ಸಹಾ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ಮುಂಜಾನೆಯ ಉಪಾಹಾರದ ಬಳಿಕ ಒಂದು ಕಪ್ ಬಿಸಿ ಬಿಸಿ ಕಾಫಿ ಕುಡಿಯುವ ಮೂಲಕ ಮನೋಭಾವ ಉತ್ತಮಗೊಳ್ಳುವ ಜೊತೆಗೇ ನಿಮಿರು ಸಾಮರ್ಥ್ಯವನ್ನೂ ಹೆಚ್ಚಿಸುತ್ತದೆ.

ಚಾಕಲೇಟು

ಚಾಕಲೇಟು

ಪುರುಷರ ಲೈಂಗಿಕ ಶಕ್ತಿಯನ್ನು ಹೆಚ್ಚಿಸುವ ಆಹಾರಗಳಲ್ಲಿ ನೆಚ್ಚಿನ ಚಾಕಲೇಟು ಸಹಾ ಒಂದು ಇದರಲ್ಲಿರುವ ಥಿಯೋಬ್ರೋಮೈನ್ ಎಂಬ ಪೋಷಕಾಂಶ ಈ ಕೆಲಸವನ್ನು ಸಮರ್ಥವಾಗಿ ನಿರ್ವಹಿಸುತ್ತದೆ.

ಕುಂಬಳದ ಬೀಜಗಳು

ಕುಂಬಳದ ಬೀಜಗಳು

ಈ ಬೀಜಗಳಲ್ಲಿ ಹೆಚ್ಚಿನ ಪ್ರಮಾಣದ ಸತು ಇದೆ. ಪುರುಷರ ಲೈಂಗಿಕ ಶಕ್ತಿ ಉತ್ತಮವಾಗಿರಿಸಲು ಸತು ಅಗತ್ಯವಾಗಿದೆ.

ಜಾಯಿಕಾಯಿ (Nutmeg)

ಜಾಯಿಕಾಯಿ (Nutmeg)

ಜಾಯಿಕಾಯಿ ನರಗಳ ಜೀವಕೋಶಗಳಿಗೆ ಪ್ರಚೋದನೆ ನೀಡಿ ಹೆಚ್ಚಿನ ರಕ್ತಸಂಚಾರಕ್ಕೆ ನೆರವಾಗುತ್ತದೆ. ಪರಿಣಾಮವಾಗಿ ಪುರುಷರಲ್ಲಿ ನಿಮಿರುತನ ಇನ್ನಷ್ಟು ಉತ್ತಮಗೊಳ್ಳುತ್ತದೆ.

ಟ್ರಫಲ್ (ಒಂದು ಬರೆಯ ಶಿಲೀಂಧ್ರ)

ಟ್ರಫಲ್ (ಒಂದು ಬರೆಯ ಶಿಲೀಂಧ್ರ)

ಪುರುಷರಲ್ಲಿ ಲೈಂಗಿಕ ಆರೋಗ್ಯವನ್ನು ಉತ್ತಮಪಡಿಸಲು ಈ ಆಹಾರವಸ್ತು ಸಹಾ ಉತ್ತಮ ಆಯ್ಕೆಯಾಗಿದೆ. ವಿಶೇಷವಾಗಿ ನಿಮಿರು ಸಾಮರ್ಥ್ಯವನ್ನು ಹೆಚ್ಚಿಸುವ ಮೂಲಕ ಲೈಂಗಿಕ ಕ್ರಿಯೆಯನ್ನು ಉತ್ತಮಗೊಳಿಸಲು ನೆರವಾಗುತ್ತದೆ.

ಸೂರ್ಯಕಾಂತಿ ಬೀಜಗಳು

ಸೂರ್ಯಕಾಂತಿ ಬೀಜಗಳು

ಇದರಲ್ಲಿರುವ ಎಣ್ಣೆಯ ಪ್ರಮಾಣ ಪುರುಷರಲ್ಲಿ ಲೈಂಗಿಕ ಆರೋಗ್ಯವನ್ನು ಹೆಚ್ಚಿಸುವ ಹಾರ್ಮೋನುಗಳನ್ನು ಪ್ರಚೋದಿಸಿ ಲೈಂಗಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

ಮೀನು

ಮೀನು

ಸಾಮಾನ್ಯವಾಗಿ ಎಲ್ಲಾ ಮೀನುಗಳಲ್ಲಿಯೂ ಒಮೆಗಾ ೩ ಕೊಬ್ಬಿನ ಆಮ್ಲಗಳಿರುತ್ತವೆ. ಮೀನಿನ ಸೇವನೆ ಹಾಗೂ ಮೀನೆಣ್ಣೆಯ ಗುಳಿಗೆಗಳನ್ನು ಹೆಚ್ಚುವರಿಯಾಗಿ ಸೇವಿಸುವ ಮೂಲಕ ಲೈಂಗಿಕ ಆರೋಗ್ಯ ಉತ್ತಮವಾಗುತ್ತದೆ.

ಶೇಂಗಾಬೀಜ

ಶೇಂಗಾಬೀಜ

ಶೇಂಗಾಬೀಜಗಳಲ್ಲಿರುವ ಸತು ಆರೋಗ್ಯಕರ ವೀರ್ಯಾಣುಗಳನ್ನು ಸೃಷ್ಟಿಸಲು ನೆರವಾಗುತ್ತದೆ. ಹಾಗೂ ಈ ಮೂಲಕ ವೀರ್ಯಾಣುಗಳ ಸಂಖ್ಯೆಯೂ ಹೆಚ್ಚುತ್ತದೆ. ಈ ಸಂಖ್ಯೆ ಹೆಚ್ಚಿದಷ್ಟೂ ಫಲವತ್ತತೆಯೂ ಹೆಚ್ಚುತ್ತದೆ.

ಎಡಮೇಮ್ (Edamame)

ಎಡಮೇಮ್ (Edamame)

ನಮ್ಮ ಹಸಿರು ಬಟಾಣಿಯಂತೆಯೇ ತೋರುವ ಈ ಬೀಜಗಳು ಸಹಾ ಪುರುಷರ ಲೈಂಗಿಕ ಆರೋಗ್ಯ ಉತ್ತಮಗೊಳಿಸಲು ಯೋಗ್ಯವಾದ ಆಹಾರಗಳಾಗಿವೆ. ಇದರಲ್ಲಿರುವ ಕೆಲವು ರಾಸಾಯನಿಕಗಳು ಲೈಂಗಿಕ ಶಕ್ತಿಯನ್ನು ಹೆಚ್ಚಿಸುತ್ತವೆ.

ಬೀಫ್ ರೋಸ್ಟ್

ಬೀಫ್ ರೋಸ್ಟ್

ಯಕೃತ್ ನಂತೆಯೇ ಈ ಮಾಂಸದಲ್ಲಿಯೂ ಉತ್ತಮ ಪ್ರಮಾಣದ ಸತು ಇದೆ. ನಿಮ್ಮ ಆಹಾರದಲ್ಲಿ ಚಿಕ್ಕ ಪ್ರಮಾಣದಲ್ಲಿ ಈ ಮಾಂಸವನ್ನು ಸೇರಿಸಿಕೊಳ್ಳುವುದರಿಂದ ಖಂಡಿತವಾಗಿಯೂ ಲಾಭವಿದೆ.

ಕುರಿಮಾಂಸ

ಕುರಿಮಾಂಸ

ಈ ಮಾಂಸದಲ್ಲಿಯೂ ಸತು ಉತ್ತಮ ಪ್ರಮಾಣದಲ್ಲಿದೆ. ಈ ಮಾಂಸದಿಂದ ತಯಾರಿಸುವ ಯಾವುದೇ ಖಾದ್ಯವನ್ನು ಆಗಾಗ ಸೇವಿಸುವ ಮೂಲಕ ಲೈಂಗಿಕ ಶಕ್ತಿ ಉತ್ತಮವಾಗಿರುತ್ತದೆ.

ಬೆಣ್ಣೆಹಣ್ಣು

ಬೆಣ್ಣೆಹಣ್ಣು

ಈ ಹಣ್ಣಿನ ತಿರುಳಿನಲ್ಲಿ ವಿಟಮಿನ್ B6 ಹಾಗೂ ಪೊಟ್ಯಾಶಿಯಂ ಇದ್ದು ಪುರುಷರ ಲೈಂಗಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

ಓಟ್ಸ್ ರವೆ

ಓಟ್ಸ್ ರವೆ

ಈ ರವೆಯನ್ನು ಉಪಾಹಾರದ ರೂಪದಲ್ಲಿ ಸೇವಿಸುವ ಮೂಲಕ ಹಾಗೂ ಇತರ ಗೋಧಿ ಮತ್ತು ಸಣ್ಣಗೋಧಿಯ ಖಾದ್ಯಗಳೊಂದಿಗೆ ಬೆರೆಸಿ ಸೇವಿಸುವ ಮೂಲಕವೂ ಪುರುಷರ ಲೈಂಗಿಕ ಆರೋಗ್ಯ ಉತ್ತಮವಾಗಿರುತ್ತದೆ.

ಸ್ಟ್ರಾಬೆರಿ ಹಣ್ಣುಗಳು

ಸ್ಟ್ರಾಬೆರಿ ಹಣ್ಣುಗಳು

ಈ ಹಣ್ಣುಗಳಲ್ಲಿ ವಿಟಮಿನ್ ಸಿ ಉತ್ತಮ ಪ್ರಮಾಣದಲ್ಲಿದ್ದು ಇದರ ಸೇವನೆಯಿಂದ ರಕ್ತಪರಿಚಲನೆ ಉತ್ತಮಗೊಳ್ಳುತ್ತದೆ.

ಕಲ್ಲಂಗಡಿ ಹಣ್ಣು

ಕಲ್ಲಂಗಡಿ ಹಣ್ಣು

ಕಲ್ಲಂಗಡಿ ಹಣ್ಣಿನಲ್ಲಿ ಬೀಟಾ ಕ್ಯಾರೋಟಿನ್ ಮತ್ತು ಸಿಟ್ರುಲಿನ್ ಉತ್ತಮ ಪ್ರಮಾಣದಲ್ಲಿದ್ದು ರಕ್ತನಾಳಗಳನ್ನು ಸಡಿಲಿಸಿ ರಕ್ತಪರಿಚಲನೆ ಉತ್ತಮಗೊಳ್ಳಲು ನೆರವಾಗುತ್ತವೆ.

ಕೆಂಪು ವೈನ್

ಕೆಂಪು ವೈನ್

ಮದ್ಯದ ವ್ಯಸನಿಗಳಿಗೆ ಇದೊಂದು ಉತ್ತಮ ಪರ್ಯಾಯವಾಗಿದೆ. ದಿನಕ್ಕೆ ಒಂದು ಅಥವಾ ಎರಡು ಲೋಟ ಕೆಂಪು ವೈನ್ ಕುಡಿಯುವ ಮೂಲಕ ಲೈಂಗಿಕ ಸಾಮರ್ಥ್ಯ ಹೆಚ್ಚುತ್ತದೆ.

English summary

Foods To Increase Sexual Enhancement In Men

Sexual health is usually something that we overlook. No matter, whether it is due to physiological, emotional or lifestyle factors; nobody wants to compromise on sexual health. Include foods that increase sexual health in men is a plus point. Sexual health food for men helps to enhance the sex life. Usually alcohol and drug use, lack of sleep, certain medications and hormone imbalance are some reasons for low libido. Some health conditions will cause erectile dysfunction as well.
Subscribe Newsletter