ಮೈ ಕೈ ನೋವೇ? ಹಾಗಾದರೆ ಔಷಧಿಗಳನ್ನು ಪಕ್ಕಕ್ಕೆ ಇಡಿ, ಈ 8 ಟ್ರಿಕ್ಸ್ ಅನುಸರಿಸಿ ಸಾಕು!

1. ಆಕ್ಯುಪಂಕ್ಚರ್

ಕ್ಯಾಲಿಫೋರ್ನಿಯಾದಲ್ಲಿರುವ Scripps Center For Integrative Medicine ಎಂಬ ಸಂಸ್ಥೆಯ ನೋವು ನಿರ್ವಹಣಾ ವಿಭಾಗದಲ್ಲಿ ನಡೆಸಿದ ಅಧ್ಯಯನವೊಂದರಲ್ಲಿ ನೋವನ್ನು ನೈಸರ್ಗಿಕವಾಗಿ ನಿವಾರಿಸಲು ಆಕ್ಯುಪಂಕ್ಚರ್ ವಿಧಾನ ಅತ್ಯಂತ ಸಮರ್ಥ ಎಂದು ವರದಿ ಮಾಡಲಾಗಿದೆ. ಈ ಚಿಕಿತ್ಸೆಯ ಮೂಲಕ ನೋವಿನ ಕಾರಣಕ್ಕೆ ಮೆದುಳು ನೀಡುವ ಪ್ರತಿಕ್ರಿಯೆಗಳ ಮೇಲೆ 'ಅರಿವು ವರ್ತನಾ ಬಗೆ' (cognitive behavioural patterns) ಯನ್ನು ಬದಲಿಸುವ ಮೂಲಕ ನೋವನ್ನು ಇಲ್ಲವಾಗಿಸಲು ಸಾಧ್ಯವಾಗುತ್ತದೆ. ಈ ಚಿಕಿತ್ಸೆಯ ಮೂಲಕ ವ್ಯಕ್ತಿ ತನ್ನ ದೇಹದ ನೋವನ್ನು ಸಹಿಸಲು ಸಾಧ್ಯವಾಗುವಷ್ಟು ಮಾನಸಿಕವಾಗಿ ದೃಢರಾಗುತ್ತಾರೆ.

2. ವ್ಯಾಯಾಮ

ನಿಯಮಿತವಾಗಿ ಮಾಡುವ ಯಾವುದೇ ವ್ಯಾಯಾಮ ಆರೋಗ್ಯಕ್ಕೆ ಒಳ್ಳೆಯದು ಹಾಗೂ ಇದರಿಂದ ಹಲವಾರು ಕಾಯಿಲೆಗಳನ್ನು ದೂರವಿಡಬಹುದು. ಇದರಲ್ಲಿ ನೋವು ಸಹಾ ಒಂದು. ನೋವು ನಿವಾರಕವಾಗಿ ಕೆಲವು ಸುಲಭ ವ್ಯಾಯಾಮ ಮತ್ತು ಯೋಗಾಸನಗಳನ್ನು ಅನುಸರಿಸಬಹುದು. ಉದಾಹರಣೆಗೆ ಏರೋಬಿಕ್ಸ್ ವ್ಯಾಯಾಮದ ಮೂಲಕ ದೇಹದ ಸ್ನಾಯುಗಳಿಗೆ ಸಂಬಂಧಿಸಿದ ನೋವು ಕಡಿಮೆಯಾಗುತ್ತದೆ. ಅಲ್ಲದೇ ಈ ಸಮಯದಲ್ಲಿ ಮೆದುಳಿನಲ್ಲಿ ಬಿಡುಗಡೆಯಗುವ ಎಂಡಾರ್ಫಿನ್ ಎಂಬ ರಸದೂತಗಳು ಸಹಾ ನೋವು ಮತ್ತು ಉರಿಯೂತವನ್ನು ಕಡಿಮೆಗೊಳಿಸಬಲ್ಲವು. ದೈಹಿಕ ವ್ಯಾಯಾಮ ಮೈ ಮನಸ್ಸಿಗೆ ಹಿತಕಾರಿ

3. ಮೆಡಿಟರೇನಿಯನ್ ಆಹಾರ ವಿಧಾನ

Brazilian researchers ಎಂಬ ಸಂಶೋಧನಾ ಸಮೂಹ ಒಂದು ಅಧ್ಯಯನದಲ್ಲಿ ಕಂಡುಕೊಂಡಿರುವ ಪ್ರಕಾರ ಮೆಡಿಟರೇನಿಯನ್ ಆಹಾರ ವಿಧಾನವನ್ನು ಅನುಸರಿಸುವ ಮೂಲಕ ನೋವನ್ನು ನೈಸರ್ಗಿಕವಾಗಿ ಕಡಿಮೆ ಮಾಡಬಹುದು. ಈ ಆಹಾರದಲ್ಲಿ ಸಾಕಷ್ಟು ಪ್ರಮಾಣದ ಹಸಿ ತರಕಾರಿ, ಹಣ್ಣುಗಳು, ಆಲಿವ್ ಎಣ್ಣೆ, ಒಣಫಲಗಳು ಹಾಗೂ ಮೀನು ಇರುತ್ತದೆ. ಈ ಆಹಾರದಲ್ಲಿ ಸಕ್ಕರೆ ಅತಿ ಕಡಿಮೆ ಪ್ರಮಾಣದಲ್ಲಿದ್ದು ಒಮೆಗಾ ೩ ಕೊಬ್ಬಿನ ಆಮ್ಲಗಳು ಹೆಚ್ಚಿನ ಪ್ರಮಣದಲ್ಲಿರುತ್ತವೆ. ಈ ಎರಡು ಅಂಶಗಳು ದೇಹದಲ್ಲಿ ನೋವನ್ನು ಕಡಿಮೆ ಮಾಡಲು ಪ್ರಮುಖ ಪಾತ್ರ ವಹಿಸುತ್ತವೆ.

4. ಸೆಳೆತದ ವ್ಯಾಯಾಮ

ಕೆಲವು ನಿರ್ದಿಷ್ಟ ನೋವುಗಳಿಗೆ ಸುಲಭ ಸೆಳೆತದ ವ್ಯಾಯಾಮಗಳೇ ನೋವು ನಿವಾರಕವಾಗಿ ಕೆಲಸ ಮಾಡುತ್ತವೆ. ಸ್ನಾಯುಗಳ ಸೆಡೆತ, ಮೂಳೆಗಳ ಸಂಧುಗಳಿಗೆ ಆದ ಪೆಟ್ಟು, ಉಳುಕು, ಸಂಧಿವಾತ ಮೊದಲಾದ ನೋವುಗಳಿಗೆ ಆ ನೋವನ್ನು ಕೊಂಚವೇ ಹೆಚ್ಚಿಸುವಂತೆ ನಿಧಾನವಾಗಿ ಸೆಳೆಯುವಂತೆ ಮಾಡುವ ಸರಳ ವ್ಯಾಯಾಮಗಳ ಮೂಲಕ ನೋವನ್ನು ಕಡಿಮೆ ಮಾಡಬಹುದು. ಸೆಳೆತದ ಸಮಯದಲ್ಲಿ ಕೊಂಚ ನೋವು ಹೆಚ್ಚಿದರೂ ಸರಿ, ನಿತ್ಯವೂ ಕೊಂಚ ಕೊಂಚವಾಗಿ ಹೀಗೇ ಮುಂದುವರೆಸಿಕೊಂಡು ಹೋದರೆ ಕೆಲವೇ ದಿನಗಳಲ್ಲಿ ಉರಿಯೂತ ಕಡಿಮೆಯಾಗಿ ಸೆಳೆತ ಮತ್ತು ಸೆಡೆತವೂ ಕಡಿಮೆಯಾಗುತ್ತದೆ ಹಾಗೂ ನೋವು ನೈಸರ್ಗಿಕವಾಗಿ ಇಲ್ಲವಾಗುತ್ತದೆ.

5. ವಿಟಮಿನ್ ಡಿ

ಉತ್ತಮ ಆರೋಗ್ಯಕ್ಕಾಗಿ ಉತ್ತಮ ಆಹಾರವೂ ಅಗತ್ಯವಾಗಿದ್ದು ವಿವಿಧ ಬಗೆಯ ವಿಟಮಿನ್ನುಗಳೂ ನಮ್ಮ ಆಹಾರದಲ್ಲಿ ಒಳಗೊಂಡಿರಬೇಕು.ನಮ್ಮ ದೇಹದ ಹಲವಾರು ಕಾರ್ಯಗಳಿಗೆ ಅಗತ್ಯವಾದ ವಿಟಮಿನ್ ಡಿ ಅಗತ್ಯವಾಗಿದ್ದು ನೋವು ನಿವಾರಿಸುವಲ್ಲಿಯೂ ಪ್ರಮುಖ ಪಾತ್ರ ವಹಿಸುತ್ತದೆ. ವಿಟಮಿನ್ ಡಿ ಯಲ್ಲಿ ಉರಿಯೂತ ನಿವಾರಕ ಗುಣವಿದ್ದು ವಿಶೇಷವಾಗಿ ಮೂಳೆಗಳು ಮತ್ತು ಮೂಳೆಗಳ ಕೀಲುಗಳಲ್ಲಿ ಎದುರಾದ ಉರಿಯೂತವನ್ನು ನಿವಾರಿಸಲು ನೆರವಾಗುತ್ತದೆ. ಈ ಭಾಗ ಹಾಗೂ ದೇಹದ ಪ್ರಮುಖ ಗಂಟುಗಳಲ್ಲಿ ಎದುರಾದ ನೋವಿನಿಂದ ಮುಕ್ತಿ ಪಡೆಯಲು ವಿಟಮಿನ್ ಡಿ ಇರುವ ಆಹಾರಗಳನ್ನು ಹೆಚ್ಚು ಹೆಚ್ಚಾಗಿ ಸೇವಿಸಬೇಕು.

6. ಅರಿವು ವರ್ತನಾ ಚಿಕಿತ್ಸೆ (Cognitive Behavioural Therapy)

CBTಎಂಬ ಹೃಸ್ವರೂಪದಲ್ಲಿ ಕರೆಯಲಾಗುವ ಈ ಚಿಕಿತ್ಸೆ ಮಾನಸಿಕಾ ಚಿಕಿತ್ಸೆ (psychotherapeutic) ವಿಧಾನವನ್ನು ಅನುಸರಿಸುತ್ತದೆ ಹಾಗೂ ಈ ಮೂಲಕ ದೇಹ ಮತ್ತು ಮನಸ್ಸಿಗೆ ಸಂಬಂಧಿಸಿದ ತೊಂದರೆಗಳನ್ನು ಸರಿಪಡಿಸಲು ಸಾಧ್ಯವಾಗುತ್ತದೆ. ಈ ಚಿಕಿತ್ಸೆಗೆ ನಿಯಮಿತವಾಗಿ ಒಳಪಡುವ ಮೂಲಕ ನೋವಿನ ಬದಲಾವಣೆಗೆ ಮೆದುಳಿನ ಪ್ರತಿಕ್ರಿಯೆ ಸಹಾ ಬದಲಾವಣೆಗೊಳ್ಳುತ್ತಾ ಹೋಗುತ್ತದೆ. ಸಾಮಾನ್ಯವಾಗಿ ನೋವು ಎಂದರೆ ಮೆದುಳು ಗ್ರಹಿಸುವ ಸಂಕೇತಗಳೇ ಆಗಿದ್ದು CBTಚಿಕಿತ್ಸೆಯಿಂದ ಈ ಸಂಕೇತಗಳನ್ನು ಹೇಗೆ ನಿರ್ವಹಿಸಬೇಕೆಂಬ ತರಬೇತಿಯನ್ನು ಮೆದುಳು ಪಡೆಯುತ್ತದೆ ಹಾಗೂ ದೇಹದ ನೋವನ್ನು ಎದುರಿಸಲು ಹಾಗೂ ಸಹಿಸಿಕೊಳ್ಳಲು ಇನ್ನೂ ಉತ್ತಮವಾಗಿ ಮೆದುಳನ್ನು ಸಿದ್ಧ ಪಡಿಸುವುದು ಈ ಚಿಕಿತ್ಸೆಯ ವಿಧಾನವಾಗಿದೆ.

7. ಅರಿಶಿನ

ನಮ್ಮ ಅಡುಗೆಯಲ್ಲಿ ರುಚಿಕಾರಕ ಮಸಾಲೆ ವಸ್ತುವಾಗಿ ಬಳಸಲಾಗುವ ಅರಿಶಿನ ಹಲವಾರು ಕಾಯಿಲೆಗಳಿಗೆ ಸಿದ್ಧರೂಪದ ಔಷಧಿಯೂ ಆಗಿದೆ. ಸಾಮಾನ್ಯ ಫ್ಲೂ ಜ್ವರದಿಂದ ತೊಡಗಿ ಚರ್ಮವ್ಯಾಧಿಗಳ ಚಿಕಿತ್ಸೆಯೂ ಅರಿಶಿನ ಬಳಕೆಯಾಗುತ್ತದೆ. ಅರಿಶಿನವನ್ನು ಸೇವಿಸುವ ಹಾಗೂ ನೋವಿರುವ ಭಾಗಕ್ಕೆ ಲೇಪದ ರೂಪದಲ್ಲಿ ಹಚ್ಚಿಕೊಳ್ಳುವ ಮೂಲಕವೂ ಚಿಕಿತ್ಸೆ ಪಡೆಯಬಹುದು. ಇದರ ಪ್ರಬಲ ಉರಿಯೂತ ನಿವಾರಕ ಗುಣಗಳು ದೇಹದ ವಿವಿಧ ಭಾಗಗಳಲ್ಲಿ ಎದುರಾದ ಉರಿಯೂತವನ್ನು ಶಮನಗೊಳಿಸುವ ಮೂಲಕ ನೋವನ್ನೂ ನಿವಾರಿಸುತ್ತದೆ.

8. ಕಾಫಿ

'Nature Medicine' ಎಂಬ ವೈದ್ಯಕೀಯ ನಿಯತಕಾಲಿಕೆಯಲ್ಲಿ ಇತ್ತೀಚೆಗೆ ಪ್ರಕಟಿಸಲಾದ ವರದಿಯ ಪ್ರಕಾರ ಕಾಫಿ ಸೇವನೆಯ ಮೇಲೆ ನಡೆಸಲಾದ ಹಲವಾರು ಸಂಶೋಧನೆಗಳಲ್ಲಿ ನಿತ್ಯವೂ ಸಕ್ಕರೆ ಇಲ್ಲದ ಕಾಫಿಯನ್ನು ಕುಡಿದಾಗ ವಯಸ್ಸಿನ ಪರಿಣಾಮವಾಗಿ ಎದುರಾಗುವ ಮೂಳೆಸಂಧುಗಳ ನೋವುಗಳು ಕಡಿಮೆಯಾಗುತ್ತವೆ. ಉದಾಹರಣೆಗೆ ಸಂಧಿವಾತ, ಬೆನ್ನುನೋವು ಮೊದಲಾದವುಗಳಿಗೆ ಕಾರಣವಾದ ಉರಿಯೂತವನ್ನು ಕಾಫಿಯಲ್ಲಿರುವ ಕೆಫೀನ್ ನೈಸರ್ಗಿಕವಾಗಿ ಕಡಿಮೆ ಮಾಡುತ್ತದೆ ಹಾಗೂ ನೋವಿರುವ ಭಾಗದಲ್ಲಿ ಘಾಸಿಗೊಂಡ ಜೀವಕೋಶಗಳು ಮರುಹುಟ್ಟುಪಡೆಯಲು ನೆರವಾಗುತ್ತವೆ.