ಆವಕಾಡೊ-ಸೌತೆಕಾಯಿ ಜ್ಯೂಸ್‌ನ ಶ್ರೀಮಂತ ಗುಣಗಳು...

ತಯಾರಿಸುವ ವಿಧಾನ

ಸಿಪ್ಪೆ ತೆಗೆದಿರುವ ಸೌತೆ ಕಾಯಿ, ಆವಕಾಡೊ ಹಣ್ಣಿನ ತಿರುಳನ್ನು ತೆಗೆದುಕೊಂಡು ಸ್ವಲ್ಪ ನೀರಿನೊಂದಿಗೆ ಮಿಕ್ಸಿಗೆ ಹಾಕಿಕೊಂಡು ರುಬ್ಬಿಕೊಳ್ಳಿ. ಈ ಜ್ಯೂಸ್ ಅನ್ನು ಎರಡು ತಿಂಗಳ ಕಾಲ ಉಪಹಾರದ ಬಳಿಕ ಸೇವನೆ ಮಾಡಿ. (ಈ ಮನೆಮದ್ದು ಪ್ರಯತ್ನಿಸುವ ಮೊದಲು ಒಮ್ಮೆ ವೈದ್ಯರ ಸಲಹೆ ಪಡೆದುಕೊಳ್ಳಿ)

ಜೀರ್ಣಕ್ರಿಯೆ ಹೆಚ್ಚಿಸುವುದು

ಒಮೆಗಾ-3 ಕೊಬ್ಬಿನಾಮ್ಲ ಮತ್ತು ಆ್ಯಂಟಿಆಕ್ಸಿಡೆಂಟ್ ಇರುವಂತಹ ಈ ಜ್ಯೂಸ್ ಆರೋಗ್ಯಕರ ಜೀರ್ಣಕ್ರಿಯೆ ರಸವನ್ನು ಉತ್ಪತ್ತಿ ಮಾಡುವುದು. ಇದರಿಂದ ಜೀರ್ಣಕ್ರಿಯೆ ಹೆಚ್ಚುವುದು.

ಆಸಿಡಿಟಿ ಕಡಿಮೆ ಮಾಡುವುದು

ಆವಕಾಡೊ ಮತ್ತು ಸೌತೆಕಾಯಿ ಮಿಶ್ರಣವು ವಿಟಮಿನ್ ಕೆ ಯ ಆಗರವಾಗಿದೆ. ಇದು ಹೊಟ್ಟೆಯಲ್ಲಿ ಉತ್ಪತ್ತಿಯಾಗುವಂತಹ ವಾಯುವನ್ನು ತಡೆಯುವುದು. ಇದರಿಂದ ಆಸಿಡಿಟಿ ಮತ್ತು ಎದೆಯುರಿ ಕಡಿಮೆಯಾಗುವುದು.ಅಸಿಡಿಟಿ ಸಮಸ್ಯೆಯ ಹೆಡೆಮುರಿ ಕಟ್ಟಿಹಾಕುವ ಮನೆಮದ್ದು

ಅಧಿಕ ರಕ್ತದೊತ್ತಡ

ಪೊಟಾಶಿಯಂ ಇರುವಂತಹ ಈ ಮಿಶ್ರಣವು ರಕ್ತನಾಳಗಳನ್ನು ಹಿಗ್ಗಿಸುವುದು. ಇದರಿಂದ ರಕ್ತದೊತ್ತಡವು ಕಡಿಮೆಯಾಗಿ ಅಧಿಕ ರಕ್ತದೊತ್ತಡ ಸಮಸ್ಯೆಯು ನಿವಾರಣೆಯಾಗುವುದು.

ಹೃದಯದ ಆರೋಗ್ಯಕ್ಕೆ

ಆವಕಾಡೊ ಮತ್ತು ಸೌತೆಕಾಯಿಯ ಜ್ಯೂಸ್ ಹೃದಯದ ಆರೋಗ್ಯವನ್ನು ಕಾಪಾಡುವುದು. ಇದರಲ್ಲಿರುವಂತಹ ಒಮೆಗಾ-3 ಕೊಬ್ಬಿನಾಮ್ಲವು ಹೃದಯಕ್ಕೆ ಸರಾಗವಾಗಿ ರಕ್ತ ಪರಿಚಲನೆಯಾಗುವಂತೆ ಮಾಡುವುದು.

ಮಲಬದ್ಧತೆ ನಿವಾರಣೆ

ಈ ಮನೆಮದ್ದಿನಲ್ಲಿ ನಾರಿನಾಂಶವು ಅಧಿಕವಾಗಿರುವ ಕಾರಣದಿಂದ ಮಲ ವಿಸರ್ಜನೆ ಸರಾಗವಾಗುಂತೆ ಮಾಡಿ ಮಲಬದ್ಧತೆ ಮತ್ತು ಪೈಲ್ಸ್ ನಂತಹ ಸಮಸ್ಯೆಯನ್ನು ನಿವಾರಣೆ ಮಾಡುವುದು.

ಪ್ರತಿರೋಧಕ ಶಕ್ತಿ ಹೆಚ್ಚುವುದು

ಈ ಜ್ಯೂಸ್ ನಲ್ಲಿ ಇರುವಂತಹ ವಿಟಮಿನ್ ಸಿ ಪ್ರತಿರೋಧಕ ವ್ಯವಸ್ಥೆಯನ್ನು ಸುಧಾರಿಸಿ ಬಲಿಷ್ಠಗೊಳಿಸುವುದು. ಇದರಿಂದ ಹಲವಾರು ರೋಗಗಳು ದೂರವಾಗುವುದು.

ತೂಕ ಕಳೆದುಕೊಳ್ಳಲು

ಆವಕಾಡೊ ಮತ್ತು ಸೌತೆಕಾಯಿ ಜ್ಯೂಸ್‪ನಲ್ಲಿ ಇರುವಂತಹ ಒಮೆಗಾ-3 ಕೊಬ್ಬಿನಾಮ್ಲವು ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸಿ ತೂಕ ಕಳೆದುಕೊಳ್ಳಲು ಸಹಕಾರಿಯಾಗುವುದು.