ಮಲಗಿದ ತಕ್ಷಣ ನಿದ್ದೆ ಬರಬೇಕೇ? ಹಾಗಾದರೆ ಹೀಗೆ ಮಾಡಿ...

ಪ್ರತಿಯೊಬ್ಬರಿಗೂ ನಿದ್ರಾದೇವಿ ಒಲಿಯುವುದಿಲ್ಲ. ನಿದ್ರಾದೇವಿ ಒಲಿಯಲು ಬೇಕಾಗುವ ದೈಹಿಕ ಆರೋಗ್ಯ ಮತ್ತು ಮನಸ್ಸಿನ ಶಾಂತಿ ತುಂಬಾ ಮುಖ್ಯ. ನಿದ್ರೆಗಾಗಿ ಹಾಸಿಗೆಯ ಮೇಲೆ ಒದ್ದಾಡುವವರ ಸಂಖ್ಯೆ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಾ ಇದೆ. ಇದಕ್ಕೆ ಮುಖ್ಯ ಕಾರಣ ಮಾನಸಿಕ ಒತ್ತಡ. ಆಧುನಿಕ ಜೀವನಶೈಲಿಯಲ್ಲಿ ಒತ್ತಡವು ಪ್ರತಿಯೊಬ್ಬರನ್ನು ಕಾಡುವ ಸಮಸ್ಯೆಯಾಗಿದೆ.

ಒತ್ತಡವಿಲ್ಲದ ಜೀವನವಿಲ್ಲವೆನ್ನುವಂತಾಗಿದೆ. ಯಾಕೆಂದರೆ ಜೀವನದ ಜಂಜಾಟದಲ್ಲಿ ಒತ್ತಡವೆನ್ನುವುದು ತನ್ನಿಂದ ತಾನೇ ಬರುತ್ತದೆ. ಆದರೆ ಜೀವನಶೈಲಿಯಲ್ಲಿ ಕೆಲವೊಂದು ಬದಲಾವಣೆ ಮತ್ತು ಆಹಾರಕ್ರಮವನ್ನು ಸರಿಯಾಗಿ ಅನುಸರಿಸಿಕೊಂಡು ಹೋದರೆ ಖಂಡಿತವಾಗಿಯೂ ಒಳ್ಳೆಯ ನಿದ್ರೆಯನ್ನು ಪಡೆಯಬಹುದಾಗಿದೆ.

ಉತ್ತಮ ನಿದ್ರೆಯನ್ನು ಪಡೆಯಬೇಕಾದರೆ ಪ್ರತೀದಿನ ವ್ಯಾಯಾಮ ಮಾಡುವುದು ಅಗತ್ಯವಾಗಿದೆ. ನಿದ್ರೆಗೆ ಭಂಗ ಉಂಟು ಮಾಡುವಂತಹ ಪಾನೀಯವನ್ನು ಕಡೆಗಣಿಸಿ. ಕೆಫಿನ್ ನಿದ್ರೆಗೆ ಭಂಗ ಉಂಟು ಮಾಡುತ್ತದೆ ಎಂದು ಪ್ರತಿಯೊಬ್ಬರಿಗೂ ತಿಳಿದಿರುವ ವಿಚಾರವಾಗಿದೆ. ಮಲಗಿದ ತಕ್ಷಣ ನಿದ್ದೆ ಬರಬೇಕೆ? ಈ ಆಹಾರಗಳನ್ನು ತಿನ್ನಿ

ಆದರೆ ಆಲ್ಕೋಹಾಲ್ ಕೂಡ ನಿದ್ರೆಗೆ ತೊಂದರೆ ಉಂಟು ಮಾಡುವುದು. ರಾತ್ರಿ ನಿದ್ರಿಸುವ ಮೊದಲು ನೀರು ಕುಡಿದರೆ ತುಂಬಾ ಒಳ್ಳೆಯದು. ದಿನಪೂರ್ತಿ ನಿದ್ರೆ ಮಾಡಿದರೆ ರಾತ್ರಿ ಸರಿಯಾಗಿ ನಿದ್ರೆ ಬರುವುದಿಲ್ಲ. ಇದರಿಂದ ದಿನದಲ್ಲಿ ಕೇವಲ ಅರ್ಧಗಂಟೆ ಮಾತ್ರ ನಿದ್ರೆ ಮಾಡಬೇಕು.

ರಾತ್ರಿ ವೇಳೆ ಹೊಟ್ಟೆ ತುಂಬಾ ತಿಂದರೆ ನಿದ್ರೆ ಸರಿಯಾಗಿ ಬರುವುದಿಲ್ಲ. ಇದರಿಂದ ಹಗುರವಾಗಿ ತಿನ್ನಿ. ಹೊಟ್ಟೆ ತುಂಬಾ ತಿನ್ನುವುದರಿಂದ ಜೀರ್ಣಕ್ರಿಯೆ ಕಷ್ಟವಾಗಬಹುದು ಮತ್ತು ಅಜೀರ್ಣ ಸಮಸ್ಯೆಯಿಂದ ನಿದ್ರೆ ಬರುವುದಿಲ್ಲ.

ನಿದ್ರಾಕೋಣೆ ಎನ್ನುವುದು ನಿದ್ರೆ ಮಾಡಲು ಇರುವುದು. ಇಲ್ಲಿ ಕುಳಿತುಕೊಂಡು ಇಂಟರ್ನೆಟ್ ನಲ್ಲಿ ಚಾಟ್ ಮಾಡುವುದು ಅಥವಾ ಆಟವಾಡುವುದು ಸರಿಯಲ್ಲ. ನಿಮ್ಮ ಮೊಬೈಲ್ ಗಳನ್ನು ನಿದ್ರಿಸುವ ಕೋಣೆಯಿಂದ ಹೊರಗಿಡಿ. ಮಲಗಲು ಹೋಗುವ ಮೊದಲು ಟಿವಿ ನೋಡಬೇಡಿ. ಇದರಿಂದ ಮನಸ್ಸು ಕದಡುವುದು. ಇದರ ಬದಲಿಗೆ ಹಿತವಾದ ಸಂಗೀತ ಕೇಳಿ. ಸರಿಯಾಗಿ ನಿದ್ದೆ ಬರುತ್ತಿಲ್ಲವೇ? ಹಾಗಾದರೆ ಇನ್ನು ಚಿಂತೆ ಬಿಡಿ

ಇದರಿಂದ ನಿಮ್ಮ ಮೆದುಳು ಶಾಂತವಾಗಿ ನಿಮ್ಮನ್ನು ಶಾಂತವಾಗಿಡುವುದು. ಕೋಣೆಯಲ್ಲಿ ವಾತಾವರಣವು ಶಾಂತವಾಗಿದ್ದರೆ ಬೇಗನೆ ನಿದ್ರೆ ಬರುವುದು.ಪ್ರತೀ ದಿನ ಒಂದೇ ಸಮಯಕ್ಕೆ ನಿದ್ರೆ ಮಾಡುವುದರಿಂದ ನೀವು ಬೇಗನೆ ನಿದ್ರೆಗೆ ಜಾರಬಹುದು. ನಿದ್ದೆಯೆಂಬ ಅಮೂಲ್ಯ ವರಕ್ಕಿರುವ ಕರಾಮತ್ತೇನು?

ಈ ಅಭ್ಯಾಸದಿಂದ ದೇಹವು ಮಲಗುವ ಸಮಯಕ್ಕೆ ಹೊಂದಿಕೊಂಡಿರುತ್ತದೆ. ಇದರಿಂದ ಬೇಗನೆ ನಿದ್ರೆ ಬರುತ್ತದೆ. ಗಿಡಮೂಲಿಕೆ ಚಹಾ ಅಥವಾ ಹಾಲು ಕುಡಿದರೆ ಬೇಗನೆ ನಿದ್ರೆಗೆ ಜಾರಬಹುದು. ಇದರಿಂದ ದೇಹ ಹಾಗೂ ಮೆದುಳು ಶಾಂತವಾಗಿ ನಿದ್ರೆ ಸುಗಮವಾಗುವುದು. ಇದು ಮಾಮೂಲಿ ಚಹಾ ಅಲ್ಲ, ನೈಸರ್ಗಿಕ ಚಹಾ!

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.