ಧೂಮಪಾನ ಬಿಟ್ಟರೆ-ಶ್ವಾಸಕೋಶದ ಕ್ಯಾನ್ಸರ್ ಬಲು ದೂರ!

ಶ್ವಾಸಕೋಶದ ಕ್ಯಾನ್ಸರ್‌ಗೆ ಧೂಮಪಾನವೇ ಕಾರಣ

ಶೇಕಡಾ 250ರಷ್ಟು ಶ್ವಾಸಕೋಶದ ಕ್ಯಾನ್ಸರ್ ಬರುವ ಸಾಧ್ಯತೆ ಇರುವುದು ಧೂಮಪಾನದಿಂದಾಗಿ. ನೀವು ಧೂಮಪಾನ ಮಾಡುತ್ತಾ ಇದ್ದರೆ ಶ್ವಾಸಕೋಶದ ಕ್ಯಾನ್ಸರ್‌ನ ಅಪಾಯ ಹೆಚ್ಚು.

ಕಲುಷಿತ ವಾತಾವರಣ

ಕಲುಷಿತ ವಾತಾವರಣದಲ್ಲಿ ವಾಸವಾಗಿರುವುದು ಮತ್ತೊಂದು ಕಾರಣವಾಗಿದೆ. ನೀವು ವಾಸಿಸುವಂತಹ ಪ್ರದೇಶದಲ್ಲಿ ಗಾಳಿಯಲ್ಲಿ ಹೊಗೆಯು ಹೆಚ್ಚಾಗಿದ್ದರೆ ಆಗ ಶ್ವಾಸಕೋಶದ ಕ್ಯಾನ್ಸರ್ ಬರುವ ಸಾಧ್ಯತೆ ಇದೆ.

ಮದ್ಯಪಾನ ತ್ಯಜಿಸಿ

ಮದ್ಯಪಾನದ ಮೂಲಕ ಕೇವಲ ಯಕೃತ್ ಮಾತ್ರವಲ್ಲ ಶ್ವಾಸಕೋಶವೂ ಹಾಳಾಗುತ್ತದೆ. ಶ್ವಾಸಕೋಶದ ಕ್ಯಾನ್ಸರ್ ಎದುರಾಗಿರುವವರಲ್ಲಿ ಧೂಮಪಾನಿಗಳಾರದೇ ಕೇವಲ ಹೆಚ್ಚಿನ ಮದ್ಯ ಸೇವಿಸುವ ಅಭ್ಯಾಸದವರೂ ಇರುವುದು ಈ ಸಾಧ್ಯತೆಗೆ ಪುಷ್ಟಿ ನೀಡಿದೆ.

ಬೆಳ್ಳುಳ್ಳಿ

ಶ್ವಾಸಕೋಶದ ಕ್ಯಾನ್ಸರ್ ಬರದಂತೆ ತಡೆಯಲು ಹಸಿ ಬೆಳ್ಳುಳ್ಳಿ ಅತೀ ಪರಿಣಾಮಕಾರಿ ವಿಧಾನವಾಗಿದೆ. ವಾರದಲ್ಲಿ ಮೂರು ದಿನವಾದರೂ ಹಸಿ ಬೆಳ್ಳುಳ್ಳಿಯನ್ನು (ಬರೀ ಒಂದು ಎಸಳು ಖಾಲಿ ಹೊಟ್ಟೆಗೆ) ತಿಂದರೆ ಶ್ವಾಸಕೋಶದ ಕ್ಯಾನ್ಸರ್ ಬರುವ ಸಾಧ್ಯತೆ ಶೇ. 42ರಷ್ಟು ಕಡಿಮೆಯಾಗುತ್ತದೆ ಎಂದು ಸಂಶೋಧನೆಯಲ್ಲಿ ತಿಳಿಸಲಾಗಿದೆ. ಈ ಮನೆಮದ್ದನ್ನು ಪ್ರಯತ್ನಿಸುವ ಮೊದಲು ವೈದ್ಯರನ್ನು ಬೇಟಿ ಮಾಡಿ

ಬೆಳ್ಳುಳ್ಳಿ ಬಹಳ ಒಳ್ಳೆಯದು....

ಧೂಮಪಾನಿಯಾಗಿದ್ದು, ಹಸಿ ಬೆಳ್ಳುಳ್ಳಿ ತಿನ್ನುತ್ತಾ ಇದ್ದರೆ ಶೇ.29ರಷ್ಟು ಕ್ಯಾನ್ಸರ್ ಬರುವ ಅಪಾಯ ತಪ್ಪಿಸಬಹುದು. ವ್ಯಾಯಾಮ ಮತ್ತು ಗ್ರೀನ್ ಟೀ ಗಿಂತ ಹೆಚ್ಚಾಗಿ ದಿನನಿತ್ಯ ಆಹಾರ-ಪದಾರ್ಥಗಳಲ್ಲಿ ಬೆಳ್ಳುಳ್ಳಿ ಸೇವಿಸಿ. ಬೆಳ್ಳುಳ್ಳಿಯಲ್ಲಿರುವ ಅಲಿಸಿನ್ ಮತ್ತು ಸಲ್ಫರ್ ಇದಕ್ಕೆ ಕಾರಣವಾಗಿದೆ. ಒಂದೆರಡು ಹಸಿ ಬೆಳ್ಳುಳ್ಳಿಯನ್ನು ಜಜ್ಜಿಕೊಂಡು ಎರಡು ನಿಮಿಷ ಕಾಲ ಹಾಗೆ ಬಿಡಿ. ತದನಂತರ ನಿಮ್ಮ ಆಹಾರ

ಪದಾರ್ಥಗಳಿಗೆ ಸೇರಿಸಿ... ಜಜ್ಜಿದ ಬೆಳ್ಳುಳ್ಳಿಯು ಹೆಚ್ಚು ಪರಿಣಾಮಕಾರಿಯಾಗಲು ಎರಡು ನಿಮಿಷ ಗಾಳಿಯಲ್ಲಿ ಬಿಡುವುದು ಅಗತ್ಯ.

ಗ್ರೀನ್ ಟೀ(ಹಸಿರು ಚಹಾ) ಸೇವನೆ

ಗ್ರೀನ್ ಟೀ(ಹಸಿರು ಚಹಾ) ಸೇವನೆ ಮಾಡುವುದರಿಂದ ಕೂಡ ಶೇ.17ರಿಂದ 18ರಷ್ಟು ಅಪಾಯವನ್ನು ತಪ್ಪಿಸಬಹುದು. ನೆನಪಿಡಿ ದಿನನಿತ್ಯ ವ್ಯಾಯಮ ಮಾಡಿಕೊಂಡು ಗ್ರೀನ್ ಟೀ ಕುಡಿಯಿರಿ.

ನಿಯಮಿತವಾಗಿ ವ್ಯಾಯಾಮ

ಅಪಾಯ ತಪ್ಪಿಸಲು ನೀವು ನಿಯಮಿತವಾಗಿ ವ್ಯಾಯಾಮ ಮಾಡುತ್ತಾ ಇರಬೇಕು. ಇದರಿಂದ ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಶೇ.15ರಷ್ಟು ತಪ್ಪಿಸಬಹುದು.