ಆರೋಗ್ಯದ ಖಜಾನೆ, ಕಿವಿ ಹಣ್ಣು!

'ಹಸಿದು ಹಲಸು, ಉಂಡು ಮಾವು', 'ಊಟವಾದ ಮೇಲೆ ಹಣ್ಣುಗಳನ್ನು ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು'...ಹೀಗೆ, ಅನೇಕ ನಾಡ ನುಡಿಗಳು ಹಣ್ಣುಗಳ ಗುಣಗಾನ ಮಾಡುತ್ತವೆ. ಅದರಿಂದಾಗಿಯೇ ಇವು ನಮ್ಮ ದೈನಂದಿನ ಆಹಾರದ ಪಟ್ಟಿಯಲ್ಲಿ ಬಹಳ ಹಿಂದಿನಿಂದಲೇ ಸೇರ್ಪಡೆಗೊಂಡಿವೆ.

ಮೂಲತಃ ವಿದೇಶೀ ಹಣ್ಣೆನಿಸಿರುವ ' ಕಿವಿ' ಹಣ್ಣು ಹೊರಗಿನಿಂದ ನೋಡುವುದಕ್ಕೆ ಸರಳವಾಗಿ ಕಂಡರೂ, ಖನಿಜಾಂಶ ಮತ್ತು ಜೀವಸತ್ವಗಳ ಗಣಿ ಎನಿಸಿದೆ. ಇದನ್ನು ತುಂಡರಿಸಿದಾಗ, ಇದರ ಬಣ್ಣ ಮತ್ತು ವಿನ್ಯಾಸ ಬಹಳ ಆಕರ್ಷನೀಯವಾಗಿದೆ. ಅತ್ಯಾಧಿಕ ಪೋಷಕಾಂಶವಿರುವ ಹಣ್ಣು-ಕಿವಿ

ಇದರಲ್ಲಿರುವ ಕಬ್ಬಿಣ ಸತ್ವ, ಪೋಲಿಕ್ ಆಸಿಡ್, 'ಸಿ' ವಿಟಮಿನ್ ಗಳು ಅಂಗಾಂಗಗಳ ಬೆಳವಣಿಗೆ, ಮೂಳೆಯ ಗಟ್ಟಿತನ ಮತ್ತು ಕೆಂಪುರಕ್ತ ಕಣಗಳ ಉತ್ಪಾದನೆಗಾಗಿ ಶ್ರಮಿಸುತ್ತವೆ. ಹಲ್ಲುಗಳ ಆರೋಗ್ಯ, ಶಕ್ತಿಯುತವಾದ ಮಾಂಸಖಂಡ, ಮತ್ತು ಹೃದಯದ ಆರೋಗ್ಯಕ್ಕೆ ಕಿವಿ ಸೇವನೆ ಒಳ್ಳೆಯದು.

ಅಷ್ಟೇ ಅಲ್ಲದೆ, ಇತರ ಹಣ್ಣು ತರಕಾರಿಗಳಲ್ಲಿ ಇರುವಂತಹ ಗುಣಗಳು, ಉದಾಹರಣೆಗೆ ಬಾಳೆಯ ಹಣ್ಣಿನ ಪೊಟ್ಯಾಶಿಯಂ, ಕಿತ್ತಳೆ ಹಣ್ಣಿನ 'ಸಿ' ಸತ್ವ, ಅವಕಾಡೋದ 'ಈ' ಸತ್ವ, ಹಸಿರು ತರಕಾರಿ, ಸೊಪ್ಪಿನಲ್ಲಿರುವ ತಾಮ್ರ ಸತ್ವ, ಮೆಗ್ನೇಶಿಯ, ಕ್ರೋಮಿಯಂ, ಜೀರ್ಣಕಾರಿ ನಾರಿನ ಅಂಶಗಳು ಇದರಲ್ಲಿ ಹೇರಳವಾಗಿದೆ. ಕ್ಯಾನ್ಸರ್ ರೋಗ ವನ್ನು ತಡೆಯುವ ಆಂಟಿ ಆಕ್ಸಿಡಂಟ್ ತತ್ವವೂ ಇದರಲ್ಲಿದೆ . ಒಟ್ಟಿನಲ್ಲಿ ಇದು ಆಲ್ ಇನ್ ಒನ್! ನಿಜಾರ್ಥದಲ್ಲಿ ಖಜಾನೆ!

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.