ಚಹಾ ಪ್ರಿಯರಿಗೆ ಕಹಿ ಸುದ್ದಿ! ಚಹಾ ಆರೋಗ್ಯಕ್ಕೆ ಒಳ್ಳೆಯದಲ್ಲ!

ಖಾಲಿ ಹೊಟ್ಟೆಯಲ್ಲಿ ಚಹಾ ಕುಡಿಯುವುದು

ಖಾಲಿ ಹೊಟ್ಟೆಯಲ್ಲಿ ಚಹಾ ಕುಡಿಯುವುದರಿಂದ ದೇಹದಲ್ಲಿ ಆಸಿಡಿಟಿ ಮಟ್ಟವು ಹೆಚ್ಚಾಗುತ್ತದೆ. ಇದು ಕ್ಯಾನ್ಸರ್ ಉಂಟು ಮಾಡುವ ಫ್ರೀ ರ್ಯಾಡಿಕಲ್ ನ್ನು ವೃದ್ಧಿಸುತ್ತದೆ ಮತ್ತು ವಯಸ್ಸಾಗುವ ಲಕ್ಷಣವನ್ನು ಹೆಚ್ಚಿಸುವುದು. ಬೆಳಿಗ್ಗೆ ಎದ್ದ ಕೂಡಲೇ ನೀರು ಕುಡಿಯಬೇಕು. ನೀರು ಕುಡಿದು ಅರ್ಥ ಗಂಟೆಯ ಬಳಿಕ ಚಹಾ ಕುಡಿಯಿರಿ.

ಅತಿಯಾಗಿ ಕುದಿಸಿದ ಚಹಾ ಕುಡಿಯುವುದು

ಹೆಚ್ಚಿನವರಿಗೆ ತುಂಬಾ ಕುದಿಸಿದ ಚಹಾ ಇಷ್ಟವಾಗುತ್ತದೆ. ಅತಿಯಾಗಿ ಕುದಿಸಿದ ತುಂಬಾ ಸ್ಟ್ರಾಂಗ್ ಚಹಾ ಕುಡಿಯುವುದು ಮಾಡುವಂತಹ ದೊಡ್ಡ ತಪ್ಪು. ಇದರಿಂದ ಹೊಟ್ಟೆಯಲ್ಲಿ ಅಸಿಡಿಟಿ ಉಂಟಾಗುತ್ತದೆ. ನೀರು ಸರಿಯಾಗಿ ಕುದಿಯುತ್ತಿರುವಾಗ ಚಹಾ ಹುಡಿ ಹಾಕಿ ಸ್ವಲ್ಪ ಹೊತ್ತು ಬಿಟ್ಟು ತೆಗೆಯಿರಿ.

ಚಹಾಗೆ ಗಿಡಮೂಲಿಕೆ ಹಾಕುವುದು

ತುಳಸಿ ಆರೋಗ್ಯಕ್ಕೆ ಒಳ್ಳೆಯದು ಎಂದು ಭಾವಿಸಿ ಚಹಾಗೆ ಅದನ್ನು ಹಾಕುತ್ತೇವೆ. ಆದರೆ ಇದು ನಾವು ಮಾಡುವಂತಹ ದೊಡ್ಡ ತಪ್ಪು. ಯಾಕೆಂದರೆ ಚಹಾದಲ್ಲಿರುವ ಕೆಫಿನ್ ಈ ಗಿಡಮೂಲಿಕೆಗಳ ಆರೋಗ್ಯ ಲಾಭಗಳನ್ನು ಹೀರಿಕೊಳ್ಳಲು ಬಿಡುವುದಿಲ್ಲ.

ಊಟವಾದ ತಕ್ಷಣ ಚಹಾ ಕುಡಿಯುವುದು

ಊಟವಾದ ತಕ್ಷಣ ನಾವು ಚಹಾ ಕುಡಿಯುವ ಅಭ್ಯಾಸ ಬೆಳೆಸಿಕೊಂಡಿರುತ್ತೇವೆ. ಹೀಗೆ ಮಾಡುವುದರಿಂದ ಆಹಾರದಲ್ಲಿರುವ ಪೋಷಕಾಂಶಗಳನ್ನು ಹೀರಿಕೊಳ್ಳಲು ಚಹಾ ಬಿಡುವುದಿಲ್ಲ. ಆಹಾರ ಸೇವನೆಯ ಸುಮಾರು ಅರ್ಧ ಗಂಟೆಯ ಬಳಿಕ ಚಹಾ ಕುಡಿಯಬೇಕು. ಇದರಿಂದ ಜೀರ್ಣಕ್ರಿಯೆಗೂ ಒಳ್ಳೆಯದು.