ಋತುಚಕ್ರದಲ್ಲಿ ಏರುಪೇರು-ಮರೆಯದೇ ಈ ಟಿಪ್ಸ್ ಪಾಲಿಸಿ

ಎಳ್ಳು

ಎಳ್ಳಿನಲ್ಲಿ ಅನೇಕ ಪೌಷ್ಟಿಕಾಂಶಗಳಿವೆ, ಅದರಲ್ಲಿರುವ ಖನಿಜಾಂಶಗಳು, ವಿಟಮಿನ್ ಗಳು ಋತುಚಕ್ರ ವನ್ನು ಸರಿಯಾಗಿ ಆಗುವಂತೆ ಮಾಡುವುದಲ್ಲದೇ ಈ ಸಮಯದಲ್ಲಾಗುವ ನೋವನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ. ರಾತ್ರಿ ನೀರಿನಲ್ಲಿ ಎಳ್ಳನ್ನು ನೆನೆಸಿ ಮರುದಿನ ಆ ನೀರನ್ನು ಸೋಸಿ ದಿನಕ್ಕೆರಡು ಬಾರಿ ಕುಡಿಯುವುದರಿಂದ ಮುಟ್ಟು ಸಮಯಕ್ಕೆ ಸರಿಯಾಗಿ ಆಗುವಂತೆ ಮಾಡುತ್ತದೆ.

ಜೀರಿಗೆ ಕಾಳು

ಋತುಚಕ್ರದ ಅವಧಿಯಲ್ಲಿ ಉಂಟಾಗುವ ನೋವನ್ನು ತಡೆಗಟ್ಟಲು ಜೀರಿಗೆ ನೀರು ತುಂಬಾ ಪರಿಣಾಮಕಾರಿ. ಇದರಲ್ಲಿ ಕಬ್ಬಿಣದ ಸತ್ವವು ಹೇರಳವಾಗಿರುತ್ತದೆ. ಋತುಚಕ್ರದ ಅವಧಿಯಲ್ಲಿ ಕಬ್ಬಿಣಾಂಶವು ದೇಹದಿಂದ ತುಂಬಾ ಹೋಗುವುದರಿಂದ ಜೀರಿಗೆ ನೀರು ಕುಡಿಯುವುದು ತುಂಬಾ ಉಪಯುಕ್ತ. ಒಂದು ಟೀ ಚಮಚ ಜೀರಿಗೆ ಪುಡಿಗೆ ಒಂದು ಟೀ ಚಮಚ ಜೇನಿನೊಂದಿಗೆ ಬೆರೆಸಿ ಸೇವಿಸುವುದರಿಂದ ಋತುಚಕ್ರ ಕ್ರಮವಾಗಿ ಆಗುವುದಲ್ಲದೆ ಸ್ನಾಯುಗಳ ಸೆಳೆತದಿಂದ ಪಾರುಮಾಡುತ್ತದೆ.

ಪಪ್ಪಾಯಿ ಹಣ್ಣು

ಪಪ್ಪಾಯದಲ್ಲಿ ಹೇರಳವಾದ ಪೌಷ್ಟಿಕಾಂಶದ ಅಂಶವಿದೆ, ಇದರಲ್ಲಿ ನೋವು ನಿವಾರಕ ಅಂಶಗಳೂ ಸಾಕಷ್ಟಿವೆ. ಪಪ್ಪಾಯಿ ಹಣ್ಣು ಗರ್ಭಪಾತ ತಡೆಗಟ್ಟುವುದಕ್ಕೆ ಅತ್ಯುತ್ತಮವಾದ ಹಣ್ಣುಹಂಪಲು ಎನ್ನುವ ಹೆಸರಿದೆ. ಜೊತೆಗೆ, ಇದು ಮುಟ್ಟಿನ ಸಮಸ್ಯೆಯನ್ನು ನಿಗದಿತ ಸಮಯದಲ್ಲಿ ಆಗುವಂತೆ ಮಾಡಲು ಸಹಾಯ ಮಾಡುತ್ತದೆ. ಹಣ್ಣಾಗದ ಪಪ್ಪಾಯಿಯನ್ನು ಕೂಡ ದಿನ ನಿತ್ಯ ಸೇವಿಸುವುದರಿಂದ ಅನಿಮಿಯಿತವಾಗಿ ನಡೆಯುವ ಮುಟ್ಟಿನ ಸಮಸ್ಯೆಯಿಂದ ಪಾರಾಗಬಹುದು. ಪಪಾಯಿ ಹಣ್ಣು ಋತುಬಂಧದ ಸಮಯದಲ್ಲಿ ಆಗುವ ಅನಿಮಿಯತ ಸಮಸ್ಯೆಯನ್ನು ಹೋಗಲಾಡಿಸುತ್ತದೆ.

ದಾಸವಾಳ ಹೂವು

ದಾಸವಾಳದ ಹೂವು ಋತುಚಕ್ರದ ಸಮಯದಲ್ಲಿ ಅಂಡಾಣು ಸರಿಯಾಗಿ ಕಾರ್ಯನಿರ್ವಹಿಸುವಲ್ಲಿ ಸಹಾಯ ಮಾಡುವುದರಿಂದ ತಿಂಗಳಿಗೊಮ್ಮೆ ಬರುವ ಮುಟ್ಟು ಸರಿಯಾದ ಸಮಯದಲ್ಲಿ ಆಗುವಂತೆ ಮಾಡಲು ದಾಸವಾಳದ ಹೂವು ಸಹಕಾರಿಯಾಗುತ್ತದೆ.

ಪವಿತ್ರ ತುಳಸಿ

ಹಲವು ಕಾಯಿಲೆ ನಿವಾರಿಸಲು ನೈಸರ್ಗಿಕವಾಗಿ ಪರಿಹಾರ ನೀಡುವ ಭಂಡಾರ ಎಂದೇ ಹೆಸರಾಗಿರುವ ತುಳಸಿ, ಋತುಚಕ್ರ ಸರಿಯಾದ ಸಮಯದಲ್ಲಾಗಲು ಸೂಕ್ತವಾದ ನೈಸರ್ಗಿಕ ಬಳಕೆಯ ವಸ್ತು. ಮುಟ್ಟು ಸರಿಯಾದ ಸಮಯದಲ್ಲಾಗಲು ಮತ್ತು ಈ ಸಮಯದಲ್ಲಿನ ನೋವು ನಿವಾರಣೆಗೆ, ಒಂದು ಟೀಚಮಚ ಜೇನುತುಪ್ಪದ ಜೊತೆಗೆ ತುಳಸಿಯ ದಳದ ರಸವನ್ನು ಮಿಶ್ರಣ ಮಾಡಿ ಕುಡಿಯಬೇಕು. ಇದು ಋತುಚಕ್ರ ಸರಿಯಾಗಿ ಆಗಲು ಮತ್ತು ಮುಟ್ಟಿನ ಸಮಸ್ಯೆಯನ್ನು ಸರಿದಾರಿಗೆ ತರಲು ತುಳಸಿ ಸೂಕ್ತ ನೈಸರ್ಗಿಕ ವಿಧಾನ.