ಬೆಳಗಿನ ಜಾವ ಸೇವಿಸಿ- ಬಿಸಿ ಬಿಸಿಯಾದ ಬೆಣ್ಣೆ ಕಾಫಿ!

ತಕ್ಷಣ ಶಕ್ತಿ ದೊರಕುತ್ತದೆ

ಬೆಣ್ಣೆ ಸೇರಿಸಿದ ಪೇಯ ಕುಡಿದ ತಕ್ಷಣವೇ ದೇಹದಲ್ಲಿ ಚೈತನ್ಯ ತುಂಬುತ್ತದೆ. ಏಕೆಂದರೆ ಈ ಪೇಯವನ್ನು ಕುಡಿದಾಕ್ಷಣ ರಕ್ತದಲ್ಲಿ ಸೇರುವ ಕೀಟೋನ್‌ಗಳೆಂಬ ಶಕ್ತಿತುಂಬಿದ ಕಣಗಳು ಲಭ್ಯವಾಗುತ್ತದೆ. ಮುಂದೆ ಓದಿ

ತಕ್ಷಣ ಶಕ್ತಿ ದೊರಕುತ್ತದೆ

ಈ ಕೀಟೋನ್ ಗಳು ವಾಸ್ತವವಾಗಿ ಕೊಬ್ಬಿನ ಮೂಲಕ ಲಭ್ಯವಾಗುವ ಕಣಗಳಾಗಿದ್ದು ಕೊಬ್ಬು ಕರಗಿ ಇದು ಸಿಗಲು ಸಮಯಾವಕಾಶ ಬೇಕಾಗುವುದರಿಂದ ತಕ್ಷಣದ ಶಕ್ತಿಗಾಗಿ ಬೆಣ್ಣೆಯಿಂದ ಲಭಿಸಿದ ಈ ಕೀಟೋನ್ ಉಪಯುಕ್ತವಾಗಿದೆ. ಇದು ಆರೋಗ್ಯಕರ ಶಕ್ತಿಯಾಗಿದೆ.

ತೂಕ ಕಳೆದುಕೊಳ್ಳಲು ನೆರವಾಗುತ್ತದೆ

ಬೆಳಗಿನ ಪೇಯದಲ್ಲಿ ಬೆಣ್ಣೆ ಸೇರಿಸುವುದರಿಂದ ತೂಕ ಕಳೆದುಕೊಳ್ಳಲು ನೆರವಾಗುತ್ತದೆ. ಹೇಗೆಂದರೆ ಈ ಶಕ್ತಿ ದೇಹಕ್ಕೆ ಲಭಿಸಲು ಸಂಗ್ರಹವಾಗಿದ್ದ ಕೊಬ್ಬನ್ನು ಬಳಸಬೇಕಾಗುತ್ತದೆ. ಅದರಲ್ಲೂ ಹಸುವಿನ ತುಪ್ಪ (Grass fed butter) ಬಳಸಿದರೆ ಹೆಚ್ಚು ಪರಿಣಾಮಕಾರಿಯಾಗಿರುತ್ತದೆ.

ಹೃದಯಕ್ಕೂ ಒಳ್ಳೆಯದು

ಬೆಣ್ಣೆ ಸೇರಿಸಿದ ಪೇಯವನ್ನು ಮುಂಜಾನೆ ಕುಡಿಯುವುದರಿಂದ ದೇಹಕ್ಕೆ ಉತ್ತಮ ಪ್ರಮಾಣದ ವಿಟಮಿನ್ ಕೆ ದೊರಕುತ್ತದೆ. ಇದು ಹೃದಯಕ್ಕೆ ಉಪಯುಕ್ತವಾದ ಪೋಷಕಾಂಶವಾಗಿದ್ದು ಹೃದಯದ ಆರೋಗ್ಯ ವೃದ್ಧಿಸುತ್ತದೆ.

ಮಲಬದ್ಧತೆಯನ್ನು ತಡೆಯುತ್ತದೆ

ಒಂದು ವೇಳೆ ಮಲಬದ್ಧತೆಯ ತೊಂದರೆಯಿದ್ದರೆ ಪ್ರತಿದಿನ ಮುಂಜಾನೆ ಒಂದು ಕಪ್ ಬೆಣ್ಣೆ ಸೇರಿಸಿದ ಕಾಫಿ ಕುಡಿಯುವುದರಿಂದ ಉತ್ತಮ ಪರಿಣಾಮ ದೊರಕುತ್ತದೆ.

ಮಲಬದ್ಧತೆಯನ್ನು ತಡೆಯುತ್ತದೆ

ಇದು ನಂತರದ ಊಟಗಳಲ್ಲಿರುವ ನಾರುಗಳನ್ನು ಗಟ್ಟಿಯಾಗದಂತೆ ತಡೆದು ಮಲಬದ್ಧತೆಯಿಂದ ರಕ್ಷಿಸುತ್ತದೆ.

ಮೆದುಳಿಗೂ ಒಳ್ಳೆಯದು

ಮೆದುಳಿನ ಕಾರ್ಯಕ್ಷಮತೆಗೆ ಉತ್ತಮ ಪ್ರಮಾಣದ ರಕ್ತಸಂಚಾರದ ಅಗತ್ಯವಿದೆ. ಬೆಣ್ಣೆಯಲ್ಲಿರುವ ಕೊಬ್ಬುಗಳು ಮೆದುಳಿನ ಕಾರ್ಯಕ್ಷಮತೆಯನ್ನು ಹೆಚ್ಚಿಸುವ ಕಾರಣ ಮುಂಜಾನೆಯ ಒಂದು ಕಪ್ ಇಡಿಯ ದಿನ ಚೈತನ್ಯದಿಂದಿರಲು ನೆರವಾಗಬಲ್ಲದು.

ಮೆದುಳಿಗೂ ಒಳ್ಳೆಯದು

ಅಲ್ಲದೇ ಈ ಕೊಬ್ಬು ಜೀವಕೋಶಗಳ ಕವಚವನ್ನು ದೃಢಗೊಳಿಸಲು ನೆರವಾಗುವುದರಿಂದ ಒಟ್ಟಾರೆ ಆರೋಗ್ಯವೂ ಉತ್ತಮಗೊಳ್ಳುತ್ತದೆ.

ಹೆಚ್ಚಿನ ಆಹಾರ ತಿನ್ನುವ ಬಯಕೆಯನ್ನು ಕಡಿಮೆಗೊಳಿಸುತ್ತದೆ

ನಮ್ಮೆಲ್ಲರಲ್ಲಿಯೂ ಒಬ್ಬ ತಿಂಡಿಪೋತನಿದ್ದಾನೆ. ಯಾವುದಾದರೂ ಆಹಾರವಸ್ತುವನ್ನು ಕಂಡಾಕ್ಷಣ ಇದು ತನಗೆ ಬೇಕು ಎಂದು ಹಠಹಿಡಿಯುತ್ತಾನೆ. ಈತನ ಉಪಟಳವನ್ನು ತಡೆಯಲಾಗದೇ ಹೆಚ್ಚಿನವರು ಸೋತುಬಿಡುತ್ತಾರೆ.

ಹೆಚ್ಚಿನ ಆಹಾರ ತಿನ್ನುವ ಬಯಕೆಯನ್ನು ಕಡಿಮೆಗೊಳಿಸುತ್ತದೆ

ಆದರೆ ಬೆಳಗಿನ ಬೆಣ್ಣೆ ಸೇರಿಸಿದ ಕಾಫಿಯನ್ನು ಕುಡಿದ ಬಳಿಕ ಈ ತಿಂಡಿಪೋತ ಬೆಣ್ಣೆಯನ್ನು ಸವಿಯುವಲ್ಲಿ ಮಗ್ನನಾಗಿರುವುದರಿಂದ ಎದುರಿಗೆ ಆಹಾರವಿದ್ದರೂ ಆತನ ಗಮನ ಹರಿಯದೇ ತಿನ್ನಲು ಮನಸ್ಸಾಗದೇ ಹೋಗುತ್ತದೆ.

ಬಟರ್ ಕಾಫಿ ರೆಸಿಪಿ ಮಾಡುವ ವಿಧಾನ

ಒಂದು ಕಪ್ ನೀರು ಬಿಸಿಮಾಡಿ ಒಂದು ದೊಡ್ಡ ಚಮಚ ಕಾಫಿಪುಡಿ ಸೇರಿಸಿ. ಬಳಿಕವೇ ಕುದಿಸಿ. ಕುದಿ ಬಂದತಕ್ಷಣ ಇಳಿಸಿ ಒಂದು ದೊಡ್ಡ ಚಮಚ ಬೆಣ್ಣೆ ಸೇರಿಸಿ. ಈ ದ್ರವವನ್ನು ಮಿಕ್ಸಿಯ ದೊಡ್ಡ ಜಾರ್ ಗೆ (ಸ್ಟೀಲ್ ನ ಜಾರ್ ಮಾತ್ರ, ಪ್ಲಾಸ್ಟಿಕ್ ಜಾರ್ ಸರ್ವಥಾ ಕೂಡದು) ಹಾಕಿ ಒಂದು ನಿಮಿಷದ ವರೆಗೆ ಗೊಟಾಯಿಸಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಬಟರ್ ಕಾಫಿ ರೆಸಿಪಿ ಮಾಡುವ ವಿಧಾನ

ಕೂಡಲೇ ಲೋಟಕ್ಕೆ ನೊರೆಬರಿಸಿ ಸುರಿಯಿರಿ, ಬಿಸಿಬಿಸಿಯಿರುವಂತೆಯೇ ಸವಿಯಿರಿ. (ಒಂದು ವೇಳೆ ಗೊಟಾಯಿಸಿದ ಬಳಿಕ ತಣ್ಣಗಾಗಿದೆ ಎಂದರೆ ಮತ್ತೊಮ್ಮೆ ಬಿಸಿ ಮಾಡಿ, ಆದರೆ ಕುದಿ ಬರಿಸಬೇಡಿ)