ಕ್ಯಾಲೋರಿ ಕರಗಿಸುವ ರಹಸ್ಯ, ವಿಚಿತ್ರವಾದರೂ ಇದು ಸತ್ಯ!

ಹತ್ತು ನಿಮಿಷ ನಗಿರಿ

ಒಂದು ಜೋಕು ಹೇಳಿ ಸುಮಾರು ಐದರಿಂದ ಹತ್ತು ನಿಮಿಷ ಎಷ್ಟು ಜೋರಾಗಿ ಸಾಧ್ಯವೋ ಅಷ್ಟು ಜೋರಾಗಿ ನಗಿ, ಪ್ರತಿ ಬಾರಿ ನಕ್ಕಾಗಲೂ ನಿಮ್ಮ ದೇಹದಿಂದ ನಲವತ್ತು ಕ್ಯಾಲೋರಿಗಳು ಉರಿದು ಹೋಗುತ್ತವೆ.

ಪ್ರೇಮದಾಟವಾಡಿ

ಸುಮಾರು ಮೂವತ್ತು ನಿಮಿಷಗಳ ಪ್ರೇಮದಾಟ ನಿಮ್ಮ ದೇಹದಿಂದ ಸುಮಾರು ಇನ್ನೂರು ಕ್ಯಾಲೋರಿಗಳನ್ನು ಕಡಿಮೆ ಮಾಡುತ್ತದೆ.

ಒಂದು ಚುಂಬನದಲ್ಲಿ ಐದು ಕ್ಯಾಲೋರಿ ಕಳೆದುಕೊಳ್ಳುತ್ತೀರಿ

ಒಂದು ಬಾರಿ ಚುಂಬಿಸಲು ಸುಮಾರು ಐದು ಕ್ಯಾಲೋರಿಗಳಷ್ಟು ಶಕ್ತಿ ವ್ಯಯವಾಗುತ್ತದೆ. ಐದರ ಮಗ್ಗಿ ಗೊತ್ತಿದ್ದರೆ ಒಟ್ಟು ಎಷ್ಟು ಕ್ಯಾಲೋರಿ ಕಡಿಮೆಯಾಯಿತೆಂದು ಲೆಕ್ಕ ಮಾಡಲು ಸುಲಭ.

ಚ್ಯೂಯಿಂಗ್ ಗಮ್ ಅಗಿಯುತ್ತಿದ್ದರೆ ಸಾಕು

ಏನೂ ಮಾಡದೇ ಇದ್ದಾಗ ಸುಮ್ಮನೇ ಒಂದು ಚ್ಯೂಯಿಂಗ್ ಗಮ್ ಅಗಿಯುತ್ತಿದ್ದರೆ ಒಂದು ಘಂಟೆಗೆ ಹನ್ನೊಂದು ಕ್ಯಾಲೋರಿಗಳು ಖರ್ಚಾಗುತ್ತವೆ.

ಒಂದು ಸಂದೇಶ ಕಳಿಸಲು ನಲವತ್ತು ಕ್ಯಾಲೋರಿ

ನಿಮ್ಮ ಮೊಬೈಲಿನಿಂದ ನಿಮ್ಮ ಪ್ರಿಯಪಾತ್ರರಿಗೆ ಒಂದು ಸಂದೇಶವನ್ನು ಟೈಪ್ ಮಾಡಿ ಕಳಿಸಲು ಎಷ್ಟು ಹಣ ಖರ್ಚಾಗುತ್ತದೋ ಗೊತ್ತಿಲ್ಲ, ಆದರೆ ನಿಮ್ಮ ಶರೀರದಿಂದ ನಲವತ್ತು ಕ್ಯಾಲೋರಿಗಳಂತೂ ಖರ್ಚಾಗಿರುತ್ತವೆ.

ನಾಯಿಯನ್ನು ಓಡಾಡಿಸಿ, ನಿಮ್ಮ ಮೈಯಿಂದ ಇನ್ನೂರು ಕ್ಯಾಲೋರಿ ಕಳೆದುಕೊಳ್ಳಿ

ನಿಮ್ಮ ನೆಚ್ಚಿನ ಸಾಕುಪ್ರಾಣಿ, ಉದಾಹರಣೆಗೆ ನಾಯಿಯನ್ನು ಹೊರಗೆ ತಿರುಗಾಡಿಸಲು ಕರೆದುಕೊಂಡು ಹೋಗಿ. ಇದರಿಂದ ನಾಯಿಯ ಮೈಯಿಂದ ಎಷ್ಟು ಕ್ಯಾಲೋರಿ ಕಡಿಮೆಯಾಗುತ್ತದೆ ಎಂದು ಗೊತ್ತಾಗದಿದ್ದರೂ ನಿಮ್ಮ ಶರೀರದಿಂದ ಘಂಟೆಗೆ ಇನ್ನೂರು ಕ್ಯಾಲೋರಿಗಳಾದರೂ ಖರ್ಚಾಗಿರುತ್ತವೆ.

ಅಪ್ಪುಗೆಗೆ ಅರವತ್ತು ಕ್ಯಾಲೋರಿ ಅಗತ್ಯ

ಸುಮ್ಮನ್ನೇ ನಿಮ್ಮ ಸಂಗಾತಿಯನ್ನು ಅಪ್ಪಿಕೊಳ್ಳುವುದರಿಂದಲೂ ಘಂಟೆಗೆ ಅರವತ್ತು ಕ್ಯಾಲೋರಿಗಳು ಖರ್ಚಾಗುತ್ತವೆ.

ಸುಮ್ಮನೇ ನಡೆದಾಡುತ್ತಿದ್ದರೆ ಸಾಕು

ಸುಮ್ಮನೇ ಕುಳಿತಿರುವ ಬದಲು ಅತ್ತಿಂದಿತ್ತ ಶತಪಥ ತಿರುಗಾಡುತ್ತಿದ್ದರೂ ಕುಳಿತಿರುವಾಗಿದ್ದಕ್ಕಿಂತಲೂ 25% ಹೆಚ್ಚು ಕ್ಯಾಲೋರಿಗಳು ಬಳಕೆಯಾಗುತ್ತವೆ.

ನರ್ತಿಸಿ, ಕ್ಯಾಲೋರಿ ನಿವಾರಿಸಿ

ನಿಮಗೆ ಇಷ್ಟವಾದ ಯಾವುದೇ ನರ್ತನ ನಿಮ್ಮ ಶರೀರದಿಂದ ಹದಿನೈದು ನಿಮಿಷದಲ್ಲಿ ಎಪ್ಪತ್ತೈದು ಕ್ಯಾಲೋರಿಗಳನ್ನು ಕಬಳಿಸಬಲ್ಲುದು.

ಶಾಪಿಂಗ್ ಟ್ರಾಲಿ ದೂಡಿ

ಮನೆಗೆ ಸಾಮಾನು ತೆಗೆದುಕೊಳ್ಳಲು ಹೋಗುವುದಾದರೆ ಕಾರನ್ನು ಸಾಧ್ಯವಾದಷ್ಟು ದೂರ ನಿಲ್ಲಿಸಿ ಸಾಮಾನು ದೂಡುವ ಟ್ರಾಲಿಯನ್ನು ದೂಡಿಕೊಂಡು ಬನ್ನಿ. ಈ ಕೆಲಸಕ್ಕೆ ಘಂಟೆಗೆ ಸುಮಾರು ಇನ್ನೂರು ಕ್ಯಾಲೋರಿಗಳ ಶಕ್ತಿಯ ಅಗತ್ಯವಿದೆ. ದೂರ ಹೆಚ್ಚಿದ್ದಷ್ಟೂ ಕ್ಯಾಲೋರಿಗಳು ಖರ್ಚಾಗುವ ಪರಿ ಹೆಚ್ಚು.