ಹೊಟ್ಟೆ ತಳಮಳಗೊಂಡಿದ್ದರೆ ಏನೇನು ತಿನ್ನಬಹುದು?

ಮಲಬದ್ಧತೆ ತಡೆಯುವ 5 ರೀತಿಯ ಆಹಾರಗಳು:
* ನಾರಿನಂಶ ಹೆಚ್ಚಿರುವ ತರಕಾರಿ: ತಾಜಾ ತರಕಾರಿಗಳಾದ ಬೀನ್ಸ್, ಕೊತ್ತಂಬರಿ,ಖರ್ಬೂಜ, ಹೂಕೋಸು, ಎಲೆಕೋಸು, ಬ್ರೊಕೋಲಿ, ಈರುಳ್ಳಿ, ಟೊಮೆಟೊ, ಕ್ಯಾರೆಟ್ ಮುಂತಾದುವುಗಳಲ್ಲಿ ಹೇರಳ ನಾರಿನಂಶವಿದೆ. ಇವುಗಳಲ್ಲಿ ನೀರಿನಂಶವೂ ಹೆಚ್ಚಿರುವುದರಿಂದ ಮಲಬದ್ಧತೆಗೆ ತುಂಬಾ ಸಹಕಾರಿ.

* ಗೋಧಿ ಮತ್ತು ಓಟ್ಸ್: ಎಲ್ಲಾ ಧಾನ್ಯಗಳೂ ಜೀರ್ಣಿಸಿಕೊಳ್ಳಲು ಸುಲಭವಾಗಿರುತ್ತದೆ ಮತ್ತು ಹೆಚ್ಚು ನಾರಿನಂಶ ಹೊಂದಿರುತ್ತದೆ. ಗೋಧಿ, ಅನ್ನ, ಓಟ್, ಬಾರ್ಲೆ ಮುಂತಾದುವು ಗ್ಯಾಸ್ಟ್ರಿಕ್ ನೊಂದಿಗೆ ಹೊಟ್ಟೆಗೆ ಸಂಬಂಧಿಸಿದ ಹಲವು ಸಮಸ್ಯೆಯನ್ನೂ ನೀಗಿಸುತ್ತದೆ.

* ಬಾಳೆ ಹಣ್ಣು: ಬಾಳೆಹಣ್ಣು ಮಲಬದ್ಧತೆಗೆ ಅತಿ ಪರಿಣಾಮಕಾರಿ ಹಣ್ಣು. ಇನ್ನಿತರ ಹಣ್ಣುಗಳಾದ ಸೇಬು, ಪಪ್ಪಾಯ, ಕಲ್ಲಂಗಡಿ, ದ್ರಾಕ್ಷಿ, ಮಾವನ್ನೂ ಕೂಡ ತಿನ್ನಬಹುದು.

* ಬಾದಾಮಿ: ಆಪ್ರಿಕಾಟ್, ಬಾದಾಮಿ, ಖರ್ಜೂರ, ಒಣದ್ರಾಕ್ಷಿ, ಪಿಯರ್ಸ್ ಈ ಹಣ್ಣುಗಳು ಆರೋಗ್ಯಕರ ಮತ್ತು ಮಲಬದ್ಧತೆ ಸಮಸ್ಯೆಯನ್ನು ನಿವಾರಿಸಲು ಪೂರಕವಾಗಿದೆ. ಸಾಯಂಕಾಲದ ಸಮಯ ಜೀರ್ಣಿಸಲು ಕಷ್ಟವೆನಿಸುವ ಚಾಟ್ಸ್ ಬದಲು ಈ ಹಣ್ಣನ್ನು ಸೇವಿಸಿದರೆ ಒಳ್ಳೆಯದು.

* ನೀರು: ಇದು ಆಹಾರವಲ್ಲದಿದ್ದರೂ ಮಲಬದ್ಧತೆ ನಿವಾರಿಸುವಲ್ಲಿ ಅತ್ಯಂತ ಪರಿಣಾಮಕಾರಿ ಅಂಶ. ದೇಹದಲ್ಲಿ ನೀರಿದ್ದರೆ ಎಲ್ಲಾ ಕಾರ್ಯಗಳೂ ಸರಾಗವಾಗಿ ನಡೆಯುತ್ತದೆ. ಆದ್ದರಿಂದ ದಿನಕ್ಕೆ 8-10 ಗ್ಲಾಸ್ ನೀರು ಸೇವನೆಯಿದ್ದರೆ ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.