ಗ್ಯಾಸ್ಟ್ರಿಕ್ ಸಮಸ್ಯೆ ಕಾಣಿಸಿಕೊಂಡಾಗ ಏನು ತಿನ್ನಬೇಕು?

ಈ ಸಮಯದಲ್ಲಿ ಭೇದಿ, ತಲೆತಿರುಗುವಿಕೆ, ವಾಂತಿ ಮತ್ತು ವಿಪರೀತ ಹೊಟ್ಟೆ ನೋವು ಕಾಣಿಸಿಕೊಂಡು ಸುಸ್ತಿಗೆ ಎಡೆಮಾಡಿಕೊಡುತ್ತದೆ. ಇಂತಹ ಸಂದರ್ಭದಲ್ಲಿ ಸರಿಯಾದ ಆಹಾರ ಕ್ರಮವನ್ನು ಅನುಸರಿಸುವುದು ಅವಶ್ಯಕ. ಯಾವ ರೀತಿಯ ಆಹಾರ ಸೇವಿಸಬೇಕು ಎಂದು ಇಲ್ಲಿ ತಿಳಿದುಕೊಳ್ಳಿ.

ಗ್ಯಾಸ್ಟ್ರಿಕ್ ಸಮಸ್ಯೆ ಕಾಣಿಸಿಕೊಂಡಾಗ ಈ ಆಹಾರ ಕ್ರಮವಿರಲಿ:

1. ಈ ಸಮಯದಲ್ಲಿ ಖಾರವಿಲ್ಲದ ಮತ್ತು ಸುಲಭವಾಗಿ ಜೀರ್ಣಗೊಳ್ಳುವಂತಹ ಆಹಾರ ಸೇವನೆ ಉತ್ತಮ. ತುಂಬಾ ವಾಂತಿಯಾಗುತ್ತಿದ್ದರೆ ಬ್ರೆಡ್ ಟೋಸ್ಟ್ ತಿಂದರೆ ಸಾಕು.

2. ಗ್ಯಾಸ್ಟ್ರಿಕ್ ಇರುವ ಸಂದರ್ಭದಲ್ಲಿ ಸಿಟ್ರಸ್ ಹಣ್ಣುಗಳ ಸೇವನೆ ಒಳ್ಳೆಯದು. ಸಿಟ್ರಸ್ ಅಂಶ ದೇಹದೊಳಗೆ ಹೋಗುವುದರಿಂದ ವಾಂತಿ ಅತಿ ಪರಿಣಾಮಕಾರಿಯಾಗಿ ನಿವಾರಣೆಯಾಗುತ್ತದೆ. ನಿಂಬೆ, ದ್ರಾಕ್ಷಿ, ಕಿತ್ತಳೆ ಮುಂತಾದ ಹಣ್ಣುಗಳನ್ನು ತಿನ್ನಬಹುದು.

3. ಗ್ಯಾಸ್ಟ್ರಿಕ್ ಸಮಸ್ಯೆ ಕಾಣಿಸಕೊಂಡಾಗ ಸಾಮಾನ್ಯ ಆಹಾರಕ್ಕಿಂತ ಸೂಪ್ ಸೇವನೆಯಿರಲಿ. ತುಂಬಾ ರುಚಿಕರ ಮತ್ತು ಜೀರ್ಣಕ್ರಿಯೆಗೆ ಸಹಕರಿಸುವ ತರಕಾರಿಯ ಸೂಪ್ ಮಾಡಿಕುಡಿಯಬಹುದು. ಇದರಿಂದ ಸಿಗುವ ನೀರಿನ ಅಂಶದಿಂದ ದೇಹದಲ್ಲಿನ ವಿಷಕಾರಿ ಅಂಶವನ್ನು ಸುಲಭವಾಗಿ ಹೊರಹಾಕುತ್ತದೆ.

4. ಹಾಲು ಮತ್ತು ಚೀಸ್ ಸೇವನೆ ಈ ಸಂದರ್ಭದಲ್ಲಿ ಬೇಡ. ಆದರೆ ಮಜ್ಜಿಗೆ ಈ ಸಮಯಕ್ಕೆ ತುಂಬಾ ಸೂಕ್ತ.

5. ಗ್ಯಾಸ್ಟ್ರಿಕ್ ಆದಾಗ ಚೆನ್ನಾಗಿ ಬೇಯಿಸಿದ ಆಹಾರ ತಿನ್ನಬೇಕು. ಬೇಯಿಸಿದ ಆಲೂಗಡ್ಡೆ, ಬೀನ್ಸ್, ಕ್ಯಾರೆಟ್, ಪಾಸ್ತಾ ಮುಂತಾದುವನ್ನು ತಿನ್ನಬಹುದು. ಇದು ಸುಲಭವಾಗಿ ಜೀರ್ಣಗೊಳ್ಳುತ್ತವೆ.

6. ಹೊಟ್ಟೆ ಸರಿಯಾಗಿ ಕೆಲಸ ಮಾಡಬೇಕೆಂದರೆ ಬಾಳೆಹಣ್ಣನ್ನು ತಿನ್ನಿ. ಸೇಬಿನ ಜ್ಯೂಸ್, ಕಿತ್ತಳೆ ಜ್ಯೂಸ್ ಕೂಡ ಕುಡಿಯಬಹುದು.

7. ಗ್ಯಾಸ್ಟ್ರಿಕ್ ಸಮಯದಲ್ಲಿ ದೇಹದ ನೀರಿನಂಶ ಕುಗ್ಗಿ ಸುಸ್ತಾಗುತ್ತದೆ. ಆದ್ದರಿಂದ ಹೆಚ್ಚು ನೀರನ್ನು ಕುಡಿಯಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.