ಉತ್ತಮ ಆರೋಗ್ಯದ ಸೂತ್ರ ಚಕ್ಕೆಯಲ್ಲಿದೆ

Wellness

oi-Sumalatha

By Sumalatha

Published: Thursday, October 13, 2011, 14:30 [IST]

ಚೆಕ್ಕೆ ಭಾರತೀಯ ಅಡುಗೆಗಳಲ್ಲಿ ಪ್ರತಿನಿತ್ಯ ಬಳಸಲಾಗುವ ಸಾಂಬಾರು ಪದಾರ್ಥ. ಸುವಾಸನೆಭರಿತ ಚಕ್ಕೆಯಲ್ಲಿ ಕೇವಲ ರುಚಿ ಮಾತ್ರ ಇಲ್ಲ, ಇದರಲ್ಲಿ ಆರೋಗ್ಯಕ್ಕೆ ಪೂರಕವಾಗುವ ಅನೇಕ ಔಷಧೀಯ ಗುಣಗಳೂ ಇವೆ.

ಚೆಕ್ಕೆಯಿಂದ ಆರೋಗ್ಯಕ್ಕೆ ಏನು ಉಪಯೋಗ?
1. ಕೆಲವು ಅಧ್ಯಯನದ ಪ್ರಕಾರ ಕೇವಲ 1/2 ಚಮಚ ಚೆಕ್ಕೆ ಪುಡಿ ರಕ್ತದಲ್ಲಿರುವ ಕೊಲೆಸ್ಟ್ರಾಲ್ ಅಂಶವನ್ನು ಕರಗಿಸುವಲ್ಲಿ ಹೆಚ್ಚು ಸಹಕಾರಿ.

2. ಟೈಪ್ 2 ಡಯಾಬಿಟಿಸ್ ಇರುವ ವ್ಯಕ್ತಿಗಳಿಗೆ ಚಕ್ಕೆ ತುಂಬಾ ಆರೋಗ್ಯಕರ. ಇದು ರಕ್ತದಲ್ಲಿನ ಸಕ್ಕರೆ ಅಂಶವನ್ನು ನಿಯಂತ್ರಿಸುತ್ತದೆ.

3. ಗಾಯ, ಇನ್ನಿತರ ಸೋಂಕುಗಳ ನಿವಾರಣೆಯಲ್ಲೂ ಚೆಕ್ಕೆ ತುಂಬಾ ಉಪಯೋಗಕ್ಕೆ ಬರುತ್ತದೆ ಎನ್ನಲಾಗಿದೆ.

4. ಕ್ಯಾನ್ಸರ್ ತಡೆಗಟ್ಟುವಿಕೆಯಲ್ಲಿ ಚೆಕ್ಕೆ ಒಳ್ಳೆಯ ಉಪಾಯ ಎಂದು ಸಂಶೋಧನೆಯೊಂದು ತಿಳಿಸಿದೆ. ಕ್ಯಾನ್ಸರ್ ಹರಡಲು ಕಾರಣವಾಗುವ ಲ್ಯುಕೆಮಿಯ ಮತ್ತು ಲಿಂಫೋಮ ಎಂಬ ಜೀವಕಣಗಳು ದ್ವಿಗುಣಗೊಳ್ಳುವುದನ್ನು ಚಕ್ಕೆಯಲ್ಲಿನ ಅಂಶ ಕಡಿಮೆ ಮಾಡುತ್ತದೆ ಎಂದು ತಿಳಿಸಿದೆ.

5. ಚೆಕ್ಕೆಯಲ್ಲಿ ಮ್ಯಾಂಗನೀಸ್, ಫೈಬರ್, ಕಬ್ಬಿಣಾಂಶ ಮತ್ತು ಕ್ಯಾಲ್ಸಿಯಂ ಹೆಚ್ಚಿರುವುದರಿಂದ ರಕ್ತ ಸರಾಗವಾಗಿರುವಂತೆ ನೋಡಿಕೊಳ್ಳುತ್ತದೆ.

6. ಖಾಲಿ ಹೊಟ್ಟೆಯಲ್ಲಿ ಸ್ವಲ್ಪ ಜೇನಿನೊಂದಿಗೆ 1 ಚಮಚ ಚೆಕ್ಕೆ ಪುಡಿ ಬೆರೆಸಿ ಕುಡಿದರೆ ಸಂಧಿವಾತ ಕಡಿಮೆ ಮಾಡುವುದಲ್ಲದೆ ಜ್ಞಾಪಕ ಶಕ್ತಿಯನ್ನೂ ವೃದ್ಧಿಸುತ್ತದೆ.

7. ಇದು ವಿವಿಧ ರೀತಿಯ ಬ್ಯಾಕ್ಟೀರಿಯಾ ವಿರುದ್ಧ ಹೋರಾಡುತ್ತದೆ. ಆದ್ದರಿಂದ ಆಹಾರ ಕೆಡದಂತಿರಲು ಚಕ್ಕೆಯನ್ನು ಬಳಸಲಾಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.