ಹಾಲಾಸನ: ಒಂದು ನಿಮಿಷ ಈ ಆಸನ ಮಾಡಿದರೆ ಸಾಕು ಹೊಟ್ಟೆ ಬೊಜ್ಜು ಕರಗಿ ಹೊಟ್ಟೆ ಫ್ಲ್ಯಾಟ್‌ ಆಗುತ್ತೆ

ಹೊಟ್ಟೆ ಬೊಜ್ಜು ಕರಗಿಸುತ್ತೆ ಹಾಲಾಸನ

ಹಾಲಾಸನ ಅಭ್ಯಾಸ ಮಾಡಿದರೆ ಹೊಟ್ಟೆ ಬೊಜ್ಜು ಸಮಸ್ಯೆನೇ ಇರಲ್ಲ. ಈಗಾಗಲೇ ತುಂಬಾ ಹೊಟ್ಟೆ ಬೊಜ್ಜು ಇದ್ದರೆ ಈ ಹಾಸನ ಮಾಡುವಾಗ ಕಷ್ಟ ಅನಿಸಿದರೂ ಮಾಡ್ತಾ-ಮಾಡ್ತಾ ಅಭ್ಯಾಸವಾಗುವುದು. ಹಾಲಾಸನ ಬಗ್ಗೆ ಹೆಚ್ಚು ಗೊತ್ತಿಲ್ಲದೆ ಯೂ ಟ್ಯೂಬ್‌ ನೋಡಿ ಮಾಡಲು ಹೋಗಬೇಡಿ, ಏಕೆಂದರೆ ಯೋಗದಲ್ಲಿ ಭಂಗಿಯಷ್ಟೇ ಉಸಿರಾಟದ ಪದ್ಧತಿ ಕೂಡ ಮುಖ್ಯವಾಗಿರುತ್ತೆ, ಪ್ರಾರಂಭದಲ್ಲಿ ಪರಿಣಿತರ ಸಲಹೆ ಪಡೆಯಿರಿ ನಂತರ ನೀವೇ ಮಾಡಬಹುದು.

ಒಂದು ನಿಮಿಷ ಹಾಲಾಸನ ಮಾಡಿದರೆ ಸಾಕು ಹೊಟ್ಟೆ ಬೊಜ್ಜು ಕರಗುತ್ತೆ

ಯೋಗದಲ್ಲಿ ಯಾವುದೂ ಅತಿಯಾಗಿ ಮಾಡಲ್ಲ. ಹಾಲಾಸನದ ಭಂಗಿ ಕೂಡ ಒಂದೇ ನಿಮಿಷ. ಇದು ಹೆಚ್ಚು ಪರಿಣಾಮಕಾರಿಯಾಗಲು ನೀವು ಅರ್ಧ ಗಂಟೆ ವಾಕ್ ಅಥವಾ ಇತರೆ ವ್ಯಾಯಾಮ ಅಥವಾ ಯೋಗ ಭಂಗಿಗಳನ್ನು ಮಾಡಿ ನಂತರ ಒಂದು ನಿಮಿಷ ಹಾಲಾಸನದ ಭಂಗಿಯಲ್ಲಿ ಇರಿ. ಹೀಗೆ ಮಾಡಿದರೆ ಕೆಲವೇ ದಿನಗಳಲ್ಲಿ ನಿಮ್ಮ ಸೊಂಟದ ಸುತ್ತಳತೆ ಕಡಿಮೆಯಾಗುತ್ತಿರುವುದು ಗಮನಕ್ಕೆ ಬರುವುದು.

ಹಾಲಾಸನ ಮಾಡುವುದರಿಂದ ಹೊಟ್ಟೆಗೆ ದೊರೆಯುವ ಪ್ರಯೋಜನಗಳು

* ಹೊಟ್ಟೆ ಬೊಜ್ಜು ಕರಗಿಸುವುದು

* ಚಯಪಚಯ ಕ್ರಿಯ ಉತ್ತಮ ಪಡಿಸುತ್ತದೆ

* ಹೊಟ್ಟೆ ಸಮಸ್ಯೆ ಬಗೆ ಹರಿಸುತ್ತೆ

* ಸ್ನಾಯುಗಳನ್ನು ಶಾಂತಗೊಳಿಸುತ್ತೆ, ಮಾನಸಿಕ ಒತ್ತಡ ಕೂಡ ಹೊರ ಹಾಕುತ್ತೆ

* ಇನ್ನು ನಿಮ್ಮ ಥೈರಾಯ್ಡ್‌ ಗ್ರಂಥಿ ಸರಿಯಾಗಿ ಕೆಲಸ ಮಾಡುತ್ತಿಲ್ಲ ಎಂದಾದರೆ ಅಂದರೆ ಅಧಿಕ ಥೈರಾಯ್ಡ್‌ ಹಾರ್ಮೋನ್‌ ಬಿಡುಗಡೆ ಮಾಡುವುದು ಅಥವಾ ಅತಿ ಕಡಿಮೆ ಥೈರಾಯ್ಡ್ ಹಾರ್ಮೋನ್‌ ಬಿಡುಗಡೆ ಮಾಡುವುದು ಮಾಡುತ್ತಿದ್ದರೆ ಅದನ್ನು ಸರಿಪಡಿಸಲು ಈ ಹಾಲಾಸನ ಸಹಕಾರಿ.

* ಇನ್ನು ಕಾಲು ಹಾಗೂ ಭುಜಕ್ಕೆ ಕೂಡ ತುಂಬಾ ಒಳ್ಳೆಯದು.

ಯಾರು ಮಾಡಬಾರದು?

* ನೀವು ಗರ್ಭಿಣಿಯಾಗಿದ್ದರೆ ಈ ಆಸನ ಮಾಡಬೇಡಿ

* ಮುಟ್ಟಿನ ಸಮಯದಲ್ಲಿ ಮಾಡಬೇಡಿ

* ಇದಕ್ಕಿಂತ ಮೊದಲು ಹಾಲಾಸನ ಮಾಡಿರದಿದ್ದರೆ ತಜ್ಞರ ಮಾರ್ಗದರ್ಶನವಿಲ್ಲದೆ ಮಾಡಲು ಯತ್ನಿಸಬಾರದು.

* ಬೇಧಿ ಅಥವಾ ಕುತ್ತಿಗೆ ನೋವು ಇದ್ದರೆ ಮಾಡಬಾರದು.

* ಅಸ್ತಮಾ ಇರುವವರು ಮಾಡಬಾರದು

* ಅತ್ಯಧಿಕ ರಕ್ತದೊತ್ತಡ ಇರುವವರು ಮಡಬಾರದು

* ಆಹಾರ ಸೇವಿಸಿ ಈ ಆಸನ ಮಾಡಬಾರದು, ಇದನ್ನು ಖಾಲಿ ಹೊಟ್ಟೆಯಲ್ಲೇ ಅಭ್ಯಾಸ ಮಾಡಬೇಕು.