Just In
Don't Miss
- News Lok Sabha Election 2024: ಮತದಾನ ಮಾಡಿದವರಿಗೆ ಬೆಂಗಳೂರಿನ ಈ ಹೋಟೆಲ್ಗಳಲ್ಲಿ ಊಚಿತ ಊಟ & ತಿಂಡಿ-ಮಾಹಿತಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Movies 'ಯುವ ರಣಧೀರ ಕಂಠೀರವ' ಸಿನಿಮಾ ನಿಂತಿದ್ದೇಕೆ? ಕಥೆಗಾರ ಭಗೀರಥ ಏನಂದ್ರು?
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೇಕ್, ಡೆಸರ್ಟ್ ಸವಿಯಬೇಕು, ಆದರೆ ಮೈ ತೂಕ ಹೆಚ್ಚಬಾರದೆ?
ಕ್ರಿಸ್ಮೆಸ್, ಹೊಸ ವರ್ಷ ಆಚರಣೆ ಎಂದ ಮೇಲೆ ಕೇಳಬೇಕಾ? ಡೆಸರ್ಟ್, ಕೇಕ್ಗಳದ್ದೇ ಮೇಲುಗೈ. ನಾನು ಡಯಟ್ ಮಾಡಬೇಕು, ಸ್ವೀಟ್ ತಿನ್ನಬಾರದು, ಈ ವರ್ಷ ಏನಾದರೂ ಸರಿ ತೂಕ ಕಡಿಮೆ ಮಾಡಿಕೊಳ್ಳಬೇಕು ಎಂದು ಹೊಸ ವರ್ಷದ ರೆಸ್ಯೂಲೇಷನ್ ಮಾಡಿಕೊಂಡಿದ್ದರೂ ಬಣ್ಣ-ಬಣ್ಣದ ಕೇಕ್, ಡೆಸರ್ಟ್, ಪೇಸ್ಟ್ರಿ ನೋಡುವಾಗ ಪರ್ವಾಗಿಲ್ಲ ಇವತ್ತೊಂದು ಪೀಸ್ ತಿಂದು ಬಿಡುವ ಎಂದು ಮನಸ್ಸು ಬಯಸಿಯೇ ಬಯಸುತ್ತದೆ.
ಇತರ ದಿನಗಳಲ್ಲಿ ಬೇಕಾದರೆ ಸ್ವೀಟ್, ಡೆಸರ್ಟ್ಗಳಿಂದ ದೂರವಿರಬಹುದು. ಆದರೆ ಹಬ್ಬ ಹರಿದಿನಗಳು ಬಂದರೆ ಆ ದಿನ ಸಿಹಿ ಸವಿಯದಿದ್ದರೆ ಆ ಹಬ್ಬ ಆಚರಣೆಯ ಮಜಾ ಸಿಗುವುದಾದರೂ ಹೇಗೆ ಅಲ್ವಾ? ಆದ್ದರಿಂದ ಹಬ್ಬದ ಸಮಯದಲ್ಲಿ, ಫಂಕ್ಷನ್ಗಳನ್ನು ಸಿಹಿ ಬಯಸುವ ನಿಮ್ಮ ನಾಲಗೆಗೆ ಖಂಡಿತ ಮೋಸ ಮಾಡಬೇಡಿ. ಹಾಗಾದರೆ ಕ್ಯಾಲೋರಿ ಕತೆಯೇನು, ದಪ್ಪಗಾದರೆ ಎಂಬ ಭಯನಾ? ಇಲ್ಲಿ ನಾವು ನೀಡಿರುವ ಟಿಪ್ಸ್ ಪಾಲಿಸಿದರೆ ಸಾಕು ಸಿಹಿಯನ್ನೂ ಸವಿಯಬಹುದು, ಮೈ ಕಟ್ಟನ್ನೂ ಕಾಪಾಡಬಹುದು.
ಶುಗರ್ ಫ್ರೀ ಸ್ವೀಟ್
ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ಶುಗರ್ ಫ್ರೀ ಅಂತ ಲೇಬಲ್ ಹಾಕಿರುವ ಅನೇಕ ಸಿಹಿ ವಸ್ತುಗಳು ಸಿಗುತ್ತವೆ. ಸಕ್ಕರೆ ಬದಲಿಗೆ ಫ್ರಕ್ಟೋಸ್ ಬಳಸಿರುವ ಸಿಹಿ ಪದಾರ್ಥಗಳನ್ನು ಬಳಸಬಹುದು. ಇದು ಸುಕ್ರೋಸ್ಗೆ ಪರ್ಯಾಯವಾದ ಯಾವುದೇ ಅಪಾಯವಿಲ್ಲದ ಸಿಹಿ ವಸ್ತಾಗಿದೆ. ಆದರೆ ಇದನ್ನು ದಿನನಿತ್ಯ ಬಳಸುವುದು ಒಳ್ಳೆಯದಲ್ಲ ಎನ್ನುವುದು ಕೆಲ ಆಹಾರ ತಜ್ಞರ ಅಭಿಪ್ರಾಯವಾಗಿದೆ. ಆದರೆ ಅಪರೂಪಕ್ಕೆ ತಿಂದರೆ ಏನೂ ತೊಂದರೆಯಿಲ್ಲ, ಇದರಿಂದ ಮೈ ತೂಕವೂ ಹೆಚ್ಚಾಗುವುದಿಲ್ಲ.
ಜೇನು
ಮಿಲ್ಕ್ ಶೇಕ್, ಸಲಾಡ್ ಮಾಡುವಾಗ ಸಿಹಿಗಾಗಿ ಜೇನು ಹಾಕಿ. ಆದರೆ ಸಿಹಿ ತಿಂಡಿ ಮಾಡುವಾಗ ಜೇನು ಬಳಸಬೇಡಿ. ಏಕೆಂದರೆ ಜೇನು ಬೇಯಿಸಿದಾಗ ಅದರ ಗುಣಗಳು ಇಲ್ಲವಾಗುತ್ತದೆ, ಇದರಿಂದ ಫುಡ್ ಪಾಯಿಸನ್ ಕೂಡ ಉಂಟಾಗಬಹುದು. ಯೋಗರ್ಟ್, ಸ್ಮೂತಿ, ಬೇಯಿಸದೆ ಮಾಡುವ ಡೆಸರ್ಟ್ಗಳಿಗೆ ಸಕ್ಕರೆ ಬದಲಿಗೆ ಜೇನು ಬಳಸಬಹುದು.
ತರಕಾರಿಯನ್ನು ಮೊದಲು ತಿನ್ನಿ
ಕೇಕ್ ಅಥವಾ ಡೆಸರ್ಟ್ ತಿನ್ನುವ ಮೊದಲು ತರಕಾರಿಯನ್ನು ತಿನ್ನಿ, ನಂತ ಕೇಕ್ ತಿನ್ನಿ, ಇದರಿಂದ ಜೀರ್ಣಕ್ರಿಯೆ ತುಂಬಾ ಸಹಕಾರಿ ಹಾಗೂ ತರಕಾರಿ ತಿಂದು ಹೊಟ್ಟೆ ತುಂಬಿರುವುದರಿಂದ ಸ್ವಲ್ಪ ಕಡಿಮೆ ಸ್ವೀಟ್ ತಿನ್ನುತ್ತೇವೆ.
ತಿಂದ ಬಳಿಕ ವರ್ಕೌಟ್ ಮಾಡಲು ಮರೆಯದಿರಿ
ನಾವು ಏನೇ ತಿಂದರೂ ಅದನ್ನು ಅರಗಿಸಿಕೊಳ್ಳುವ ಶಕ್ತಿ ನಮ್ಮ ದೇಹಕ್ಕೆ ಇದ್ದರೆ ಸಾಕು. ಆದ್ದರಿಂದ ಹೆಚ್ಚು ಸ್ವೀಟ್, ಕೇಕ್ ತಿಂದ ಸ್ವಲ್ಪ ಹೆಚ್ಚು ವರ್ಕೌಟ್ ಮಾಡಿ. ಹಬ್ಬದ ಅಡುಗೆ ತಿಂದ ಬಳಿಕ ಬಿಸಿಬಿಸಿಯಾದ ನೀರು ಕುಡಿಯಿರಿ. ಮಾರನೆಯದ ದಿನ ಖಾಲಿ ಹೊಟ್ಟೆಯಲ್ಲಿ ಬಿಸಿ ನೀರಿಗೆ ಸ್ವಲ್ಪ ನಿಂಬೆರಸ ಹಾಕಿ ಕುಡಿಯಿರಿ.
ಸಿಹಿಯನ್ನು ಅಪರೂಪಕ್ಕೆ ತಿಂದರೆ ಮೈ ತೂಕ ಹೆಚ್ಚಾಗುವುದಿಲ್ಲ, ಆದ್ದರಿಂದ ತಿನ್ನಬೇಕೆಂದು ಅನಿಸಿದಾಗ ತಿನ್ನಿ, ನಂತರ ವರ್ಕೌಟ್ ಮಾಡಿ ಅಷ್ಟೇ ಸಾಕು. ಇಷ್ಟು ಮಾಡಲ ನೀವು ಸಿದ್ಧ ಎಂದಾದರೆ ಹಬ್ಬದ ಅಡುಗೆ, ಕೇಕ್ ಅನ್ನು ಸವಿಯಬಹುದು ನೋಡಿ.