For Quick Alerts
ALLOW NOTIFICATIONS  
For Daily Alerts

    ಹೊಟ್ಟೆ ತುಂಬಾ ಇಡ್ಲಿ ತಿಂದ್ರೆ, ತೂಕ ಇಳಿಸಿಕೊಳ್ಳಬಹುದಂತೆ! ಇದಕ್ಕೆ ಕಾರಣಗಳು ಇಲ್ಲಿದೆ ನೋಡಿ

    |

    ಪ್ರತಿಯೊಬ್ಬ ಭಾರತೀಯನ ಅತಿ ಪ್ರಿಯವಾದ ತಿಂಡಿ ಎಂದರೆ ಅದು ಇಡ್ಲಿ. ಇಡ್ಲಿ - ಸಾಂಬಾರ್ , ಇಡ್ಲಿ - ಚಟ್ನಿ ಇವುಗಳ ಸಂಯೋಜನೆ ಹಾಗು ಜೋಡಿ ಬಹಳ ಹಳೆಯದು . ಇಡ್ಲಿ ಇಷ್ಟವಿಲ್ಲ ಎಂದು ಯಾರೂ ಹೇಳುವುದೇ ಇಲ್ಲ. ಚಿಕ್ಕ ಮಕ್ಕಳಿಂದ ಹಿಡಿದು ಎಂತಹ ಕಲ್ಲು ಮನಸ್ಸಿನ ವ್ಯಕ್ತಿಯೇ ಆದರೂ ತನಗೆ ಮನಸೋಲುವಂತೆ ಮಾಡುವುದೇ ಈ ಮೃದುವಾದ ಇಡ್ಲಿ . ನೋಡಲು ತೆಳ್ಳಗೆ ಬೆಳ್ಳಗೆ ಮೃದುವಾಗಿ ಹಬೆಯ ಮೇಲೆ ಬೆಂದು ಮನುಷ್ಯನ ಹೊಟ್ಟೆಯಲ್ಲಿ ಸುಲಭವಾಗಿ ಜೀರ್ಣವಾಗುವ ಗುಣವನ್ನು ಹೊಂದಿರುವುದೇ ಈ ಇಡ್ಲಿ ಎಂಬ ತಿಂಡಿ .

    ಇಡ್ಲಿ ಬಹಳ ಹಿಂದಿನಿಂದಲೂ ತನ್ನ ಅಂದ ಚೆಂದವನ್ನು ಕಾಪಾಡಿಕೊಂಡಿರುವುದರ ಜೊತೆಗೆ ತಿನ್ನುವವರಿಗೆ ಆರೋಗ್ಯ ಭಾಗ್ಯ ಕೊಡುವ ಕಾಮಧೇನುವಾಗಿದೆ . ನೀವು ಗಮನಿಸಿರಬಹುದು , ಆರೋಗ್ಯವಾಗಿ ಇರುವವರನ್ನು ಬಿಡಿ . ಆಸ್ಪತ್ರೆಯಲ್ಲಿನ ರೋಗಿಗಳಿಗೂ ವೈದ್ಯರು ಸೂಚಿಸುವುದೇ ಈ ಇಡ್ಲಿಯನ್ನು. ವಿಶ್ವದಾದ್ಯಂತ ಪ್ರಖ್ಯಾತಿ ಪಡೆದಿರುವ ಇಡ್ಲಿಯ ಹುಟ್ಟಿಗೆ ನಮ್ಮ ದಕ್ಷಿಣ ಭಾರತ ಕಾರಣ ಎಂದು ಬಹಳ ಹೆಮ್ಮೆಯಿಂದ ಹೇಳಬಹುದು . ಮನುಷ್ಯನ ಆರೋಗ್ಯಕ್ಕೆ ಒಳ್ಳೆಯ ಪ್ರಯೋಜನಗಳನ್ನು ಒದಗಿಸುವುದರ ಜೊತೆಗೆ ದಪ್ಪನೆಯ ದೇಹ ಹೊಂದಿರುವ ಮತ್ತು ಬೊಜ್ಜು ಹೊಂದಿರುವವರಿಗೆ ಇಡ್ಲಿ ನಿಜಕ್ಕೂ ಒಬ್ಬ ವೈದ್ಯನಿದ್ದಂತೆ . ಆದ್ದರಿಂದ ಈ ವರ್ಷದ ಇಡ್ಲಿ ದಿನವನ್ನು ಬಹಳ ಸಂಭ್ರಮದಿಂದ ಆಚರಿಸುವುದರ ಜೊತೆಗೆ ಇಡ್ಲಿಯಿಂದಾಗುವ ಪ್ರಯೋಜನಗಳನ್ನು ತಿಳಿಯೋಣ. ಇಡ್ಲಿ ಕಡಿಮೆ ಕ್ಯಾಲೋರಿ ಹೊಂದಿರುವ ಆಹಾರ. ಇಡ್ಲಿ ಹಬೆಯ ಮೇಲೆ ಬೇಯುವುದರಿಂದ ಸಾಮಾನ್ಯವಾಗಿ ಇದರಲ್ಲಿ ಕ್ಯಾಲೋರಿ ಕಡಿಮೆಯೇ ಇರುತ್ತದೆ . ನಿಮಗೆ ಇದು ಬರೀ ಅಕ್ಕಿಯ ಹಿಟ್ಟೇ ಎಂದು ಬೇಜಾರಾದರೆ , ಇಡ್ಲಿ ಹಿಟ್ಟಿಗೆ ಕಾಳುಗಳನ್ನು ಮತ್ತು ಬೇಳೆಗಳನ್ನು ಪುಡಿ ಮಾಡಿ ಹಾಕಿ ಹಾಗು ಅಲಂಕಾರಕ್ಕೆಂದು ತರಕಾರಿಯನ್ನು ಹಾಕಿ ಬೆರೆಸಿ ಮಸಾಲೆ ಇಡ್ಲಿಯ ರೀತಿ ಮಾಡಿ ಅದರ ರುಚಿಯನ್ನು ಇನ್ನಷ್ಟು ಹೆಚ್ಚಿಸಬಹುದು . ನೋಡಲೂ ಮತ್ತು ತಿನ್ನಲು ಬಹಳ ಇಷ್ಟವಾಗುತ್ತದೆ .

    ಜೀರ್ಣವಾಗುವುದರಲ್ಲಿ ಇಡ್ಲಿ ಮೊದಲು

    ಜೀರ್ಣವಾಗುವುದರಲ್ಲಿ ಇಡ್ಲಿ ಮೊದಲು

    ಇಡೀ ದಕ್ಷಿಣ ಭಾರತದ ಆಹಾರಗಳ ಇತಿಹಾಸದಲ್ಲೇ ಅತಿ ಬೇಗನೆ ಜೀರ್ಣವಾಗುವ ಆಹಾರ ಇಡ್ಲಿ . ಇದಕ್ಕೆ ಕಾರಣ ಇಡ್ಲಿ ಹಿಟ್ಟಿನಲ್ಲಾಗುವ ಫರ್ಮೆಂಟೇಶನ್ ಪ್ರಕ್ರಿಯೆ . ಫರ್ಮೆಂಟೇಶನ್ ನಿಂದ ಇಡ್ಲಿ ಸುಲಭವಾಗಿ ಜೀರ್ಣವಾಗುತ್ತದೆ . ಅಲ್ಲದೆ ಇಡ್ಲಿ ಒಳ ಸೇರಿದ ಮೇಲೆ ದೇಹದಲ್ಲಿ ಖನಿಜಗಳನ್ನು ಮತ್ತು ಜೀವಸತ್ವ ಗಳನ್ನು ಬೇರ್ಪಡಿಸುವ ಪ್ರಕ್ರಿಯೆ ಪ್ರಾರಂಭವಾಗುವುದರಿಂದ ಇನ್ನಷ್ಟು ಸುಲಭವಾಗಿ ಜೀರ್ಣವಾಗಲು ಅನುಕೂಲವಾಗುತ್ತದೆ .

    ಇಡ್ಲಿ ನಿಜಕ್ಕೂ ಹೊಟ್ಟೆ ತುಂಬಿಸುತ್ತದೆ

    ಇಡ್ಲಿ ನಿಜಕ್ಕೂ ಹೊಟ್ಟೆ ತುಂಬಿಸುತ್ತದೆ

    ಇಡ್ಲಿಯಲ್ಲಿ ಫೈಬರ್ ಮತ್ತು ಪ್ರೋಟೀನ್ ಅಂಶ ಯಥೇಚ್ಛವಾಗಿರುವುದರಿಂದ ಇಡ್ಲಿಯನ್ನು ತಿಂಡಿಯಾಗಿ ಸೇವಿಸಿದ ನಂತರ ಹೊಟ್ಟೆ ಹಸಿವೇ ಆಗುವುದಿಲ್ಲ . ಇದರಿಂದ ನೀವು ಮತ್ತೆ ಮತ್ತೆ ಊಟ ಮಾಡಬೇಕು ಎನಿಸುವುದಿಲ್ಲ . ನಿಮ್ಮ ದೇಹದ ತೂಕವನ್ನು ಗಣನೀಯವಾಗಿ ಮತ್ತು ಪರೋಕ್ಷವಾಗಿ ನಿಯಂತ್ರಣಕ್ಕೆ ತರಬಹುದು .

    Most Read: ಪ್ರಪಂಚದಲ್ಲೇ ಅತ್ಯಂತ ನ್ಯೂಟ್ರೀಷಿಯಸ್ ಆಹಾರ 'ಇಡ್ಲಿ'..

    ಫೈಬರ್ ಅಂಶ ಹೇರಳವಾಗಿದೆ

    ಫೈಬರ್ ಅಂಶ ಹೇರಳವಾಗಿದೆ

    ಇಡ್ಲಿಯಲ್ಲಿ ಫೈಬರ್ ಅಂಶ ಹೇರಳವಾಗಿರುವುದರಿಂದ ಬಹುಬೇಗನೆ ಜೀರ್ಣವಾಗುತ್ತದೆ ಮತ್ತು ಇದರಿಂದಲೂ ತೂಕ ಕಡಿಮೆ ಮಾಡಿಕೊಳ್ಳಲು ಅನುಕೂಲಕರವಾಗಿದೆ . ಇನ್ನು ಅರೋಗ್ಯ ತಜ್ಞರ ಪ್ರಕಾರ ಹಬೆಯಲ್ಲಿ ಬೇಯಿಸಿದ ಯಾವುದೇ ಆಹಾರ ಅಥವಾ ಇಡ್ಲಿಯನ್ನು ಸಿಟ್ರಸ್ ಯುಕ್ತ ಹಣ್ಣುಗಳಾದ ಕಿತ್ತಳೆ ಮತ್ತು ದ್ರಾಕ್ಷಿ ಹಣ್ಣುಗಳೊಡನೆ ಸೇವಿಸಿದರೆ ನಮ್ಮ ದೇಹಕ್ಕೆ ಬೇಡದಿರುವ ಕೊಬ್ಬಿನ ಅಂಶ ಕಡಿಮೆ ಮಾಡಿ ಕಾರ್ಬೋಹೈಡ್ರೇಟ್ ಗಳು ಸುಖಾಸುಮ್ಮನೆ ಸೇರಿಕೊಳ್ಳುವುದನ್ನು ತಪ್ಪಿಸುತ್ತದೆ .

    ಆಹಾರ ತಜ್ಞರ ಪ್ರಕಾರ

    ಆಹಾರ ತಜ್ಞರ ಪ್ರಕಾರ

    ಇಡ್ಲಿ ಹಿಟ್ಟು ತಯಾರು ಮಾಡಲು ಎಲ್ಲರೂ ಉದ್ದಿನ ಬೇಳೆಗಳನ್ನು ಉಪಯೋಗಿಸುವುದರಿಂದ ಸಹಜವಾಗಿಯೇ ಬೇಯಿಸಿದ ಇಡ್ಲಿಯಲ್ಲಿ ಕಬ್ಬಿಣದ ಅಂಶ ಸೇರಿರುತ್ತದೆ . ಆಹಾರ ತಜ್ಞರ ಪ್ರಕಾರ ಪ್ರತಿದಿನವೂ ನಾವು ಬೆಳಗಿನ ಉಪಹಾರಕ್ಕಾಗಿ ನಿಯಮಿತವಾದ ಇಡ್ಲಿ ಸೇವನೆ ಮಾಡುತ್ತಾ ಬಂದರೆ ಪುರುಷರ ದೇಹಕ್ಕೆ ಬೇಕಾದ 8 ಮಿಲಿಗ್ರಾಮ್ ನಷ್ಟು ಮತ್ತು ಸ್ತ್ರೀಯರ ದೇಹಕ್ಕೆ ಬೇಕಾದ 18 ಮಿಲಿಗ್ರಾಮ್ ನಷ್ಟು ಕಬ್ಬಿಣದ ಅಂಶ ಬೆಳಗ್ಗೆಯೇ ಇಡ್ಲಿಯಲ್ಲೇ ಸಿಕ್ಕಂತಾಗುತ್ತದೆ . ಇದರಿಂದ ಇಡೀ ದಿನ ಯಾವ ಸುಸ್ತೂ ಇಲ್ಲದೆ ಚೈತನ್ಯವಾಗಿ ನಮ್ಮ ನಮ್ಮ ಕೆಲಸ ಕಾರ್ಯಗಳಲ್ಲಿ ಯಶಸ್ವಿಯಾಗಿ ತೊಡಗಿಕೊಳ್ಳಲು ಅನುಕೂಲವಾಗುತ್ತದೆ .

    Most Read: ದಿಢೀರ್ ಬಿಸಿ ಬಿಸಿ ರವೆ ಇಡ್ಲಿ, ಆಹಾ ಬೊಂಬಾಟ್ ರುಚಿ!

    ಇಡ್ಲಿ ವಿಷಯದಲ್ಲಿ ನಾವು ಕೊಡುವ ತೀರ್ಪು

    ಇಡ್ಲಿ ವಿಷಯದಲ್ಲಿ ನಾವು ಕೊಡುವ ತೀರ್ಪು

    ಮಾನವನ ದೇಹದ ಮೇಲೆ ಯಾವುದಾದರೂ ಒಂದು ಆಹಾರ ಕಡಿಮೆ ಅಡ್ಡ ಪರಿಣಾಮ ಅಥವಾ ಅಡ್ಡ ಪರಿಣಾಮ ವನ್ನೇ ಬೀರದ ಒಂದು ಆಹಾರ ಇದ್ದರೆ ಅದು ಇಡ್ಲಿ ಮಾತ್ರ . ಇಡ್ಲಿ ನೋಡಲು ಚೆಂದ ,ಮಾಡಲು ಸುಲಭ , ತಿನ್ನಲು ರುಚಿ , ಜೀರ್ಣವಾಗುವುದರಲ್ಲಿ ಮತ್ತು ದೇಹಕ್ಕೆ ಬೇಕಾದ ಅಗತ್ಯ ಪೋಷಕಾಂಶಗಳ ಅನುಕೂಲವನ್ನು ಒದಗಿಸುವುದರಲ್ಲಿ ಮೇಲು ಗೈ . ಹೀಗಾಗಿ ನಮ್ಮ ಇಡೀ ದಿನ ಸಂತೋಷದಿಂದ ಚೈತನ್ಯದಿಂದ ಕೂಡಿರಬೇಕಾದರೆ ಬೆಳಗಿನ ಉಪಹಾರಕ್ಕೆ ಇಡ್ಲಿಯೇ ನಮ್ಮ ಮೊದಲ ಆಯ್ಕೆ .

    English summary

    Reasons why Idli is the best weight loss food

    Idli is an unarguably all-time favourite of Indians. Period! The steamed, puffy and easy to digest, South Indian dish has an interesting story of its existence and is a favourite among health and fitness enthusiasts too. Wondering why? Well, the credit goes to its health benefits and most importantly, the quality to help you lose weight. So, this World Idli Day, say YES to idli and scroll below to know how it helps in weight loss.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more