ಓಟಗಾರನಾದರೆ ವೈದ್ಯರ ಬಳಿ ಒಮ್ಮೆ ಪರಿಶೀಲಿಸಿಕೊಳ್ಳಿ!

ಹೃದಯ ಭಿನ್ನವಾಗಿ ವರ್ತಿಸಬಹುದು

ಅಥ್ಲೆಟಿಕ್‌ಗಳ ಹೃದಯದ ವಿನ್ಯಾಸ ಸ್ವಲ್ಪ ಭಿನ್ನವಾಗಿರುತ್ತದೆ. ಯಾಕೆಂದರೆ ವರ್ಷಗಟ್ಟಲೆ ಅಭ್ಯಾಸ ನಡೆಸುತ್ತಾ ಇರುವ ಕಾರಣದಿಂದ ಹೃದಯದ ಗಾತ್ರವು ಸ್ವಲ್ಪ ದೊಡ್ಡದಾಗಿರಬಹುದು. ಇದು ಸ್ವಲ್ಪ ನಿಧಾನವಾಗಿ ಬಡಿದುಕೊಂಡು ಪ್ರತೀ ಬಡಿತದ ವೇಳೆ ಹೆಚ್ಚಿನ ರಕ್ತವನ್ನು ಹೊರಹಾಕಬಹುದು. ಕೆಲವೊಂದು ಸಲ ಇದು ವೈದ್ಯಕೀಯವಾಗಿ ಅಸಹಜವಾಗಿರಬಹುದು. ಇದರಿಂದ ವೈದ್ಯರಿಗೆ ನೀವು ಓಟಗಾರನೆಂದು ಹೇಳುವುದು ಅಗತ್ಯ.

ಪ್ರದರ್ಶನದ ಮೇಲೆ ಪರಿಣಾಮ

ಅತಿಯಾದ ರಕ್ತದೊತ್ತಡದಿಂದ ಬಳಲುತ್ತಾ ಇರುವ ಓಟಗಾರರು ತಾನು ಓಟಗಾರನೆನ್ನುವುದನ್ನು ವೈದ್ಯರಲ್ಲಿ ತಿಳಿಸಿ. ಯಾಕೆಂದರೆ ಕೆಲವೊಂದು ಚಿಕಿತ್ಸೆಗಳು ನಿಮ್ಮ ಪ್ರದರ್ಶನದ ಮೇಲೆ ಪರಿಣಾಮ ಬೀರಬಹುದು.

ಗಾಯಾಳುವಾಗಬಹುದು

ಕಿಡ್ನಿಯ ರೋಗ, ಸೈನಸ್ ನಂತಹ ರೋಗಗಳಿಗೆ ನೀಡುವಂತಹ ಕೆಲವೊಂದು ಚಿಕಿತ್ಸೆಗಳು ನಿಮ್ಮ ಸ್ನಾಯುಗಳನ್ನು ದುರ್ಬಲಗೊಳಿಸಬಹುದು. ಇದರಿಂದ ನೀವು ಗಾಯಾಳುವಾಗುವ ಸಾಧ್ಯತೆ ಹೆಚ್ಚಿದೆ.

ತೂಕ ಹೆಚ್ಚಳ

ದೈಹಿಕವಾಗಿ ನೀವು ಹೆಚ್ಚಿನ ವ್ಯಾಯಾಮ ಮಾಡುತ್ತಾ ಇದ್ದರೂ ತೂಕ ಹೆಚ್ಚಳವಾಗುತ್ತಾ ಇದ್ದರೆ ನೀವು ಖಂಡಿತವಾಗಿಯೂ ವೈದ್ಯರಿಗೆ ಇದರ ಬಗ್ಗೆ ತಿಳಿಸಬೇಕು. ನಿದ್ರೆಯಲ್ಲಿ ಉಸಿರು ಗಟ್ಟುವಿಕೆ ಮತ್ತು ಹೈಪರ್ ಥೈರಾಯ್ಡ್ ನಿಂದಾಗಿ ಈ ಸಮಸ್ಯೆಯಾಗಬಹುದು.