ಸಂಧಿವಾತ ಸಮಸ್ಯೆಗೆ 'ಎಲೆಕೋಸಿನ ಎಲೆಗಳೇ' ಪರ್ಫೆಕ್ಟ್ ಮನೆಮದ್ದು

ಹಂತ #1

ಮೊದಲು ಕೊಂಚ ಎಲೆಕೋಸಿನ ಎಲೆಗಳನ್ನು ಬಿಡಿಸಿ ಒಂದು ಪ್ಲಾಸ್ಟಿಕ್ ಚೀಲದಲ್ಲಿ ಹಾಕಿ ಫ್ರೀಜರಿನಲ್ಲಿಡಿ. ಯಾವಾಗ ಸಂಧಿವಾತದ ತೊಂದರೆ ಪ್ರಾರಂಭವಾಗುತ್ತದೆಯೋ ಆಗ ಪ್ಲಾಸ್ಟಿಕ್ಕಿನಿಂದ ಈ ಎಲೆಗಳನ್ನು ಹೊರತೆಗೆದು ತಣ್ಣಗಿದ್ದಂತೆಯೇ ನೋವಿರುವ ಭಾಗಕ್ಕೆ ಆವರಿಸಿ ಇದರ ಮೇಲೊಂದು ದಪ್ಪ ಟವೆಲ್ ಸುತ್ತಿ ಕೊಂಚ ಕಾಲ ಹಾಗೇ ಇರಲು ಬಿಡಿ.ಸಂಧಿವಾತಕ್ಕೆ ಮನೆಮದ್ದು ಇರುವಾಗ, ವೈದ್ಯರ ಹಂಗೇಕೆ?

ಹಂತ #2

ಮ್ಮ ದೇಹದ ತಾಪಮಾನ ಕೋಸಿನ ಎಲೆಗಳ ತಣುಪನ್ನು ತಡೆದುಕೊಳ್ಳಲು ಬಳಕೆಯಾಗುತ್ತಿದ್ದಂತೆಯೇ ಎಲೆಕೋಸಿನಲ್ಲಿದ್ದ ಕೆಲವು ಪೋಷಕಾಂಶಗಳು ಚರ್ಮದ ಮೂಲಕ ಹೀರಲ್ಪಡುತ್ತವೆ. ಈ ಪೋಷಕಾಂಶಗಳು ನೋವಿರುವ ಭಾಗದಲ್ಲಿರುವ ಯೂರಿಕ್ ಆಮ್ಲವನ್ನು ಕರಗಿಸಿ ನಿವಾರಿಸಲು ನೆರವಾಗುತ್ತವೆ. ತನ್ಮೂಲಕ ನೋವು ಕಡಿಮೆಯಾಗಿಸುತ್ತದೆ. ನೋವು ಪೂರ್ಣವಾಗಿ ಹೋಗದೇ ಇದ್ದರೂ ಈ ಭಾಗದ ಉರಿಯಂತೂ ಖಂಡಿತಾ ಕಡಿಮೆಯಾಗುತ್ತದೆ.

ಹಂತ #3

ಒಂದು ವೇಳೆ ನಿಮ್ಮ ಪಾದಗಳು ಊದಿಕೊಂಡಿದ್ದರೆ ಪಾದಗಳನ್ನು ಸೊಂಟಕ್ಕಿಂತ ಕೊಂಚವೇ ಮೇಲಿರುವಂತೆ ಎತ್ತಿಟ್ಟು ಎಲೆಕೋಸಿನ ಎಲೆಗಳನ್ನು ಪಾದಗಳು ಪೂರ್ಣವಾಗಿ ಆವರಿಸುವಂತೆ ದಪ್ಪ ಟವೆಲ್ಲಿನಿಂದ ಕಟ್ಟಿ ಸುಮಾರು ಅರ್ಧ ಘಂಟೆ ಹಾಗೇ ಬಿಡಿ. ಇದರಿಂದ ಊದಿಕೊಂಡಿರುವ ಪಾದಗಳು ಸಜಹಸ್ಥಿತಿಗೆ ಮರಳಬಹುದು.

ಕೋಸಿನ ಎಲೆಗಳ ಪ್ರಯೋಜನಗಳನ್ನು ಪಡೆಯಲು ಇನ್ನೊಂದು ವಿಧಾನವಿದೆ.

ಹಂತ #1

ಫ್ರಿಜ್ಜಿನಲ್ಲಿಡುವ ಬದಲು ಈ ಎಲೆಗಳನ್ನು ಚಿಕ್ಕಚಿಕ್ಕದಾಗಿ ಚಿವುಟಿ ಅಥವಾ ಚೂಪಾದ ಸಲಕರಣೆಯೊಂದರಿಂದ ಚಿಕ್ಕ ಚಿಕ್ಕ ಗಾಯಗಳಾಗುವಂತೆ ಮಾಡಿ ಇದರೊಳಗಿನ ರಸ ಹೊರಗೆ ಒಸರುವಂತೆ ಮಾಡಿ.

ಹಂತ #2

ಕಾವಲಿಯನ್ನು ಕೊಂಚವೇ ಬಿಸಿ ಮಾಡಿ ಈ ಎಲೆಗಳನ್ನು ಬಿಸಿಮಾಡಿ. ಬಿಸಿ ಎಂದರೆ ಕೊಂಚವೇ ತಾಕಬೇಕೇ ವಿನಃ ಸುಡಬಾರದು. ಈ ಎಲೆಗಳನ್ನು ಊದಿಕೊಂಡ ಭಾಗದ ಮೇಲೆ ಇರಿಸಿ ಬಟ್ಟೆಯ ಪಟ್ಟಿಯಿಂದ ಜಾರದಂತೆ ಕಟ್ಟಿ. ಬಳಿಕ ಸುಮಾರು ಮುಕ್ಕಾಲು ಘಂಟೆ ಹಾಗೇ ಬಿಡಿ. ಇದರಿಂದ ನೋವು ಶೀಘ್ರವೇ ಕಡಿಮೆಯಾಗುತ್ತದೆ.

ಎಚ್ಚರಿಕೆ

ಒಂದು ವೇಳೆ ನಿಮ್ಮ ಪಾದಗಳು ಎಲೆಕೋಸಿಗೆ ಅಲರ್ಜಿ ಹೊಂದಿದ್ದರೆ ಈ ಎಲೆಗಳನ್ನು ಹಚ್ಚಿದ ಮರುಕ್ಷಣದಲ್ಲಿಯೇ ತುರಿಕೆ ಪ್ರಾರಂಭವಾಗುತ್ತದೆ. ಒಂದು ವೇಳೆ ತುರಿಕೆ ಅನ್ನಿಸಿದರೆ ತಕ್ಷಣವೇ ಎಲೆಯನ್ನು ನಿವಾರಿಸಿ ವೈದ್ಯರ ಸಲಹೆ ಪಡೆಯಿರಿ.