ಬಾಹುಬಲಿ ಸಿನಿಮಾ ಹೀರೋ ಪ್ರಭಾಸ್‌‌ನ ಫಿಟ್ನೆಸ್ ರಹಸ್ಯ ಬಯಲು!

ದಿನನಿತ್ಯ3 ರಿಂದ 6 ಗಂಟೆಗಳ ಕಾಲ ವ್ಯಾಯಾಮ

ಪ್ರಭಾಸ್ ತೂಕ ಹೆಚ್ಚಿಸಿಕೊಳ್ಳಲು ಪ್ರತೀ ದಿನ ಸುಮಾರು 3-6 ಗಂಟೆಗಳ ಕಾಲ ವ್ಯಾಯಾಮ ಮಾಡುತ್ತಲಿದ್ದರು. ಕೆಲವೊಂದು ದಿನಗಳಲ್ಲಿ 4-6 ಗಂಟೆಗಳ ಕಾಲ ಕೂಡ ಕಠಿಣ ವ್ಯಾಯಾಮದಲ್ಲಿ ತೊಡಗಿಕೊಂಡಿರುವುದು ಇದೆ. ಆದರೆ ನಮಗೆ ಬಾಹುಬಲಿಯಂತಹ ಪಾತ್ರ ಮಾಡಬೇಕಿಲ್ಲ. ಇದರಿಂದ ಈ ರೀತಿ ಕಠಿಣ ಅಭ್ಯಾಸ ಮಾಡಬೇಕಿಲ್ಲ.

ಓಟ, ಈಜು ಮತ್ತು ಬೈಕಿಂಗ್

ಬೆಳಗ್ಗಿನ ಅವಧಿಯಲ್ಲಿ ಓಟ, ಈಜು ಮತ್ತು ಬೈಕಿಂಗ್ ನಡೆಸಲಾಗುತ್ತಿತ್ತು. ಸಂಜೆಯ ಸಮಯದಲ್ಲಿ ಭಾರ ಎತ್ತುವ ಕಸರತ್ತು ಮಾಡುತ್ತಲಿದ್ದರು.

ಕ್ರಮಬದ್ಧವಾದ ಆಹಾರಪಥ್ಯ

ಚಿತ್ರದಲ್ಲಿ ನಿಭಾಯಿಸಿದ ಶಿವುಡು ಪಾತ್ರದ ಬಗ್ಗೆ ಪ್ರಭಾಸ್‌ಗೆ ಹೆಚ್ಚಿನ ಬದ್ಧತೆಯಿತ್ತು. ಇದರಿಂದಾಗಿಯೇ ಅವರು ತನ್ನ ಆಹಾರಪಥ್ಯದಲ್ಲಿ ಎಚ್ಚರಿಕೆ ವಹಿಸಿದ್ದರು. ಆಹಾರದಲ್ಲಿ ಕಾರ್ಬೋಹೈಡ್ರೇಟ್ಸ್ ನ್ನು ಸೇವಿಸುತ್ತಲೇ ಇರಲಿಲ್ಲ. ಕಟ್ಟುಮಸ್ತಾದ ದೇಹವನ್ನು ಪಡೆಯಲು ಪ್ರಭಾಸ್ ಅನ್ನದಿಂದ ದೂರವಿದ್ದರು. ಪ್ರಭಾಸ್ ಅನ್ನ, ಓಟ್ಸ್ ಮತ್ತು ಪಾಸ್ತಾದಿಂದ ಸಂಪೂರ್ಣವಾಗಿ ದೂರವಿದ್ದ ಕಾರಣದಿಂದ ಬಾಹುಬಲಿಯಾಗಿದ್ದಾರೆ.

ಬೆಳಿಗ್ಗೆ ಉಪಹಾರಕ್ಕೆ ಮೊಟ್ಟೆಯ ಬಿಳಿ ಭಾಗ

ಬೆಳಿಗ್ಗೆ ಉಪಹಾರಕ್ಕೆ ಮೊಟ್ಟೆಯ ಬಿಳಿ ಭಾಗ ಮತ್ತು ಪ್ರೋಟೀನ್ ಪೌಡರ್ ಸೇವಿಸುತ್ತಾ ಇದ್ದರು. ದಿನಕ್ಕೆ 40 ಮೊಟ್ಟೆಗಳ ಬಿಳಿಭಾಗವನ್ನು ಪ್ರಭಾಸ್ ಸಮಯದ ಅಂತರ ನೀಡಿ ತಿನ್ನುತ್ತಲಿದ್ದರು. 250 ಗ್ರಾಂ ಕೋಳಿ ಮತ್ತು ಹಣ್ಣುಗಳು ಕೂಡ ಉಪಹಾರದಲ್ಲಿ ಇರುತ್ತಿದ್ದವು.

ಕ್ಯಾಲರಿಯುಕ್ತ ಆಹಾರ

ಪ್ರತೀದಿನ 2000-4000 ಕ್ಯಾಲರಿಯಿರುವ ಆಹಾರವನ್ನು ಪ್ರಭಾಸ್ ಸೇವಿಸುತ್ತಾ ಇದ್ದರು. ಅತಿಯಾದ ಭಾರ ಎತ್ತುವ ಕಸರತ್ತು ಮಾಡುವ ಹೊರತಾಗಿ ದಿನಕ್ಕೆ 2500 ಕ್ಯಾಲರಿ ಸೇವನೆ ಮಾಡುವುದು ಯೋಗ್ಯವಲ್ಲ.

ವಿದೇಶದಿಂದ ವ್ಯಾಯಮದ ಸಲಕರಣೆಗಳ ಆಮದು!

ವಿದೇಶದಿಂದ ವ್ಯಾಯಮದ ಸಲಕರಣೆಗಳನ್ನು ತರಿಸಿಕೊಳ್ಳಲು ಸುಮಾರು 1.5 ಕೋಟಿ ರೂಪಾಯಿ ಖರ್ಚು ಮಾಡಿದ್ದಾರೆ ಎಂದು ಕೆಲವು ಮೂಲಗಳು ಹೇಳಿವೆ. ಹಲವಾರು ವರ್ಷಗಳ ಕಾಲ ಇಂತಹ ಕಠಿಣ ಅಭ್ಯಾಸ ಹಾಗೂ ಆಹಾರ ಪಥ್ಯವನ್ನು ಅನುಸರಿಸುವುದು ಸುಲಭದ ಮಾತಲ್ಲ. ಆದರೆ ಪ್ರಭಾಸ್ ಪರಿಶ್ರಮಕ್ಕೆ ಒಳ್ಳೆಯ ಪತಿಫಲ ಸಿಕ್ಕಿದೆ.