ಕಾಲುಗಳ ಸ್ನಾಯುವಿನ ಆರೋಗ್ಯಕ್ಕೆ, ಒಂದಿಷ್ಟು ಸರಳೋಪಾಯ

ದೀರ್ಘಕಾಲ ಸ್ನಾಯುಗಳ ಚಟುವಟಿಕೆ ಇಲ್ಲದಿರುವುದು

ಸ್ನಾಯುಗಳ ದುರ್ಬಲತೆಗೆ ಇದು ಒಂದು ಪ್ರಮುಖ ಕಾರಣವಾಗಿದೆ. ಸ್ನಾಯುಗಳ ದುರ್ಬಲತೆಯನ್ನು ಹೋಗಲಾಡಿಸಲು ನೀವು ಪ್ರತೀದಿನ 30 ನಿಮಿಷಗಳ ಕಾಲ ನಡೆಯಬೇಕು. ಯೋಗ, ಈಜು, ಜಾಗಿಂಗ್ ಮತ್ತು ಓಡುವುದು ಇತ್ಯಾದಿ ಸ್ನಾಯುಗಳು ಬಲಗೊಳ್ಳಲು ಮಾಡಬೇಕಾದ ಇತರ ಚಟುವಟಿಕೆಗಳು. ವ್ಯಾಯಾಮ ಮಾಡಲು ನಿಮಗೆ ಕಷ್ಟವಾಗುತ್ತಿದ್ದರೆ ಹತ್ತಿರದ ನರತಜ್ಞರನ್ನು ಭೇಟಿ ಮಾಡಿ.

ಬೆನ್ನು ಮೂಳೆಯ ನರ ಸಂಕುಚಿತಗೊಳ್ಳುವುದು

ಇದನ್ನು ಇನ್ನೊಂದು ಅರ್ಥದಲ್ಲಿ ಸೆಟೆದುಕೊಂಡ ನರವೆಂದು ಹೇಳಲಾಗುತ್ತದೆ. ಕಾಲುಗಳ ಸ್ನಾಯುಗಳ ದೌರ್ಬಲ್ಯಕ್ಕೆ ಇದು ಮತ್ತೊಂದು ಕಾರಣವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ನೀವು ನರತಜ್ಞರನ್ನು ಕಾಣಬೇಕು. ನರತಜ್ಞರು ನಿಮಗೆ ನಿಧಾನವಾಗಿ ಮಾಡುವಂತಹ ಮಸಾಜ್ ಬಗ್ಗೆ ತಿಳಿಸಬಹುದು. ಇದರಿಂದ ರಕ್ತಸಂಚಲನ ಉಂಟಾಗಿ ನಿಮ್ಮ ದೇಹಕ್ಕೆ ಅಗತ್ಯವಾದ ಪೋಷಕಾಂಶವನ್ನು ಒದಗಿಸುವುದು.

ನರಸ್ನಾಯು ರೋಗ

ಕಾಲುಗಳ ಸ್ನಾಯುಗಳ ದುರ್ಬಲತೆಗೆ ಇದು ಒಂದು ಕಾರಣವಾಗಬಹದು. ವೈದ್ಯರಿಂದ ಔಷಧಿ ಪಡೆಯುವುದರೊಂದಿಗೆ ಕಾಲುಗಳನ್ನು ನೇರವಾಗಿ ಮೇಲಕೆತ್ತುವುದು, ಸಣ್ಣಪುಟ್ಟ ಯೋಗ ಇತ್ಯಾದಿ ವ್ಯಾಯಾಮಗಳನ್ನು ಮಾಡುತ್ತಿರಬೇಕು. ಇಂತಹ ವ್ಯಾಯಾಮ ಮಾಡುವ ಮೊದಲು ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

ಕಾಲುಗಳ ದೌರ್ಬಲ್ಯ

ಕೆಲವು ರೀತಿಯ ಮದ್ದಿನಿಂದ ಇದು ಗುಣಮುಖವಾಗುವುದು. ಇಂತಹ ಸಂದರ್ಭದಲ್ಲಿ ವೈದ್ಯರು ಕೆಲವೊಂದು ವ್ಯಾಯಾಮಗಳನ್ನು ಸೂಚಿಸಿರುತ್ತಾರೆ. ಇದನ್ನು ಕಡ್ಡಾಯವಾಗಿ ಮಾಡಬೇಕು.

ವಿಟಮಿನ್ ಡಿ ಕೊರತೆ

ವಿಟಮಿನ್ ಡಿ ಕೊರತೆ ಇದ್ದರೆ ಕಾಲುಗಳ ಸ್ನಾಯುಗಳು ದುರ್ಬಲಗೊಳ್ಳುತ್ತದೆ ಎಂದು ಅಧ್ಯಯನಗಳು ಹೇಳಿವೆ. ಸೂರ್ಯನ ಕಿರಣಗಳಲ್ಲಿ ಈ ವಿಟಮಿನ್ ಲಭ್ಯವಿದ್ದು, ಬೆಳಗ್ಗಿನ ಅವಧಿಯಲ್ಲಿ ಸುಮಾರು 10-15 ನಿಮಿಷಗಳ ಕಾಲ ಸೂರ್ಯನ ಬಿಸಿಲಿಗೆ ಮೈಯೊಡ್ಡಿದರೆ ಕಾಲುಗಳಲ್ಲಿ ಇರುವ ದೌರ್ಬಲ್ಯವನ್ನು ಹೋಗಲಾಡಿಸಬಹುದು. ವಿಟಮಿನ್ ಡಿ ಹೆಚ್ಚಿರುವ ಬಂಗುಡೆ, ಸಾಲ್ಮನ್, ಸಾರವರ್ಧಿತ ಹಾಲು, ಕಿತ್ತಳೆ ರಸ ಮತ್ತು ಏಕದಳ ಧಾನ್ಯಗಳನ್ನು ಹೆಚ್ಚಾಗಿ ಬಳಸಿ.

ನಿರ್ಜಲೀಕರಣ

ನಿರ್ಜಲೀಕರಣದಿಂದ ಕಾಲುಗಳ ಸ್ನಾಯುಗಳು ದುರ್ಬಲ ಹಾಗೂ ಸ್ನಾಯು ಸೆಳೆತ ಉಂಟಾಗಲು ಕಾರಣ. ಹೆಚ್ಚಿನ ನೀರು ಕುಡಿಯಿರಿ ಮತ್ತು ಹಣ್ಣುಗಳ ಜ್ಯೂಸ್ ಗಳನ್ನು ಕುಡಿಯುವುದರಿಂದ ನಿಮ್ಮ ದೇಹವು ನೀರಿನಾಂಶವನ್ನು ಪಡೆದು ಕಾಲುಗಳ ಸ್ನಾಯುಗಳು ಬಲಗೊಳ್ಳುವುದು. ಕ್ಯಾಲ್ಸಿಯಂ ಅಧಿಕವಾಗಿರುವ ಹಾಲನ್ನು ಕುಡಿದರೆ ಸ್ನಾಯುಗಳು ಬಲಗೊಳ್ಳುವುದು.

ಅತಿಯಾದ ಚಟುವಟಿಕೆ

ಕಾಲುಗಳು ದುರ್ಬಲಗೊಳ್ಳಲು ಇದು ಮತ್ತೊಂದು ಕಾರಣವಾಗಿದೆ. ಒತ್ತಡದ ಕೆಲಸದ ಮಧ್ಯೆ ಸ್ವಲ್ಪ ವಿಶ್ರಾಂತಿ ಪಡೆದು ನಿಮ್ಮ ದೇಹದ ಆಯಾಸವನ್ನು ನೀಗಿಸಿ ಇದರಿಂದ ಕಾಲುಗಳಿಗೂ ಶಕ್ತಿ ಬರುವುದು.

ವೈದ್ಯಕೀಯ ಕಾರಣಗಳು

ಮಧುಮೇಹ, ರಕ್ತಹೀನತೆ ಕಾಲುಗಳಲ್ಲಿನ ನಿಶ್ಯಕ್ತಿಗೆ ಮತ್ತೊಂದು ಕಾರಣವಾಗಬಹುದು. ವೈದ್ಯರು ಸೂಚಿಸಿದಂತಹ ಔಷಧಿ ಮತ್ತು ಪೋಷಕಾಂಶಗಳನ್ನು ಒಳಗೊಂಡ ಆಹಾರದಿಂದ ಕಾಲುಗಳಲ್ಲಿನ ದೌರ್ಬಲ್ಯವು ನಿವಾರಣೆಯಾಗುವುದು. ಕಾಲುಗಳಲ್ಲಿನ ನಿಶ್ಯಕ್ತಿಗೆ ಕಾರಣವೇನೆಂದು ಮೊದಲು ತಿಳಿದುಕೊಂಡು ಸರಿಯಾದ ಚಿಕಿತ್ಸೆ ಮಾಡಿದರೆ ಯಾವುದೇ ಸಮಸ್ಯೆ ಕಾಣಿಸದು.