For Quick Alerts
ALLOW NOTIFICATIONS  
For Daily Alerts

ರಕ್ತ ಪರಿಚಲನೆ ಹೆಚ್ಚಿಸಲು ಅಧೋಮುಖ ವೃಕ್ಷಾಸನ ಅನುಸರಿಸಿ

By Manu
|

ಯೋಗ ಮಾಡಿದರೆ ರೋಗಗಳಿಂದ ದೂರವಿರಬಹುದು ಎಂಬುದು ಯೋಗ ಮಾಡದವರಿಗೂ ತಿಳಿದಿರುವ ಸತ್ಯ. ನಮಗೆ ಇರುವ ಬಹುತೇಕ ಎಲ್ಲಾ ರೋಗಗಳನ್ನು ನಿವಾರಿಸುವ ಶಕ್ತಿಯನ್ನು ಯೋಗ ಪಡೆದಿದೆ. ಅಂದರೆ ಶೀತದಿಂದ ಹಿಡಿದು, ಅರ್ಥರಿಟಿಸ್‌ವರೆಗೂ, ಮಧುಮೇಹದಿಂದ ಹಿಡಿದು ನೋವು ನಿವಾರಣೆಯವರೆಗೂ, ಯೋಗವು ಒಂದು ದಿವ್ಯೌಷಧವೆಂಬಂತೆ ಬಳಕೆಯಾಗುತ್ತಿದೆ.

Adho Mukha Vrksasana (Handstand) To Enhance Blood Circulation

ನಮ್ಮ ಆರೋಗ್ಯ ಚೆನ್ನಾಗಿರಬೇಕು ಎಂದರೆ ದೇಹದ ಸಕಲ ಅಂಗಗಳು ಸರಿಯಾಗಿ ಕೆಲಸ ಮಾಡುತ್ತಿರಬೇಕು. ದೇಹದ ಎಲ್ಲಾ ಅಂಗಗಳು ಸರಿಯಾಗಿ ಕೆಲಸ ಮಾಡಬೇಕು ಎಂದರೆ, ಅವುಗಳಿಗೆ ಆಮ್ಲಜನಕ ಪೂರೈಕೆಯಾಗಬೇಕು. ಆಮ್ಲಜನಕ ಪೂರೈಕೆಯಾಗಬೇಕು ಎಂದರೆ ರಕ್ತ ಪರಿಚಲನೆ ಚೆನ್ನಾಗಿರಬೇಕು. ರಕ್ತ ಪರಿಚಲನೆ ಏರು ಏರಾದರೆ, ರಕ್ತ ಹೆಪ್ಪುಗಟ್ಟುವಿಕೆ, ನರ-ಸಂಬಂಧಿ ಸಮಸ್ಯೆಗಳು, ಕಾಲು ಊದಿಕೊಳ್ಳುವಿಕೆ ಇತ್ಯಾದಿ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.

ನಮ್ಮ ದೇಹದಲ್ಲಿ ರಕ್ತ ಪರಿಚಲನೆಯನ್ನು ಹೆಚ್ಚಿಸಲು ಹಲವಾರು ಚಿಕಿತ್ಸೆಗಳು ಲಭ್ಯವಿದೆ. ಆದರೂ ಎಲ್ಲಾ ಔಷಧಗಳ ಜೊತೆಗೆ ಯೋಗವನ್ನು ತಪ್ಪದೆ ಮಾಡಬೇಕಾಗುತ್ತದೆ. ಅದರಲ್ಲೂ ಅಧೋ ಮುಖ ವೃಕ್ಷಾಸನವನ್ನು ತಪ್ಪದೆ ಮಾಡಬೇಕಾಗುತ್ತದೆ. ಇದು ರಕ್ತ ಪರಿಚಲನೆಯನ್ನು ವರ್ಧಿಸುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ ಎಂದು ಪರಿಗಣಿಸಲ್ಪಟ್ಟಿದೆ. ಕಡಿಮೆ ರಕ್ತದೊತ್ತಡ ಸಮಸ್ಯೆ-ಮಾತ್ರೆ ಬಿಡಿ, ವೃಕ್ಷಾಸನ ಮಾಡಿ

Adho Mukha Vrksasana (Handstand) To Enhance Blood Circulation

"ಅಧೋ ಮುಖ ವೃಕ್ಷಾಸನ" ಎಂಬ ಪದವು ಸಂಸ್ಕೃತದಿಂದ ಬಂದಿದೆ. ಇಲ್ಲಿ "ಅಧೋ ಮುಖ" ಎಂದರೆ ಕೆಳಮುಖ ಮತ್ತು ವೃಕ್ಷ ಎಂದರೆ ಮರ ಎಂದರ್ಥ. ಅಂದರೆ ಮರದ ರೀತಿಯ ಆಸನವನ್ನು ಕೆಳ ಮುಖವಾಗಿ ಮಾಡುವ ಭಂಗಿ.

ಈ ಆಸನ ಮಾಡುವಾಗ ಮುಖವು ಕೆಳಮುಖವಾಗಿರುತ್ತದೆ ಮತ್ತು ನಮ್ಮ ದೇಹವು ಮರದ ರೀತಿ ಕಾಣಿಸುತ್ತದೆ. ಆದ್ದರಿಂದ ಇದನ್ನು ಅಧೋಮುಖ ವೃಕ್ಷಾಸನ ಎನ್ನುತ್ತಾರೆ. ವೃಕ್ಷಾಸನವು ನಮ್ಮ ದೇಹಕ್ಕೆ ತಾಜಾ ರಕ್ತವನ್ನು ಒದಗಿಸುತ್ತದೆ.

Adho Mukha Vrksasana (Handstand) To Enhance Blood Circulation

ಮೊದ ಮೊದಲು ಈ ಆಸನವನ್ನು ಅಭ್ಯಾಸ ಮಾಡಲು ಹೊಸಬರಿಗೆ ಕಷ್ಟವಾಗುತ್ತದೆ. ಆಗಾಗಿ ಇದನ್ನು ಗೋಡೆಯ ಸಹಾಯದೊಂದಿಗೆ ಮಾಡಬೇಕಾಗುತ್ತದೆ. ಇದರಿಂದ ನೀವು ಬೀಳುವ ಸಾಧ್ಯತೆ ಸಹ ಕಡಿಮೆಯಾಗುತ್ತದೆ. ಬನ್ನಿ ವೃಕ್ಷಾಸನ ಮಾಡುವ ವಿಧಾನ ಹೇಗೆ ಎಂಬುದನ್ನು ಮುಂದೆ ಓದಿ... ರಕ್ತ ಪರಿಚಲನೆಯ ಕ್ಷಮತೆಗೆ ಅನುಸರಿಸಿ ಸಾಲಂಭ ಭುಜಂಗಾಸನ

1. ನಿಮ್ಮ ಕೈಗಳನ್ನು ಗೋಡೆಯಿಂದ ಕೆಲವು ಇಂಚುಗಳಷ್ಟು ದೂರದಲ್ಲಿ ಇರಿಸಿ.

2. ನಿಮ್ಮ ಭುಜಗಳನ್ನು ಮಣಿಕಟ್ಟುಗಳ ನೇರಕ್ಕೆ ಇರಿಸಿ.

3. ಒಂದು ಮೊಣಕಾಲನ್ನು ಮಡಿಚಿ, ಇನ್ನೊಂದು ಕಾಲನ್ನು ಮೇಲಕ್ಕೆ ಎತ್ತಿ. ಒಮ್ಮೆ ನೀವು ಆರಾಮವಾಗಿದ್ದಿರಿ ಎನಿಸಿದರೆ, ಇನ್ನೊಂದು ಕಾಲನ್ನು ನೇರವಾಗಿ ಚಾಚಿ.

4. ಆಮೇಲೆ ಇನ್ನೊಂದು ಕಾಲನ್ನು ಸಹ ಚಾಚಿ.

5. ನಿಮ್ಮ ತಲೆಯು ಎರಡು ಕಾಲುಗಳ ನಡುವೆ ಇದೆಯೆಂದು ಖಚಿತಪಡಿಸಿಕೊಳ್ಳಿ.

6. ಇದೇ ಸ್ಥಿತಿಯಲ್ಲಿ ಒಂದು ನಿಮಿಷ ಅಥವಾ ಎರಡು ನಿಮಿಷಗಳ ಕಾಲ ಇರಿ. ಉಸಿರನ್ನು ದೀರ್ಘವಾಗಿ ತೆಗೆದುಕೊಳ್ಳಿ.

7. ಈಗ ನಿಮ್ಮ ಕಾಲುಗಳನ್ನು ನಿಧಾನವಾಗಿ ಕೆಳಗೆ ತನ್ನಿ. ಲವಲವಿಕೆಯ ಜೀವನ ಶೈಲಿಗೆ- ದಿನನಿತ್ಯ ಮಾಡಿ ಹಾಲಾಸನ

Adho Mukha Vrksasana (Handstand) To Enhance Blood Circulation

ಈ ಆಸನವನ್ನು ಮಾಡಲು ಮೊದಲು ಕಷ್ಟವಾಗಬಹುದು. ಆದರೆ ಒಮ್ಮೆ ನೀವು ಇದನ್ನು ಮಾಡಲು ಆರಂಭಿಸಿದರೆ ಇದು ಮಾಡುವುದು ತುಂಬಾ ಸುಲಭವಾಗುತ್ತದೆ.

ಆಸನದ ಇತರೆ ಪ್ರಯೋಜನಗಳು

*ಭುಜಗಳನ್ನು, ಕೈಗಳನ್ನು ಮತ್ತು ಮಣಿಕಟ್ಟುಗಳನ್ನು ಗಟ್ಟಿಗೊಳಿಸಲು ಸಹಾಯ ಮಾಡುತ್ತದೆ.

*ಒತ್ತಡ ಮತ್ತು ಆತಂಕಗಳನ್ನು ಕಡಿಮೆ ಮಾಡಿ ಮೆದುಳಿಗೆ ವಿಶ್ರಾಂತಿಯನ್ನು ನೀಡುತ್ತದೆ.

*ಹೊಟ್ಟೆಯ ಭಾಗವನ್ನು ಸ್ಟ್ರೆಚ್ ಮಾಡಲು ಇದು ಸಹಕರಿಸುತ್ತದೆ.

*ಸಾಧಾರಣ ಖಿನ್ನತೆಯನ್ನು ನಿವಾರಿಸುತ್ತದೆ. ದೈಹಿಕ ಸ್ವಾಸ್ಥ್ಯಕ್ಕಾಗಿ ಯೋಗ ಮಾಡಿ ಜಿಮ್ ಬಿಡಿ

ಎಚ್ಚರಿಕೆ

ಕತ್ತು, ಬೆನ್ನು ಅಥವಾ ಭುಜದ ಗಾಯಕ್ಕೆ ಒಳಗಾದವರು ಈ ಆಸನವನ್ನು ಮಾಡಬಾರದು. ಅಧಿಕ ರಕ್ತದೊತ್ತಡ ಮತ್ತು ಹೃದ್ರೋಗ ಸಮಸ್ಯೆ ಇರುವವರು ಈ ಆಸನವನ್ನು ಪರಿಣಿತರ ಮಾರ್ಗದರ್ಶನದಲ್ಲಿ ಮಾತ್ರ ನಿರ್ವಹಿಸಬೇಕು.

English summary

Adho Mukha Vrksasana (Handstand) To Enhance Blood Circulation

The amazing health benefits of yoga are known across the globe. Right from cold and cough to arthritis, diabetes and other pain management issues, yoga has the cure for all. There are several treatment options available to enhance blood circulation in the body. However, of all the medications, yoga, especially Handstand (Adho Mukha Vrksasana), has been proved to be one of the best options to enhance blood circulation.
Story first published: Saturday, July 9, 2016, 7:04 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more