ಆರು ಆರೋಗ್ಯಕರ ಉಪಹಾರದ ಧಾನ್ಯಗಳು

1. ಪೋರಿಡ್ಜ್

ಪೋರಿಡ್ಜ್ ತುಂಬಾ ಆರೋಗ್ಯಕರ ಆಹಾರ. ಇದರಲ್ಲಿ ಮಿನರಲ್ ಮತ್ತು ನಾರಿನಾಂಶ ಸಮೃದ್ಧವಾಗಿದ್ದು, ಇದು ರಕ್ತದ ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಡುತ್ತದೆ. ಇದನ್ನು ಸಿಹಿಯಾಗಿಸಬೇಕಾದರೆ ಸ್ವಲ್ಪ ಬೆಲ್ಲ ಹಾಕಿ ಅಥವಾ ತಾಜಾ ಹಣ್ಣುಗಳು, ಒಣ ದ್ರಾಕ್ಷಿ ಮತ್ತು ಬಾದಾಮಿ ಹಾಕಬಹುದು.

2. ಕಾರ್ನ್ ಫ್ಲೇಕ್ಸ್

ಇದು ಕಾಬ್ರೋಹೈಡ್ರೇಟ್ಸ್, ಕಬ್ಬಿನಾಂಶ ಮತ್ತು ವಿಟಮಿನ್ ಬಿ ಅಂಶದಿಂದ ಸಮೃದ್ಧವಾಗಿದೆ. ಇದು ಶಾಲೆಗೆ ಹೋಗುವ ಮಕ್ಕಳಿಗೆ ಮತ್ತು ವಯಸ್ಕರಿಗೆ ಒಳ್ಳೆಯದು. ಇದು ಮಳೆಗಾಲದಲ್ಲಿ ಒಳ್ಳೆಯ ಉಪಹಾರ. ಯಾಕೆಂದರೆ ಗಾಳಿಯಲ್ಲಿರುವ ಹೆಚ್ಚಿನ ತೇವಾಂಶದಿಂದಾಗಿ ದೇಹವು ನೀರನ್ನು ಹಿಡಿದಿಟ್ಟುಕೊಳ್ಳುತ್ತದೆ.

3. ಗೋಧಿ ಹೊಟ್ಟು

ಇದು ಗೋಧಿಯ ಗಂಜಿಯ ಆಧುನೀಕರಣ ಮತ್ತು ಇದನ್ನು ಉಪಹಾರದ ಧ್ಯಾನವಾಗಿ ಪರಿವರ್ತಿಸಲಾಗಿದೆ. ಹೆಚ್ಚುವರಿ ಕ್ಯಾಲ್ಸಿಯಂನ್ನು ಸೇರಿಸದೆ ಇದ್ದರೆ ಇದನ್ನು ಉಪಹಾರದಲ್ಲಿ ಸೇವಿಸುವುದರಿಂದ ಯಾವುದೇ ಪ್ರಯೋಜನವಿಲ್ಲ.

4. ಓಟ್ ಮೀಲ್ಸ್

ಅಧಿಕ ಕೊಲೆಸ್ಟ್ರಾಲ್ ಮತ್ತು ಡಯಾಬಿಟಿಸ್ ನಿಂದ ಬಳಲುತ್ತಿರುವವರಿಗೆ ಓಟ್ಸ್ ಒಳ್ಳೆಯ ಉಪಹಾರ. ಇದು ದೇಹಕ್ಕೆ ಹೆಚ್ಚುವರಿ ಸಕ್ಕರೆ ಒದಗಿಸಲ್ಲ. ಓಟ್ ಮೀಲ್ಸ್ ನಲ್ಲಿರುವ ಹೆಚ್ಚಿನ ನಾರಿನಾಂಶವು ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ಸಮತೋಲನದಲ್ಲಿಡುತ್ತದೆ ಮತ್ತು ಖಿನ್ನತೆಯಿಂದ ಪಾರು ಮಾಡುತ್ತದೆ.

5. ಮುಸ್ಲಿ

ಇದರಲ್ಲಿ ಒಣದ್ರಾಕ್ಷಿ, ಬಾದಾಮಿ ಮತ್ತು ಇತರ ನಾಲ್ಕು ಧಾನ್ಯಗಳು ಇರುವ ಕಾರಣ ಇದು ಉಪಹಾರಕ್ಕೆ ಒಳ್ಳೆಯ ಆಯ್ಕೆ. ಮುಸ್ಲಿಯಲ್ಲಿನ ಉನ್ನತ ಮಟ್ಟದ ಸಕ್ಕರೆಯಾಂಶವು ಬೆಳೆಯುವ ಮಕ್ಕಳು ಮತ್ತು ಕ್ರೀಡಾಳುಗಳಿಗೆ ಅಧಿಕ ಶಕ್ತಿ ನೀಡುತ್ತದೆ. ಹಾಲು ಅಥವಾ ಮೊಸರಿಗೆ ಹಾಕಿ ಇದನ್ನು ತಿನ್ನಬಹುದು. ನೀವಾಗಿಯೇ ಮುಸ್ಲಿಯನ್ನು ತಯಾರಿಸಿ ಸಂಜೆ ತಿಂಡಿಗೆ ಮಕ್ಕಳಿಗೆ ನೀಡಬಹುದು.

6. ಒಗ್ಗರಣೆ ಅವಲಕ್ಕಿ

ಅಕ್ಕಿಯಿಂದ ಮಾಡಲ್ಪಡುವಂತಹ ಅವಲಕ್ಕಿ ಭಾರತದಲ್ಲಿ ತುಂಬಾ ಜನಪ್ರಿಯ. ಇದು ತುಂಬಾ ಲಘು ಮತ್ತು ಆರೋಗ್ಯಕರ ಉಪಹಾರ. ಒಗ್ಗರಣೆ ಅವಲಕ್ಕಿಗೆ ಕೇವಲ ಉಪ್ಪು ಮಾತ್ರ ಹಾಕಿ. ಕಾರ್ನ್ ಫ್ಲೆಕ್ಸ್ ಮತ್ತು ಓಟ್ಸ್ ನ್ನು ಹೊರತುಪಡಿಸಿ ಚಾಕಲೇಟ್, ಜೇನು ಮತ್ತು ಹಣ್ಣಿನ ರುಚಿಯ ಉಪಹಾರ ಧಾನ್ಯಗಳು ಮಕ್ಕಳಿಗೆ ಇಷ್ಟವಾಗಬಹುದು. ಇದು ಎಷ್ಟು ಒಳ್ಳೆಯದು ಅಥವಾ ಕೆಟ್ಟದು ಎನ್ನುವುದು ತಿಳಿದುಕೊಳ್ಳಬೇಕಷ್ಟೇ.