ಒಬೆಸಿಟಿ ಹೋಗಲಾಡಿಸಲು ನೈಸರ್ಗಿಕ ವಿಧಾನ

Diet Fitness

oi-Reena

By Hema S

Published: Friday, December 9, 2011, 10:58 [IST]

ಒಬೆಸಿಟಿ ಅಥವಾ ಬೊಜ್ಜು ನಗರ ಪ್ರದೇಶದಲ್ಲಿ ಜನರಲ್ಲಿ ಹೆಚ್ಚಾಗಿ ಕಂಡು ಸಮಸ್ಯೆ. ಅದಕ್ಕೆ ಕಾರಣ ಜೀವನ ಶೈಲಿ, ವ್ಯಾಯಾಮ ಮಾಡದಿರುವುದು ಮತ್ತು ಆಹಾರಕ್ರಮ. ಈಗ ಒಬೆಸಿಟಿಯನ್ನು ಹೋಗಲಾಡಿಸಲು ಅನೇಕ ಔಷಧಿಗಳು ಬಂದಿದ್ದರೂ ಅವುಗಳನ್ನು ಸೇವಿಸುವುದರಿಂದ ಅಡ್ಡ ಪರಿಣಾಮ ಕೂಡ ಉಂಟಾಗಬಹುದು. ಆದರೆ ಇಲ್ಲಿದೆ ಕೆಲವು ನೈಸರ್ಗಿಕ ವಿಧಾನ ಇವುಗಳನ್ನು ಪಾಲಿಸಿ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಬಹುದು.

ವ್ಯಾಯಾಮ:

* ಪ್ರತಿ ನಿತ್ಯ 4 ಕಿಲೋ ಮೀಟರ್ ನಡೆಯುವುದರಿಂದ ತಿಂಗಳಿಗೆ 2.5ಕೆಜಿ ತೂಕವನ್ನು ಕಡಿಮೆ ಮಾಡಬಹುದು.
* ಮನೆ ಸ್ವಚ್ಛತೆಯನ್ನು ಮಾಡುವುದು, ಮನೆಯ ಗಾಡಿಗಳನ್ನು ತೊಳೆಯುವುದು ಇವೆಲ್ಲವೂ ದೇಹದಲ್ಲಿನ ಕೊಬ್ಬು ಕರಗಿಸಲು ಸಹಾಯ ಮಾಡುತ್ತದೆ.
* ಆಫೀಸ್ ನಲ್ಲಿ ಲಿಫ್ಟ್ ನಲ್ಲಿ ಹೋಗುವ ಬದಲು ಮೆಟ್ಟಿಲುಗಳನ್ನು ಬಳಸುವುದು ಸೂಕ್ತ.
* ಜಾಗಿಂಗ್, ಮನೆಯ ಮೆಟ್ಟಿಲುಗಳನ್ನು ಹತ್ತುವುದು ಹೀಗೆ ಇತರ ವ್ಯಾಯಾಮಗಳನ್ನು ಮಾಡುವುದರಿಂದ ದೇಹದ ತೂಕವನ್ನು ಕಡಿಮೆ ಮಾಡಬಹುದು.

ಇಷ್ಟೇ ಅಲ್ಲ ಈ ಕೆಳಗಿನ ವಿಧಾನವು ಕೂಡ ದೇಹದ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

1. ಆಹಾರ ಕ್ರಮದಲ್ಲಿ ತಾಜಾ ಹಣ್ಣುಗಳು ಮತ್ತು ಜ್ಯೂಸ್ , ಫ್ರೂಟ್ ಸಲಾಡ್, ಓಟ್ಸ್, ನಾರಿನಂಶ ಅಧಿಕವಿರುವ ಆಹಾರಗಳನ್ನು ಸೇವಿಸಬೇಕು.

2. ಒಂದು ಲೋಟ ಬಿಸಿ ನೀರಿಗೆ ಸ್ವಲ್ಪ ಜೀನು ಮತ್ತು ಒಂದು ಚಮಚ ನಿಂಬೆರಸ ಹಾಕಿ ದಿನಾವೂ ಬೆಳಗ್ಗೆ ಸೇವಿಸಿದರೆ ತೂಕ ಕಡಿಮೆಯಾಗುತ್ತದೆ.

3. ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಒಂದು ಎಸಳು ಬೆಳ್ಳುಳ್ಳಿಯನ್ನು ತಿನ್ನುವುದರಿಂದ ದೇಹದಲ್ಲಿ ಕೊಲೆಸ್ಟ್ರಾಲ್ ಅಂಶವನ್ನು ಕಡಿಮೆ ಮಾಡಬಹುದು.

4. ಬೆಳಗ್ಗೆ ಗ್ರೀನ್ ಟೀ ಅಥವಾ ಶುಂಠಿ ಟೀಯನ್ನು ಕುಡಿಯುವುದರಿಂದ ದೇಹದ ತೂಕ ಕಡಿಮೆಯಾಗುತ್ತದೆ.

5. ಹುರುಳಿಕಾಳನ್ನು ಚಿಕ್ಕ ಬಟ್ಟಲಿನಲ್ಲಿ ರಾತ್ರಿ ನೆನೆ ಹಾಕಿರಬೇಕು. ಬೆಳಗ್ಗೆ ಎದ್ದು ಆ ನೀರನ್ನು ಕುಡಿಯುವುದರಿಂದ ದೇಹದ ತೂಕವನ್ನು ಕಡಿಮೆ ಮಾಡಬಹುದು.

ಈ ಮೇಲಿನ ಸಲಹೆಗಳು ಒಬೆಸಿಟಿ ಕಡಿಮೆ ಮಾಡಿ ದೇಹದ ಆರೋಗ್ಯವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.