For Quick Alerts
ALLOW NOTIFICATIONS  
For Daily Alerts

ಕರೀನಾ ಕಪೂರ್ ಎದೆ, ಸೊಂಟ, ಪೃಷ್ಠದ ರಹಸ್ಯ ಬಯಲು

|

Kareena Kapoor
ಕರೀನಾ ಕಪೂರ್ ದೇಹದ ಸೊಬಗು ಎಲ್ಲರಿಗೂ ಬೆರಗು. ಆಕೆಯ ಝೀರೋ ಸೈಜ್ ದೇಹಸಿರಿಯ ಲಹರಿಯಲ್ಲೇ ಹೆಚ್ಚಿನವರು ಇರುತ್ತಾರೆ. ಫಿಗರ್ ಅಂದ್ರೆ ಹೀಗಿರಬೇಕು ಅಂತಾರೆ. ಆಕೆಯ ಸೊಬಗಿನ ಸೌಂದರ್ಯಕ್ಕೆ ಸ್ವತಃ ಯುವತಿಯರೇ ಅಸೂಯೆ ಪಡುತ್ತಾರೆ.
 

ಹೇಳಿಕೇಳಿ ಆಕೆಯದ್ದು ಝೀರೋ ಸೈಝ್ ಫಿಗರ್. ಆದರೆ ಆಕೆ ಈ ಸೌಂದರ್ಯಕ್ಕಾಗಿ, ಈ ಗಾತ್ರ ಉಳಿಸಿಕೊಳ್ಳಲು ತುಂಬಾ ಶ್ರಮಪಡುತ್ತಿದ್ದಾರೆ ಎಂದರೆ ನಂಬಲೇಬೇಕು. ಕರೀನಾ ಸೌಂದರ್ಯದ ಹಿಂದೆ ಶ್ರಮವಿದೆ. ಫಿಟ್ ನೆಸ್ ಕಾಪಾಡುವ ತಪವಿದೆ. ಅವರ ಸುಂದರ ದೇಹದ ಹಿಂದಿನ ರಹಸ್ಯದಲ್ಲಿ ಚಂದದ ದಿನಚರಿಯೊಂದಿದೆ ಎಂದರೆ ನಂಬಲೇ ಬೇಕು.

ಸೊನ್ನೆ ಗಾತ್ರ ಯಾನೆ ಝೀರೋ ಸೈಝ್ ಅಂದ್ರೆನು ಗೊತ್ತೆ? ಎದೆಯ ಗಾತ್ರ 31.5 ಇಂಚು, ಸೊಂಟದ ಸುತ್ತಳತೆ 23 ಇಂಚು ಮತ್ತು 32 ಇಂಚು ಪೃಷ್ಠದ ಗಾತ್ರವಿದ್ದರೆ ಅದು ಝೀರೋ ಸೈಝ್. ಅದು ಕರೀನಾ ಕಪೂರ್ ಬಳಿಯಿದೆ.

ಆಕೆ ಅನುಸರಿಸುವ ಪಥ್ಯ ಮತ್ತು ಫಿಟ್ ನೆಸ್ ಮಂತ್ರ ಸರಳವಾಗಿದೆ ಆದರೆ ಅಷ್ಟೇ ಪರಿಣಾಮಕಾರಿ. ಒಮ್ಮೊಮ್ಮೆ ಫಿಟ್ ನೆಸ್ ಗಾಗಿ ಕಠಿಣ ಹಾದಿ ಅನುಸರಿಸುವುದುಂಟು. ನಂಬಿದರೆ ನಂಬಿ. ಎಲ್ಲಾದರೂ ಡಯೆಟ್ ಮೂಲಕ ಫ್ಯಾಟ್ ಕರಗಿಸಿಕೊಳ್ಳಲು ಸಾಧ್ಯವಾಗದಿದ್ದರೆ ಸರ್ಜರಿ ಮೂಲಕ ಹೆಚ್ಚಿನ ಫ್ಯಾಟ್ ತೆಗೆಸುತ್ತಾರಂತೆ!

ಅತಿರೇಕದ ಫಿಟ್ ನೆಸ್ ಮತ್ತು ಪಥ್ಯವನ್ನೂ ಮಾಡುತ್ತಾರೆ. ಹೀಗೆ ಒಮ್ಮೆ ಕಠಿಣ ಪಥ್ಯ ಮಾಡಿ ಹಮ್ಮರ್ ಗಾಡಿಯನ್ನು ಅಪಘಾತ ಮಾಡಿದ್ದರು. ದೇಹ ತೂಕವಿಳಿಸಲು ಮಾಡಿದ ಪಥ್ಯದಿಂದಾಗಿ ಆಕೆಗೆ ಸ್ಟೇರಿಂಗ್ ಹಿಡಿಯಲು ತ್ರಾಣವಿರಲಿಲ್ಲ.

ಕರೀನಾ ಕಪೂರ್ ಸಸ್ಯಹಾರಿ. ಪರೋಟ, ಚೀಸ್, ಪಾಸ್ಟಾ ಸಲಾಡ್, , ಚೈನಿಸ್ ಫುಡ್, ಸೂಪ್, ಹಸಿರು ತರಕಾರಿ ಸಲಾಡ್, ಹಣ್ಣು, ಗಿಣ್ಣು ಇತ್ಯಾದಿ ಪೌಷ್ಠಿಕ ಆಹಾರ ಅವರಿಗಿಷ್ಠ.

ಕರೀನಾ ಕಪೂರ್ ದಿನಕ್ಕೆ ಎರಡು ಗಂಟೆ ಯೋಗ ಮತ್ತು ಕಾರ್ಡಿಯೊ ವ್ಯಾಯಾಮಗಳನ್ನು ಮಾಡುತ್ತಾರಂತೆ. ಇದು ಆಕೆಯ ಫಿಗರ್ ಮೆಂಟೇನ್ ಮಾಡಲು ನೆರವಾಗಿದೆ. ಜೊತೆಗೆ ಆಕೆ ಮಾಡುವ ಯೋಗಾಸನಗಳು ಈ ಕೆಳಗಿನಂತಿವೆ.

 

* ಸೂರ್ಯ ನಮಸ್ಕಾರ(50 ಬಾರಿ)

* ಪ್ರಾಣಾಯಮ, ಹಠ ಯೋಗ

* ನೌಕಾಸನ(ಸ್ನಾಯು ಸಂಬಂಧಿತ)

* ಭುಜಂಗಾಸನ(ಬೆನ್ನಿನ ಆರೋಗ್ಯಕ್ಕಾಗಿ)

* ಕಪಾಲಭಾತಿ(ಉಸಿರಾಟ ಸಂಬಂಧಿತ)

* ಪರ್ವತಾಸನ ಮತ್ತು ವೀರಭದ್ರಾಸನ(ಕಾಲು ಮತ್ತು ತೋಳಿನ ಸೌಂದರ್ಯಕ್ಕೆ)

ಕರೀನಾ ಕಪೂರ್ ಮುಂಜಾನೆ ಹಣ್ಣು ತಿನ್ನುತ್ತಾರೆ ಅಥವಾ ಹಾಲು ಕುಡಿತಾರೆ. ಕಾಫಿ ಟೀ ಕುಡಿಯುವ ಅಭ್ಯಾವಿಲ್ಲ. ಹಾಲಿನೊಂದಿಗೆ ಪರೋಟಾ ಅಥವಾ ಬ್ರೆಡ್ ಸ್ಲೈಸ್ ತಿನ್ನುತ್ತಾರೆ. ಪ್ರತಿ ಮೂರು ಗಂಟೆಗೊಮ್ಮೆ ಸ್ಯಾಂಡ್ವಿಚ್ ಇತ್ಯಾದಿ ಸ್ನಾಕ್ಸ್ ಮಿತವಾಗಿ ಸೇವಿಸುತ್ತಾರೆ.

ಸಾಕಷ್ಟು ಹಸಿರು ತರಕಾರಿಯೊಂದಿಗೆ ದಾಲ್ ಮತ್ತು ಚಪಾತಿಯನ್ನು ಮಧ್ಯಾಹ್ನ ತಿನ್ನುತ್ತಾರೆ. ಅಕ್ಕಿ ಮತ್ತು ಫ್ಯಾಟ್ ಹೆಚ್ಚಿರುವ ಆಹಾರವನ್ನು ಅವರು ಸೇವಿಸುವುದಿಲ್ಲ. ಆಕೆಗೆ ಚೀಸ್ ಅಂದ್ರೆ ಇಷ್ಟ. ಪ್ರತಿದಿನ ಸ್ವಲ್ಪವಾದರೂ ಚೀಸ್ ತಿನ್ನಲೇಬೇಕಂತೆ.

ಡಯೆಟ್ ಮಾಡುವುದು ದಿನನಿತ್ಯದ ಕ್ರಿಯೆಗಳನ್ನು ಅವಲಂಬಿಸಿದೆಯಂತೆ. ಹೆಚ್ಚು ಕೆಲಸ ಮಾಡಿದರೆ ಕಡಿಮೆ ಪಥ್ಯ ಸಾಕು. ಸುಮ್ಮನೆ ಮನೆಯಲ್ಲಿದ್ದರೆ ಕಠಿಣ ಪಥ್ಯ ಕ್ರಮ ಅನುಸರಿಸುವುದು ಒಳಿತು ಅನ್ನೋದು ಅವರ ಕಿವಿಮಾತು. ಇದು ಕರೀನಾ ಕಪೂರ್ ಎದೆ, ಸೊಂಟ, ಪೃಷ್ಠದ ಝೀರೋ ಸೈಝ್ ಹಿಂದಿನ ರಹಸ್ಯ.

English summary

Kareena Kapoor | Diet Fitness Routine | ಕರೀನಾ ಕಪೂರ್ | ಡಯೆಟ್ ಮತ್ತು ಫಿಟ್ ನೆಸ್ ಮಂತ್ರ

Kareena Kapoor, best called as a size zero figured actress has worked really hard to get this shape. Earlier she was called as a 'typical Punjabi kudi' but now Kareena Kapoor's size zero has become a fitness term for girls who want to become thin and lean like her. Read more to know Kareena Kapoor's diet plan.
Story first published: Saturday, August 13, 2011, 12:00 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more