ಕ್ಯಾರೆಟ್ ಫೇಸ್ ಮಾಸ್ಕ್ ಮೂಲಕ ಮುದ್ದು ಮುಖ ಪಡೆಯಿರಿ!

ಕ್ಯಾರೆಟ್ ದೇಹದ ಮತ್ತು ತ್ವಚೆ ಆರೋಗ್ಯ ಹೆಚ್ಚಿಸುವ ತರಕಾರಿಯಾಗಿದೆ. ಇದನ್ನು ತಿನ್ನಲು ಮಾತ್ರವಲ್ಲ ಮುಖದ ಕಾಂತಿ ಮತ್ತಷ್ಟು ಹೆಚ್ಚಿಸಲು ಫೇಶಿಯಲ್ ಆಗಿ ಉಪಯೋಗಿಸಬಹುದು.

Skin Care

oi-Lekhaka

By Jaya Subramanya

| Updated: Tuesday, November 15, 2016, 10:40 [IST]

ವಾತಾವರಣದ ಪ್ರದೂಷಿತ ಮತ್ತು ಕಲುಷಿತ ಗಾಳಿ ನಿಮ್ಮ ತ್ವಚೆಯಲ್ಲಿ ಹಲವಾರು ಸಮಸ್ಯೆಗಳನ್ನು ತಂದೊಡ್ಡಬಹುದು. ನೈಸರ್ಗಿಕ ವಿಧಾನದಲ್ಲೇ ತ್ವಚೆಯ ಈ ಸಮಸ್ಯೆಗೆ ಪರಿಹಾರವನ್ನು ಕಂಡುಕೊಳ್ಳಬೇಕಾಗುತ್ತದೆ. ತ್ವಚೆ ಒಣಗುವುದು, ಬಣ್ಣದಲ್ಲಿ ಏರುಪೇರು ಉಂಟಾಗುವುದು ಹೀಗೆ ನಿಮ್ಮ ಮುಖದ ಸೌಂದರ್ಯ ಬಾಡಿ ಹೋಗಬಹುದು.

ಅದಕ್ಕಾಗಿ ನೀವು ಚಿಂತೆ ಮಾಡಬೇಕಾಗಿಲ್ಲ. ಮನೆಯಲ್ಲೇ ತಯಾರಿಸಬಹುದಾದ ಕ್ಯಾರೆಟ್ ಮಾಸ್ಕ್‎ನಿಂದ ಈ ಸಮಸ್ಯೆಗಳನ್ನು ನಿವಾರಣೆ ಮಾಡಿಕೊಳ್ಳಬಹುದಾಗಿದೆ. ಕ್ಯಾರೆಟ್‎ನಲ್ಲಿ ಬೀಟಾ-ಕ್ಯಾರಟಿನ್ ಅಂಶವಿದ್ದು ಇದು ಮೃತಕೋಶಗಳನ್ನು (dead skin) ರಿಪೇರಿ ಮಾಡುತ್ತದೆ ತ್ವಚೆಯ ಮಾಯಿಶ್ಚರೈಸ್ ಅನ್ನು ಲಾಕ್ ಮಾಡುತ್ತದೆ ಮತ್ತು ಹೊಸ ಕೋಶಗಳನ್ನು ಉತ್ಪತ್ತಿಮಾಡಲು ಸಹಾಯಕವಾಗಿದೆ.

ಎ,ಡಿ ಮತ್ತು ಕೆ ಅಂಶಗಳು ಕ್ಯಾರೆಟ್‎ನಲ್ಲಿದ್ದು ಇದು ಶಕ್ತಿಯುತ ಉತ್ಕರ್ಷಣ ನಿರೋಧಿ ಅಂಶವನ್ನು ರಚಿಸಲು ಸಹಕಾರಿಯಾಗಿದೆ. ಹಾಗಿದ್ದರೆ ತ್ವಚೆಗೆ ಕ್ಯಾರೆಟ್ ಅನ್ನು ಹೇಗೆ ಬಳಸಿಕೊಳ್ಳಬಹುದು ಎಂಬುದನ್ನು ಇಂದಿಲ್ಲಿ ಅರಿತುಕೊಳ್ಳೋಣ... ಕ್ಯಾರೆಟ್ ಫೇಸ್ ಪ್ಯಾಕ್-ತ್ವಚೆಯ ಸುಕ್ಕುಗಳಿಗೆ ಗೇಟ್ ಪಾಸ್!

ರೇಡಿಯನ್ಸ್ ಮಾಸ್ಕ್
*ಕ್ಯಾರೆಟ್ ಅನ್ನು ತುರಿದು ಪೇಸ್ಟ್ ಮಾಡಿಕೊಳ್ಳಿ ಇದಕ್ಕೆ ಒಂದು ಚಮಚದಷ್ಟು ಜೇನು ಸೇರಿಸಿ
*ಎಲ್ಲವನ್ನೂ ಚೆನ್ನಾಗಿ ಮಿಶ್ರ ಮಾಡಿಕೊಳ್ಳಿ
*ಮುಖವನ್ನು ತೊಳೆದುಕೊಂಡು ತೆಳುವಾಗಿ ಮಾಸ್ಕ್ ಅನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿಕೊಳ್ಳಿ.
*30 ನಿಮಿಷಗಳ ಕಾಲ ಹಾಗೆಯೇ ಬಿಡಿ, ನಂತರ ತಣ್ಣೀರಿನಿಂದ ಮುಖ ತೊಳೆದುಕೊಳ್ಳಿ
*ಮೊದಲ ಸಲವೇ ನಿಮ್ಮ ತ್ವಚೆಯಲ್ಲಿ ನೀವು ವ್ಯತ್ಯಾಸವನ್ನು ಕಂಡುಕೊಳ್ಳುತ್ತೀರಿ

ನೆರಿಗೆಗಳನ್ನು ನಿವಾರಿಸುವ ಮಾಸ್ಕ್
*ಕ್ಯಾರೆಟ್ ಜ್ಯೂಸ್ ತಯಾರಿಸುವಾಗ, ಮೊದಲೇ ಅದರ ತಿರುಳನ್ನು ಪಾತ್ರೆಯಲ್ಲಿ ಎತ್ತಿಟ್ಟುಕೊಳ್ಳಿ
*ಇದಕ್ಕೆ ಒಂದು ಚಮಚ ಜೇನು ಸೇರಿಸಿ, ವಿಟಮಿನ್ ಇ ಕ್ಯಾಪ್ಸುಲ್ ಜೆಲ್ ಸೇರ್ಪಡೆ ಮಾಡಿಕೊಳ್ಳಿ ನಂತರ ಬೇಕಾದಷ್ಟು ಮಿಲ್ಕ್ ಕ್ರೀಮ್ ಸೇರಿಸಿ ಮೃದುವಾದ ಪೇಸ್ಟ್ ತಯಾರಿಸಿಕೊಳ್ಳಿ
*ಮೃದುವಾದ ಕ್ಲೆನ್ಸರ್ ಬಳಸಿಕೊಂಡು ಮುಖವನ್ನು ತೊಳೆದುಕೊಳ್ಳಿ ಮತ್ತು ಮಾಸ್ಕ್ ಹಚ್ಚಿ

*ತೆಳುವಾಗಿ ಮಾಸ್ಕ್ ಅನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿಕೊಳ್ಳಿ
*ಇದು ಒಣಗುವವರೆಗೆ ಹಾಗೆಯೇ ಬಿಡಿ ನಂತರ ಸ್ವಚ್ಛವಾಗಿ ತೊಳೆದುಕೊಳ್ಳಿ ಮುಖಕ್ಕೆ ಇಷ್ಟವಾಗುವ ವಿಟಮಿನ್‎ಗಳನ್ನು ಇದು ಒಳಗೊಂಡಿದ್ದು, ಹರ್ಬಲ್ ಕ್ಯಾರೆಟ್ ಮಾಸ್ಕ್ ತ್ವಚೆಯ ಸೌಂದರ್ಯವನ್ನು ಇಮ್ಮಡಿಗೊಳಿಸುತ್ತದೆ ಆರೋಗ್ಯಕರವಾದ ತ್ವಚೆಗಾಗಿ ಕ್ಯಾರೆಟ್ ಜ್ಯೂಸ್ ಕುಡಿಯಿರಿ!

ಸ್ಕಿನ್ ವೈಟ್ನಿಂಗ್ ಮಾಸ್ಕ್
*2 ಚಮಚ ಮಿಲ್ಕ್ ಪೌಡರ್‎ಗೆ ಒಂದು ಚಮಚ ಕ್ಯಾರೆಟ್ ಜ್ಯೂಸ್ ಸೇರಿಸಿ
*ಫೋರ್ಕ್ ಬಳಸಿ ಅದನ್ನು ತಿರುಗಿಸುತ್ತಾ ಇರಿ, ಮೃದುವಾದ ಪೇಸ್ಟ್ ಸಿದ್ಧಪಡಿಸಿ
*ತೆಳುವಾಗಿ ನಿಮ್ಮ ಮುಖ ಮತ್ತು ಕತ್ತಿಗೆ ಇದನ್ನು ಹಚ್ಚಿಕೊಳ್ಳಿ

*30 ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು ನಂತರ ಸ್ಕ್ರಬ್ ಮಾಡಿ ತೊಳೆದುಕೊಳ್ಳಿ
*ವಾರಕ್ಕೆ ಎರಡು ಬಾರಿ ಈ ಮಾಸ್ಕ್ ಹಚ್ಚಿಕೊಂಡು ಹೊಳೆಯುವ ತ್ವಚೆ ಪಡೆದುಕೊಳ್ಳಿ

ಡ್ರೈ ಸ್ಕಿನ್ ಮಾಸ್ಕ್
*ಒಂದು ಪಾತ್ರೆಯನ್ನು ತೆಗೆದುಕೊಂಡು, ಇದಕ್ಕೆ ಚಮಚದಷ್ಟು ಸೌತೆಕಾಯಿ ರಸ ಸೇರಿಸಿ, ಒಂದು ಚಮಚ ಕ್ಯಾರೆಟ್ ಜ್ಯೂಸ್ ಬೆರೆಸಿ ಮತ್ತು 10 ಹನಿ ಬಾದಾಮಿ ಎಣ್ಣೆಯನ್ನು ಸೇರಿಸಿಕೊಳ್ಳಿ
*ಎಲ್ಲಾ ಸಾಮಾಗ್ರಿಗಳನ್ನು ಮಿಶ್ರ ಮಾಡಿ ನಿಮ್ಮ ಮುಖಕ್ಕೆ ವೃತ್ತಾಕಾರವಾಗಿ ಇದನ್ನು ಹಚ್ಚಿಕೊಂಡು ಮಸಾಜ್ ಮಾಡಿ
*5 ನಿಮಿಷಗಳ ಕಾಲ ಹೀಗೆಯೇ ಮಾಡಿ ನಂತರ 15 ನಿಮಿಷ ಬಿಟ್ಟುಬಿಡಿ
*ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ

*ನಿಮ್ಮ ತ್ವಚೆಯನ್ನು ಈ ಮಾಸ್ಕ್ ಹೈಡ್ರೇಟ್ ಮಾಡುತ್ತದೆ, ಮೃದುವಾಗಿಸುತ್ತದೆ ಜಿಡ್ಡಿನ ತ್ವಚೆಗೆ ಒಂದು ಚಮಚ ಕಡಲೇಹಿಟ್ಟನ್ನು ತೆಗೆದುಕೊಂಡು ಒಂದು ಚಮಚ ಕ್ಯಾರೆಟ್ ಜ್ಯೂಸ್ ಬೆರೆಸಿ ನಂತರ ಕೆಲವು ಹನಿ ಲಿಂಬೆ ರಸ ಸೇರಿಸಿ
*ಮಜ್ಜಿಗೆಯನ್ನು ಬಳಸಿಕೊಂಡು ಮೃದುವಾದ ಪೇಸ್ಟ್ ತಯಾರಿಸಿ ಗಂಟುಗಳು ಬರದಂತೆ ಕಲಸಿ
*ನಿಮ್ಮ ಮುಖ ಮತ್ತು ಕುತ್ತಿಗೆಗೆ ತೆಳುವಾಗಿ ಮಾಸ್ಕ್ ಹಚ್ಚಿಕೊಳ್ಳಿ ಒಣಗಲು ಬಿಡಿ, ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ *ಹೆಚ್ಚಿನ ಎಣ್ಣೆಯನ್ನು ಇದು ನಿವಾರಿಸುತ್ತದೆ, ಮತ್ತು ತ್ವಚೆಯು ಹೊಳೆಯುವಂತೆ ಮಾಡುತ್ತದೆ. ಕ್ಯಾರೆಟ್‍ನ ಮಹತ್ವ ಮತ್ತು ಆರೋಗ್ಯದ ಮಹಾತ್ಮೆ

ಡಿ - ಟ್ಯಾನಿಂಗ್ ಮಾಸ್ಕ್
*ಒಂದು ಪಾತ್ರೆಯನ್ನು ತೆಗೆದುಕೊಂಡು, ಮೊಟ್ಟೆಯಿಂದ ಯೋಕ್ ಅನ್ನು ಬೇರ್ಪಡಿಸಿ
*ಚಮಚದಷ್ಟು ಜೇನು ಸೇರಿಸಿ, ಕ್ಯಾರೆಟ್ ರಸವನ್ನು ಮಿಶ್ರ ಮಾಡಿ ಮತ್ತು ಸಮಪ್ರಮಾಣದಲ್ಲಿ ಮೊಸರು ಹಾಗೂ ಮೊಟ್ಟೆಯ ಬಿಳಿಭಾಗವನ್ನು ಸೇರಿಸಿ
*ಫೋರ್ಕ್ ಬಳಸಿಕೊಂಡು, ಇದನ್ನು ಚೆನ್ನಾಗಿ ಕಲಸಿ, ಮೃದುವಾದ ಪೇಸ್ಟ್ ತಯಾರಿಸಿ

*ನಿಮ್ಮ ಮುಖ ಮತ್ತು ಕುತ್ತಿಗೆಗೆ ಪೇಸ್ಟ್ ಹಚ್ಚಿಕೊಳ್ಳಿ
*ಮುಖದಲ್ಲಿ ಬಿಗಿತ ಬರುವವರೆಗೆ ಹಾಗೆಯೇ ಬಿಡಿ
*ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ
*ನಿಮ್ಮ ತ್ವಚೆಯನ್ನು ರಿಪೇರಿ ಮಾಡಲು ಈ ಕ್ಯಾರೆಟ್ ಮಾಸ್ಕ್ ಸಹಕಾರಿ, ಟ್ಯಾನ್ ಅನ್ನು ಹೋಗಲಾಡಿಸಿ ನಿಮ್ಮ ತ್ವಚೆ ಹೊಳೆಯುವಂತೆ ಮಾಡುತ್ತದೆ.