ಚಳಿಗಾಲದಲ್ಲಿ ಒಡೆಯುವ ಪಾದಗಳ ಆರೈಕೆಗೆ ಮನೆಮದ್ದು

ಪಾದಗಳಿಗೆ ದಿನಕ್ಕೆರಡು ಬಾರಿ ಆರ್ದ್ರತೆ ನೀಡಿ

ನೀವು ಸಾಮಾನ್ಯವಾಗಿ ಉಪಯೋಗಿಸುವ ತೇವಕಾರಕ ಅಥವಾ ಮಾಯಿಶ್ಚರೈಸರ್ ದ್ರವವನ್ನೇ ಪ್ರತಿದಿನ ಬೆಳಿಗ್ಗೆ ಮತ್ತು ಸಂಜೆ ಉಗುರುಬೆಚ್ಚನೆಯ ನೀರಿನಲ್ಲಿ ತೊಳೆದುಕೊಂಡು ಒರೆಸಿಕೊಂಡ ಬಳಿಕ ತೆಳುವಾಗಿ ಹೆಚ್ಚಿಕೊಳ್ಳಿ. ಇದರಿಂದ ಪಾದಗಳು ಮೃದುವಾಗಿ ಬಿರುಕುರಹಿತವಾಗಿರುತ್ತವೆ.

ಪಾದಗಳಿಗೆ ದಿನಕ್ಕೆರಡು ಬಾರಿ ಆರ್ದ್ರತೆ ನೀಡಿ

ಸೂಚನೆ, ತೇವಕಾರಕ ಹಚ್ಚಿದ ಬಳಿಕ ಸಾಧ್ಯವಾದಷ್ಟು ಹೊತ್ತು ನಡೆಯಬಾರದು. ಏಕೆಂದರೆ ಜಾರುವ ಸಂಭವ ಇರುವುದರಿಂದ ಸುಮಾರು ಅರ್ಧಘಂಟೆಯಾದರೂ ನಡೆದಾಡದೇ ಒಣಗಲು ಬಿಡಬೇಕು

ಬಿಸಿನೀರು ಮತ್ತು ಜೇನಿನ ಆರೈಕೆ

ಒಂದು ಅಗಲವಾದ ಬಕೆಟ್ಟು ಅಥವಾ ಪಾತ್ರೆಯಲ್ಲಿ ಉಗುರುಬೆಚ್ಚಗಿಂತ ಕೊಂಚ ಹೆಚ್ಚು ಬಿಸಿ ಇರುವ ನೀರಿನಲ್ಲಿ ಕೊಂಚ ಜೇನು ಬೆರೆಸಿ ಪಾದಗಳನ್ನು ಮುಳುಗಿಸಿಡಿ. ಜೇನಿನಲ್ಲಿರುವ ಬ್ಯಾಕ್ಟೀರಿಯಾ ನಿವಾರಕ ಮತ್ತು ನಂಜುನಿವಾರಕ ಗುಣ ಬಿರುಕುಗಳಲ್ಲಿ ಅಡಗಿದ್ದ ಬ್ಯಾಕ್ಟೀರಿಯಾಗಳನ್ನು ಕೊಲ್ಲಲು ನೆರವಾಗುತ್ತದೆ. ಬಿಸಿನೀರಿನಿಂದ ಒರಟಾಗಿದ್ದ ಚರ್ಮ ನೀರನ್ನು ಹೀರಿಕೊಂಡು ಮೃದುವಾಗುತ್ತದೆ. ಸುಮಾರು ಇಪ್ಪತ್ತು ನಿಮಿಷಗಳ ಬಳಿಕ ಒರಟು ಕಲ್ಲಿನ ಮೇಲೆ ಉಜ್ಜಿಜೊಂಡು ಅಥವಾ ಇದೇ ಕೆಲಸಕ್ಕಾಗಿ ಬಳಸುವ ಸಾಧನವನ್ನು ಬಳಸಿ ಒರಟು ಭಾಗವನ್ನು ಕೆರೆದು ತೆಗೆಯಿರಿ.

ಆಲಿವ್ ಎಣ್ಣೆಯಿಂದ ಮಸಾಜ್ ಮಾಡಿ

ಬಿರುಕು ಕೊಂಚ ಹೆಚ್ಚಾಗಿದ್ದು ಬಿಸಿನೀರಿನಲ್ಲಿಟ್ಟಾಗ ಉರಿಯಾದರೆ ಆಲಿವ್ ಎಣ್ಣೆಯನ್ನು ಬಳಸಿ. ಬಿರುಕುಗಳಿರುವಲ್ಲಿ ಕೊಂಚ ಹೆಚ್ಚೇ ಎನಿಸುವಷ್ಟು ಎಣ್ಣೆಯನ್ನು ಹಚ್ಚಿ ನಯವಾಗಿ ಮಸಾಜ್ ಮಾಡಿ ಕೊಂಚ ಕಾಲ ಹಾಗೇ ಬಿಡಿ.....

ಆಲಿವ್ ಎಣ್ಣೆಯಿಂದ ಮಸಾಜ್ ಮಾಡಿ

ಆಲಿವ್ ಎಣ್ಣೆಯಲ್ಲಿರುವ ತೇವಕಾರಕ ಗುಣ ಬಿರುಕುಗಳ ಆಳದಲ್ಲಿ ಇಳಿದು ಒಳಚರ್ಮದಲ್ಲಿಯೂ ಆರ್ದ್ರತೆಯನ್ನು ನೀಡುತ್ತದೆ. ನೂರಾರು ವರ್ಷಗಳಿಂದ ಆಲಿವ್ ಎಣ್ಣೆಯನ್ನು ಅಭ್ಯಂಜನ ಸ್ನಾನದಲ್ಲಿ ಬಳಸುವ ಮೂಲಕ ತೇವಕಾರಕವಾಗಿ ಉಪಯೋಗಿಸಲ್ಪಡುತ್ತಿದೆ.

ಹತ್ತಿನ ಕಾಲುಚೀಲ ಧರಿಸಿ

ಚಳಿಗಾಲದಲ್ಲಿ ನೆಲವೂ ತಣ್ಣಗಾಗಿದ್ದು ನಡೆದಾಡುವಾಗ ಸದಾ ತಣ್ಣಗೇ ಇರುವ ಮೂಲಕ ಚರ್ಮ ಇನ್ನಷ್ಟು ಒಣದಾಗುತ್ತದೆ. ಅಲ್ಲದೇ ಬಿರುಕುಗಳ ಮೂಲಕ ನೆಲದಲ್ಲಿದ್ದ ಧೂಳು ಮತ್ತಿತರ ಸೂಕ್ಷ್ಮಕಣಗಳು ಚರ್ಮದ ಒಳಸೇರುವ ಸಂಭವವಿರುತ್ತದೆ. ಆದ್ದರಿಂದ ಚಳಿಗಾಲದಲ್ಲಿ ಮನೆಯೊಳಗೆ ಓಡಾಡುವಾಗ ಹತ್ತಿಯ ಬೆಚ್ಚಗಿನ ಮತ್ತು ಗಾಳಿಯಾಡುವ ಕಾಲುಚೀಲಗಳನ್ನು ಧರಿಸಿ.

ಆಯುರ್ವೇದೀಯ ಕ್ರೀಂ ಬಳಸಿ

ಒಂದು ವೇಳೆ ಬಿರುಕು ಅತೀವ ಹೆಚ್ಚಾಗಿದ್ದು ರಕ್ತ ಒಸರುತ್ತಿದ್ದರೆ ಈ ಭಾಗಕ್ಕೆ ಆಯುರ್ವೇದೀಯ ಪಾದಗಳ ಕ್ರೀಂ ಅನ್ನು ಹಚ್ಚಿ. ಇದಕ್ಕೂ ಮುನ್ನ ಉಗುರುಬೆಚ್ಚನೆಯ ನೀರಿನಿಂದ ಪಾದಗಳನ್ನು ತೊಳೆದುಕೊಂಡು ಚೆನ್ನಾಗಿ ಒರಸಿಕೊಳ್ಳುವುದು ಅಗತ್ಯ. ಪ್ರತಿದಿನ ಬೆಳಿಗ್ಗೆ ಸ್ನಾನದ ಬಳಿಕ ಹಾಗೂ ರಾತ್ರಿ ಮಲಗುವ ಮುನ್ನ ಹಚ್ಚಿದರೆ ಉತ್ತಮ ಪರಿಣಾಮ ದೊರಕುತ್ತದೆ.