ಮೊಬೈಲ್‌ನಲ್ಲಿ ಸದಾ ಬ್ಯುಸಿ, ಸಂಬಂಧ ಜೋಕೆ!

ಕೇಳುಗರಾಗಿ:

ನೀವು ಸಂಗಾತಿ ಜತೆಗೆ ಕುಳಿತುಕೊಂಡು ಮಾತನಾಡುತ್ತಿರುವಾಗ ಅವರು ಏನು ಹೇಳುತ್ತಿರುವರು ಎನ್ನುವುದರ ಕಡೆಗೆ ಗಮನಹರಿಸಿ. ಅವರೊಂದಿಗೆ ಮಾತನಾಡಿಕೊಂಡು ಸ್ಮಾರ್ಟ್ ಫೋನ್ ನಲ್ಲಿ ತಡಕಾಡುತ್ತಿದ್ದರೆ ಆಗ ಎದುರಿನ ವ್ಯಕ್ತಿಗೆ ತಾವು ಯಾಕಾಗಿ ಮಾತನಾಡುತ್ತಿದ್ದೇವೆ ಎಂದು ಅನಿಸುವುದು. ಅವರು ಹೇಳುವುದನ್ನು ಗಮನವಿಟ್ಟು ಕೇಳಿ. ಇದರಿಂದ ನಿಮ್ಮ ಸಂಬಂಧಕ್ಕೆ ಒಳ್ಳೆಯದಾಗುವುದು.

ಕೆಲವು ನಿಯಮ ಮಾಡಿ:

ಸ್ಮಾರ್ಟ್ ಫೋನ್ ನಿಮ್ಮ ಸಂಬಂಧವನ್ನು ಹಾಳು ಮಾಡದಂತೆ ನೋಡಿಕೊಳ್ಳಲು ನೀವು ಸಂಗಾತಿ ಜತೆಗೆ ಕೆಲವು ನಿಯಮಗಳನ್ನು ರೂಪಿಸಿಕೊಳ್ಳಿ. ಊಟ ಅಥವಾ ಮಲಗುವ ಕೋಣೆಯಲ್ಲಿ ಫೋನ್ ನ್ನು ಸೈಲೆಂಟ್ ಆಗಿಡಬಹುದು. ನಿಮ್ಮಿಬ್ಬರ ಮೊಬೈಲ್ ಫೋನ್ ಗಳು ಯಾವಾಗ ಸ್ವಿಚ್ ಆಫ್ ಆಗಬೇಕು ಎಂದು ನೀವಿಬ್ಬರು ಮೊದಲೇ ನಿರ್ಧಾರ ಮಾಡಿಕೊಳ್ಳಿ.

ಸಾಮಾಜಿಕ ಜಾಲತಾಣಗಳಲ್ಲಿ ಬಿಗುಮಾನ ಬೇಡ:

ಸಾಮಾಜಿಕ ಜಾಲತಾಣಗಳಲ್ಲಿ ಪ್ರತಿಯೊಂದು ವೈಯಕ್ತಿಕ ವಿಚಾರಗಳನ್ನು ಹಂಚಿಕೊಳ್ಳುವುದು ಇಂದಿನ ದಿನಗಳಲ್ಲಿ ಫ್ಯಾಶನ್ ಆಗಿ ಹೋಗಿದೆ. ಆದರೆ ಇದು ಸರಿಯಲ್ಲ. ಕೆಲವರು ತಾವು ಇಂತಹವರ ಜತೆಗೆ ಡೇಟಿಂಗ್ ಗೆ ಹೋಗುತ್ತಿದ್ದೇವೆ ಎಂದು ಪೋಸ್ಟ್ ಹಾಕುವರು. ನೀವು ಹೊರಗಡೆ ಸುತ್ತಾಡಲು ಹೋಗುವ ಜಾಗ, ಉಳಿದುಕೊಂಡಿರುವಂತಹ ಹೋಟೆಲ್ ಇತ್ಯಾದಿಗಳ ಬಗ್ಗೆ ಬರೆಯಬೇಡಿ. ನೀವು ಹೀಗೆ ಮಾಡುತ್ತಲಿದ್ದರೆ ಆಗ ನಿಮಗೆ ಸಾಮಾಜಿಕ ಜಾಲತಾಣದಲ್ಲಿ ಇರುವವರ ಬಗ್ಗೆ ಹೆಚ್ಚಿನ ಚಿಂತೆಯಾಗಿದೆ ಎಂದು ಹೇಳಬಹುದು. ನೀವು ಸಂಗಾತಿ ಜತೆಗೆ ಹೊರಗಡೆ ರಜೆ ಕಳೆಯಲು ಹೋದ ವೇಳೆ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಅಪ್ ಡೇಟ್ ಮಾಡುತ್ತಲಿದ್ದರೆ, ಆಗ ಬದಿಗಿರುವ ಸಂಗಾತಿ ಏನು ಮಾಡಬೇಕು ಎಂದು ನಿಮ್ಮನ್ನು ನೀವೇ ಪ್ರಶ್ನಿಸಿ.

ಸರಿಯಾದ ಕಾರಣಕ್ಕೆ ಬಳಸಿ:

ಕಚೇರಿಯಲ್ಲಿ ಇರುವ ವೇಳೆ ನೀವು ಸಂಗಾತಿಗೆ ಕೆಲವು ರೋಮ್ಯಾಂಟಿಕ್ ಆದ ಸಂದೇಶಗಳನ್ನು ಕಳುಹಿಸಿ. ಅವರೊಂದಿಗೆ ತುಂಬಾ ದೀರ್ಘ ಸಮಯದಿಂದ ಇಲ್ಲದೆ ಇದ್ದರೆ ಆಗ ನೀವು ವೀಡಿಯೋ ಕಾಲ್ ಮಾಡಿ. ಅವರ ಜತೆಗೆ ನೀವು ಆನ್ ಲೈನ್ ಗೇಮ್ ಕೂಡ ಆಡಬಹುದು. ನೀವು ಯಾವಾಗಲೂ ಸಂಗಾತಿಯ ಮುಖದಲ್ಲಿ ನಗುವನ್ನು ನೋಡಲು ಪ್ರಯತ್ನಿಸಿ. ಇದಕ್ಕಾಗಿ ನೀವು ಮೊಬೈಲ್ ಬಳಸಿದರೆ ತುಂಬಾ ಒಳ್ಳೆಯದು.

ಇದನ್ನು ಪ್ರಯತ್ನಿಸಿ:

ವಾರದಲ್ಲಿ ಒಂದು ದಿನ, ಅದರಲ್ಲೂ ವಾರಾಂತ್ಯದಲ್ಲಿ ನೀವಿಬ್ಬರು ಸಂಪೂರ್ಣವಾಗಿ ಡಿಜಿಟಲ್ ಜಗತ್ತಿನಿಂದ ದೂರವಿರುವ ಬಗ್ಗೆ ನಿರ್ಧಾರ ಮಾಡಿ. ನಿಮ್ಮ ಫೋನ್, ಮೊಬೈಲ್, ಲ್ಯಾಪ್ ಟಾಪ್ ಗಳನ್ನು ಸ್ವಿಚ್ ಆಫ್ ಮಾಡಿ. ನೀವು ಜತೆಯಾಗಿ ಸಮಯ ಕಳೆಯಿರಿ. ನಿಮ್ಮಿಬ್ಬರ ಮಧ್ಯೆ ಈ ಡಿಜಿಟಲ್ ವಿಶ್ವವು ಪ್ರವೇಶಿಸಲು ಬಿಡಬೇಡಿ. ಮನೆಯಲ್ಲಿ ನೀವು ಜತೆಯಾಗಿ ಕೆಲವು ಕೆಲಸಗಳನ್ನು ಮಾಡಬಹುದು. ಪಾರ್ಕ್ ಗೆ ಸುತ್ತಾಡಲು ಹೋಗಬಹುದು ಇತ್ಯಾದಿಗಳು.