ಪ್ರೀತಿಗೂ-ಬಾಂಧವ್ಯಕ್ಕೂ ಅಜಗಜಾಂತರ ವ್ಯತ್ಯಾಸವಿದೆ!!

ವಾಸ್ತವಾಂಶ #1

ಒಂದು ವೇಳೆ ನೀವು ಓರ್ವ ವ್ಯಕ್ತಿಯೊಂದಿಗೆ ಪ್ರೀತಿಯಲ್ಲಿದ್ದರೆ ಆ ವ್ಯಕ್ತಿಯ ಬಗ್ಗೆ ಕೇವಲ ಒಳ್ಳೆಯ ಗುಣಗಳು ಮಾತ್ರವೇ ಕಣ್ಣಿಗೆ ಕಾಣುತ್ತವೆ. ಆದರೆ ನೀವು ಅದೇ ವ್ಯಕ್ತಿಯೊಂದಿಗೆ ಬಾಂಧವ್ಯದಲ್ಲಿದ್ದರೆ ಅವರ ಬಗ್ಗೆ ಕುತೂಹಲ, ಭಯ, ನಿಮ್ಮನ್ನು ಆ ವ್ಯಕ್ತಿ ಬಿಟ್ಟು ಹೋಗುತ್ತಾರೋ ಎಂಬ ಅಸುರಕ್ಷತಾ ಭಾವನೆಯೂ ಮೂಡುತ್ತದೆ.

ವಾಸ್ತವಾಂಶ #2

ಪ್ರೀತಿ ಎಂದಿಗೂ ನಿಃಸ್ವಾರ್ಥವಾಗಿರುತ್ತದೆ. ಆದರೆ ಬಾಂಧವ್ಯ ಸ್ವಾರ್ಥಪರತೆಗೆ ಇನ್ನೊಂದು ಹೆಸರಾಗಿದೆ. ಪ್ರೀತಿಸುವ ವ್ಯಕ್ತಿಯನ್ನು ಹಿಡಿದಿಡುವ ಅಗತ್ಯವಿಲ್ಲ. ಆದರೆ ಬಾಂಧವ್ಯದಲ್ಲಿರುವ ವ್ಯಕ್ತಿ ಸದಾ ತನ್ನ ಕಣ್ಣ ಮುಂದೆಯೇ ಇರಬೇಕು, ತನ್ನನ್ನೆಂದೂ ಬಿಟ್ಟು ಹೋಗಬಾರದು ಎಂಬ ಭಯ ಸದಾ ಆವರಿಸಿರುತ್ತದೆ.

ವಾಸ್ತವಾಂಶ #3

ಪ್ರೀತಿ ಪರಸ್ಪರರ ಏಳ್ಗೆಯನ್ನೇ ಬಯಸುವ ಗುಣವಾಗಿದ್ದು ಇದರಲ್ಲಿ ಇಬ್ಬರೂ ಏಳ್ಗೆ ಹೊಂದುತ್ತಾರೆ ಅಥವಾ ಇನ್ನೊಬ್ಬರ ಏಳ್ಗೆಯಲ್ಲಿಯೇ ತನ್ನ ಏಳ್ಗೆಯನ್ನು ಕಾಣುತ್ತಾರೆ. ಆದರೆ ಒಂದು ವೇಳೆ ಇದು ಕೇವಲ ಬಾಂಧವ್ಯವಾಗಿದ್ದರೆ ಆ ವ್ಯಕ್ತಿ ನಿಮ್ಮ ವಲಯದಿಂದ ಒಂದಿಂಚೂ ಹೊರ ಹೋಗುವುದನ್ನು ಸಹಿಸಲಾಗದು.

ವಾಸ್ತವಾಂಶ #4

ಪ್ರೀತಿ ಸ್ವಾತಂತ್ರ್ಯವನ್ನು ನೀಡಿದರೆ ಬಾಂಧವ್ಯ ಸಾಮ್ಯವನ್ನು ಪ್ರಕಟಿಸುತ್ತದೆ. ಒಂದು ವೇಳೆ ಸಕಾರಣಕ್ಕೇ ನಿಮ್ಮ ಸಂಗಾತಿ ಬೇರಾವುದೋ ವ್ಯಕ್ತಿಯೊಂದಿಗೆ ಸಮಯ ಕಳೆಯಬೇಕಾದರೆ ಈ ಸಮಯದಷ್ಟೂ ಕಾಲ ಅಸುರಕ್ಷತಾ ಭಾವನೆ ಕಾಡುತ್ತಿರುತ್ತದೆ.

ವಾಸ್ತವಾಂಶ #5

ಪ್ರೀತಿಸುವ ವ್ಯಕ್ತಿಗಾಗಿ ಏನು ಬೇಕಾದರೂ ಮಾಡುವ ಹುಮ್ಮಸ್ಸು ಹುಟ್ಟುತ್ತದೆ. ಆದರೆ ಬಾಂಧವ್ಯದಲಿರುವಾಗ ಸಂಗಾತಿ ಪಕ್ಕದಲ್ಲಿಯೇ ಇದ್ದು ಹೀಗೆ ಮಾಡು ಎಂದು ಪ್ರೇರೇಪಿಸಿದಾಗ ಮಾತ್ರ ಏನಾದರೊಂದನ್ನು ಮಾಡುವ ಹುಮ್ಮಸ್ಸು ಹುಟ್ಟುತ್ತದೆ. ಸಂಗಾತಿ ದೂರದಲ್ಲಿದ್ದರೆ ಈ ಹುಮ್ಮಸ್ಸು ತಣ್ಣಗಾಗುತ್ತದೆ.