ಅಧ್ಯಯನ ವರದಿ: ವಿಚ್ಛೇದನಕ್ಕೂ-ಬಂಜೆತನಕ್ಕೂ ಯಾವುದೇ ಸಂಬಂಧ ಇಲ್ಲ!

ದಂಪತಿಯಲ್ಲಿ ನಿರೀಕ್ಷೆ

ಅಧ್ಯಯನದ ಪ್ರಕಾರ ಇಂತಹ ಹಲವಾರು ಮಂದಿ ದಂಪತಿಯನ್ನು ಸಂದರ್ಶಿಸಲಾಯಿತು. ಈ ವೇಳೆ ಹೊಸ ಹೊಸ ಚಿಕಿತ್ಸಾ ತಂತ್ರಗಳು ಅವರಿಗೆ ಹಲವಾರು ನಿರೀಕ್ಷೆಗಳನ್ನು ಹುಟ್ಟು ಹಾಕಿದೆ. ಎಲ್ಲಾ ವಿಧಾನಗಳು ವಿಫಲವಾದರೆ ದತ್ತು ತೆಗೆದುಕೊಳ್ಳಲು ಮುಂದಾಗುತ್ತೇವೆ ಎಂದು ದಂಪತಿ ಹೇಳಿದ್ದಾರೆ.

ಶಿಕ್ಷಣ ಎಲ್ಲವನ್ನೂ ಬದಲಾಯಿಸಿದೆ

ಕೆಲವು ದಶಕಗಳ ಹಿಂದೆ ಗರ್ಭ ಧರಿಸಲು ವಿಫಲವಾಗುತ್ತಿದ್ದ ಮಹಿಳೆಯರು ಹೆಚ್ಚಾಗಿ ಒತ್ತಡಕ್ಕೆ ಒಳಗಾಗುತ್ತಿದ್ದರು. ಮಗು ನೀಡಲು ವಿಫಲವಾಗುವಂತಹ ಪುರುಷರು ಕೂಡ ತಮ್ಮ ಬದುಕು ದುಸ್ತರವೆಂದು ಭಾವಿಸುತ್ತಿದ್ದರು. ಆದರೆ ಈಗ ಹಾಗೆ ಆಗುತ್ತಿಲ್ಲವೆಂದು ಅಧ್ಯಯನಗಳು ಹೇಳಿವೆ. ಇದಕ್ಕೆ ಪ್ರಮುಖವಾಗಿ ಶಿಕ್ಷಣ ಮತ್ತು ಮಹಿಳೆಯರಲ್ಲಿ ಮೂಡುತ್ತಿರುವ ಜಾಗೃತಿ ಪ್ರಮುಖ ಕಾರಣ. ಕೇವಲ ಮಗುವನ್ನು ಹೆರುವುದು ಮಾತ್ರ ಜೀವನ ಎನ್ನುವ ಮಾತನ್ನು ಇಂದಿನ ಮಹಿಳೆಯರು ಒಪ್ಪಿಕೊಳ್ಳುತ್ತಿಲ್ಲ.

ಸುಂದರ ಜೀವನ ಅಗತ್ಯ

ಜೀವನವನ್ನು ಸುಂದರವಾಗಿಸಲು ಇತರ ಕೆಲವು ವಿಷಯಗಳು ಕೂಡ ಮುಖ್ಯವಾಗಿದೆ. ವೃತ್ತಿ, ಗುರಿ, ಸಾಹಸಗಳು ಮತ್ತು ವಿದೇಶಿ ಪ್ರವಾಸಗಳು ಜೀವನದಲ್ಲಿ ದಂಪತಿಗೆ ಮಕ್ಕಳಿಲ್ಲದ ನೋವನ್ನು ಮರೆಸುವುದು.

ಇತ್ತೀಚಿನ ಅಧ್ಯಯನ

ಈ ಅಧ್ಯಯನಕ್ಕಾಗಿ ಸುಮಾರು 45 ಸಾವಿರ ಮಕ್ಕಳಿಲ್ಲದ ದಂಪತಿಯನ್ನು ಸಂದರ್ಶಿಸಲಾಯಿತು ಮತ್ತು ಇದರಲ್ಲಿ ಶೇ.1ರಷ್ಟು ದಂಪತಿ ಮಾತ್ರ ಸಂಗಾತಿಯ ಫಲವತ್ತತೆ ಕೊರತೆಯಿಂದ ವಿಚ್ಛೇದನ ನೀಡಲು ಬಯಸಿದರು. ಮಕ್ಕಳಾಗದೆ ಇದ್ದರೆ ಸಂಬಂಧ ಮುರಿದು ಬೀಳುತ್ತದೆ ಎಂದು ಈಗಲೂ ನಂಬಿರುವಂತಹ ಕೆಲವು ದಂಪತಿಗೆ ಈ ಅಧ್ಯಯನವು ಕಣ್ಣು ತೆರೆಸಲಿದೆ.

ಸಾಮಾಜಿಕ ಸಮಸ್ಯೆಗಳು

ಮಕ್ಕಳಿಲ್ಲದ ದಂಪತಿಗಳು ಎದುರಿಸುವಂತಹ ಸಾಮಾಜಿಕ ಸಮಸ್ಯೆಗಳು ಯಾವುದೆಂದು ಅಧ್ಯಯನಗಳು ತಿಳಿಯಲು ಪ್ರಯತ್ನಿಸಿತು. ಈ ಅಧ್ಯಯನದಲ್ಲಿ ಭಾಗಿಯಾದ ಹೆಚ್ಚಿನ ದಂಪತಿ ಅಭಿವೃದ್ಧಿ ಹೊಂದಿದ ದೇಶದಿಂದ ಬಂದ ನಗರವಾಸಿಗಳು. ಹೆಚ್ಚಿನವರು ಸುಶಿಕ್ಷಿತ ಕುಟುಂಬದಿಂದ ಬಂದವರು. ಇದರಿಂದಾಗಿ ಅವರು ಸಮಾಜದಲ್ಲಿ ಯಾವುದೇ ಸಮಸ್ಯೆ ಎದುರಿಸಲಿಲ್ಲ. ಆದರೆ ಗ್ರಾಮೀಣ ಪ್ರದೇಶದಲ್ಲಿ ಮಕ್ಕಳಿಲ್ಲದ ದಂಪತಿ ಈಗಲೂ ಸ್ನೇಹಿತರು ಹಾಗೂ ಸಂಬಂಧಿಕರಿಂದ ಒತ್ತಡ ಎದುರಿಸುತ್ತಾರೆ ಎಂದು ಅಧ್ಯಯನ ಕಂಡುಕೊಂಡಿದೆ.