ಮಹಿಳೆಯರೇಕೆ ಮುದ್ದಾಟವನ್ನು ಹೆಚ್ಚು ಬಯಸುತ್ತಾರೆ?

ತಾವು ಪ್ರೀತಿಸಲ್ಪಡುತ್ತಿದ್ದೇವೆ ಎಂಬ ಭಾವನೆ

ಮುದ್ದಾಟದಲ್ಲಿ ಮಹಿಳೆಯರಿಗೆ ಅತಿ ಹೆಚ್ಚಿನ ಭದ್ರತೆಯ ಮತ್ತು ತಾವು ಒಬ್ಬರಿಂದ ಪ್ರೀತಿಸಲ್ಪಡುತ್ತಿದ್ದೇವೆ ಎಂಬ ಭಾವನೆ ಮೂಡುತ್ತದೆ. ಅದರಲ್ಲೂ ಬಿಸಿಯಪ್ಪುಗೆಯಲ್ಲಿ ಈ ಭಾವನೆ ಅತಿ ಹೆಚ್ಚಿನ ಪ್ರಮಾಣದಲ್ಲಿರುತ್ತದೆ. ಈ ಸಮಯ ಆಕೆಗೆ ಅತ್ಯಂತ ನೆಮ್ಮದಿ ತರುವ ಕ್ಷಣವಾಗಿದೆ.

ತಾವು ಆಕರ್ಷಕರಾಗಿದ್ದೇವೆ ಎಂಬ ಭಾವನೆ

ಪ್ರತಿ ಹೆಣ್ಣಿಗೂ ತನ್ನ ಸೌಂದರ್ಯವನ್ನು ತಮ್ಮ ಪ್ರಿಯಕರ ಗಮನಿಸಬೇಕು ಎಂಬ ಹಂಬಲವಿರುತ್ತದೆ. ಆತ್ಮೀಯ ಅಪ್ಪುಗೆಯಲ್ಲಿ ಆಕೆ ಈ ಭಾವವನ್ನು ಪಡೆಯುತ್ತಾಳೆ. ಆಕೆಯ ಪತಿ ಪ್ರೀತಿಯಿಂದ ತನ್ನ ಬಾಹುಗಳನ್ನು ಚಾಚಿ ತನ್ನ ಬಳಿ ಆಹ್ವಾನಿಸಿದರೆ ಈ ಕ್ಷಣ ಆಕೆಗೆ ತನ್ನ ಸೌಂದರ್ಯದ ಬಗ್ಗೆ ಅಭಿಮಾನ ಮೂಡಿಸುತ್ತದೆ. ಈ ಕ್ಷಣದ ಸಂತೃಪ್ತಿ ಸಮಾಗಮದ ಸಂತೋಷಕ್ಕಿಂತಲೂ ಹೆಚ್ಚಿನದಾಗಿ ಆಕೆಗೆ ಕಾಣುತ್ತದೆ.

ಈ ಕ್ಷಣದಲ್ಲಿ ಆಕ್ಸಿಟೋಸಿನ್ ಬಿಡುಗಡೆಯಾಗುತ್ತದೆ

ಇದಕ್ಕೆ ವೈಜ್ಞಾನಿಕವಾಗಿ ಉತ್ತರಿಸುವುದಾದರೆ ಈ ಕ್ಷಣದಲ್ಲಿ ಆಕೆಯ ಮೆದುಳಿನಲ್ಲಿ ಆಕ್ಸಿಟೋಸಿನ್ ಎಂಬ ರಸದೂತ ಬಿಡುಗಡೆಯಾಗುತ್ತದೆ. ಈ ರಸದೂತದ ಸ್ರವಿಕೆಯಿಂದ ಮೆದುಳು ನಿರಾಳವಾಗುತ್ತದೆ. ಮೆದುಳಿನಲ್ಲಿರುವ ಎಲ್ಲಾ ಒತ್ತಡಗಳು ಬಿಡುಗಡೆಯಾಗುತ್ತವೆ. ಮನ ಹಕ್ಕಿಯಂತೆ ಹಾರುತ್ತದೆ.

ಸುರಕ್ಷಿತ ಭಾವನೆ ಮೂಡುತ್ತದೆ

ನೆಮ್ಮದಿಯ ತಳಹದಿ ಸುರಕ್ಷತೆಯ ಭಾವನೆಯಾಗಿದೆ. ಎಲ್ಲಿ ತಾವು ಸುರಕ್ಷಿತರಲ್ಲ ಎಂಬ ಭಾವನೆ ಇದೆಯೋ ಅಲ್ಲಿ ನೆಮ್ಮದಿ ಇರಲು ಸಾಧ್ಯವೇ ಇಲ್ಲ. ಎಷ್ಟೇ ಧನ ಮತ್ತು ಐಶ್ವರ್ಯಗಳಿದ್ದರೂ ಅಸುರಕ್ಷಿತ ಭಾವನೆ ನೆಮ್ಮದಿಯನ್ನು ಕೆಡಿಸುತ್ತದೆ. ಈ ನೆಮ್ಮದಿ ನಮ್ಮ ಜೀವನದ ಅತ್ಯಂತ ದೊಡ್ಡದಾದ ಐಶ್ವರ್ಯವಾಗಿದೆ. ಆತ್ಮೀಯ ಅಪ್ಪುಗೆಯಲ್ಲಿ ಆಕೆ ಆತ್ಮೀಯವಾದ ಮತ್ತು ಅತ್ಯಂತ ಸುರಕ್ಷಿತ ಭಾವನೆಯ ಮೂಲಕ ನೆಮ್ಮದಿಯನ್ನು ಪಡೆಯುತ್ತಾಳೆ.

ಸಮಾಗಮದ ಬಳಿಕವೂ ಬಯಸುವ ಅಪ್ಪುಗೆ

ಸಾಮಾನ್ಯವಾಗಿ ಸಮಾಗಮದ ಬಳಿಕ ಪುರುಷರ ಆಸಕ್ತಿ ಸಂಪೂರ್ಣವಾಗಿ ಉಡುಗಿ ನೇರವಾಗಿ ನಿದ್ದೆಗೆ ಜಾರಲು ಬಯಸುತ್ತಾರೆ. ಆದರೆ ಮಹಿಳೆಯರು ಆತ್ಮೀಯ ಅಪ್ಪುಗೆ ಮುಂದುವರೆಯಲಿ ಎಂದು ಬಯಸುತ್ತಾರೆ.

ಸಮಾಗಮದ ಬಳಿಕವೂ ಬಯಸುವ ಅಪ್ಪುಗೆ

ಏಕೆಂದರೆ ಸಮಾಗಮ ದೈಹಿಕ ಇಚ್ಛೆಯಾಗಿದ್ದರೆ ಅಪ್ಪುಗೆ ಮಾನಸಿಕ ಇಚ್ಛೆಯಾಗಿದ್ದು ತನ್ನನ್ನು ಕೇವಲ ಕಾಮನೆಗಾಗಿ ಬಳಸಿಕೊಂಡಿಲ್ಲ, ತನ್ನನ್ನು ತನು ಮತ್ತು ಮನಃಪೂರ್ವಕವಾಗಿ ಅರ್ಪಿಸಿಕೊಂಡಿದ್ದೇನೆ ಎಂಬ ಭಾವನೆಯ ಮೂಲಕ ಸುರಕ್ಷತಾ ಭಾವನೆಯನ್ನು ಆಕೆ ಪಡೆಯುತ್ತಾಳೆ.