ಸಂಕ್ರಾಂತಿ ಹಬ್ಬಕ್ಕೆ ಸ್ಪೆಷೆಲ್ -ಸ್ವೀಟ್ ಪೊಂಗಲ್

ಸಂಕ್ರಾಂತಿ ಹಬ್ಬಕ್ಕೆ ಇತರ ಹಬ್ಬಗಳಲ್ಲಿ ಮಾಡುವಂತೆ ನಾನಾ ಬಗೆಯ ತಿನಿಸುಗಳನ್ನು ಮಾಡದಿದ್ದರೂ 2-3 ಬಗೆಯ ಸಿಹಿ ತಿನಿಸನ್ನು ಮಾಡುವುದು ಸಹಜ. ಅದರಲ್ಲೂ ಪೊಂಗಲ್ ಅಡುಗೆಯನ್ನು ಈ ಹಬ್ಬಕ್ಕೆ ಹಚ್ಚಿನವರು ತಯಾರಿಸುತ್ತಾರೆ.

ಪೊಂಗಲ್ ನಲ್ಲಿ ತುಂಬಾ ವಿಧಗಳಿವೆ, ಖಾರ ಪೊಂಗಲ್, ಸಿಹಿ ಪೊಂಗಲ್, ಸಾಲ್ಟ್ ಪೊಂಗಲ್ ಹೀಗೆ ಅನೇಕ ಬಗೆಯ ಪೊಂಗಲ್ ಅಡುಗೆಯನ್ನು ಮಾಡಬಹುದು. ಇಲ್ಲಿ ನಾವು ಸಿಹಿ ಪೊಂಗಲ್ ನ ರೆಸಿಪಿ ನೀಡಿದ್ದೇವೆ. ಕನ್ನಡ ಬೋಲ್ಡ್ ಸ್ಕೈ ಓದುಗರಿಗೆ ಸಂಕ್ರಾಂತಿಯ ಶುಭಾಶಯಗಳು...

ಸಿಹಿ ಪೊಂಗಲ್ ಗೆ ಬೇಕಾಗುವ ಸಾಮಗ್ರಿಗಳು

ಅಕ್ಕಿ 1/2 ಕಪ್
ಹೆಸರುಬೇಳೆ 1/2 ಕಪ್
ನೀರು 2 ಕಪ್
ಹಾಲು 2 ಕಪ್
ಏಲಕ್ಕಿ ಪುಡಿ 1 ಚಮಚ
ಬೆಲ್ಲದ ಪುಡಿ 1/2 ಕಪ್
ತುಪ್ಪ 2 ಚಮಚ
ಸ್ವಲ್ಪ ದ್ರಾಕ್ಷಿ
ಸ್ವಲ್ಪ ಗೋಡಂಬಿ

ತಯಾರಿಸುವ ವಿಧಾನ

* ಹೆಸರು ಬೇಳೆಯನ್ನು ಘಮ್ಮೆನ್ನುವ ಪರಿಮಳ ಬರುವ ತನಕ ಹುರಿದು, ಅಕ್ಕಿಯ ಜೊತೆ ಸೇರಿಸಿ ಕುಕ್ಕರಿನಲ್ಲಿ ನೀರು ಹಾಗೂ ಹಾಲು ಸೇರಿಸಿ ಬೇಯಲು ಇಡಿ.

* ಅಕ್ಕಿ ಮತ್ತು ಬೇಳೆ ಬೆಂದ ನಂತರ, ಒಂದು ಪಾತ್ರೆಯಲ್ಲಿ ಸ್ವಲ್ಪ ನೀರು ಹಾಕಿ. ಬೆಲ್ಲವನ್ನು ಕರಗಲು ಬಿಡಿರಿ.

* ಬೆಲ್ಲ ಕರಗಿದ ನಂತರ ಬೇಯಿಸಿದ ಅಕ್ಕಿ, ಬೇಳೆಯನ್ನು ಹಾಕಿ, ಸಣ್ಣ ಉರಿಯಲ್ಲಿಟ್ಟು ಚೆನ್ನಾಗಿ ಬೆರೆಸಿರಿ. ಏಲಕ್ಕಿಯನ್ನು ಹಾಕಿ, ಕೊನೆಯಲ್ಲಿ ತುಪ್ಪದಲ್ಲಿ ಹುರಿದ ಗೋಡಂಬಿ ಹಾಗೂ ದ್ರಾಕ್ಷಿಯನ್ನು ಸೇರಿಸಿದರೆ, ಸಿಹಿ ಪೊಂಗಲ್ ಸವಿಯಲು ರೆಡಿ.