ಮಕ್ಕಳಿಗೆ ಮಾಡಿ ಟೇಸ್ಟಿ ಬ್ರೆಡ್ ಕಟ್ಲೆಟ್

Snacks

oi-Staff

By Super

Published: Wednesday, January 18, 2012, 14:12 [IST]

ಮಕ್ಕಳಿಗೆ ತಿಂಡಿಯೆಂದರೆ ಅಚ್ಚುಮೆಚ್ಚು. ಅದರಲ್ಲೂ ಕುರುಕಲು ತಿಂಡಿಯೆಂದರೆ ಇನ್ನೂ ಖುಷಿ. ನಿಮ್ಮ ಮಕ್ಕಳಿಗೆ ವಿಶೇಷವಾದ ಬ್ರೆಡ್ ಕಟ್ಲೆಟ್ ಮಾಡಿಕೊಟ್ಟರೆ ಅವರಿಗೆ ಸಂತೋಷವಾಗೋದಂತು ಗ್ಯಾರಂಟಿ. ಈ ಬ್ರೆಡ್ ಕಟ್ಲೆಟ್ ಸುಲಭವಾಗಿ ಮಾಡೋದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬ್ರೆಡ್ ಕಟ್ಲೆಟ್ ಗೆ ಬೇಕಾಗುವ ಪದಾರ್ಥ:

* ಬ್ರೆಡ್ (ಬ್ರೆಡ್ ಸುತ್ತಲಿನ ಭಾಗವನ್ನು ತೆಗೆದಿರಬೇಕು)
* 2 ದೊಡ್ಡ ಆಲೂಗಡ್ಡೆ (ಬೇಯಿಸಿ ಸಿಪ್ಪೆ ತೆಗೆದಿರಬೇಕು)
* 1 ಈರುಳ್ಳಿ (ಕತ್ತರಿಸಿರಬೇಕು)
* 1 ಕಪ್ ಹಸಿರು ಬಟಾಣಿ (ಬೇಯಿಸಿದ್ದು)
* 3 ಹಸಿರು ಮೆಣಸಿನಕಾಯಿ
* 1 ಚಮಚ ಕೆಂಪುಮೆಣಸಿನ ಪುಡಿ
* 1/2 ಚಮಚ ಅರಿಶಿಣ
* 1 ಚಮಚ ಗರಂ ಮಸಾಲಾ ಪುಡಿ
* ಕತ್ತರಿಸಿದ ಕೊತ್ತಂಬರಿ ಮತ್ತು ಪುದೀನಾ
* 1 ಕಪ್ ಮೊಸರು
* 2-3 ಚಮಚ ಅಕ್ಕಿ ಹಿಟ್ಟು
* 1 ಲೋಟ ನೀರು
* ಸಣ್ಣ ರವೆ
* ಎಣ್ಣೆ, ಸಾಸಿವೆ, 1/2 ಚಮಚ ಕಡಲೆ ಮತ್ತು ಉದ್ದಿನ ಬೇಳೆ
* ಉಪ್ಪು

ಬ್ರೆಡ್ ಕಟ್ಲೆಟ್ ಮಾಡುವ ವಿಧಾನ:

* ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಅದರಲ್ಲಿ ಸಾಸಿವೆ, ಕಡಲೆ ಉದ್ದಿನ ಬೇಳೆ, ಅರಿಶಿಣ, ಹಸಿರು ಮೆಣಸಿನಕಾಯಿ, ಈರುಳ್ಳಿ ಹಾಕಿ ಚೆನ್ನಾಗಿ ತಿರುಗಿಸಬೇಕು.
* ಬೇಯಿಸಿದ ಆಲೂಗಡ್ಡೆಯನ್ನು ಚೆನ್ನಾಗಿ ನಾದಿ ಈ ಮಿಶ್ರಣಕ್ಕೆ ಹಾಕಬೇಕು.
* ಮೊಸರಿನಲ್ಲಿ ಬ್ರೆಡ್ ನೆನೆಸಿ ಅದರಲ್ಲಿನ ನೀರನ್ನು ತೆಗೆಯಬೇಕು. ಈಗ ಬಾಣಲೆಯ ಮಿಶ್ರಣಕ್ಕೆ ಈ ನೆನೆಸಿದ ಬ್ರೆಡ್ಡನ್ನು ಹಾಕಿ ಮಸಾಲೆ ಪುಡಿಗಳನ್ನು, ಉಪ್ಪು, ಬೇಯಿಸಿದ ಬಟಾಣಿ, ಪುದೀನಾ, ಕೊತ್ತಂಬರಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.
* ಈಗ ಈ ಮಿಶ್ರಣವನ್ನು ತಟ್ಟೆಯಲ್ಲಿ ಸಮತಟ್ಟಾಗಿ ಹಾಕಿಕೊಳ್ಳಬೇಕು.
* ಅಕ್ಕಿ ಹಿಟ್ಟನ್ನು ಸ್ವಲ್ಪ ನೀರಿನೊಂದಿಗೆ ಕಲೆಸಿ ಅಕ್ಕಿ ಹಿಟ್ಟಿನಲ್ಲಿ ಬ್ರೆಡ್ ಕಟ್ಲೆಟ್ಟನ್ನು ಅದ್ದಿ ಸಣ್ಣ ರವೆ ಮೇಲೆ ಉರುಳಿಸಬೇಕು.
* ಈಗ ಎಣ್ಣೆಯಲ್ಲಿ ಕೆಂಪಗಾಗುವವರೆಗೂ ಈ ಬ್ರೆಡ್ ಪೀಸ್ ಗಳನ್ನು ಬೇಯಿಸಿದರೆ ಬ್ರೆಡ್ ಕಟ್ಲೆಟ್ ತಿನ್ನಲು ಸಿದ್ಧವಾಗಿರುತ್ತದೆ. ಸಾಸ್ ಜೊತೆಗೆ ಈ ಕಟ್ಲೆಟ್ ತಿನ್ನಬಹುದು.