ಅಂತಿಂಥ ಬೋಂಡ ನೀನಲ್ಲ ನಿನ್ನಂಥ ಬೋಂಡ ಇನ್ನಿಲ್ಲ

ಬೇಕಾಗುವ ಸಾಮಾನುಗಳು :

ಎರಡು ಕಪ್ ಉದ್ದಿನಬೇಳೆ
ಚೂರು ಮಾಡಿಕೊಂಡ ತೆಂಗಿನಕಾಯಿ
ಒಂದು ಚಿಟಿಕೆ ಇಂಗು
ರುಚಿಗೆ ತಕ್ಕಷ್ಟು ಉಪ್ಪು
ಒಂದು ಚಿಟಿಕೆ ಸೋಡಾ
ಎಂಟು ಹಸಿ ಮೆಣಸಿನಕಾಯಿ
ಕರಿಬೇವು ಎಲೆಗಳು
ಅಡುಗೆಗೆ ಸನ್ ಫ್ಲವರ್ ಎಣ್ಣೆ

ತಯಾರಿಸುವ ವಿಧಾನ:

ಉದ್ದಿನಬೇಳೆಯನ್ನು ನೀರಿನಲ್ಲಿ ಎರಡೆರಡೂವರೆ ಗಂಟೆ ಕಾಲ ನೆನೆಹಾಕಿ ಆನಂತರ ನುಣ್ಣಗೆ ರುಬ್ಬಿಕೊಳ್ಳುವುದು. ಸಣ್ಣಗೆ ಹೆಚ್ಚಿದ ಹಸಿಮೆಣಸಿನಕಾಯಿ, ಇಂಗು, ತೆಂಗಿನ ಚೂರುಗಳು, ಸೋಡಾ, ಕರಿಬೇವಿನಎಲೆ ಮತ್ತು ಉಪ್ಪು ಸೇರಿಸಿ ಸ್ವಲ್ಪ ಬಿಸಿ ಎಣ್ಣೆ ಸುರಿದು ಚೆನ್ನಾಗಿ ಬೆರೆಸಿ ಉದ್ದಿನ ಹಿಟ್ಟಿಗೆ ಬೆರೆಸಿ. ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಿಸಿ. ಸಣ್ಣ ಸಣ್ಣ ಗಾತ್ರದ ಉದ್ದಿನ ಹಿಟ್ಟಿನ ಉಂಡೆಗಳನ್ನು ಮಾಡಿಕೊಂಡು ನಿಧಾನವಾಗಿ ಎಣ್ಣೆಯಲ್ಲಿ ಮುಳುಗಿಸಿ ಕರಿಯಿರಿ.

ಜಾಲರಿಯಲ್ಲಿ ಎಣ್ಣೆ ಬಸಿದುಕೊಳ್ಳುತ್ತಾ ಬೋಂಡಗಳನ್ನು ಹೊರತೆಗೆಯಿರಿ. ಚಟ್ನಿ ಅಥವಾ ಸೂಪ್ ಜತೆ ಸವಿಯಿರಿ. ಯಾವುದೇ ಕರಿದ ತಿಂಡಿಯಾಗಿರಲಿ, ಬಾಣಲೆಯಿಂದ ಹೊರತೆಗೆದ ನಂತರ ತಂತಿಯ ಫಿಲ್ಟರ್ ಗೆ ಹಾಕಬೇಕು. ಹೆಚ್ಚುವರಿ ಎಣ್ಣೆ ಸೋಸಿ ಹೋಗಬೇಕು. ತೆಳುವಾದ ನ್ಯಾಪ್ ಕಿನ್ ಪೇಪರ್ ನಲ್ಲಿ ಬೋಂಡಗಳನ್ನು ಹಿಚುಕಿ ಎಣ್ಣೆ ಬಸಿದು ತಿಂದರೂ ಕ್ಷೇಮ.