ಚಪಾತಿ ಜೊತೆ ಘಮ ಘಮ ಬೆಂಡೆಕಾಯಿ ಹುಳಿ ಗೊಜ್ಜು

Palya

oi-Sumalatha

By Sumalatha

Published: Tuesday, December 6, 2011, 13:03 [IST]

ಬೆಂಡೆಕಾಯಿಯಿಂದ ರುಚಿಯಾದ ಗೊಜ್ಜು ತಯಾರಿಸಿದರೆ ರೊಟ್ಟಿ, ಚಪಾತಿ, ದೋಸೆ, ಪರೋಟ ಯಾವುದಾದರಿಗೊಂದಾದರೂ ಬೆರೆಸಿ ಸ್ವಾದ ಸವಿಯಬಹುದು. ಬೆಂಡೆಕಾಯಿಯೊಂದಿಗೆ ಬೆರೆಸುವ ಹುಳಿ ಮಸಾಲೆ ನಿಮ್ಮ ನಾಲಗೆ ಬಯಸುವ ರುಚಿಯನ್ನು ಒಂದಿಷ್ಟೂ ಕಡಿಮೆಗೊಳಿಸದೆ ನೀಡುತ್ತೆ. ಈ ಬೆಂಡೆಕಾಯಿ ಹುಳಿ ಗೊಜ್ಜು ಮಾಡೋದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ. ನೋಡಬಹುದು.

ಬೆಂಡೆಕಾಯಿ ಗೊಜ್ಜಿಗೆ ಬೇಕಾಗುವ ಪದಾರ್ಥ:
* 1/4 ಕೆ.ಜಿ ಎಳೆ ಬೆಂಡೆಕಾಯಿ
* 6 ಹಸಿರು ಮೆಣಸಿನಕಾಯಿ
* ಕೊತ್ತಂಬರಿ
* ಅರ್ಧ ತೆಂಗಿನ ಕಾಯಿ ತುರಿ
* ಹುಣಸೆ ಹಣ್ಣು
* ಸ್ವಲ್ಪ ಬೆಲ್ಲ
* ಉಪ್ಪು, ಸಾಸಿವೆ

ಬೆಂಡೆಕಾಯಿ ಹುಳಿ ಗೊಜ್ಜು ತಯಾರಿಸುವ ವಿಧಾನ:

* ತೆಂಗಿನ ಕಾಯಿ, ಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಸಾಸಿವೆ, ಸ್ವಲ್ಪ ಬೆಲ್ಲ ಇವೆಲ್ಲವನ್ನೂ ಹಾಕಿ ರುಬ್ಬಿಕೊಳ್ಳಬೇಕು.

* ಬಾಣಲೆಯಲ್ಲಿ ಸ್ವಲ್ಪ ಕಡಲೆ ಕಾಯಿ ಎಣ್ಣೆ ಹಾಕಿ ಅದರಲ್ಲಿ ಕತ್ತರಿಸಿದ ಬೆಂಡೆ ಕಾಯಿಯನ್ನು ಹುರಿದುಕೊಳ್ಳಬೇಕು.

* ಚೆನ್ನಾಗಿ ಹುರಿದ ನಂತರ ರುಬ್ಬಿಟ್ಟಿದ್ದ ಮಿಶ್ರಣವನ್ನು ಬಾಣಲೆಗೆ ಹಾಕಿ ಅದರಲ್ಲಿ ಹುಣಸೆ ಹಣ್ಣಿನ ರಸವನ್ನು ಬೆರೆಸಬೇಕು.

* ಈ ಮಿಶ್ರಣ ಕುದಿಯಲು ಆರಂಭಿಸುತ್ತಿದ್ದಂತೆ ರುಚಿಗೆ ತಕ್ಕಷ್ಟು ಉಪ್ಪು ಬೆರಸಬೇಕು.

* ಎಲ್ಲವೂ ಬೆಂದ ಮೇಲೆ ಇನ್ನೊಂದು ಪ್ರತ್ಯೇಕ ಬಾಣಲೆಯಲ್ಲಿ ಸಾಸಿವೆ ಒಗ್ಗರಣೆ ನೀಡಿದರೆ ಬೆಂಡೆ ಕಾಯಿ ಹುಳಿ ಗೊಜ್ಜು ತಿನ್ನಲು ಮಸಜಾಗಿರುತ್ತೆ.