ಚಂದ್ರಗ್ರಹದಲ್ಲೊಂದು ಡೊಮಿನೊ ಪಿಜ್ಜಾ ರೆಸ್ಟೋರೆಂಟ್ !

ಚಂದ್ರನ ಮೇಲೆ ತನ್ನ ಮೊದಲ ಪಿಜ್ಜಾ ರೆಸ್ಟೊರಂಟ್ ತೆರೆಯುವ ಯೋಜನೆಯನ್ನು ಡೊಮಿನೋಸ್ ವ್ಯಕ್ತ ಪಡಿಸಿದ್ದು, ಬಾಯಲ್ಲಿ ನೀರೂರಿಸುವ ಪಿಜ್ಜಾವನ್ನು ಚಂದ್ರನ ಮೇಲೆ ಡೊಮಿನೋಸ್ ಹಂಚಲಿದೆಯಂತೆ.

ಚಂದ್ರನ ಮೇಲೆ ಗುಮ್ಮಟ ಆಕಾರದಲ್ಲಿ ಡೊಮಿನೋಸ್ ಪಿಜ್ಜಾ ರೆಸ್ಟೋರಂಟ್ ತೆರೆಯುವ ಯೋಜನೆ ರೂಪಿಸಿರುವುದಾಗಿ ಕಟ್ಟಡ ನಿರ್ಮಾಣ ಸಂಸ್ಥೆ ಮೀಡಾ ಕಾರ್ಪ್ ತಿಳಿಸಿದೆ.

2001 ರಲ್ಲಿ ಬಾಹ್ಯಾಕಾಶದಲ್ಲಿದ್ದ ಯಾನಿಗಳಿಗೆ ಪಿಜ್ಜಾ ವಿತರಿಸುವ ಮೂಲಕ ಪಿಜ್ಜಾ ಹಟ್ ಪ್ರಸಿದ್ಧಿ ಪಡೆದಿತ್ತು. ಆದರೆ ಅದನ್ನು ಈಗ ಡೊಮಿನೋಸ್ ಹಿಂದಿಕ್ಕಿದೆ. ಈ ಯೋಜನೆಗೆ 13.4 ಬಿಲಿಯನ್ ಪೌಂಡ್ಸ್ ವೆಚ್ಚ ತಗುಲಲಿದೆ ಎಂದು ಅಂದಾಜಿಸಲಾಗಿದ್ದು, ಚಂದ್ರನ ಮೇಲೆ ಲಭ್ಯವಿರುವ ಖನಿಜಗಳನ್ನೂ ಬಳಸಿಕೊಂಡು ನಿರ್ಮಾಣ ವೆಚ್ಚ ತಗ್ಗಿಸುವುದಾಗಿ ಕಂಪೆನಿ ತಿಳಿಸಿದೆ. 15 ರಾಕೆಟ್ ಗಳನ್ನು ಉಪಯೋಗಿಸಿಕೊಂಡು ನಿರ್ಮಾಣ ಕಾರ್ಯ ನಡೆಸಲಿದೆಯಂತೆ.

ಈ ವಿಷಯದ ಕುರಿತು ಕಳೆದ ವರ್ಷವೇ ಯೋಚಿಸಿದ್ದೆವು. ಚಂದ್ರನ ಮೇಲೆ ರೆಸ್ಟೋರೆಂಟ್ ಯಾವಾಗ ಆರಂಭಗೊಳ್ಳುತ್ತದೆ ಎಂಬ ಕುರಿತು ದಿನಾಂಕವನ್ನು ನಿಗದಿಪಡಿಸಿಲ್ಲ ಎಂದು ಡೊಮಿನೋಸ್ ವಕ್ತಾರ ಟೊಮೊಹೈಡ್ ನ್ಯಾಟ್ಸ್ಯುನಿಯಾಗ್ ಡೈಲಿ ಗ್ರಾಫ್ ಪತ್ರಿಕೆಗೆ ತಿಳಿಸಿದ್ದಾರೆ. ಭವಿಷ್ಯತ್ ನಲ್ಲಿ ಚಂದ್ರನ ಮೇಲೆ ಜನರು ವಾಸಿಸುವ ಭರವಸೆ ಇದೆ. ಆದ್ದರಿಂದ ಅವರಿಗಾಗಿ ಈ ಪಿಜ್ಜಾ ರೆಸ್ಟೋರೆಂಟ್ ತೆರೆಯುತ್ತಿದ್ದೇವೆ ಎಂದು ಕಂಪನಿ ತಿಳಿಸಿದೆ.