ಗರ್ಭಾವಸ್ಥೆಯಲ್ಲಿ ಯೋನಿ ಭಾಗದ ಶೇವಿಂಗ್‌ ಸುರಕ್ಷಿತವೇ?

ಹೆರಿಗೆಗೂ ಮೊದಲು ಕಿಬ್ಬೊಟ್ಟೆ (ಯೋನಿ ಭಾಗ) ಕೂದಲನ್ನು ನಿವಾರಿಸುವ ಅಗತ್ಯವೇನು?

ಸಾಮಾನ್ಯವಾಗಿ ಎಲ್ಲಾ ಹೆರಿಗೆ ಆಸ್ಪತ್ರೆಗಳಲ್ಲಿ ಹೆರಿಗೆಗೂ ಮುನ್ನ ಈ ಭಾವನ್ನು ರೋಮರಹಿತವಾಗಿಸುವುದು ಹೆರಿಗೆಯ ಪೂರ್ವಾಭ್ಯಾಸದ ಒಂದು ಭಾಗವೇ ಹೌದು. ಇದಕ್ಕೆ ಕಾರಣಗಳು ಹೀಗಿವೆ:

• ಹೆರಿಗೆಯನ್ನು ಆದಷ್ಟೂ ಸ್ವಚ್ಛತೆಯಿಂದ ನಿರ್ವಹಿಸಲು, ಇದರಿಂದ ವೈದ್ಯರು ಗರ್ಭಿಣಿಯ ವಿಶ್ವಾಸವನ್ನು ಪಡೆಯಬಹುದು
• ಒಂದು ವೇಳೆ ಸಿಸರೇನಿಯನ್ ಹೆರಿಗೆಯಾಗುವುದಾದರೆ ವೈದ್ಯರ ಕೆಲಸ ಸುಲಭವಾಗುತ್ತದೆ.

ಸಾಮಾನ್ಯವಾಗಿ ಈ ಕ್ರಿಯೆ ಅತ್ಯಂತ ಖಾಸಗಿಯಾಗಿದ್ದು ಹೆಚ್ಚಿನ ಮಹಿಳೆಯರಿಗೆ ಬೇರೊಬ್ಬರಿಂದ ಈ ಕೆಲಸ ಮಾಡಿಸಿಕೊಳ್ಳುವುದು ಹಿಡಿಸುವುದಿಲ್ಲ. ವಿಶೇಷವಾಗಿ ಹೆರಿಗೆಯ ಸಮಯದಲ್ಲಿಯಾದರೂ ಸರಿ, ಈ ಕೆಲಸ ಹಿಡಿಸದೇ ಹೋಗಬಹುದು. ಅಲ್ಲದೇ ಈ ಕೆಲಸ ನಿರ್ವಹಿಸುವವರ ನೈಪುಣ್ಯ, ನೈರ್ಮಲ್ಯದ ಬಗ್ಗೆ ಅನುಮಾನ ಉಂಟಾದರಂತೂ ಗರ್ಭಿಣಿಗೆ ಆತಂಕ ತಪ್ಪಿದ್ದಲ್ಲ. ಈ ಸ್ಥಿತಿಗೆ ಒಳಗಾಗದಿರಲು ಇದಕ್ಕಾಗಿ ಸ್ವತಃ ನಿರ್ವಹಿಸಿಕೊಳ್ಳುವುದೇ ಅತ್ಯುತ್ತಮ ಪರಿಹಾರವಾಗಿದೆ.



ನೀವು ಯಾವಾಗ ಶೇವ್ ಮಾಡಿಕೊಳ್ಳಬೇಕು?

ಹೆರಿಗೆ ಸಾಮಾನ್ಯವೇ ಆಗಲಿ, ಸಿಸರೇನಿಯನ್ನೇ ಆಗಲಿ, ಹೆರಿಗೆಯ ದಿನಾಂಕ ಏಳು ದಿನಗಳ ಹಿಂದಿನ ದಿನದಿಂದ ನೀವು ಶೇವಿಂಗ್ ಅಥವಾ ವ್ಯಾಕ್ಸಿಂಗ್ ಮಾಡಿಸಿಕೊಳ್ಳಬಾರದು. ಏಕೆಂದರೆ ಈ ಕ್ರಿಯೆಯಲ್ಲಿ ಉಂಟಾಗುವ ಸೂಕ್ಷ್ಮ ಗಾಯಗಳು ಬ್ಯಾಕ್ಟೀರಿಯಾಗಳನ್ನು ಆಕರ್ಷಿಸಬಹುದು.

ಈ ಭಾಗದ ರೋಮದ ನಿವಾವಣೆಯ ಬಗ್ಗೆ ಇಂದಿಗೂ ದ್ವಂದ್ವಗಳಿವೆ. ಹಲವಾರು ಆಸ್ಪತ್ರೆಗಳು ಈ ಕ್ರಿಯೆ ಅಗತ್ಯ ಎಂದು ವಾದಿಸಿದರೆ ಸಂಶೋಧಕರು ಈ ಕ್ರಿಯೆಗೆ ವಿರೋಧ ವ್ಯಕ್ತಪಡಿಸಿದ್ದಾರೆ. ಹಾಗಾಗಿ ಈ ಕ್ರಿಯೆಯ ಸಾಧಕ ಬಾಧಕಗಳನ್ನು ಪರಿಗಣಿಸಿ ಈ ನಿರ್ಧಾರವನ್ನು ಗರ್ಭವತಿಯೇ ನಿರ್ಧರಿಸಬಹುದು.



ಗರ್ಭಾವಸ್ಥೆಯ ಸಮಯದಲ್ಲಿ ಕಿಬ್ಬೊಟ್ಟೆಯ ರೋಮಗಳ ನಿವಾರಣೆಯಿಂದ ಲಭಿಸುವ ಲಾಭಗಳು

ಈ ಮಾಹಿತಿಯನ್ನು ಆಧರಿಸಿ ನೀವು ಈ ಕಾರ್ಯವನ್ನು ನಿರ್ವಹಿಸಿಕೊಳ್ಳಬೇಕೇ, ಬೇಡವೇ ಎಂಬುದನ್ನು ನಿರ್ಧರಿಸಬಹುದು.

ಪ್ರಯೋಜನಗಳು:

• ವಿಶೇಷವಾಗಿ ಗರ್ಭಾವಸ್ಥೆಗೂ ಮುನ್ನ ಕಿಬ್ಬೊಟ್ಟೆಯ ಕೆಳಗಿನ ರೋಮವಿರುವ ತ್ವಚೆ ಬ್ಯಾಕ್ಟೀರಿಯಾಗಳ ಸೋಂಕಿಗೆ ಅತಿ ಸೂಕ್ತವಾದ ಸ್ಥಳವಾಗಿದೆ. ಹಾಗಾಗಿ ಈ ಭಾಗವನ್ನು ಸ್ವಚ್ಛವಾಗಿರಿಸುವ ಮೂಲಕ ಸೋಂಕು ತಗಲುವ ಸಾಧ್ಯತೆಯನ್ನು ಇಲ್ಲವಾಗಿಸಬಹುದು.
• ರೋಮರಹಿತ ಭಾಗದ ಮೂಲಕ ಪ್ರಸೂತಿತಜ್ಞರಿಗೆ ಹೆರಿಗೆಯ ಮುನ್ನ ಸಮಯದ ಪರೀಕ್ಷೆ ನಡೆಸಲು ಸುಲಭವಾಗುತ್ತದೆ ಹಾಗೂ ಪರೀಕ್ಷೆಗಾಗಿ ಸೂಕ್ತ ಸಲಕರಣೆಗಳ ಬಳಕೆಯೂ ಸುಲಭವಾಗುತ್ತದೆ.
• ಈ ಭಾಗದ ರೋಮಗಳನ್ನು ಶೇವ್ ಮಾಡುವುದು ಅಥವಾ ತ್ವಚೆಯ ಮಟ್ಟಕ್ಕೆ ಟ್ರಿಮ್ ಮಾಡಿ ಕತ್ತರಿಸಿಕೊಳ್ಳುವ ಮೂಲಕ ಬೆವರುವಿಕೆಯನ್ನು ಕಡಿಮೆಗೊಳಿಸಬಹುದು ಹಾಗೂ ಬೆವರಿಲ್ಲದೇ ಇದ್ದಾಗ ಸೋಂಕು ಆವರಿಸುವ ಸಾಧ್ಯತೆಯೂ ಕಡಿಮೆಯಾಗುತ್ತದೆ.
• ಈ ಭಾಗದಲ್ಲಿ ರೋಮಗಳಿಲ್ಲದೇ ಇದ್ದಷ್ಟೂ ಹೆರಿಗೆಯ ಸಮಯದಲ್ಲಿ ಆಗುವ ರಕ್ತಸ್ರಾವ ಕೂದಲುಗಳಿಗೆ ಅಂಟಿಕೊಳ್ಳುವ ಸಾಧ್ಯತೆಯನ್ನುಇಲ್ಲವಾಗಿಸಬಹುದು. ಇದನ್ನು ಬಳಿಕ ಸ್ವಚ್ಛಗೊಳಿಸುವುದು ಹೆಚ್ಚು ತ್ರಾಸದಾಯಕವಾಗುತ್ತದೆ.



ಅಪಾಯದ ಸಾಧ್ಯತೆಗಳು

• ಶೇವಿಂಗ್ ಸಮಯದಲ್ಲಿ ನೈರ್ಮಲ್ಯಕ್ಕೆ ಅತಿ ಹೆಚ್ಚಿನ ಆದ್ಯತೆ ನೀಡಬೇಕು. ಕೊಂಚ ಸಡಿಲಿಕೆ ತೋರಿದರೂ ಸೋಂಕು ತಗಲುವ ಸಾಧ್ಯತೆ ಹೆಚ್ಚುತ್ತದೆ. ಇದಕ್ಕಾಗಿ ಪ್ರತಿ ಬಾರಿ ಹೊಸ ಮತ್ತು ಕೀಟಾಣುರಹಿತ (ಸ್ಟರಿಲೈಸ್ಛ್) ಹಾಗೂ ಒಮ್ಮೆ ಬಳಸಿ ಎಸೆಯುವಂತಹ ರೇಜರ್ ಗಳನ್ನೇ ಬಳಸಬೇಕು.
• ಶೇವಿಂಗ್ ಮಾಡಿದ ದಿನವಷ್ಟೇ ಈ ಭಾಗ ನುಣ್ಣಗಿರುತ್ತದೆ, ಮರುದಿನದಿಂದ ಮತ್ತೆ ಕೂದಲುಗಳು ಬೆಳೆಯಲು ತೊಡಗುತ್ತವೆ. ಇವು ಚರ್ಮವನ್ನು ನೂಕಿ ಹೊರಬರುವ ಕಾರಣ ತುರಿಕೆ ಹೆಚ್ಚುತ್ತದೆ. ಕೆಲವೊಮ್ಮೆ ನೂಕುವ ಕ್ರಿಯೆಯಲ್ಲಿ ಕೂದಲ ತುದಿ ಹೊರಬರದೇ ಒಳಮುಖ ಬೆಳವಣಿಗೆಯೂ ಎದುರಾಗಬಹುದು. ಪರಿಣಾಮವಾಗಿ ನೋವಿನಿಂದ ಕೂಡಿದ ಚಿಕ್ಕ ದದ್ದುಗಳು ಏಳಬಹುದು.
• ಕೆಲವೊಮ್ಮೆ Barthlon cyst ಎಂಬ ಕೀವುಗುಳ್ಳೆಯೂ ಎದುರಾಗಬಹುದು. ಇದು ನೋವಿನಿಂದ ಕೂಡಿದ ಗುಳ್ಳೆಗಳಾಗಿದ್ದು ವೈದ್ಯರಿಗೆ ಪ್ರತಿಜೀವಕ ಔಷಧಿಗಳನ್ನು ನೀಡುವುದು ಅನಿವಾರ್ಯವಾಗುತ್ತದೆ. ಹೆರಿಗೆಯ ಸಮಯದಲ್ಲಿ ಈ ಪ್ರತಿಜೀವಕ ಔಷಧಿಗಳು ವೈದ್ಯರಿಗೂ ಸವಾಲಾಗಿ ಎದುರಾಗಬಹುದು.