ಮಗುವಿನ ಮೆದುಳು ಚುರುಕಾಗಲು ಗರ್ಭಿಣಿಯರು ಈ ಮೀನುಗಳನ್ನು ತಿಂದ್ರೆ ಒಳ್ಳೆಯದು

ಗರ್ಭಿಣಿಯರು ಮೀನು ಸೇವಿಸುವುದರಿಂದಾಗುವ ಪ್ರಯೋಜನಗಳು

ಟ್ರೈಗ್ಲಿಸರೈಡ್ ಮಟ್ಟ ಮತ್ತು ರಕ್ತದೊತ್ತಡದ ಮಟ್ಟವನ್ನು ಕಡಿಮೆ ಮಾಡುವ ಮೂಲಕ ಒಮೆಗಾ -3 ಕೊಬ್ಬಿನಾಮ್ಲಗಳು ಪರಿಧಮನಿಯ ಹೃದಯ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡಬಲ್ಲವು. ಕೆಲವು ಸಂಶೋಧನಾ ಅಧ್ಯಯನಗಳು, ರಕ್ತ ಹೆಪ್ಪುಗಟ್ಟುವಿಕೆ ಮತ್ತು ರಕ್ತನಾಳಗಳ ಉರಿಯೂತವನ್ನು ಕೂಡ ತಡೆಗಟ್ಟಬಲ್ಲವು ಎಂಬುದನ್ನು ಕಂಡುಹಿಡಿದಿವೆ.

ಒಮೆಗಾ -3 ಕೊಬ್ಬಿನಾಮ್ಲ ಡಿಎಚ್ಎ ಗರ್ಭಧಾರಣೆಯ ಕೊನೆಯಲ್ಲಿ ನೀವು ಅನುಭವಿಸಬಹುದಾದ ಒತ್ತಡದ ಪರಿಣಾಮಗಳನ್ನು ಕಡಿಮೆ ಮಾಡುತ್ತದೆ.

ಭ್ರೂಣದ ಬೆಳವಣಿಗೆಯನ್ನು ಬೆಂಬಲಿಸಲು ಸಹಾಯ ಮಾಡುವ ಪ್ರೋಟೀನ್ನ ಉತ್ತಮ ಮೂಲವಾಗಿದೆ ಮೀನು!ಸಾಲ್ಮನ್ ನಂತಹ ಕೊಬ್ಬಿನ ಮೀನುಗಳು ಯಥೇಚ್ಛವಾಗಿ ಒಮೆಗಾ -3 ಗಳನ್ನು ನೀಡುತ್ತವೆ, ಇದು ಮಗುವಿನ ಮೆದುಳಿನ ಆರೋಗ್ಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮೆದುಳಿನ ಬೆಳವಣಿಗೆಯಲ್ಲಿ ಅಗತ್ಯವಿರುವ ಕೊಬ್ಬಿನ ಅಂಶಗಳು ಮೀನುಗಳಲ್ಲಿ ಹೆಚ್ಚಾಗಿವೆ. ಈ ರೀತಿಯ ಅಗತ್ಯ ಕೊಬ್ಬಿನಾಮ್ಲಗಳು ಮತ್ತು ಮೆದುಳಿನ ಬೆಳವಣಿಗೆಯ ನಡುವೆ ಸಂಬಂಧವಿದೆ ಎಂದು ತಜ್ಙರು ಹೇಳುತ್ತಾರೆ.

ಮೀನನ್ನು ತಿನ್ನುವುದರಿಂದಾಗಿ ಅವಧಿಪೂರ್ವ ಜನನದ ಪ್ರಮಾಣ ಕಡಿಮೆಯಾಗುತ್ತದೆ. ಮೀನಿನಲ್ಲಿರುವ ಪೋಷಕಾಂಶಗಳಿಂದ ಪ್ರಯೋಜನ ಪಡೆಯಲು ನೀವು ಪಾದರಸ ಮಟ್ಟ ಕಡಿಮೆ ಇರುವ ಮೀನುಗಳನ್ನು ಸೇವಿಸಬೇಕು. ಸರಿಯಾದ ಪ್ರಮಾಣದ ಸೇವನೆಯೂ ಕೂಡ ಅಷ್ಟೇ ಮುಖ್ಯವಾಗಿದೆ.

ಗರ್ಭಿಣಿ ಮಹಿಳೆ ಎಷ್ಟು ಮೀನುಗಳನ್ನು ತಿನ್ನಬಹುದು?

ಯುಎಸ್ ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ (ಎಫ್ ಡಿ ಎ) ಮತ್ತು ಯುಎಸ್ ಎನ್ವಿರಾನ್ಮೆಂಟಲ್ ಪ್ರೊಟೆಕ್ಷನ್ ಏಜೆನ್ಸಿ (ಇಪಿಎ) ಪ್ರಕಾರ, ನೀವು ವಾರಕ್ಕೆ 8 ರಿಂದ 12 ಔನ್ಸ್ (ಸರಿಸುಮಾರು 28 ಗ್ರಾಂ ಗಳು) ಮೀನುಗಳನ್ನು ತಿನ್ನಬಹುದು.

ಗರ್ಭಾವಸ್ಥೆಯಲ್ಲಿ ಸೇವಿಸಬೇಕಾದ ಸುರಕ್ಷಿತ ಮೀನು ಮತ್ತು ಅವುಗಳ ಪ್ರಮಾಣ

ಪಾದರಸ ಮಟ್ಟ ಕಡಿಮೆ ಮತ್ತು ಒಮೆಗಾ -3 ಅಧಿಕವಾಗಿರುವ ಮೀನುಗಳನ್ನೇ ಗರ್ಭಾವಸ್ಥೆಯಲ್ಲಿ ಸೇವಿಸಿ. ನೀವು ತಿನ್ನಬಹುದಾದ ಮೀನಿನ ಪಟ್ಟಿ ಈ ಕೆಳಗಿನಂತಿದೆ. ಯುಎಸ್ ನ ವಿವಿಧ ಸಂಶೋಧನೆಗಳು ನೀಡಿದ ಸಲಹೆಗಳನ್ನು ಬಳಸಿಕೊಂಡು ನಾವು ಇದನ್ನು ಪಟ್ಟಿ ಮಾಡಿದ್ದೇವೆ.

ಪಾದರಸ ಮಟ್ಟ ಕಡಿಮೆ ಇರುವ ಸಾಲ್ಮನ್, ಕಾಡ್, ಕ್ಯಾಟ್ಫಿಶ್ ಮತ್ತು ಟಿಲಾಪಿಯಾ ಮುಂತಾದ ಕೆಲವು ಮೀನುಗಳನ್ನು ಸೇವಿಸಬಹುದಾಗಿದೆ.

ಗರ್ಭಿಣಿಯಾಗಿದ್ದಾಗ ಈ ಮೀನುಗಳನ್ನು ಸೇವಿಸದಿರಿ

ಪಾದರಸ ಮಟ್ಟ ಅಧಿಕವಾಗಿರುವ ಈ ಕೆಳಗಿನ ಮೀನುಗಳಿಂದ ನೀವು ದೂರವಿರುವುದೇ ಲೇಸು. ಈ ಮೀನುಗಳಲ್ಲಿರುವ ಪಾದರಸ ಮಟ್ಟ, ನಿಮ್ಮ ನರಮಂಡಲಕ್ಕೆ ವಿಷಕಾರಿಯಾಗಬಲ್ಲ ಮೀಥೈಲ್ ಮರ್ಕ್ಯುರಿಯಾಗಿ ಪರಿವರ್ತನೆಗೊಳ್ಳುತ್ತದೆ:

ಬಾಸ್ (ಪಟ್ಟೆ), ಬ್ಲೂಫಿಶ್, ಚಿಲಿಯನ್ ಸಿ ಬಾಸ್, ಜ್ಯಾಕ್ (ಅಂಬರ್, ಕ್ರೆವಾಲ್ಲೆ), ಕಿಂಗ್ ಮ್ಯಾಕೆರೆಲ್, ಮಾರ್ಲಿನ್, ಓರೆಂಜ್ ರುಫಿ, ಶಾರ್ಕ್, ಸ್ಪ್ಯಾನಿಷ್ ಮ್ಯಾಕೆರೆಲ್ (ಗಲ್ಫ್ ಆಫ್ ಮೆಕ್ಸಿಕೊ), ಕತ್ತಿಮೀನು, ಟೈಲ್ ಫಿಶ್ (ಇದನ್ನು ಗೋಲ್ಡನ್ ಬಾಸ್ ಅಥವಾ ಗೋಲ್ಡನ್ ಸ್ನ್ಯಾಪರ್ ಎಂದೂ ಕರೆಯುತ್ತಾರೆ - ಗಲ್ಫ್ ಆಫ್ ಮೆಕ್ಸಿಕೊ), ಟ್ಯೂನ (ಎಲ್ಲಾ ತಾಜಾ ಅಥವಾ ಹೆಪ್ಪುಗಟ್ಟಿದ), ವಾಲಿಯೆ (ಗ್ರೇಟ್ ಲೇಕ್ಸ್, ಕೆನಡಾ).

ಗರ್ಭಾವಸ್ಥೆಯಲ್ಲಿ ಹೆಚ್ಚಿನ ಪಾದರಸ ಪ್ರಮಾಣದ ಮೀನನ್ನು ತಿನ್ನುವ ಅಪಾಯಗಳು

ನಿಮ್ಮ ದೇಹವು ಮೀನಿನಿಂದ ಮೀಥೈಲ್ ಮರ್ಕ್ಯುರಿಯನ್ನು ಹೀರಿಕೊಳ್ಳಬಹುದು ಮತ್ತು ಅದನ್ನು ಮಗುವಿಗೆ ರವಾನಿಸಿ, ಮಗುವಿನ ಮೆದುಳಿನ ಬೆಳವಣಿಗೆ ಮತ್ತು ನರಮಂಡಲದ ಮೇಲೆ ಪರಿಣಾಮ ಬೀರಬಹುದು.

ನೀವು ಅತಿಯಾದ ಪಾದರಸ ಪ್ರಮಾಣವನ್ನು ಸೇವಿಸಿದಾಗ ಅದು ಭ್ರೂಣದ ಬೆಳವಣಿಗೆ ಹೊಂದುತ್ತಿರುವ ಮೆದುಳಿನೊಳಗೆ ಕೇಂದ್ರೀಕರಿಸುತ್ತದೆ. ಹೀಗಾದಾಗ, ಇದು ಮೆದುಳಿನ ಬೆಳವಣಿಗೆಗೆ ಅಗತ್ಯವಾದ ಪ್ರಮುಖ ಸಂಪರ್ಕಗಳಿಗೆ ಅಡ್ಡಿಪಡಿಸುತ್ತದೆ, ಇದು ಮೆಂಟಲ್ ಅಥವಾ ನರವೈಜ್ಞಾನಿಕ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಇಪಿಎ ಪ್ರಕಾರ, ಪಾದರಸ ಮಟ್ಟವು ಅರಿವಿನ ಕೌಶಲ್ಯಗಳು (ಮೆಮೊರಿ ಮತ್ತು ಗಮನ), ಭಾಷೆ ಮತ್ತು ಮಗುವಿನ ದೃಷ್ಟಿಯ ಮೇಲೆ ಪರಿಣಾಮ ಬೀರಬಹುದು.

ಆದ್ದರಿಂದ, ಮಗುವಿನ ಮೇಲೆ ಯಾವುದೇ ಹಾನಿಕಾರಕ ಪರಿಣಾಮಗಳು ಉಂಟಾಗದಂತೆ ತಡೆಯಲು ನೀವು ಮೀನುಗಳನ್ನು ತಿನ್ನುವಾಗ ಹೆಚ್ಚಿನ ಕಾಳಜಿ ವಹಿಸಬೇಕು.

ಗರ್ಭಾವಸ್ಥೆಯಲ್ಲಿ ಮೀನುಗಳನ್ನು ತಿನ್ನುವಾಗ ಅನುಸರಿಸಬೇಕಾದ ಸುರಕ್ಷಾ ಕ್ರಮಗಳು

• ನೀವು ಸುರಕ್ಷಿತ ಮೀನುಗಳನ್ನು ತಿನ್ನುವಾಗಲೂ ಸಹ, ಯಾವುದೇ ಆರೋಗ್ಯಕರ ಸಮಸ್ಯೆಗೆ ಒಳಗಾಗದಂತೆ ತಡೆಯಲು ಈ ಕ್ರಮಗಳನ್ನು ಅನುಸರಿಸಿ.
• ವಾಣಿಜ್ಯಿಕವಾಗಿ ಬೆಳೆಸಿರುವ ಮೀನುಗಳನ್ನು ಸೇವಿಸಿ.
• ಹಾನಿಕಾರಕ ರಾಸಾಯನಿಕಗಳಿರುವ ಸ್ಥಳೀಯ ನೀರಿನಲ್ಲಿ ಹಿಡಿದ ಮೀನುಗಳನ್ನು ತಿನ್ನಬೇಡಿ.
• ಮೀನು ಸೇವನೆ ಸಲಹೆಗಾರರಿಂದ (ಪರಿಸರ ಸಂರಕ್ಷಣಾ ಸಂಸ್ಥೆ ಹೊರಡಿಸಿದ) ಈ ಮೀನುಗಳು ಬಳಕೆಗೆ ಯೋಗ್ಯವಾಗಿದೆ ಎಂದು ನಿಮಗೆ ಖಚಿತವಾಗಿದ್ದರೆ ಮಾತ್ರ ಸ್ಥಳೀಯ ಮೀನುಗಳನ್ನು ಸೇವಿಸಿ.
• ತಾಜಾ ಮತ್ತು ಸರಿಯಾಗಿ ಶೈತ್ಯೀಕರಿಸಿದ ಮೀನುಗಳನ್ನು ಮಾತ್ರ ಖರೀದಿಸಿ. ಅವುಗಳನ್ನು ಉಕ್ಕಿನ ಪಾತ್ರೆಯಲ್ಲಿ ಸಂಗ್ರಹಿಸಿ ಮತ್ತು ನೀವು ಅವುಗಳನ್ನು ಬೇಯಿಸುವವರೆಗೆ ಶೈತ್ಯೀಕರಣಗೊಳಿಸಿ.
• ಸಾಲ್ಮೊನೆಲ್ಲಾ ಮತ್ತು ಲಿಸ್ಟೇರಿಯಾದಂತಹ ಆಹಾರ ವಿಷಕಾರಿ ಬ್ಯಾಕ್ಟೀರಿಯಾವನ್ನು ಆಶ್ರಯಿಸಿರುವುದರಿಂದ ಇನ್ನೂ ಬೇಯಿಸದ ಅಥವಾ ಹಸಿ ಮೀನುಗಳನ್ನು ಸೇವಿಸಬೇಡಿ.
• ಆಂತರಿಕ ತಾಪಮಾನವು 145oF (62.8 C) (11) ತಲುಪುವವರೆಗೆ ಮೀನನ್ನು ಬೇಯಿಸಿ.
• ಮೀನಿನ ಮಾಂಸವು ಅಪಾರದರ್ಶಕವಾದಾಗ ಮತ್ತು ಫಿಲ್ಲೆಟ್ಗಳು ಫೋರ್ಕ್ನಿಂದ ಸುಲಭವಾಗಿ ಸಿಪ್ಪೆ ಸುಲಿಯಲು ಬಂದಾಗ ಮೀನು ಸರಿಯಾಗಿ ಬೆಂದಿದೆ ಎಂದು ನಿಮಗೆ ತಿಳಿಯುತ್ತದೆ.
• ಮೀನು ಮತ್ತು ಇತರ ತರಕಾರಿಗಳಿಗೆ ಪ್ರತ್ಯೇಕ ಚಾಕುಗಳು ಮತ್ತು ಕತ್ತರಿಸುವ ಸಲಕರಣೆಯನ್ನು ಬಳಸಿ.
• ಮ್ಯಾರಿನೇಡ್ (ಮೀನಿಗಾಗಿ ಬಳಸುವ ಸಾಸ್) ಗಳನ್ನು ಮರುಬಳಕೆ ಮಾಡುವುದನ್ನು ತಪ್ಪಿಸಿ
• ಮೀನುಗಳನ್ನು ಆರಿಸುವ ಮತ್ತು ಬೇಯಿಸುವಲ್ಲಿ ನೀವು ಎಲ್ಲಾ ಮುನ್ನೆಚ್ಚರಿಕೆಗಳನ್ನು ಅನುಸರಿಸುತ್ತಿದ್ದರೆ, ಗರ್ಭಾವಸ್ಥೆಯಲ್ಲಿ ರುಚಿಕರವಾದ ಮೀನಿನ ಭಕ್ಷ್ಯಗಳನ್ನು ಸೇವಿಸಬಹುದು.



ಗರ್ಭಾವಸ್ಥೆಯಲ್ಲಿ ಮೀನ ಖಾದ್ಯಗಳನ್ನು ಹೀಗೆ ಮಾಡಿ ಸೇವಿಸಿ

ಬೇಯಿಸಿದ ಮೀನು (ಗ್ರಿಲ್ಡ್ ಫಿಶ್): ಗ್ರಿಲ್ ಪ್ಲೇಟ್ ಅನ್ನು ಸ್ವಲ್ಪ ಎಣ್ಣೆಯಿಂದ ಒರೆಸಿ ಮತ್ತು ಮ್ಯಾರಿನೇಡ್ ಮೀನುಗಳನ್ನು ಅದರ ಮೇಲೆ ಇರಿಸಿ. ಕಂದು ಬಣ್ಣ ಬರುವವರೆಗೆ ಅದನ್ನು

ಸ್ಟೀಮ್ಡ್ ಫೀಶ್: ಮೀನುಗಳನ್ನು ಮೃದುವಾದ (ಕಡಿಮೆ) ಮಸಾಲೆ ಮತ್ತು ಮ್ಯಾರಿನೆಡ್ ಗಳೊಂದಿಗೆ ಸವರಿ ಅದನ್ನು ಸ್ಟೀಮರ್ ನಲ್ಲಿಟ್ಟು ಬೇಯಿಸಿ.

ಪೋಚ್ಡ್ (ಬೇಟೆಯಾಡಿದ) ಫೀಶ್: ಒಂದು ಪಾತ್ರೆಯಲ್ಲಿ ನೀರು ಅಥವಾ ತರಕಾರಿಗಳನ್ನು ಹಾಕಿ ಅದರಲ್ಲಿ ಮೀನಿನ ತುಂಡುಗಳನ್ನೂ ಹಾಕಿ ಬೇಯಿಸಿ ಒಮ್ಮೆ ಅದು ಸರಿಯಾಗಿ ಬೆಂದಮೇಲೆ ಅದನ್ನು ನೀವು ಅನ್ನ ಅಥವಾ ಬ್ರೆಡ್ನೊಂದಿಗೆ ಸೇವಿಸಬಹುದು.

ನೀವು ಮೀನನ್ನು ಇಷ್ಟ ಪಟ್ಟು ತಿಂದರೆ ಇದೊಂದು ಉತ್ತಮ ಪೌಷ್ಟಿಕ ಆಹಾರವಾಗಿದೆ. ಆದರೆ ನಿಮಗೆ ಇಷ್ಟವಿಲ್ಲದಿದ್ದರೆ ಅಥವಾ ನೀವು ಸಸ್ಯಾಹಾರಿ ಆಗಿದ್ದರೆ, ನೀವು ಒಮೆಗಾ -3 ನಂತಹ ಪೋಷಕಾಂಶಗಳನ್ನು ಇತರ ಆಹಾರ ಮೂಲಗಳಿಂದ ಪಡೆಯಬೇಕಾಗಬಹುದು.



ಒಮೆಗಾ -3 ಕೊಬ್ಬಿನಾಮ್ಲಗಳನ್ನು ಪಡೆಯಲು ಪರ್ಯಾಯ ಮಾರ್ಗಗಳು

ಒಮೆಗಾ -3 ಕೊಬ್ಬಿನಾಮ್ಲಗಳು ನಿಮ್ಮ ಆಹಾರದ ಒಂದು ಅವಶ್ಯಕ ಭಾಗವಾಗಿದೆ. ನೀವು ಮೀನುಗಳನ್ನು ಸೇವಿಸದಿದ್ದರೆ, ನೀವು ಈ ರೀತಿಯ ಪರ್ಯಾಯ ಆಹಾರಗಳನ್ನು ಸೇವಿಸಬಹುದು:

• ಅಗಸೆಬೀಜ ಅಥವಾ ಅಗಸೆಬೀಜದ ಎಣ್ಣೆಯನ್ನು ಯಾವುದೇ ಏಕದಳ, ಓಟ್ ಮೀಲ್ ಅಥವಾ ಮೊಸರಿನೊಂದಿಗೆ ಬೆರೆಸಿ ಬಳಸುವುದು
• ಮಿಶ್ರ ಸೊಪ್ಪುಗಳಾದ ಪಾಲಕ, ಕೇಲ್ ಮತ್ತು ಇತರ ಹಸಿರು ಎಲೆಗಳ ತರಕಾರಿಗಳು
• ಕೆನೊಲಾ ಎಣ್ಣೆಯನ್ನು ಬೇಕಿಂಗ್, ಸ್ಟಿರ್-ಫ್ರೈ, ಅಥವಾ ಅಡುಗೆಗೆ ಬಳಸಬಹುದು
• ಅಕ್ರೋಡಾ ಅಥವಾ ಆಕ್ರೋಡ ಎಣ್ಣೆ
• ಸೋಯಾಬೀನ್, ಸೋಯಾಬೀನ್ ಎಣ್ಣೆ ಮತ್ತು ತೋಫು
• ಪುಷ್ಟೀಕರಿಸಿದ ಡೈರಿ ಆಹಾರಗಳು
• ವೈಲ್ಡ್ ರೈಸ್
• ಮೊಟ್ಟೆಗಳು

ಈ ತರಹದ ಆಹಾರ ಕ್ರಮಗಳು ನಿಮ್ಮ ಗರ್ಭಾವಸ್ಥೆಯಲ್ಲಿ ಖಂಡಿತವಾಗಿಯೂ ನಿಮಗೆ ಹಿತರಕ ಆರೋಗ್ಯಕರ ಅನುಭವವನ್ನು ನೀಡಬಲ್ಲವು.