ಹೆಣ್ಣುಮಕ್ಕಳು ತಿಳಿಯಬೇಕಾದ 'ಗರ್ಭಕೋಶದ ಗಡ್ಡೆ' ರೋಗದ ಸೂಚನೆ ಹಾಗೂ ಲಕ್ಷಣಗಳು

ವಾಕರಿಕೆ ಮತ್ತು ವಾಂತಿ

ವಾಕರಿಕೆ ಮತ್ತು ವಾಂತಿಯು ಗರ್ಭಧಾರಣೆಯ ಸಾಮಾನ್ಯ ಲಕ್ಷಣಗಳು ಆಗಿದೆ. ಆದರೆ ನೀವು ಗರ್ಭಿಣಿ ಅಲ್ಲದೆ ಇದ್ದರೆ ಆಗ ಗರ್ಭಕೋಶದಲ್ಲಿ ಗಡ್ಡೆ ಇದೆ ಎಂದು ತಿಳಿಯಬೇಕು. ಹಾರ್ಮೋನು ವೈಪರಿತ್ಯದಿಂದಾಗಿ ಈ ಸಮಸ್ಯೆಯು ಕಾಣಿಸಿಕೊಂಡಿರಬಹುದು.

ಹೊಟ್ಟೆ ತುಂಬಿದಂತೆ ಆಗುವುದು

ಗರ್ಭಕೋಶದಲ್ಲಿ ಗಡ್ಡೆ ಕಾಣಿಸಿಕೊಂಡರೆ, ಆಗ ಹೊಟ್ಟೆಯಲ್ಲಿ ಕೂಡ ಇದು ಸ್ಥಾನ ಪಡೆಯುವುದು. ಇದರಿಂದಾಗಿ ನಿಮಗೆ ಹೊಟ್ಟೆ ತುಂಬಿದಂತೆ ಆಗಬಹುದು. ಹೊಟ್ಟೆಯಲ್ಲಿ ನಿಮಗೆ ಭಾರವೆನಿಸುವ ಭಾವನೆ ಬರಬಹುದು ಮತ್ತು ಇದೇ ಸಮಯದಲ್ಲಿ ಹೊಟ್ಟೆ ತುಂಬಿದಂತೆ ಭಾವನೆ ಆಗಬಹುದು. ಇದರಿಂದಾಗಿ ನಿಮಗೆ ಹಸಿವು ಕಡಿಮೆ ಆಗಬಹುದು.

ಕಾಲು ಮತ್ತು ಬೆನ್ನು ನೋವು ನಿರಂತರವಾಗಿ ಕಾಡುವುದು

ಈ ಲಕ್ಷಣವನ್ನು ನೀವು ತುಂಬಾ ಸುಲಭವಾಗಿ ಪತ್ತೆ ಮಾಡಬಹುದು. ಯಾವುದೇ ಕಾರಣವಿಲ್ಲದೆ ನಿಮಗೆ ಕಾಲು ಹಾಗೂ ಬೆನ್ನು ನೋವು ಕಾಣಿಸಿಕೊಳ್ಳುತ್ತಾ ಇದ್ದರೆ, ಆಗ ಇದು ಗರ್ಭಕೋಶದಲ್ಲಿನ ಗಡ್ಡೆಯ ಲಕ್ಷಣ ಆಗಿರಬಹುದು. ಈ ರೀತಿಯ ಪರಿಸ್ಥಿತಿಯಲ್ಲಿ ನೋವು ನಿರಂತರವಾಗಿ ಇರುವುದು. ಇದು ಒಂದು ಅಥವಾ ಎರಡು ದಿನ, ಕೆಲವೊಮ್ಮೆ ಅದಕ್ಕಿಂತಲೂ ಹೆಚ್ಚು ದಿನ ಇರಬಹುದು. ಇಂತಹ ಪರಿಸ್ಥಿತಿಯಲ್ಲಿ ನೀವು ವೈದ್ಯರನ್ನು ಭೇಟಿಯಾಗಿ ಅವರಿಂದ ನೋವಿಗೆ ನಿಖರ ಕಾರಣ ತಿಳಿಯಲೇಬೇಕು.

ಮೂತ್ರ ವಿಸರ್ಜನೆಯಲ್ಲಿ ಬದಲಾವಣೆಗಳು

ಮೂತ್ರ ವಿಸರ್ಜನೆಯಲ್ಲಿ ಕೆಲವೊಂದು ಬದಲಾವಣೆಗಳು ಆಗುವುದು. ಅಂದರೆ ಪದೇ ಪದೇ ಮೂತ್ರವಿಸರ್ಜಿಸಬೇಕು ಅಥವಾ ಮೂತ್ರ ವಿಸರ್ಜನೆಗೆ ಅವಸರ ಮಾಡುವುದು ಗರ್ಭಕೋಶದಲ್ಲಿ ಗಡ್ಡೆ ಇರುವುದರ ಲಕ್ಷಣವಾಗಿದೆ. ಆದರೆ ಮೂತ್ರ ವಿಸರ್ಜನೆಯಲ್ಲಿ ಬದಲಾವಣೆಗಳು ಆಗಲು ಕೆಲವು ಬೇರೆ ಕಾರಣಗಳು ಕೂಡ ಇರಬಹುದು. ಇದರಿಂದಾಗಿ ನಿಮಗೆ ಇಂತಹ ಸಮಸ್ಯೆಯು ಕಾಣಿಸಿಕೊಂಡ ಕೂಡಲೇ ನೀವು ವೈದ್ಯರನ್ನು ಭೇಟಿ ಮಾಡಿ ಅವರಿಂದ ಪರೀಕ್ಷಿಸಿಕೊಳ್ಳಿ.